تيانشان تورى   ›   جاڭالىقتار   ›   ساياحات

باي مازمۇندى قيمىلدار، تيىمدىلىك جاساۋ شارالارى شينجياڭ ىشىندەگى ساياحاتتى جانداندىردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى رىن جياڭ، ياۋ گاڭ 5 - ايدىڭ 18 - كۇنى ۇرىمجىدەن حابارلايدى. مادەنيەت - ساياحات قيمىلدارىن ورىستەتۋ، ساياحات تۇتىنۋ بەلەتىن تاراتۋ، تانىستىرۋ جانە نەگىزگى تاقىرىپتىق قيمىلداردى وتكىزۋ، ”ءبىر قول تەلەفونمەن - اق شينجياڭدى ساياحاتتاۋ“ تۇعىرىن العا قويۋ... وسى بىرنەشە كۇندە، شينجياڭنىڭ جەر - جەرىندەگى مادەنيەت - ساياحات تاراۋلارىنىڭ ۋيچات الەۋمەتتىك ءنومىرىن باسا قالساڭىز، 10 - رەتكى ”جۇڭگو ساياحات كۇنىندەگى“ ءتۇرلى قيمىلداردىڭ ەڭ قىزۋ تالقى تاقىرىبىنا اينالعاندىعىن بايقايسىز. تۇتاس شينجياڭنىڭ جەر - جەرى 439 ءتۇرلى جەلىلەس قاتىستى ۇگىتتەۋ جالپىلاستىرۋ قيمىلدارىن ورىستەتىپ، ساياحات بازارىن جانداندىرۋدى جەدەلدەتىپ، شينجياڭ ءىشى ساياحاتىن ”جانداندىرۋدى“، ”اينالىمعا ءتۇسىرۋدى“، ”دۋمانداتۋدى، قىزدىرۋدى“ ىلگەرىلەتتى.

  ”ءبىز جاقىن ماڭدا ساياحاتتاۋ، ءوز كولىگىمەن ساياحاتتاۋ سياقتىلاردى ورىستەتىپ، ەرەكشەلىگى كورنەكتى، ۋاكىلدىك سيپاتقا يە ءبىر توپ اۋىل - قىستاق سەيىل - سەرۋەن ساياحاتى سارا جەلىسىن اشتىق، جەتىلدىردىك؛ ءبىر توپ جۇلدىز دارەجەلى شارۋالار شاتتىعى ساياجايلارى مەن ماركالى حالىقتىق تۇسەلحانالاردى تانىستىردىق؛ ’ءوزى كولىك جۇرگىزۋ + ساياحاتتاۋ‘، ’ءوزى كولىك جۇرگىزۋ + زەرتتەۋ، ۇيرەنۋ‘، ’ءوزى كولىك جۇرگىزۋ + سالاماتتىق كۇتىنۋ ‘، ’ءوزى كولىك جۇرگىزۋ + حالىقتىق تۇسەلحانا‘ سياقتى تەرەڭ توعىسقان ءوز كولىگىمەن ساياحاتتاۋ جەلىسى ونىمدەرىن جولعا قويىپ، اۋىل - قىستاق ساياحات ونىمدەرىمەن قامداۋدى مولىقتىرىپ، سەيىل - سەرۋەن اۋىل شارۋاشىلىعى مەن اۋىل - قىستاق ساياحاتىنىڭ ساپاسىن جوعارىلاتىپ، دەڭگەيىن ءوسىرۋدى جەدەلدەتتىك“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى گۇلي ابليم تانىستىرىپ.

  ۇعىسۋعا قاراعاندا، ”1 - مامىر“ كەزىندە شينجياڭنىڭ جەر - جەرى 4 ميلليون 402 مىڭ ادام - رەت ساياحاتشى قابىلداپ، سايكەس مەزگىلدەگىدەن %30.31 ارتقان؛ ساياحات كىرىسى ءبىر ميلليارد 778 ميلليون يۋان بولىپ، بىلتىرعى سايكەس مەزگىلدەگىنىڭ %74.56ىنە جەتىپ، قالپىنا كەلۋ اياق الىسى بۇكىل ەلدىڭ ورتاشا ورەسىنەن استى. مۇندا شينجياڭ ءىشى ساياحات بازارىنىڭ جەدەل جاندانعانىن جەر - جەر جولعا قويعان باي مازمۇندى قيمىلدار مەن ءتيىمدى شارالاردان بولە قاراۋعا بولمايدى.

  التاي ايماعى جاريالاعان ”ساياحاتشى قابىلداپ، التايدى ساياحاتتاۋداعى“ 10 ۇلكەن ءتيىمدى شارا ساياحات تۇتىنۋىنداعى ىشەر اس، قونالقى، ءجۇرىس - تۇرىس، ساياحاتتاۋ، زات ساتىپ الۋ، كوڭىل اشۋ سياقتى جاقتارعا سايادى، مەجەمەن 200 ميلليون يۋان قارجى قوسىلىپ، ساياحاتشىلارعا تيىمدىلىك جاسالادى، قوسىمشا قاراجات بەرىلەدى ەكەن؛ سانجى حۇيزۋ اۆتونوميالى وبلىسى ەكى مەرزىمگە ءبولىپ، بۇكىل شينجياڭعا 220 ميلليون يۋاندىق مادەنيەت، ساياحات تۇتىنۋ بەلەتىن تاراتادى؛ بۇراتالا موڭعۇل اۆتونوميالى وبلىسى ساياحات ەلەكتروندىق تۇتىنۋ بەلەتىن تاراتادى... قازىر تۇتاس شينجياڭنىڭ جەر - جەرى ۇشاق بەلەتى، جانار ماي قۇيۋ، ەسىك بەلەتى، قونالقى، اس - سۋ، زات ساتىپ الۋ جاقتارىنىڭ بارلىعىندا ءتيىمدى شارالاردى جولعا قويىپ، جيىنى 500 ميلليون يۋانعا جۋىق تۇتىنۋ بەلەتىن تاراتىپ، بازار تۇتىنۋىن جەبەدى.

  جەر - جەر ىندەتتەن ساقتانۋ، تىزگىندەۋدى ۇدايىلاندىرۋ جاعدايىندا ساياحات بازارىنىڭ وزگەرىسىنە، تالابىنا ىرىقتىلىقپەن ۇيلەسىپ، جاقىن ماڭدا ساياحاتتاۋ، قىسقا ارالىقتى ساياحات، شينجياڭ ءىشى ساياحاتىن ءتۇيىن ەتىپ، جۇزدەن استام ساياحات جەلىسىن جولعا قويدى، ”شينجياڭدىقتار شينجياڭدى ساياحاتتاۋ“، ”جەرگىلىكتى ادامدار جەرگىلىكتى ءوڭىردى ساياحاتتاۋ“ نەگىزگى اعىمعا اينالدى. تاياۋدا اۆتونوميالى رايوندىق مادەنيەت جانە ساياحات مەڭگەرمەسى تاعى كورىكتى اۋىل - قىستاق ماڭى ساياحاتى، ءوز كولىگىمەن ساياحاتتاۋ، ”وڭتۇستىك پەن سولتۇستىك ءبىر نيەتتە بولىپ، قول ۇستاسا بىرگە العا ىلگەرىلەۋ“، وڭتۇستىك شينجياڭدى ۇگىتتەۋ، جالپىلاستىرۋ سياقتى ءبىر قىدىرۋ قيمىلداردى ۇيىمداستىرىپ، شينجياڭ ءىشى ساياحاتىنىڭ جاندانۋىن ۇزدىكسىز جەبەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى