زەرتتەۋ - اشۋدىڭ ساپاسى مەن ونىمدىلىگى ارتىپ، جاڭا ونىمدەردىڭ بازارى كەڭەيدى
عىلىم - تەحنيكادا جاڭالىق اشۋ رايونىمىزدىڭ جاساۋ كاسىبىنىڭ تيبىن جاڭالاۋىن، دارەجەسىن جوعارىلاتۋىن ىلگەرىلەتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 5 - ايدىڭ 16 - كۇنى ۇرىمجىدەن حابارلايدى. ءبىر - ەكى كۇننەن بەرى، ءداستۇرلى اۋا رەتتەگىشتەردىڭ جاز ماۋسىمىنداعى جوعارى ەنەرگيا شىعىنى ماسەلەسىن شەشۋ ءۇشىن، شينجياڭ جاسىل ەلشى اۋا ورتاسى تەحنولوگياسى شەكتى سەرىكتەستىگى ”قۇرعاق اۋا سيپاتىندىق بۋلاندىرىپ سالقىنداتۋ جابدىعى جانە اۋا رەتتەگىش جۇيەسىنىڭ سۋىق سۋدى جانامالاي بۋلاندىرۋ اگراگاتىن“ زەرتتەۋ - اشۋمەن، وندىرۋمەن اينالىسۋدا.
بازار سۇرانىسىن ارقاۋ ەتىپ زەرتتەۋ - اشۋ، ءوندىرىستى ورىستەتۋ بۇل سەرىكتەستىكتىڭ ىندەت جاعدايىندا قولعا كەلتىرگەن قۋانارلىق ناتيجەسى سانالادى. سەرىكتەستىكتىڭ باس ديرەكتورى چىن يانان تىلشىگە بىلاي دەدى: قازىرگە دەيىن كاسىپورىنعا تۇسكەن تاپسىرىس 60 ميلليون يۋاننان اسىپ، بىلتىرعى سايكەس مەزگىلدەگىدەن ％40تەن استام ارتتى.
بيىلعى بازاردىڭ قاتاڭ جاعدايى الدىندا، رايونىمىزداعى كوپتەگەن كاسىپورىندار ىرىقتىلىقپەن جاڭالىق اشىپ، جاڭا ءونىم زەرتتەۋ - اشۋ جانە بازار ءورىسىن كەڭەيتۋ جاعىندا ۇزدىكسىز كۇش شىعارىپ، جوعارى ساپالى دامۋعا تىڭ قوزعاۋشى ەنەرگيا ۇستەدى.
مەملەكەتتىك جوعارى، جاڭا عىلىم - تەحنيكالىق كاسىپورىن − قاشقار جياڭتيان اۆياتسيا عىلىم - تەحنيكاسى شەكتى سەرىكتەستىگى زەرتتەپ اشقان ”جياڭتيان ميانتۋ“ اۋىل شارۋاشىلىعى جاعدايى ۇلكەن ساندى مالىمەت قىزمەت وتەۋ تۇعىرىندا، بۇكىل شينجياڭنىڭ جەر - جەرىندەگى ماقتانىڭ ەگىلۋ جانە ءوسۋ جاعدايى ناق ۋاقىتتا كورسەتىلىپ تۇرادى. ”جياڭتيان ميانتۋ“ نىسانىنىڭ جاۋاپتىسى دىڭ حۇڭۋي بىلاي دەدى: تۇعىر جاساندى سەرىكپەن قاشىقتان بارلاۋ تەحنولوگياسىن تىرەك ەتىپ، ماقتانىڭ ءوسۋ ورتاسى، ەگىلۋ بارىسى، ءتۇسىمىن مەجەلەۋ سياقتى بۋىندار ءۇشىن ۇلكەن ساندى مالىمەتتىك قىزمەت وتەي الادى. قول تەلەفوننان نەمەسە تاقتا كومپيۋتەردەن ”جياڭتيان ميانتۋ APPىن“ اشساڭىز، ماقتا ەگىلەردەن بۇرىنعى توپىراقتىڭ تەمپەراتۋراسىن، دىمقىلدىعىن باقىلاۋ - ولشەۋ، ءونىپ شىعۋ مولشەرىن باقىلاۋ - ولشەۋ، اقاۋسىزدىق دەڭگەيىن باقىلاۋ - ولشەۋ سياقتى 12 ءتۇرلى تاڭداۋ كورىنەدى. ”ماقتا ەگىنشىلەرى ماقتانىڭ ءوسۋ بارىسىنداعى ناقتى جاعدايدى كەز كەلگەن ۋاقىتتا تەكسەرىپ كورە الادى، بۇل دەگەنىڭىز ءبىر اعا اگرونوم جىل بويى ءار كۇنى 24 ساعات بويى ولار ءۇشىن قىزمەت وتەيدى دەگەن ءسوز“، - دەيدى دىڭ حۇڭۋي.
سوڭعى جىلداردان بەرى رايونىمىز جوعارى، جاڭا تەحنيكا كاسىپورىندارىن جانە عىلىم - تەحنيكالىق ورتا، شاعىن كاسىپورىنداردى كۇش سالا جەتىلدىردى، شينجياڭنىڭ جوعارى، جاڭا تەحنيكالىق كاسىپورىندارى 665كە جەتتى. بيىل شينجياڭنىڭ عىلىم - تەحنيكا سيپاتىندىق كاسىپورىندارىنىڭ شوعىرلى تۇردە توپتاسىپ دامۋىن جەبەۋ ءۇشىن، رايونىمىز جوعارى، جاڭا تەحنيكا كاسىپورىنداردىڭ جارناسىن عىلىم - تەحنيكالىق جاڭالىق اشۋ تاقتاسىنا شىعارۋعا دايىنداۋ - جەتىلدىرۋ قىزمەتىن باستادى. ۇعىسۋىمىزشا، قازىر عىلىم - تەحنيكالىق جاڭالىق اشۋ تاقتاسىنىڭ شارتىنا نەگىزىنەن ۇيلەسەتىن 103 كاسىپورىن تاڭدالىپ، ارنايى تاربيەلەۋ، جەتەكشىلىك ەتۋ جۇمىستارى جۇرگىزىلگەن.
«اۆتونوميالى رايوننىڭ ستراتەگيالىق سيپاتتى جاڭادان وركەندەگەن كاسىپتەردى جەتىلدىرۋ جانە دامىتۋ تۋرالى اتقارۋ پىكىرى»، «اۆتونوميالى رايوننىڭ جاساۋ كاسىبىندە جاڭالىق اشۋ ورتالىعى قۇرىلىسىنىڭ اتقارۋ پىكىرى» سياقتىلاردىڭ جاريالانۋى كاسىپورىنداردى جاڭالىق اشۋداعى تۇلعالىق رولدارىن ساۋلەلەندىرۋگە، بازارداعى باسەكەلىك قۋاتىن جوعارىلاتۋعا جەتەكتەپ، سول ارقىلى جاساۋ كاسىبىنىڭ تيبىن جاڭالاۋىن، دارەجەسىن جوعارىلاتۋىن جەدەلدەتتى.
5 - ايدىڭ 15 - كۇنى شينجياڭ لانشان تۇنحى پوليەفير شەكتى سەرىكتەستىگىنىڭ ءوندىرىس سەحىندا، PBAT شايىردى بيو - ىدىراتۋدان الىناتىن ونىمدەردىڭ 3 ءوندىرىس جەلىسى تولىق قۋاتپەن جۇمىس ىستەپ تۇر ەكەن. PBAT شايىردى بيو - ىدىراتۋ سەرىكتەستىك ءتۇيىندى تۇردە زەرتتەپ اشقان جاسىل ءونىم سانالادى، ول ”اق ءتۇستى لاستانۋعا“ ءونىمدى توتەپ بەرە الادى. سەرىكتەستىكتىڭ ورىنباسار باس ديرەكتورى گو جىچىڭنىڭ تانىستىرۋىنشا، سەرىكتەستىك قاريداردىڭ سۇرانىسىنا جانە بازاردىڭ بەتالىسىنا قاراي كەز كەلگەن ۋاقىتتا ءونىمدى جاڭالاپ جانە ساپالىلاندىرىپ وتىرادى، جاڭا ونىمدەر شينجياڭ بازارىنىڭ سۇرانىسىن قاناعاتتاندىرىپ قالماستان، ىشكى وڭىرلەردەگى، تەڭىز جاعالاۋلارىنداعى قالالارعا دەيىن ساتىلادى ەكەن.
بيىل رايونىمىز جەتەكشىلىك رولعا يە جاڭالىق اشۋ، شارۋاشىلىق قۇرۋ تۇعىرى بازالارىنان ءبىر توبىن قۇرىپ، مۇناي، مۇناي حيميا، جابدىق جاساۋ، مەتال قورىتۋ جانە قۇرىلىس ماتەريالدارى، ۇلتتىق ءدارى - دارمەكتەر سياقتى كاسىپ سالالارىنىڭ تيبىن جاڭالاۋىن، دارەجەسىن جوعارىلاتۋىن زور كۇشپەن ىلگەرىلەتەدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى عىلىم - تەحنيكا ساپاسى باسقارماسىنىڭ ورىنباسار باستىعى جاڭ حۇي مىنالاردى ءبىلدىردى: ”رايونىمىز جيناقتاۋعا، ساپالىلاندىرۋعا تاباندى بولىپ، بايلىقتىڭ جايعاسۋىنا جاڭالىق ەنگىزىپ، ءوندىرىس، وقىتۋ، عىلمي زەرتتەۋ، پايدالانۋدىڭ سايكەسىمدى، جاڭالىقشىل بولۋىن ىلگەرىلەتىپ، باسىم، ەرەكشە كاسىپتەرگە نازاردى شوعىرلاندىرىپ، اۆتونوميالى رايون دارەجەلى جاساۋ كاسىبىنەن جاڭالىق اشۋ ورتالىقتارىنان ءبىر توبىن جەتىلدىرىپ، قۇرىپ، كاسىپ سالاسىنىڭ دامۋىن تەجەپ وتىرعان ورتاق، شەشۋشى تەحنيكالىق ماسەلەلەردەن كۇش سالا قامال الىپ جانە ونى شەشىپ، جاساۋ كاسىبىنىڭ جوعارى ساپالى دامۋىن ۇزدىكسىز جەبەيدى“.
