تيانشان تورى   ›   ۇيرەنۋ   ›   شولۋ

جۇڭگو كۇشىنىڭ، جۇڭگو رۋحىنىڭ، جۇڭگو ونىمدىلىگىنىڭ شوعىرلى ايگىلەنۋى

حالىق گازەتىنىڭ شولۋشىسى

  دەرتكە وڭاي شالدىقتىراتىن، تەز جۇعىمدالاتىن ءبىر ءتۇرلى بەلگىسىز ۆيرۋستىڭ ادامزاتقا توسىننان شابۋىل جاسايتىندىعىن ەشكىم دە ويلاعامان ەدى. ەرەكشە تەز تارالاتىن، جۇعىمدالۋ كولەمى ەرەكشە كەڭ، ساقتانۋ - تىزگىندەۋ ايرىقشا قيىن بولعان جاڭا تيپتى ايدارشا ۆيرۋس وكپە قابىنۋ ىندەتىنە قاراتا، جۇڭگو حالقى ىندەتتەن ساقتانۋ - تىزگىندەۋ توسقاۋىل شايقاسىن باتىلدىقپەن جۇرگىزدى. جاپالى دا ەرەن قۇلشىنىس ارقىلى ۋحاندى قورعاۋ شايقاسى، حۋبەيدى قورعاۋ شايقاسى شەشۋشى سيپاتتى تابىسقا قول جەتكىزدى، بۇكىل ەلدەگى ىندەتتەن ساقتانۋ - تىزگىندەۋ توسقاۋىل شايقاسى كەلەلى ستراتەگيالىق تابىسقا قول جەتكىزىپ، حالىقارالىق قوعامنىڭ اسا جوعارى باعاسىنا يە بولدى.

  باس شۋجي شي جينپيڭ تاياۋدا اشىلعان پارتيا سىرتىنداعى قايراتكەرلەر اڭگىمە ماجىلىسىندە، ىندەتتەن ساقتانۋ - تىزگىندەۋ كۇرەسىنىڭ قىمباتتى تاجىريبەلەرىن ەگجەي - تەگجەيلى قورىتىندىلاپ، ىندەتكە قارسى اتتانۋ شايقاسىندا ايگىلەنگەن جۇڭگو كۇشىن، جۇڭگو رۋحىن، جۇڭگو ونىمدىلىگىن اسا جوعارى باعالادى، ىندەتكە قارسى اتتانۋ امالياتى تاعى ءبىر رەت دالەلدەگەن ەلىمىزدىڭ ءتۇزىم ابزالدىلىعىن تەرەڭدەي ۇعىندىردى. ايرىقشا ءتيىمسىز شارت - جاعدايدا، ءبىزدىڭ ءبىر ايدان استام ۋاقىتتا ىندەتتىڭ ءورشۋ بەتالىسىن العاشقى قادامدا تەجەي الۋىمىزداعى، 2 اي شاماسىنداعى ۋاقىتتا جەرگىلىكتى كۇندىك جاڭادان ارتقان ناۋقاستاردى ءبىر ورىندى سان ىشىندە تىزگىندەي الۋىمىزداعى، 3 اي شاماسىنداعى ۋاقىتتا ۋحاندى قورعاۋ شايقاسىنىڭ، حۋبەيدى قورعاۋ شايقاسىنىڭ شەشۋشى سيپاتتى تابىسىنا جانە بۇكىل ەلدەگى ىندەتتەن ساقتانۋ - تىزگىندەۋدىڭ ستراتەگيالىق تابىسىنا قول جەتكىزۋىمىزدەگى شەشۋشى ءتۇيىن − ءبىز جۇڭگو كوممۋنيستىك پارتياسىنىڭ ورتالىقتانعان ءبىر تۇتاس باسشىلىعىنا تاباندى بولىپ، حالىقتى وزەك ەتۋگە تاباندى بولىپ، حالىق بۇقاراسىنا تىعىز ارقا سۇيەپ، كۇشتى شوعىرلاندىرىپ ۇلكەن ءىس تىندىراتىن ءتۇزىم ابزالدىلىعىن ساۋلەلەندىرىپ، جالپىلىق مەملەكەت قۋاتىن ءبىر تۇتاس جوسپارلاپ قولدانىپ، عىلىم - تەحنيكا العاباسارلىعىنا تىعىز سۇيەنىپ، سوتسياليستىك وزەكتى قۇن كوزقاراسىن اسقاقتاتىپ، حالىقارالىق اۋىس - كۇيىستى، سەلبەستىكتى كۇشەيتتىك. ءبىز سياقتى ءبىر ميلليارد 400 ميلليوننان استام حالقى بار ءىرى ەل جونىنەن العاندا مۇنداي ناتيجە وڭاي قولعا كەلمەدى، مۇنداي تاجىريبەلەر ايرىقشا قىمباتتى. اماليات جۇڭگو كوممۋنيستىك پارتياسىنىڭ باسشىلىعىنىڭ جانە ەلىمىزدىڭ سوتسياليستىك ءتۇزىمىنىڭ، ەلىمىزدىڭ مەملەكەتتى جونگە سالۋ جۇيەسىنىڭ قۋاتتى ومىرشەڭدىك كۇشكە جانە كورنەكتى ابزالدىلىققا يە ەكەندىگىن، ءارقانداي قيىنشىلىقتى، كەدەرگىنى جەڭە الاتىندىعىن، ادامزات وركەنيەتىنىڭ العا باسۋىنا كەلەلى ۇلەس قوسا الاتىندىعىن تاعى ءبىر رەت دالەلدەدى.

  بۇل جۇڭگو كۇشىنىڭ ءبىر رەتكى بۇرىن بولماعان ۇيىسۋى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا بۇكىل ەل بويىنشا جۇمىلىپ، بۇكىل حالىق ات سالىسىپ، بۇكىل ەل ءبىر تۇتاس جۇيە بولىپ، ەڭ بەرىك ساقتانۋ - تىزگىندەۋ جۇيەسىن ورناتىپ، ىندەتتەن ساقتانۋ - تىزگىندەۋ حالىقتىق شايقاسىندا باتىلدىقپەن جەڭىسكە جەتتى. ”ءبىر قالانى بەكىتۋ، ءبىر ەل حالقىن قورعاۋ“ سىندى ساقتانۋ - تىزگىندەۋ ەرلىگىنەن ۋحاندا جالپى ساۋىعۋ مولشەرىن %94كە جەتكىزۋدەي ءومىر حيكىمەتىنە دەيىن، ماسكىنىڭ كۇندىك ءونىم مولشەرى نەشە ءجۇز ميلليونعا جەتەتىن زاتتىق ماتەريالمەن قامتاماسىز ەتۋدەن بۇكىل ەلدەگى 650 مىڭ قالا، اۋىل الەۋمەتتىك اۋماقتارىندا ساقتانۋ - تىزگىندەۋ بۇكىلدەي قامتىلعان ۇيىمداستىرىپ اتتانىسقا كەلتىرۋگە دەيىن، ونان 4 ميلليون 600 نەشە مىڭ نەگىزگى ساتى پارتيا ۇيىمى، 90 نەشە ميلليون پارتيا مۇشەسى جەدەل ارەكەتتەنىپ، ”پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋگە“ دەيىن، جان - جاقتى ادام كۇشىن ۇيىمداستىرۋ شايقاسى، زاتتىق ماتەريالمەن قامتاماسىز ەتۋ شايقاسى، عىلىم - تەحنيكالىق اتويلاۋ شايقاسى، بايلىق جەتكىزۋ شايقاسى ىندەتكە قارسى اتتانۋدىڭ قۋاتتى بىرىككەن كۇشىن قالىپتاستىردى. دۇنيە جۇزىلىك دەنساۋلىق ساقتاۋ ۇيىمىنىڭ مامانى اتاپ كورسەتكەندەي: جۇڭگو تاريحتان بەرگى ەڭ ۇلى ماقساتتى، ەڭ قىراعى جانە ەڭ قاتاڭ ساقتانۋ - تىزگىندەۋ شاراسىن قولدانىپ، ىندەتتىڭ بەتىن قايتاردى.

  بۇل جۇڭگو رۋحىنىڭ ءبىر رەتكى شوعىرلى بەينەلەنۋى. قيىندىق پەن اۋىرتپالىق جۇڭحۋا ۇلتىنىڭ ەڭسەسىن تۇسىرە العان جوق، كەرىسىنشە، جۇڭحۋا ۇلتىنىڭ ۇيىسۋ قۋاتى مەن جاۋىنگەرلىك قۋاتىن قاۋلاتتى. ۋحان ”قالانى بەكىتكەننەن“ كەيىنگى ءبىرىنشى اپتانىڭ وزىندە، 123 مىڭ 800 ادام (رەت) بۇكىل ەلدىڭ جەر - جەرىنەن قارسى اتتانىپ كەلدى، ولاردىڭ اراسىندا اجالدىعا اراشاشى، جارالىعا مەدەت بولاتىن ەمدەۋ قىزمەتكەرلەرى، جينالىپ كومەككە اتتانعان ازاتتىق ارميا كوماندير - جاۋىنگەرلەرى، ىندەتكە قارسى اتتانۋ زاتتىق ماتەريالدارىن جەتكىزگەن شوفەرلەر، جاڭادان سالىنعان شيپاحانانىڭ ينجەنەريا قۇرىلىسشىلارى بار... تۇمان تورلاعان جەردە نۇر - ساۋلە ونان ارى كوزگە وتتاي باسىلادى. ىندەت رايونىنا قاسقايا اتتانعان سانسىز قارسى اتتانۋشىلار ادامدارعا نەنىڭ اق حالاتتان ساۋىت كيىپ، بۇيرىقتى ەستي سالا ارەكەتكە كەلۋ ەكەنىن، نەنىڭ ءومىر بارىنەن قىمبات، حالىق بارىنەن جوعارى ەكەنىن، نەنىڭ قالتقىسىز ءوزىن ارناۋ، جانۇيا - وتان سۇيىسپەنشىلىگى ەكەنىن ءتۇسىندىردى. ءارقانداي تاريحي العا باسۋ سونداي ءبىر جويقىن تاريحي اپاتتىڭ بوداۋىنا كەلگەن جوق پا، ءارقانداي ءبىر اپاتتاعى العا باسۋ ۇلى ۇلت رۋحىن جەتەكشى ەتپەگەن بە.

  بۇل جۇڭگو ونىمدىلىگىنىڭ ءبىر رەتكى جاندى بەينەلەنۋى. نە بارى 3 اپتا ىشىندە ۋحاندا 16 فاڭساڭ شيپاحاناسىن سالىپ، ناۋقاستاردىڭ قابىلدانۋعا تيىستىلەرىن مۇمكىندىگىنشە قابىلداۋعا، ەمدەلۋگە تيىستىلەرىن مۇمكىندىگىنشە ەمدەۋگە شىنايى كەپىلدىك ەتتى؛ كوكتەم مەرەكەسىنە قاراعان تۇننەن باستاپ شۇعىل شاقىرىپ، 42 مىڭ ەمدەۋ قىزمەتكەرى حۋبەيعا اتتانىپ، جاڭا جۇڭگو قۇرىلعاننان بەرگى كولەمى ەڭ زور ءبىر رەتكى ەمدەۋ كۇشتەرىنىڭ اتتاندىرىلۋىن قالىپتاستىردى؛ ۆيرۋستى ايىرۋدى، گەن تىزبەگىن ولشەۋدى رەكورد جاڭالار جىلدامدىقپەن ورىنداپ، ىلگەرىندى - كەيىندى كوپ نۇسقاداعى دياگنوز قويۋ، ەمدەۋ جوباسىن جاريالاپ، جاڭا تيپتى ايدارشا ۆيرۋستىڭ ۆاكسينالارىن جەدەل كلينيكالىق سىناققا ەنگىزدى... وسىنىڭ بارلىعى جۇڭگو حالقىنىڭ تۇتقيىل اپاتتى جەڭەتىن جۇڭگو ونىمدىلىگىن تولىق ايگىلەپ، بۇكىل دۇنيە ءجۇزىنىڭ ىندەتتى قول ۇستاسا جەڭۋىنە قۋاتتى سەنىم قوستى. حالىقارالىق قايراتكەرلەر ”جۇڭگو جاقتىڭ ارەكەت جىلدامدىعىنىڭ تەز، كولەمىنىڭ زور بولۋى دۇنيە جۇزىندە سيرەك كەزدەسەدى“ دەپ اتاپ كورسەتىپ، ”جۇڭگو تەز ارادا قازىرگى دۇنيە جۇزىندەگى ەڭ حاۋىپسىز جەردىڭ بىرىنە اينالدى“ دەپ القادى. اڭعارلى ادامدار بىلاي دەپ باعا بەردى: بولاشاقتا، تاريحشىلار جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋ كۇرەسىن دۇنيە ءجۇزى كولەمىندەگى جاڭا اۋرۋلاردىڭ تۋىلۋىن شەكتەۋدەگى جانە ونىڭ تارالۋىن بوگەۋدەگى ءبىر بۇرىلىس ءتۇيىنى دەپ ساناۋى مۇمكىن.

  جۇڭحۋا ۇلتى ەجەلدەن تاۋقىمەت بارىسىندا تولىسىپ، تاۋقىمەت بارىسىندا قايراتى تاسقىنداعان. تاسقىنداعان جۇڭگو كۇشىن، جۇڭگو رۋحىن، جۇڭگو ونىمدىلىگىن قاۋلاتقان جۇڭگو اتتى الىپ كەمە، ءسوزسىز، جاۋىن - شاشىندا بوگەلمەي، ارشىنداي العا باسىپ، ءتىپتى دە شۇعىلالى بولاشاق اشادى.

(شينحۋا اگەنتتىگىنىڭ 5 - ايدىڭ 18 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.