شينحۋا اگەنتتىگىنىڭ 5 - ايدىڭ 18 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جۋىردا «جاڭا داۋىردە سوتسياليستىك بازار شارۋاشىلىعى ءتۇزىلىسىن كەمەلدەندىرۋدى جەدەلدەتۋ جونىندەگى پىكىردى» باسىپ تاراتتى.
«پىكىردە» مىنالار اتاپ كورسەتىلدى: سوتسياليستىك بازار شارۋاشىلىعى ءتۇزىلىسى جۇڭگوشا سوتسياليزمنىڭ ماڭىزدى نازارياسى جانە امالياتتىق جاسامپازدىعى، سوتسياليستىك نەگىزگى شارۋاشىلىق ءتۇزىمىنىڭ ماڭىزدى قۇرامداس بولىگى. رەفورما جاساپ، ەسىك اشقاننان، اسىرەسە، پارتيا 18 - قۇرىلتايىنان بەرى، ەلىمىز رەفورمانى جاپپاي تەرەڭدەتۋگە تاباندى بولىپ، ەكونوميكالىق ءتۇزىلىس رەفورماسىنىڭ جەتەكتەۋ رولىن تولىق ساۋلەلەندىرىپ، سوتسياليستىك بازار شارۋاشىلىعى ءتۇزىلىسىن ۇزدىكسىز كەمەلدەندىرىپ، سان ميلليونداعان حالىقتىڭ بەلسەندىلىگىن بارىنشا جۇمىلدىرىپ، وندىرگىش كۇشتەردىڭ دامۋىن بارىنشا جەبەپ، پارتيا مەن مەملەكەتتىڭ جىگەر - قايراتىن، ومىرشەڭدىگىن بارىنشا نىعايتىپ، دۇنيە جۇزىندە سيرەك كەزدەسەتىن ەكونوميكانىڭ شاپشاڭ دامۋ كەرەمەتىن جاراتتى. سونىمەن بىرگە، مىنالاردى دا كورە ءبىلۋ كەرەك: جۇڭگوشا سوتسياليزم جاڭا داۋىرگە قادام تاستادى، قوعامنىڭ باستى قايشىلىعىندا وزگەرىس تۋىلدى، ەكونوميكا جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە ويىستى، وسى جاڭا جاعدايلارمەن، جاڭا تالاپتارمەن سالىستىرعاندا، ەلىمىزدىڭ بازار جۇيەسى ءالى دە كەمەلدەنبەدى، بازاردىڭ جەتىلۋى ءالى جەتكىلىكتى ەمەس، ۇكىمەت پەن بازاردىڭ قاتىناسى تولىق رەتتەلمەدى، تاعى بازارعا دەم بەرۋ جەتكىلىكسىز بولۋ، فاكتورلاردىڭ اۋىسۋىنىڭ ىركىلىسسىز بولماۋى، بايلىقتى ورنالاستىرۋ ونىمدىلىگىنىڭ جوعارى بولماۋى، ميكرولىق ەكونوميكانىڭ ومىرشەڭدىگىنىڭ ءالسىز بولۋى سياقتى ماسەلەلەر ورىن تەۋىپ وتىر، جوعارى ساپالى دامۋدى ىلگەرىلەتۋدە ءالى دە تالاي ءتۇزىلىس، مەحانيزم كەدەرگىلەرى ءومىر سۇرۋدە، ءسوزسىز، يدەيانى ونان ارى ازات ەتىپ، بازارلاندىرۋ رەفورماسىن بۇلجىماستان تەرەڭدەتىپ، جوعارى دەڭگەيدە ەسىك اشۋدى كەڭەيتىپ، ەكونوميكالىق ءتۇزىلىستىڭ شەشۋشى سيپاتتى، نەگىزدىك سيپاتتى كەلەلى رەفورمالارىندا تىڭ ناتيجە جاراتىپ، جاڭالىق اشۋ كەرەك. پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ سوتسياليستىك نەگىزگى شارۋاشىلىق تۇزىمىنە تاباندى بولۋ جانە ونى كەمەلدەندىرۋ جونىندەگى ستراتەگيالىق ورنالاستىرۋلارىن دايەكتىلەندىرىپ، تياناقتاندىرىپ، ەكونوميكالىق ءتۇزىلىس رەفورماسىن جانە باسقا دا جاقتارداعى ءتۇزىلىس رەفورماسىن اناعۇرلىم جوعارى باستامادا، اناعۇرلىم جوعارى دەڭگەيدە، اناعۇرلىم جوعارى نىسانادا ىلگەرىلەتىپ، اناعۇرلىم جۇيەلى، كەمەلدى، اناعۇرلىم تولىسقان، تۇلعالانعان جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ ءۇشىن وسى پىكىر ورتاعا قويىلدى.
«پىكىردىڭ» جەتەكشى يدەياسى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، مال - مۇلىك ۇقىعى ءتۇزىمىن كەمەلدەندىرۋ مەن فاكتورلاردى بازارلاندىرا ورنالاستىرۋدى ءتۇيىن ەتىپ، ەكونوميكالىق ءتۇزىلىس رەفورماسىن جاپپاي تەرەڭدەتىپ، سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرىپ، جوعارى ولشەمدەگى بازار جۇيەسىن قۇرىپ، مال - مۇلىك ۇقىعى ارقىلى ءونىمدى جىگەرلەندىرۋدى، فاكتورلاردىڭ ەركىن اۋىسۋىن، باعا اسەرىنىڭ يكەمدىلىگىن، باسەكەنىڭ ءادىل دە ءتارتىپتى بولۋىن، كاسىپورىنداردىڭ ۇزدىكتەرىن تاڭداپ، جارامسىزىن قاتاردان قالدىرۋدى جۇزەگە اسىرىپ، تۇزىمدىك قامداۋدى كۇشەيتىپ جانە جاقسارتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ءوندىرىس قاتىناسىنىڭ وندىرگىش كۇشپەن، قوندىرمانىڭ بازيسپەن ءوزارا ۇيلەسۋىن ىلگەرىلەتىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋدى جەبەۋ كەرەك.
«پىكىردە» ورتاعا قويىلعان نەگىزگى پرينسيپ − شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن جەتەكشى ەتۋگە تاباندى بولۋ، وندىرگىش كۇشتەردى ازات ەتۋگە جانە دامىتۋعا تاباندى بولۋ، سوتسياليستىك نەگىزگى شارۋاشىلىق تۇزىمىنە تاباندى بولۋ جانە ونى كەمەلدەندىرۋ، ۇكىمەت پەن بازاردىڭ قاتىناسىن دۇرىس ءبىر جاقتى ەتۋگە تاباندى بولۋ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولۋ، جوعارى دەڭگەيدە ەسىك اشۋدى كەڭەيتۋ مەن بازارلاندىرۋ رەفورماسىن تەرەڭدەتۋدىڭ ءبىرىن - ءبىرى جەبەپ، بىرگە ىلگەرىلەۋىنە تاباندى بولۋ.
«پىكىر» جالپى 8 مازمۇنعا بولىنەدى، مىنالاردى قامتيدى: جالپىلىق مەنشىك ءتۇزىمىن نەگىزگى تۇلعا ەتىپ، ءتۇرلى مەنشىكتەگى شارۋاشىلىقتى ورتاق دامىتۋعا تاباندى بولىپ، ميكرولىق نەگىزگى تۇلعانىڭ ومىرشەڭدىگىن ارتتىرۋ؛ بازار شارۋاشىلىعى نەگىزدىك ءتۇزىمىن بەكەمدەپ، بازار ءادىل باسەكەسىن قامتاماسىز ەتۋ؛ اناعۇرلىم كەمەلدەنگەن فاكتورلاردى بازارلاندىرا ورنالاستىرۋ ءتۇزىلىس، مەحانيزمىن ورناتىپ، تۇتاس قوعامنىڭ جاسامپازدىق قۋاتى مەن بازاردىڭ ومىرشەڭدىگىن اناعۇرلىم قاۋلاتۋ؛ ۇكىمەتتىڭ باسقارۋى مەن قىزمەت وتەۋ ادىسىندە جاڭالىق اشىپ، ماكرولىق ەكونوميكانى جونگە سالۋ ءتۇزىلىسىن كەمەلدەندىرۋ؛ حالىق تۇرمىسىن قامتاماسىزداندىرۋ تۇزىمىنە تاباندى بولىپ جانە ونى كەمەلدەندىرىپ، قوعامنىڭ ادىلدىگىن، ادىلەتتىلىگىن جەبەۋ؛ اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتىپ، ەسىك اشۋ ارقىلى رەفورمانى، دامۋدى جەبەۋ؛ سوتسياليستىك بازار شارۋاشىلىعى زاڭ، ءتۇزىمىن كەمەلدەندىرىپ، زاڭمەن جونگە سالۋدى قامتاماسىز ەتۋدى كۇشەيتۋ؛ پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، رەفورما شارالارىنىڭ ءونىمدى اتقارىلۋىنا شىنايى كەپىلدىك ەتۋ.
