− بۇكىل ەلدەگى ىندەتتەن ساقتانۋ - تىزگىندەۋ توسقاۋىل شايقاسىنىڭ كەلەلى ستراتەگيالىق تابىسقا جەتۋى بايلانىسىمەن
شينحۋا اگەنتتىگىنىڭ ءتىلشىسى
ادامزات زامانىمىزدىڭ 2020 - جىلىنا قادام تاستاعاندا، تاريحتىڭ قورقىنىشتى تاعى ءبىر تاراۋى جازىلدى.
جۇڭگو جاپپاي دوڭگەلەك داۋلەتتىلىككە جەتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە بار كۇشىن سالىپ جاتتى؛ دۇنيە جۇزىندە ءجۇز جىلدا بولماعان ۇلكەن وزگەرىس جەدەل جاڭالانىپ جاتتى. وسى ساتتە، توسىن جەتكەن جاڭا تيپتى ايدارشا ۆيرۋس وكپە قابىنۋ ىندەتى الەمدى شارپىدى.
جۇڭگو قالاي ىستەۋى كەرەك؟ دۇنيە ءجۇزى قايتۋ كەرەك؟
شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر ميلليارد 400 ميلليون جۇڭگو حالقىن باستاپ تاريحي تاڭداۋ جاسادى: ”ءومىردى بارىنەن جوعارى قويىپ“ جالپى جۇرت ءبىر نيەتپەن ۇيىسىپ، بۇكىل ەلدىڭ كۇشىن جۇمىلدىرىپ ەلەۋلى ىندەتپەن شايقاسىپ، ”ادامزاتتىڭ تاعدىرلاس ورتاق تۇلعاسىمەن“ ۋاقىتتىق قيىندىقتى بىرگە ەڭسەردى.
قاجىرلى كۇرەستى جانە زور قۇرباندىقتى باستان كەشىرگەن جۇڭگو ۆيرۋستىڭ تارالۋىن ءونىمدى تەجەپ، دۇنيە ءجۇزىنىڭ ىندەتپەن شايقاسۋىنا ماڭىزدى ۇلەس قوستى.
باس شۋجي شي جينپيڭ تەرەڭنەن تولعاپ بىلاي دەپ اتاپ كورسەتتى: ”بۇل رەتكى ىندەت ەلىمىزدىڭ جونگە سالۋ جۇيەسى مەن قابىلەتى ءۇشىن ءبىر رەتكى ۇلكەن سىناق بولدى، ءبىز، ءسوز جوق، تاجىريبە قورىتىندىلاپ، ساباق الۋىمىز كەرەك“.
ۇلكەن سىناق الدىندا، جۇڭگو كوممۋنيستىك پارتياسىنىڭ ساياسي قاسيەتى جۇرت كوڭىلىن تولقىتتى.
ۇلكەن سىناق الدىندا، جۇڭگوشا سوتسياليزم ءتۇزىم ابزالدىلىعى ونان ارى كورنەكتىلەنە ءتۇستى.
ۇلكەن سىناق الدىندا، جوعارىدان تومەنگە دەيىن ءبىر نيەتتە جۇمىلعان قۋاتتى كۇش بوگەۋ بەرمەدى.
ۇلكەن سىناق شار اينا بولىپ، ابزالدىلىعىمىزدى كورسەتتى، سونىمەن بىرگە ولقىلىقتارىمىزدى دا اشتى.
ىندەتپەن شايقاستان تاجىريبە - ساباق قورىتىندىلاۋ، باياندى تىنىشتىقتى كوزدەۋ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ قاجەتتى ءمانى بولىپ تابىلادى.
ۇلكەن شايقاستان تاجىريبە - ساباق قورىتىندىلاعان، ۇلكەن سىناقتان پاراسات پەن كۇش قابىلداعان جۇڭحۋا ۇلتى، ءسوز جوق، ىندەتتى جەڭىپ، قاتەردى ورايعا اينالدىرىپ، بوران - شاشىنعا بوگەلمەي ۇدەرە العا تارتادى!
(شينحۋا اگەنتتىگىنىڭ 5 - ايدىڭ 17 - كۇنى بەيجيڭنەن بەرگەن حابارى)
