تيانشان تورى   ›   جاڭالىقتار   ›   ماڭىزدى حابارلار

شي جينپيڭ بەيجيڭ عىلىم - تەحنيكا داشۋەسىندەگى بارلىق پاكيستاندىق وقۋشىلارعا جاۋاپ حات جولدادى

جاۋاپ حات

  بەيجيڭ عىلىم - تەحنيكا داشۋەسىندەگى بارلىق پاكيستاندىق وقۋشىلار:

  سالەمەتسىزدەر! جازعان حاتتارىڭىزدى تاپسىرىپ الدىم. سىزدەردىڭ جۇڭگوعا كەلىپ وقىعاننان بەرى، سىزدەردىڭ مول ءبىلىم يگەرىپ ءارى كوپتەگەن جۇڭگولىق دوستارمەن تانىسقاندىقتارىڭىزدى ءبىلدىم، مەن سىزدەردىڭ قول جەتكىزگەن ناتيجەلەرىڭىزگە قۋاندىم.

  وزدەرىڭىز سەزىپ، ءبىلىپ جاتقانداي، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو ۇكىمەتى مەن مەكتەپتەر جۇڭگودا وقىپ جاتقان شەتەلدىك وقۋشىلاردىڭ ءومىرىنىڭ حاۋىپسىزدىگى مەن دەنساۋلىعىنا باستان - اياق كوڭىل ءبولىپ، ولارعا جان - جاقتى كومەك كورسەتتى. ءومىر بارىنەن جوعارى تۇرادى، مەيلى جۇڭگولىقتار بولسىن، الدە جۇڭگوداعى شەتەلدىكتەر بولسىن، جۇڭگو ۇكىمەتى مەن جۇڭگو حالقى بارلىعىنا بىردەي قاراپ كوڭىل بولەدى، قامقورلىق جاسايدى.

  ىندەتكە قارسى اتتانۋ مەزگىلىندە، كوپتەگەن شەتەلدىك وقۋشىلاردىڭ ءتۇرلى تاسىلدەر ارقىلى جۇڭگو حالقىنا قايرات بەرىپ، جىگەرلەندىرگەنىن ءبىلدىم. قيىنشىلىققا ۇشىراعاندا ناعىز سۇيىسپەنشىلىك كورىنەدى. جۇڭگو ۇزدىكسىز تۇردە جۇڭگودا وقىپ جاتقان بارلىق شەتەلدىك وقۋشىلارعا ءتۇرلى كومەك كورسەتەدى. جۇڭگو ءارقايسى ەلدىڭ ۇزدىك جاستارىنىڭ جۇڭگوعا كەلىپ ۇيرەنىپ، ءبىلىم الۋلارىن قارسى الادى، كوپشىلىكتىڭ جۇڭگونى كوبىرەك ءتۇسىنىپ، دۇنيە جۇزىنە وزدەرى كورگەن جۇڭگونى كوبىرەك اڭگىمەلەپ، جۇڭگولىق جاستارمەن كوبىرەك اۋىس - كۇيىس جاساپ، دۇنيە جۇزىندەگى ءارقايسى ەلدىڭ جاستارىمەن بىرگە، قول ۇستاسا وتىرىپ حالىقتار تىلەگىن توعىستىرۋدى جەبەۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش - قۋاتتارىڭىزدى ارناۋلارىڭىزدى ءۇمىت ەتەمىن.

جۇڭحۋا حالىق رەسپۋبليكاسىنىڭ ءتوراعاسى شي جينپيڭ

2020 - جىلى 5 - ايدىڭ 17 - كۇنى

(شينحۋا اگەنتتىگىنىڭ 5 - ايدىڭ 18 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 5 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 17 - كۇنى بەيجيڭ عىلىم - تەحنيكا داشۋەسىندەگى بارلىق پاكيستاندىق وقۋشىلارعا جاۋاپ حات جولداپ، ءارقايسى ەلدىڭ ۇزدىك جاستارىنىڭ جۇڭگوعا كەلىپ ۇيرەنىپ، ءبىلىم الۋلارىن قارسى الاتىنىن ءبىلدىردى، ولاردى جۇڭگولىق جاستارمەن كوبىرەك اۋىس - كۇيىس جاساپ، دۇنيە جۇزىندەگى ءارقايسى ەلدىڭ جاستارىمەن بىرگە، قول ۇستاسا وتىرىپ حالىقتار تىلەگىن توعىستىرۋدى جەبەۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش - قۋاتتارىن ارناۋعا شابىتتاندىردى.

  شي جينپيڭ جاۋاپ حاتىندا بىلاي دەدى: سىزدەردىڭ جۇڭگوعا كەلىپ وقىعاننان بەرى، مول ءبىلىم يگەرىپ ءارى كوپتەگەن جۇڭگولىق دوستارمەن تانىسقاندىقتارىڭىزى ءبىلدىم، مەن سىزدەردىڭ قول جەتكىزگەن ناتيجەلەرىڭىزگە قۋاندىم.

  شي جينپيڭ بىلاي دەپ اتاپ كورسەتتى: وزدەرىڭىز سەزىپ، ءبىلىپ جاتقانداي، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو ۇكىمەتى مەن مەكتەپتەر جۇڭگودا وقىپ جاتقان شەتەلدىك وقۋشىلاردىڭ ءومىرىنىڭ حاۋىپسىزدىگى مەن دەنساۋلىعىنا باستان - اياق كوڭىل ءبولىپ، ولارعا جان - جاقتىلى كومەك كورسەتتى. ءومىر بارىنەن جوعارى تۇرادى، مەيلى جۇڭگولىقتار بولسىن، الدە جۇڭگوداعى شەتەلدىكتەر بولسىن، جۇڭگو ۇكىمەتى مەن جۇڭگو حالقى بارلىعىنا بىردەي قاراپ كوڭىل بولەدى، قامقورلىق جاسايدى.

  شي جينپيڭ مىنالاردى ءبىلدىردى: ىندەتكە قارسى اتتانۋ مەزگىلىندە كوپتەگەن شەتەلدىك وقۋشىلار ءتۇرلى تاسىلدەر ارقىلى جۇڭگو حالقىنا قايرات بەرىپ جىگەرلەندىرگەنىن ءبىلدىم. قيىنشىلىققا ۇشىراعاندا ناعىز سۇيىسپەنشىلىك كورىنەدى. جۇڭگو ۇزدىكسىز تۇردە جۇڭگودا وقىپ جاتقان بارلىق شەتەلدىك وقۋشىلارعا ءتۇرلى كومەك كورسەتەدى. جۇڭگو ءارقايسى ەلدىڭ ۇزدىك جاستارىنىڭ جۇڭگوعا كەلىپ ۇيرەنىپ، ءبىلىم الۋلارىن قارسى الادى، كوپشىلىكتىڭ جۇڭگونى كوبىرەك ءتۇسىنىپ، دۇنيە جۇزىنە وزدەرى كورگەن جۇڭگونى كوبىرەك اڭگىمەلەپ، جۇڭگولىق جاستارمەن كوبىرەك اۋىس - كۇيىس جاساپ، دۇنيە جۇزىندەگى ءارقايسى ەلدىڭ جاستارىمەن بىرگە قول ۇستاسا وتىرىپ حالىقتار تىلەگىن توعىستىرۋدى جەبەۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە كۇش - قۋاتتارىڭىزدى ارناۋلارىڭىزدى ءۇمىت ەتەمىن.

  بەيجيڭ عىلىم - تەحنيكا داشۋەسىندە قازىر 52 پاكيستاندىق وقۋشى بار، مۇنىڭ 49ى دوكتور، ماگيستير اسپيرانت. تاياۋدا ولار ءتوراعا شي جينپيڭگە حات جازىپ، جۇڭگودا وقىپ جاتقان كەشىرمەلەرى مەن اسەرلەرىن اڭگىمەلەپ، مەكتەپتىڭ جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ولارعا كوڭىل ءبولىپ، كومەكتەسكەنىنە العىس ايتاتىندىقتارىن، ۇيرەنۋلەرىن اياقتاتقان سوڭ، ”ءبىر بەلدەۋ، ءبىر جول“ قۇرىلىسىنا ات سالىسىپ، جۇڭگو مەن پاكيستاننىڭ دوستىعىن نىعايتۋعا ۇلەس قوسۋ ارماندارى بار ەكەنىن بىلدىرگەن بولاتىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.