شينجياڭ گازەتىنىڭ جالپىلىق اقپارات قۇرالدارى تىلشىلەرى لي شيڭ، سۇي يۇنيان
4 - ايدىڭ ورتا شەنىندە ءتىلشى رايلام مامەت قىزمەت ىستەيتىن ءدارى - دارمەك دۇكەنىنە كەلگەندە، رايلامنىڭ اق ءتۇستى قىزمەت فورىمىن كيىپ، ادەمى جاسانىپ، تاعى ءبىر دۇكەن قىزمەتكەرىمەن بىرگە زات سورەسىندەگى دارىلەردى رەتتەپ جۇرگەندىگىن كوردى.
”كەيبىر دارىلەردىڭ ۋاقىتى وتەيىن دەپ قالىپتى، دەرەۋ جيناستىرىپ رەتتەپ شىعۋ كەرەك، ەگەر وقىستان ۋاقىتى وتكەن دارىلەر ساتىلىپ كەتسە، ءدارى - دارمەك دۇكەنىنىڭ ابىرويىنا داق كەلتىرۋمەن قاتار، الارماندارعا دا جاۋاپكەرسىزدىك ىستەگەن بولامىز“. رايلامنىڭ پۋتۇڭحۋاسى ەرەكشە جاتىق، داۋىسى ءبىر قالىپتى، ەستىگەن ادامعا ەرەكشە جاعىمدى سەزىلەدى.
قازىرگى قىزمەتىن ايرىقشا قاستەرلەيدى
2018 - جىلدىڭ سوڭىندا رايلام اقسۋ قالاسىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقاننان كەيىن، ءبىر توقىماشىلىق زاۆودىندا ءبىر مەزگىل قىزمەت ىستەدى. زاۆود ۇيىنەن تىم شالعاي بولىپ، كەلىپ - كەتۋى قولايسىز بولعاندىقتان، ول قىزمەتتەن شەگىندى.
جاڭا قىزمەت تابۋ ءۇشىن، رايلام اقسۋ قالاسىنداعى ۇلكەندى - كىشىلى كوشەلەردىڭ ءبارىن ارالاپ، كوشە بويىنداعى ءبىر ءدارى - دارمەك دۇكەنىنىڭ ەسىك الدىنا قىزمەتكەر قابىلداۋ جارناماسى جاپسىرىلعاندىعىن كورەدى دە، باتىلدىقپەن ءدارى - دارمەك دۇكەنىنە كىرەدى. وسىلايشا ول جاڭا قىزمەتىن باستادى.
ءار كۇنى رايلام ءدارى - دارمەك دۇكەنىنە ءبىرىنشى بولىپ كەلىپ، دۇكەننىڭ ءىشى - سىرتىن تۇگەلدەي ايناداي ەتىپ تازالايدى. الارمان جوق بولسا بولعانى، ول ءدارى - دارمەكتەردى تۇگەندەيدى، كوپ وتپەي ول ءدارى - دارمەكتەردىڭ ءتۇرىن انىق ءبىلىپ الدى.
”دارىلەردىڭ تۇرىنە ەرەكشە قانىق بولعاندا عانا، الارماندار قاجەت ەتكەندە تەز تاۋىپ بەرە الامىن“، - دەدى رايلام.
ءدارى - دارمەك دۇكەنىنىڭ جاۋاپتىسى جاڭ حىجۇن تىلشىگە: ”ءدارى - دارمەك دۇكەنىندە ىستەگەندە ۇقىپتى، مۇقيات بولۋ كەرەك، رايلام ەشقانداي اعاتتىق جىبەرىپ كورمەدى“ دەدى.
ءدارى - دارمەك دۇكەنى ۇيىنە جاقىن بولعاندىقتان، رايلامنىڭ قىزمەتكە كەلىپ - كەتۋىنە ەداۋىر قولايلى بولدى. ءدارى - دارمەك دۇكەنىندە قىزمەت ىستەگەنىنە ءبىر اي تولعاننان كەيىن، ول 3000 يۋان ەڭبەكاقى الدى. ول ءوزىنىڭ كىرىسىنە ەرەكشە رازى بولدى، وسى اقشالارمەن ءبىر ءۇيلى جاننىڭ تۇرمىسى قامتاماسىز ەتىلەدى، ول بۇل قىزمەتىن ايرىقشا قاستەرلەيدى.
بۇرىنعى تۇرمىسىم ۇرەيلى ءتۇس
رايلام بىلاي دەدى: ورتا تەحنيكۋم بىتىرگەننەن كەيىن، مەن قىزمەت ىزدەمەي، تەز ارادا تۇرمىسقا شىقتىم. سول كەزدە مەنىڭ زاڭ تانىمىم ءالسىز ەدى، ۇشقارى يدەيامەن ۋلانعاندىقتان، مەن تۇرمىسقا شىققاندا ۇيلەنۋ كۋالىگىن الۋدىڭ قاجەتى جوق دەپ قارادىم، ۇيدەگىلەر مەن دوستارىمنىڭ ءناسيحاتى مەنى العان بەتىمنەن قايتارا المادى.
رايلام توڭمويىندىقپەن نيقاپ، بۋرقا كيگەندە عانا سىرتقا شىعۋعا بولادى دەپ قارادى. ايتسە دە ”باس قۇراعاننان“ كەيىن رايلام باقىتتى بولا المادى، قارسى جاق ءسال نارازى بولسا بولعانى ونى ۇرىپ - سوعىپ، ياناتتادى. مۇنداي ۇرەيلى ءتۇس ىسپەتتى تۇرمىس رايلامنىڭ باس قۇراعاننان كەيىنگى تۇرمىسقا دەگەن تاماشا ارمانىن ءبىرجولاتا كۇيرەتتى.
رايلامنىڭ شەشەسى ايرىقشا الاڭداپ، ونىڭ جاعدايىن قىستاقتا تۇراتىن قىزمەت اترەتىنە ايتىپ، ولاردان كومەك سۇرادى. قىزمەت اترەتى مۇشەلەرىنىڭ ناسيحاتتاۋىمەن رايلام اقسۋ قالاسىنداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە تىزىمدەلدى.
العاشىندا وتباسى تۇرمىسىنىڭ باقىتسىزدىعى سەبەپتى، رايلام ەرەكشە تۇنجىراپ ءجۇردى. باۋلۋ ورتالىعىنداعى وقىتۋشىلار جاعدايدى ۇعىسقاننان كەيىن، ونىمەن ۇنەمى اڭگىمەلەستى، بىرتىندەپ ول اعىنان اقتارىلىپ وقىتۋشىعا ءوزىنىڭ وتباسى تۇرمىسىنىڭ باقىتسىزدىعىن ايتتى. وقىتۋشى وعان ايتىلمىس ”باس قۇراۋىنىڭ“ زاڭسىز ەكەندىگىن ايتتى. رايلام ەسىن جيىپ، ءوزىنىڭ ناداندىعىنا، توپاستىعىنا وكىندى جانە ازاپتاندى.
وقىتۋشىنىڭ سەرىك بولۋىندا، رايلام تۇرمىستىڭ كوڭىلىنە سالعان قاياۋىنان بىرتىندەپ قۇتىلىپ، اشىق جارقىن بولىپ وزگەرە باستادى. ول باۋلۋ ورتالىعى اشقان اجارلاندىرۋ، شاش جاساۋ كۋرسىنا قاتىناسىپ، وقىتۋشىسىنىڭ جەتەكشىلىگىندە ءبىرىنشى رەت ءوزىن ادەمىلەپ اجارلاندىرىپ، وقىتۋشى مەن ساباقتاستارىنىڭ القاۋىنا يە بولدى. ايناداعى سۇلۋ، جايدارى ءوزىن كورگەن رايلام ىشتەي بۇرىنعى وزىمە قوش ايتىپ، شىت جاڭا تۇرمىس باستايمىن دەگەن ويعا كەلدى.
ءوز ەڭبەگىمەن ۇيىندەگىلەردى اسىراۋعا قۇلشىندى
باۋلۋ ورتالىعىنداعى ۇيرەنۋ رايلامدى ءبىرجولا وزگەرتتى. وقۋ تاۋىسقاننان كەيىن، ول وتكەن كۇندەرىمەن باتىل ات كەكىلىن كەسىپ، جاڭا تۇرمىسىن باستادى.
قازىر رايلام شەشەسىمەن، سىڭلىسىمەن جانە قىزىمەن بىرگە تۇرمىس كەشىرەدى. ءسىڭلىسى ءالى وقىپ جاتقاندىقتان، ول ءۇيدىڭ ”تىرەگىنە“ اينالدى.
”بۇرىن كىرىسىم جوق بولعاندىقتان باسقالارعا قول سوزاتىنمىن، ءوزىمدى قوراشسىندىم. قازىر ءوزىم اقشا تاۋىپ، ءوزىم جۇمسايمىن، ءوز ءىسىن دارا جۇرگىزەتىن ايەل زاتى بولۋ شىنىمەن جاقسى ەكەن. مەن ءوز ەڭبەگىممەن كۇنەلتىپ، وتباسىمداعىلاردى جاقسى اسىراۋعا قۇلشىنامىن“. رايلام تۇرمىسقا ەرەكشە ىقىلاستى، ”قىزىم ەرەكشە سۇيكىمدى، بيىل 9 - ايدا بالاباقشاعا بارادى. شەشەمنىڭ دەنساۋلىعى دا جامان ەمەس، ءسىڭلىم دە تەز ارادا وقۋىن تاۋىسىپ، قىزمەتكە شىعادى، وتباسىمىزداعىلاردىڭ تۇرمىسى بارعان سايىن باقىتتى بولادى“، - دەدى ول.
بىلتىر جىل سوڭىندا رايلام دۇكەن باستىعى بولدى، ءار ايدا 3500 يۋان ەڭبەكاقى الدى، ول ىرىقتىلىقپەن ءوتىنىش ەتىپ، شەشەسىن ەڭ تومەنگى تۇرمىستى قامتاماسىز ەتۋدەن شەگىندىردى. ”كىرىسىم تىم جوعارى بولماعانىمەن، ءبىر ءۇيلى جاننىڭ شىعىمىنا جەتەدى، ۇكىمەتكە اۋىرتپالىق سالا بەرسەك بولمايدى“، - دەدى رايلام.
باۋلۋ ورتالىعىندا ۇيرەنگەن كەزدە، رايلام كوپتەگەن زاڭ كىتاپتارىن دا وقىپ، ”زاڭ بىلگىرىنە“ اينالدى. قىزمەت ارەدىگىندە ول الەۋمەتتىك اۋماق ەرىكتىلەر قيمىلىنا بەلسەنە قاتىناسىپ، الەۋمەتتىك اۋماق تۇرعىندارىنا زاڭ بىلىمدەرىن ۇگىتتەدى، باۋلۋ ورتالىعىندا قالىپتاستىرعان وقۋ جاقسى ادەتىن ءالى ساقتاپ كەلەدى. ”كىتاپتى كوپ وقىعاندا جان دۇنيەم اناعۇرلىم باييدى، سونىمەن بىرگە ءوزىمنىڭ تۇرمىس نىسانام دا اناعۇرلىم ايقىندالادى“.
قىزمەت ىستەگەن ۋاقىتى ۇزارا كەلە، ول جاڭ حىجۇنمەن دوس بولىپ كەتتى. ”بۇرىن باسقا ۇلتتان دوسىم جوق ەدى، قازىر جاڭ حىجۇن وتباسىنداعىلارمەن قارىم - قاتىناسىم ەرەكشە جاقسى، ولار قىزمەتتە، تۇرمىستا ماعان ەرەكشە كوڭىل بولەدى“.
جاڭ حىجۇن وعان جىگىت تانىستىرۋعا قامداندى. ”بۇرىن ءوزىمدى قالاي قورعاۋدى ۇقپاعاندىقتان، بىلمەگەندىكتەن، كۇيەۋگە شىققاندا جاي - جاپسارىن ۇعىسپاپپىن. قازىر قانداي ادام قاجەت ەكەندىگىن، قانداي تۇرمىس وتكىزەتىندىگىمدى بىلەمىن“، - دەدى رايلام كۇلىپ.
