تيانشان تورى   ›   جاڭالىقتار   ›   شينجياڭ حابارلارى

رايونىمىز جەكەلەردىڭ شارۋاشىلىق قۇرۋىنا بەرىلەتىن كەپىلدىك قارىز اقشانىڭ مولشەرىن 200 مىڭ يۋانعا جوعارىلاتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 5 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، شارۋاشىلىق قۇرۋ كەپىلدىك قارىز اقشانىڭ ورنىقتى جۇمىستاندىرۋ بارىسىنداعى رولىن ونان ارى ساۋلەلەندىرۋ ءۇشىن، تاياۋدا رايونىمىز ساياسات شىعارىپ، شارۋاشىلىق قۇرۋ كەپىلدىك قارىز اقشامەن قولداۋ تەبىنىن ارتتىرىپ، قارىز اقشانىڭ مولشەرىن جوعارىلاتۋ، ءوتىنىش ەتۋ شارتىن تومەندەتۋ، قامتۋ اياسىن كەڭەيتۋ، قارىز اقشا الۋ ءراسمياتىن قاراپايىمداستىرۋ ارقىلى شارۋاشىلىق قۇرۋدى كۇش سالا قولداپ، جۇمىستانۋدى جەتەكتەيدى ەكەن.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ جۇمىستاندىرۋدى جەبەۋ باسقارماسىنداعى قىزمەتكەردىڭ تانىستىرۋىنشا، ساياسات - بەلگىلەمەلەرگە ساي، شارتقا ۇيلەسەتىن جەكەلەردىڭ ەڭ جوعارى ءوتىنىش ەتۋگە بولاتىن شارۋاشىلىق قۇرۋ كەپىلدىك قارىز اقشاسىنىڭ مولشەرى 150 مىڭ يۋاننان 200 مىڭ يۋانعا جوعارىلاتىلعان. شارتقا ۇيلەسەتىن جەكەلەردىڭ شارۋاشىلىق قۇرۋ كەپىلدىك قارىز اقشاسىنا قاراتا، قارىز اقشا الۋشى سەرىكتەسىپ شارۋاشىلىق قۇرعان بولسا، سەرىكتەسىپ شارۋاشىلىق قۇرعان ادام سانىنا قاراي قارىز اقشا مولشەرىن ۇيلەسىمدى جوعارىلاتۋعا بولادى، الايدا ەڭ جوعارى بولعاندا شارتقا ۇيلەسەتىن جەكەلەر قارىز اقشاسى جالپى مولشەرىنىڭ %10نەن اسپايدى.

  شارۋاشىلىق قۇرۋ كەپىلدىك قارىز اقشاسىن ءوتىنىش ەتۋ شارتى دا لايىقتى تومەندەتىلەدى. شاعىن، ۇساق كاسىپورىنداردىڭ سول جىلعى جاڭادان قابىلداپ ىستەتەتىن شارتقا ۇيلەسەتىن قىزمەتكەرلەرىنىڭ قازىرگى بار جۇمىسشى - قىزمەتكەرلەر اراسىندا ۇستايتىن سالىستىرماسى %20تەن %15كە تومەندەتىلەدى، جۇمىسشى - قىزمەتكەرلەرى 100 ادامنان اسقان كاسىپورىنداردىكى %8كە تومەندەتىلەدى.

  مۇنان سىرت، ىندەت ىقپالىنا توتەپ بەرۋ ءۇشىن، رايونىمىز تاعى شارۋاشىلىق قۇرۋ كەپىلدىك قارىز اقشاسىنىڭ قامتيتىن ادامدار شوعىرىن كەڭەيتتى، 2020 - جىلى 12 - ايدىڭ 31 - كۇنىنەن بۇرىن جاڭادان تاراتىلاتىن قارىز اقشا مىناداي شوعىردى قولداۋ كولەمىنە ەنگىزەدى: ىندەت ىقپالىنا ۇشىراۋى ءبىرشاما اۋىر تولايىم ساتۋ، بولشەك ساتۋ، قونالقى، اس - سۋ، زات اينالىمى، تاسىمال، مادەنيەت، ساياحات سياقتى سالالارداعى كىرىس قاينارىنان ۋاقىتشا ايرىلعان جەكە ساۋدا - ونەركاسىپشىلەرى؛ قارىز اقشامەن اۆتوكولىك ساتىپ الىپ، جالعا بەرگەن جەكەلەر؛ قارىز اقشامەن اۆتوكولىك ساتىپ الىپ، ينتەرنەتتە اۆتوكولىككە كەلىسۋ تۇعىرىنا قوسىلعان ارناۋلى شوفەرلەر؛ شارتقا ۇيلەسەتىن كىرە اۆتوكولىك، ينتەرنەتتە اۆتوكولىككە كەلىسۋ كاسىپورىندارى نەمەسە ولاردىڭ بولىمشە سەرىكتەستىكتەرى؛ شارۋاشىلىق قۇرۋ كەپىلدىك قارىز اقشاسىنىڭ ءوسىمىن قازىنادان كوتەرۋ ساياساتىنان يگىلىكتەنگەندەردىڭ، سونداي - اق قارىز اقشاسىن دەر كەزىندە قايتارىپ بولعان جەكەلەردىڭ ىندەت كەزىندە تيجارات قيىنشىلىعى تۋىلعاندارى شارۋاشىلىق قۇرۋ كەپىلدىك قارىز اقشاسىنا تاعى دا ءوتىنىش بەرۋىنە بولادى.

  تەكسەرىپ بەكىتۋ راسمياتى قاراپايىمداستىرىلىپ، ”ءبىر بەكەت فورماسىندا“ قىزمەت وتەۋ اتقارىلادى، ادام كۇشى بايلىعى جانە قوعامدىق قامتاماسىزداندىرۋ تاراۋلارى، كەپىلدىك قۇرىلىمدار، فينانس قۇرىلىمدارى كوپ رەتكى تەكسەرىپ بەكىتۋدى بىرىكتىرىپ، شارتقا ۇيلەسەتىن شارۋاشىلىق قۇرعان جەكەلەردىڭ جانە كاسىپورىنداردىڭ وسى ساياساتتان تەزىرەك يگىلىكتەنۋىنە مۇمكىندىك جاسايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى