شينجياڭ بيىلG 5 ينتەرنەت قۇرىلىسىن جەدەلدەتەدى. اۆتونوميالى رايوندىق حابارلاسۋدى باسقارۋ مەكەمەسىنىڭ ەڭ جاڭا ساندى مالىمەتىندە كورسەتىلۋىنشە، ٴۇش نەگىزدىك تەلەگراف كاسىپورنى 5G بازالىق ستانسياسىنان تاعى دا 4379ىن قۇرۋدى جوسپارلاعان.
مەجەمەن جىل سوڭىنا دەيىن بۇكىل شينجياڭ بويىنشا 5G بازالىق ستانسياسىنان4897ى اشىلىپ، كەلەر جىلدىڭ سوڭىندا تاعى دا بارلىق ايماق دارەجەلى قالالاردىڭ 5G جەلىسىن تولىق قامتۋدى جۇزەگە اسىرادى.
ەندەشە، 5G تەگى تۇرمىس پەن كاسىپ سالالارىنىڭ دامۋىنا قانداي وزگەرىس اكەلەدى؟ شينجياڭنىڭ 5G ينتەرنەت قۇرىلىسىنىڭ جاعدايى قالاي ؟ بىرلىكتە نازا سالايىق.
2019-جىلى 10-ايدىڭ 31-كۇنى 5G جەلىسى ٴۇرىمجى قالاسىندا رەسمي ساۋداعا سالىنىپ، ٴۇرىمجى مەملەكەت بويىنشا تۇڭعىش توپتاعى 5G اشىلعان 50 قالانىڭ بىرىنە اينالدى. ٴۇش نەگىزدىك تەلەگراف كاسىپورنى كوپ ٴتۇرلى G5 توپتاماسىن بازارعا سالدى. جۇڭگو تەلەگرافى شينجياڭ سەرىكتىگى 5G توپتاماسىن كۇنى بۇرىن كەلىسۋدى باستاعان ەكى اي ىشىندە 8000عا تاياۋ ابونت جەلىدە تىزىمدەلگەن.
5G ۇرىمجىدە رەسمي ساۋدادا قولدانىلعان كۇنى ۇرىمجىدەگى ٴبىر تيجارات زالىندا تۇتىنۋشى 5G توپتاما كاسىبىن بىتىرۋدە. سۋرەتتى جاڭ ۋاندى تۇسىرگەن
5-ايدىڭ 15-كۇنى، جۇڭگو تەلەگرافى ٴۇرىمجى بولىمشە سەرىكتىگى نانحۋ تەلەگراف تيجارات زالىندا قالا تۇرعىنى ۋاڭ شياۋلياڭ 3 مىڭ يۋاننان استام باعاداعى 5G قول تەلەفونىن زەر سالا تاڭدادى ٴارى 5G توپتاما كاسىبىن ٴبىتىردى. ول بىلاي دەدى: قازىر5G قول تەلەفونىنىڭ باعاسى لايىقتى، 3-4 مىڭ يۋاندىق باعانى ادەتتەگى بۇقارا قابىلداي الادى، ەڭ ارزان بولعاندا 2000 يۋاننان استام اقشاعا ساتىپ الۋعا بولادى. وسى تيجارات ورنىنىڭ باستىعى حۋاڭ دۇڭيان بىلاي دەدى: 5G قول تەلەفونىن ساتىپ الاتىن ابونتتار بارعان سايىن كوبەيىپ كەلەدى، مۇنىڭ ىشىندە، 30 جاس شاماسىنداعى ابونتتاردان 3000 يۋاننان استام باعاداعى 5G قول تەلەفونىن ساتىپ الاتىندار ٴبىرشاما كوپ. قازىر دارەجەسى وسىرىلگەن 5G توپتاما كاسىبىن بىتىرەتىن ابونتتاردىڭ سانى كورنەكتى ارتتى، ۇقساس باعاداعى199 يۋاندىق 5G توپتاماسىنىڭ اعىن مولشەرى 4G توپتاماسىنان شامامەن G20 كوپ.
جۇڭگو بىرلەسپە حابارلاسۋ سەرىكتىگى ٴۇرىمجى حۋاڭحى جولى تيجارات ورنىنىڭ قىزمەتكەرى 5G قول تەلەفونىمەن توراپ جىلدامدىعىن ارناۋلى ولشەۋ جۇمساق بولشەگىن اشۋدا، قارقىن ولشەۋ العاشتا-اق دەرەۋ سەكۋنتىنا 100 مەگابايتقا شىققان. ولشەۋ ناتيجەسىندە ناق مايدانداعى 5G توراپ جىلدامدىعى M b p s 800 عا جەتتى.
قىزمەتكەر ٴبىر APP دى كوشىرگەنگە تەك ٴبىر سەكۋند كەتتى، ٴبىر ٴىرى ويىندى كوشىرگەندە دە تەك 10 نەشە سەكۋند كەتتى، اسا تۇنىق كوك ٴتۇستى كينونى جەلىدە قويعاندا، قويۋ تىلشەسىن قاي جەرگە جىلجىتسا دا، لەزدە قويىلىپ، ەندىگارى باياۋلامادى، بولمە سىرتىنداعى تور قارقىنى ونىمدىلىگى اسا جاقسى بولىپ، 5G توراپ جىلدامدىعى 5G توراپ جىلدامدىعىنىڭ 10 ەسەسىنە، ٴتىپتى ودان دا جوعارى بولدى.
5G تەك تەز بە ؟ ول G 4 گە قاراعاندا تەك ” ٴبىر G عانا ارتىق “ پا ؟ 5G تەگى نە ؟ قاراپايىم تۇسىندىرسەك، 1G كەزىندە ٴبىز قول تەلەفونمەن تەلەفون سوعامىز، 2G كەزىندە كەلتە حات جولداپ جازۋ ينفورماتسياسىن كورەمىز، 3G كەزىندە تور بەتىن شولىپ، سۋرەت كورە الامىز، 4G كەزىندە كەسكىن مەن تىكە تاراتۋدى كورە الامىز. G1 دان G4 گە دەيىن سيگنال بارعان سايىن جاقسارىپ، حاۋىپسىزدىگى بارعان سايىن جوعارىلاپ، تورعا شىعۋ بارعان سايىن تەزدەپ، بەينە جول بارعان سايىن كەڭەيىپ، جولداعى اۆتوموبيلدەر دە بارعان سايىن كوبەيسە دە، جۇرگەن سايىن تەزدەگەندەي سەزىلەدى.
5G دەگەنىمىز- بەسىنشى ۇرپاق جىلجىمالى حابارلاسۋ تەحنيكاسىنىڭ قىسقاشا اتالۋى بولىپ، ول ۇلكەن كەڭ بەلدەۋ، ۋاقىت كەشەۋىلدەۋى تومەن، ۇلكەن جالعانىمدى جىلجىمالى جالعاۋ قابىلەتىنە يە. قىزمەت وتەۋ وبيەكتىسى ادام مەن ادامنىڭ حابارلاسۋىنان ادام مەن زاتتىڭ، زات پەن زاتتىڭ حابارلاسۋىنا كەڭەيدى.4G مەن سالىستىرعاندا 5G دىڭ اسا زور قۇنى جەدەلدەتۋ كاسىبىنىڭ قولدانىلمالى كورىنىسى G4 داۋىرىندەگى جىلجىمالى ينتەرنەتتەن ونەركاسىپ ينتەرنەتى، اۆتوكولىك ينتەرنەتى، زات ينتەرنەتى سياقتى ٴتىپتى دە كوپ سالاعا كەڭەيدى، ەلەكتر باعاناسى، ەسىك قۇلىبى، تەلەۆيزور سياقتىلاردىڭ بارلىعىن تورعا جالعاپ، ەڭ سوڭىندا ون سەگىز مىڭ عالامنىڭ ٴوزارا بايلانىسۋىن جۇزەگە اسىرۋعا بولاتىندىعىندا.
4G تۇرمىسىمىزدى وزگەرتتى، 5G قوعامدى وزگەرتتى، 5G قولدانىلىمى قازىر باستىسى تۇرمىستى زەردەلىلەندىرۋ، كاسىپ سالاسىن سيفرلاندىرۋ، جونگە سالۋدى نازىكتەندىرۋ سىندى ٴۇش ۇلكەن باعىتتى قامتيدى
1. تۇرمىستى زەردەلىلەندىرۋ جاعىندا 5G اسا تۇنىق كەسكىن، VR / AR ، بۇلت ويىنى سياقتى مادەنيەت، دەنە تاربيە، كوڭىل اشۋ كاسىپتەرىن قولداپ، ” ٴوز باسىنان وتكىزۋ“ دەي تەرەڭگە بويلاۋ كەشىرمەسىن ازىرلەدى؛ الىس ارالىقتى وپەراتسيا، جەلىدە وقىتۋ، شۇعىل قۇتقارۋ سياقتى تۇرمىستىق قولدانىمداردى قولدايدى؛ توراپ بىرلەستىگىندە شوفەرسىز اۆتوكولىك، كەمە، ماشينالاردى قولداپ، اسا تۇنىق سۋرەتتى ناق ۋاقىتتا جولداۋ، ۋاقىت كەشەۋىلدەۋى تومەن بولۋدى الىس ارالىقتان مەڭگەرۋ، ماڭگى جەلىدە بولۋ سياقتى ماڭىزدى قابىلەتكە يە بولىپ، اينالىم ونىمدىلىگىن جوعارىلاتادى؛ سونىمەن بىرگە زەردەلى وتباسى، بۇلت ۇستەل سياقتى تىڭ تۇرمىس، قىزمەت ٴتاسىلىن الا كەلدى.
2. كاسىپتى سيفرلاندىرۋ جاعىندا 5G مەن ونەركاسىپ، ەمدەۋ، فينانس، وقۋ-اعارتۋ سياقتى كاسىپتەردى توعىسپالى دامىتىپ، زەرتتەۋ-اشۋ، ٴوندىرۋ، باسقارۋ، قىزمەت وتەۋ سياقتى بۋىندارعا ٴسىڭىپ، ادام، زات، ماشينا سياقتى ٴتۇرلى فاكتورلار اراسىنداعى تۇتاس جالعانىمدى قاناعاتتاندىرىپ، ىشكەرىلەي ٴوزارا بايلانىسۋ جانە دارالانعان ىستەتۋ ٴتۇزىمىن جۇزەگە اسىرىپ، كاسىپ سالاسىن اناعۇرلىم سيفرلاندىرادى، توراپتاندىرادى، زەردەلىلەندىرەدى.
3. جونگە سالۋدى نازىكتەندىرۋ جاعىندا 5G ارقىلى قالا باسقارۋ، جارىقتاندىرۋ، ولشەۋىشتەردى تەكسەرۋ، اۆتوموبيل توقتاتۋ، الەۋمەتتىك حاۋىپسىزدىك جانە شۇعىل ٴبىر جاقتى ەتۋ سياقتى سالالارعا جاڭاشا زەردەلى قولدانىم الا كەلىپ، قوعامدىق جونگە سالۋ قابىلەتى مەن ونىمدىلىگىن جوعارىلاتادى.
الىس ارالىقتان ەمدەۋدى كورسەتپەلى ٴتۇسىندىرۋ ناق مايدانى
بيىل اۆتونوميالى رايونىمىزداعى ٴۇش نەگىزدىك تەلەگراف كاسىپورنى”5G + ەمدەۋ سالاسى“ن ىركەس-تىركەس ورىستەتىپ، الىس ارالىقتى سۇراپ دياگنوز قويۋدى، الىس ارالىقتان تەحنيكالىق جەتەكشىلىك ەتۋدى جۇزەگە اسىردى.
5-ايدىڭ 15-كۇنى بيڭتۋان 13 ـ شىسى ليۋشۋچۋان ەگىس الاڭى شيپاحاناسى 5G الىس ارالىقتى ۋلترا دىبىس قۇلتەمىرى 80 كيلومەتر شالعايداعى قۇمىل حۇڭشيڭ شيپاحاناسىنداعى شيپاگەردىڭ الىس ارالىقتان جەتەكشىلىك ەتۋىندە، مەحانيكالىق بىلەك ارقىلى ناۋقاستى ناق ۋاقىتتا ۋلترا دىبىسپەن جايمالاۋ جۇرگىزگەننەن كەيىن، دياگنوز قويۋ پىكىرىن بەردى.
الىس ارالىقتى ەمدەۋدى كورسەتپەلى ٴتۇسىندىرۋ ناق مايدانى
شيپاگەر مەن ناۋقاس اراسى ٴبىرشاما الىس بولعانىمەن، ٴبىراق G5 تورابىندا جەتكىزىلگەن كورىنىستەر تۇنىق، دىبىستار انىق بولىپ، ەشقانداي كەشىگۋ بولماي، شيپاگەر مەن ناۋقاس بەينە ٴبىر كەڭىستىكتە تۇرعانداي سەزىلدى
ىلگەرگى توراپ شارت-جاعدايىندا مەديتسينالىق كەسكىندى جەتكىزۋ قولايسىز بولىپ الىس ارالىقتان بىرىگىپ دياگنوز قويۋدا كەيدە كەسكىن قاتىپ قالۋ كورىلىپ، الىس ارالىقتان وپەراتسيا جاساۋدى ورىنداۋعا امالسىز قالاتىن. 5G تەحنيكاسى وسىنىڭ بارلىعىن وزگەرتەدى
5G تەحنيكاسى تيانشان اعىن الماستىرۋ پۋنكتىنىڭ جىلدىق ۋنيۆەرسال تەكسەرىپ- جوندەۋىنە دەمۋشى بولدى.
G 5 تەحنيكاسىنىڭ دەمەۋىندە” G5 + ونەركاسىپ ينتەرنەتى“تياناقتانىپ، زەردەلى تەكسەرۋ-جوندەۋ ەلەكتر تورابىن تەكسەرۋ-جوندەۋ بارىسىندا قولدانىلدى.
5-ايدىڭ 11-كۇنى G 5 دىڭ قولداۋى نەگىزىندە قۇراما قاناتتى ۇشقىشسىز ۇشاق، كۇزەتشى شار ماشيناسى جانە جەر بەتىندەگى جىلجىمالى جۇمىس جۇرگىزەتىن تەرمينال قۇمىل± 800 كيلوۆولت تيانشان اعىن اۋىستىرۋ پۋنكتى جىلدىق ۆنيۆەرسال تەكسەرۋ- جوندەۋىنە كومەكتەستى. G5 + بۇركىت كوزىن ىسكە اسىرۋ پۋنكتىندەگى 360 گرادۋستىق تولىق كورىنىس، ٴىرى كوكۋس قاشىقتىق كەسكىنى ٴدال ۋقىتتا قايتارىپ جەتكىزىلىپ، پۋنكتتەگى تەكسەرىپ-جوندەۋ جۇمىسى، كىناراتقا تۇجىرىم جاساۋعا ايقىن، سەنىمدى تەكسەرۋ قاجەتىمەن قامدادى. G5 + ۇشقىشسىز ۇشاق جان-جاقتىلى، سترەولدى شارلاپ تەكسەرۋدى ورىنداپ، ساندى مالىمەتتەر الىس ورىنداعى ساندى مالىمەت ورتالىعىنا قايتا جەتىپ، قىزمەتكەرلەر بوگەتسىز اسا تۇنىق سۋرەت ارقىلى جابدىقتاردىڭ اۋقىمدىق اينالىم احۋالىن ٴدال ۋاقىتىندا باقىلادى. WIFI+5G ۇلكەن كەڭ بەلدەۋلى توراپ ورتاسى، جوعارى كەڭ بەلدەۋلى، ۋاقىت كەشىگۋى تومەن توراپ قارقىنى جۇمىس جۇرگىزۋشىلەردىڭ قول تەلەفون سياقتىG5 جابدىعى ارقىلى شارلاپ تەكسەرۋ كەسكىنىن ٴدال ۋقىتىندا تەكسەرۋىنە كەپىلدىك ەتتى.
ماتەريال سۋرەت
” + 5G بۇلتتىق ەسەپتەۋ“ 5G داعى ەڭ كومەسكى كۇشكە يە قولدانىلىم بولىپ، جاڭا تيپتى ايدارشا ۆيرۋس وكپە قابىنۋ ىندەتى كەزىندە” 5G جىلۋ كەسكىندى زەردەلى ادام دەنەسى تەمپەراتۋراسىن ولشەۋ“، ” بۇلتتىق حابار“، ”بۇلتتىق قىزمەت ىستەۋ “ سياقتىلار ينفورماتسيا جيناۋ ساناعى، تالداۋ جاساۋ سياقتى ىندەتتەن ساقتانۋ-تىزگىندەۋ قاجەتىن قاناعاتتاندىردى.
5G دىڭ زەردەلى قاتىناس، زەردەلى وتباسى، زەردەلى سالاماتتىقتى باسقارۋ، ونەركاسىپ ينتەرنەتى، زەردەلى اۋىل شارۋاشىلىعى، زەردەلى زات اينالىمى، قوعامدىق قىزمەت وتەۋ سياقتى كوپ سالادا قولدانىلۋى تۇرمىسىمىزدى اناعۇرلىم قولايلىلاستىرۋمەن بىرگە، قوعامدىق باسقارۋ قابىلەتىن ٴوسىرىپ، 5G مەن ٴار سالا، ٴار كاسىپتىڭ ىشكەرىلەي توعىسۋىن، قولدانىلۋىن جوعارىلاتىپ، اناعۇرلىم كوپ جاڭا ونىمدەر مەن جاڭا قىزمەت وتەۋ جارىققا شىعىپ، جاڭا كاسىپ كۇيى مەن جاڭا ۇلگىنى جاراتتى. شينجياڭ كەزەكتە 5G قۇرىلىسى قىزمەتىن بەلسەنە ورىستەتىپ، سيفرلى ەكونوميكانىڭ دامۋىن تىڭ ساتىعا كوتەرىلۋىن ىلگەرىلەتۋدە.
بيىل ٴۇش نەگىزدىك حابارلاسۋ كاسىپورنى 5G بازالىق ستانسيادان 4مىڭ 379 ىن قۇرۋدى جوسپارلادى، مۇنىڭ ىشىندە شينجياڭ جىلجىمالى حابارلاسۋ سەرىكتىگى 2 مىڭ 470، شينجياڭ تەلەگراف سەرىكتىگى مەن شينجياڭ بىرلەسپە حابارلاسۋ سەرىكتىگى 1909 ستانسيانى بىرلەسىپ قۇرماقشى، بۇعان ٴۇش كاسىپورىن جيىنى ٴبىر ميلليارد 890 ميلليون يۋان قارجى قوستى.
قازىر ٴارقايسى حابارلاسۋ كاسىپورىندارى 5G قۇرىلىسى قىزمەتىنە جاپپاي ات سالىستى. 5ـ ايدىڭ 17 ـ كۇنىنە دەيىن بۇكىل شينجياڭدا جيىنى 5G بازالىق ستانسياسىنان 2789 ى اشىلدى، مۇنىڭ ىشىندە ۇرىمجىدە 2259 ى اشىلدى. مەجەمەن بيىل جىل سوڭىندا بۇكىل شينجياڭدا 5G بازالىق ستانسياسىنان 4 مىڭ 897 ى اشىلادى، ٴۇرىمجى قالاسى ورتالىق قالا رايونى، اۋدان قالاشىعى، ٴارقايسى ٴىرى كورىنىس وڭىرلەرى، ماڭىزدى ۇكىمەت، كاسىپورىندار، جوعارى مەكتەپ سياقتى ورىنداردى ٴۇرتىس قامتۋدى جۇزەگە اسىرادى، قالعان ايماق، وبلىس، قالالاردىڭ ورتالىق قالا رايونىنا 5G تورابى قامتىلادى. كەلەر جىلدىڭ سوڭىندا بارلىق ايماق دارەجەلى قالالاردىڭ 5G تورابى تولىق قامتۋدى جۇزەگە اسىرادى.
ٴۇرىمجىنى وزەك ەتىپ، بۇكىل شينجياڭنىڭ 5Gقولدانىلىمىن جەبەۋ، ونەركاسىپ، ساياحات كاسىبى بويىنشا 5G تورابىن الدىمەن قۇرۋ جانە قولدانۋ، سونداي-اق 5G قولدانىلمالى كورىنىسى مەن قولدانۋ سالاسىن كەڭەيتۋ ارقىلى بىرتىندەپ كەڭەيتۋ ۇلگىسىن ورىستەتىپ، 5G تورابىنىڭ بۇكىل شينجياڭنىڭ قۇرلىسىندا سيفرلى ەكونوميكانىڭ جاڭا كاسىبىن، جاڭا كاسىپ كۇيىن بەلسەنە جەتىلدىرەتىن بولادى.
اۋدارعان: قادىر ماقان
