شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 5 - ايدىڭ 16 - كۇنى ۇرىمجىدەن حابارلايدى. ”ءبىز ورتاعا قويعان اۋىل - قىستاق قونىس ورتاسىن رەتتەۋ - جونگە سالۋ بويىنشا سيلىق قاراجات، قوسىمشا قاراجات بەرۋ ساياساتىن العا قويۋ سياقتى ۇسىنىستار قازىرگى ساياساتتاردا ايگىلەندى“، - دەدى ۋاكىل نياز ءاشىم. مەملەكەتتىك 13 - كەزەكتى حالىق قۇرىلتايىنىڭ 2 - ماجىلىسىندە مەملەكەتتىك حالىق قۇرىلتايىنىڭ نياز ءاشىم قاتارلى 9 ۋاكىلى اۋىل - قىستاق قونىس ورتاسىن رەتتەۋ - جونگە سالۋ بويىنشا سيلىق قاراجات، قوسىمشا قاراجات بەرۋ ءادىسىن اتقارۋدى ورتاعا قويعان بولاتىن.
نياز ءاشىم بىلاي دەدى: رەفورما جاساپ، ەسىك اشقاننان بەرى رايونىمىز اۋىل - قىستاقتارىنىڭ دامۋ اياق الىسى تەزدەدى، الايدا ءالى دە جول ءجۇرۋ جاپالى، دارەتكە وتىرۋ قيىن، قورشاعان ورتا لاس، قىستاق كەلبەتى ناشار بولۋ سياقتى ماسەلەلەر ورىن تەۋىپ، بۇقارانىڭ تابىس سەزىمىنە، باقىت سەزىمىنە ىقپال جاساپ، قالىڭ شارۋالار بۇقاراسىنىڭ كۇشتى تالاپ - تىلەگىنە اينالدى.
”حالىقتى وزەك ەتكەن دامۋ يدەياسىن بەرىك ورناتىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، كوركەم دە قونىستانۋعا جايلى اۋىل - قىستاق قۇرۋدى بەتالىس ەتىپ، ءارقايسى جاقتاردىڭ كۇش - قۋاتىن جاپپاي جۇمىلدىرىپ، اۋىل - قىستاق قوقىر - قوقسىقتارىن، تۇرمىستىق لاس سۋلاردى، دارەتحانا دايراقتارىن جونگە سالۋدى جەدەل ىلگەرىلەتىپ، ءىشىنارا اۋىل - قىستاقتاردىڭ سۋ، ەلەكتر، جول قۇرىلىسىنداعى مەشەۋ جاعدايدى تەزىرەك شەشىپ، اۋىل - قىستاق قونىس ورتاسىنداعى ولقىلىقتاردى تولىقتاپ، اۋىل - قىستاقتاردىڭ ءوندىرىس، تۇرمىس، ەكولوگيا ورتاسىن جاپپاي جاقسارتۋ“. نياز ءاشىمنىڭ ۇسىنىسىنا اۋىل شارۋاشىلىعى، اۋىل - قىستاق مينيسترلىگى باستاماشى بولىپ اۋىل - قىستاق قونىس ورتاسىن رەتتەۋ - جونگە سالۋ بويىنشا سيلىق قاراجات، قوسىمشا قاراجات بەرۋ ءادىسىن تەزىرەك جاريالاپ، اۋىل - قىستاق كەلبەتىن كەشەندى رەتتەۋ - جونگە سالۋ، اۋىل - قىستاق دارەتحانالارىن جاقسارتۋ، تۇرمىستىق قوقىر - قوقسىقتى، لاس سۋدى جونگە سالۋ سياقتىلاردى قولداۋعا پايدالانىپ، اۋىل - قىستاق قونىس ورتاسىن رەتتەۋ - جونگە سالۋ ارەكەتىن جاپپاي ىلگەرىلەتۋگە قارجىلىق قامتاماسىزدىق ازىرلەدى.
اۋىل شارۋاشىلىعى، اۋىل - قىستاق مينيسترلىگى قايتارعان جاۋابىندا مىنانى ءبىلدىردى: 2019 - جىلى 3 - ايدا اۋىل شارۋاشىلىعى، اۋىل - قىستاق مينيسترلىگى، قازىنا مينيسترلىگى «اۋىل - قىستاقتاردىڭ قونىس ورتاسىن رەتتەۋ - جونگە سالۋعا ىنتالاندىرۋ شاراسىن اتقارۋ جونىندەگى ءادىسىن» باسىپ تاراتتى، 4 - ايدا قازىنا مينيسترلىگى اۋىل شارۋاشىلىعى، اۋىل - قىستاق مينيسترلىگىمەن بىرلەسىپ «اۋىل - قىستاقتاردا ”دارەتحانا توڭكەرىسىن“ بۇكىل قىستاق بويىنشا جالپىلاستىرۋدى ىلگەرىلەتۋگە قازىنالىق سيلىق قاراجات، قوسىمشا قاراجات بەرۋ قىزمەتىن ورىستەتۋ جونىندەگى حابارلاندىرۋدى» باسىپ تاراتىپ، ورتالىق قازىنانىڭ ارناۋلى قارجى ورنالاستىرىپ، 5 جىل اينالاسىندا ۋاقىت جۇمساپ، سيلىق قاراجات، قوسىمشا قاراجات بەرۋ ءادىسى ارقىلى جەر - جەردىڭ شارت - جاعدايى بار اۋىل - قىستاقتاردا تازا دارەتحانا جالپىلاستىرۋدى ىلگەرىلەتۋىنە قولداۋ كورسەتىپ جانە جەتەكتەپ، دارەتحانا دايراقتارىن نەگىزىنەن ءبىر جايلى ەتۋ مەن بايلىققا اينالدىرىپ پايدالانۋدى جۇزەگە اسىرۋ كەرەكتىگىن ايقىندادى.
2019 - جىلى 5 - ايدا مەملەكەتتىك كەڭەس حابارلاندىرۋ باسىپ تاراتىپ، اۋىل - قىستاقتىڭ قونىس ورتاسىن رەتتەۋ - جونگە سالۋدى ورىستەتۋ ناتيجەسى كورنەكتى 19 اۋداندى (قالا، رايون) ىنتالاندىرىپ، باستىسى، اۋىل - قىستاق دارەتحانا توڭكەرىسىن بۇكىل قىستاق بويىنشا ىلگەرىلەتۋ، قىستاق كەلبەتىن رەتتەۋ - جونگە سالۋدىڭ دەڭگەيىن جوعارىلاتۋ، ت.ب اۋىل - قىستاق قونىس ورتاسىن رەتتەۋ - جونگە سالۋعا قاتىستى قۇرىلىستارعا پايدالاندى.
كەلەسى قادامدا اۋىل شارۋاشىلىعى، اۋىل - قىستاق مينيسترلىگى اۋىل - قىستاق دارەتحانا توڭكەرىسىن بۇكىل قىستاقتا جالپىلاستىرۋدى ىلگەرىلەتۋ بويىنشا سيلىق قاراجات، قوسىمشا قاراجات بەرۋ ساياساتىن ويداعىداي اتقارۋعا ۇيىمداستىرىپ، اۋىل - قىستاقتىڭ قونىس ورتاسىن رەتتەۋ - جونگە سالۋ ارەكەتىن جالپى بەتتىك ىلگەرىلەتۋگە اناعۇرلىم پارمەندى قارجى قامتاماسىزدىعىن ازىرلەيدى. دۇرىس بەتالىسقا ىنتالاندىرۋدى كۇشەيتىپ، جەر - جەردىڭ اۋىل - قىستاق قونىس ورتاسىن رەتتەۋ - جونگە سالۋ قىزمەتىن ىشكەرىلەي ىلگەرىلەتۋدەگى بەلسەندىلىگىن جۇمىلدىرىپ، اۋىل - قىستاق قونىس ورتاسىن رەتتەۋ - جونگە سالۋدىڭ 3 جىلدىق ارەكەت نىساناسىن ءدال ۋاعىندا ورىنداۋعا شىنايى كەپىلدىك ەتەدى.
