شينجياڭ گازەتىنىڭ جالپىلىق اقپارات قۇرالدارى ءتىلشىسى لياڭ ليحۋا
”مەملەكەتتىك ساياسي كەڭەستىڭ مۇشەسى رەتىندە، ءتىپتى دە جاۋاپكەرشىلىك ارقالاۋ كەرەك، ’ىندەتپەن‘ شايقاستا مەملەكەت ءۇشىن مىندەت اتقارىپ، حالىق ءۇشىن جاۋاپكەرشىلىكتى ادا ەتۋ كەرەك“، - دەدى 5 - ايدىڭ 11 - كۇنى شينجياڭدا تۇراتىن مەملەكەتتىك ساياسي كەڭەستىڭ مۇشەسى، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ ارناۋلى ورىنباسار مەڭگەرۋشى مۇشەسى دىڭ حۇڭ.
بيىل ”ىندەتپەن“ شايقاسۋعا كۇش ۇستەۋ ءۇشىن، دىڭ حۇڭ جۇڭگو گومينداڭ توڭكەرىستىك كوميتەتى ورتالىق كوميتەتىنەن، جۇڭشان بو - اي قور قوعامىنان 100 مىڭ يۋاندى سايكەستىرىپ، ياركەن اۋدانىنداعى 4 اۋىر كەدەي قىستاقتىڭ ىندەتتەن ساقتانۋ - تىزگىندەۋىنە جۇمسادى، 30 مىڭ يۋاندى سايكەستىرىپ، قىستاق ەمحاناسىنىڭ ىندەتكە قارسى اتتانۋ زاتتىق ماتەريالدارىن ساتىپ الۋىنا جۇمسادى. سونىمەن بىرگە، ىندەتتەن ساقتانۋ - تىزگىندەۋگە مەڭزەس، دىڭ حۇڭ مەملەكەتتىك ساياسي كەڭەسكە، اۆتونوميالى رايوندىق ساياسي كەڭەسكە «دەنساۋلىق ساقتاۋ، ىندەتتەن ساقتانۋ باۋلۋىن ورىستەتىپ، جۇمىستى، ءوندىرىستى، وقۋدى قالپىنا كەلتىرۋدىڭ رەال قاجەتىنە ءونىمدى توتەپ بەرۋ جونىندەگى ۇسىنىس»، «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋگە ءدارى - دارمەك ىستەتۋ، اسپاپ ىستەتۋ حاۋىپسىزدىگىن باقىلاۋ - باسقارۋدى اناعۇرلىم ويداعىداي ىستەۋ جونىندە ۇسىنىس» قاتارلىلاردى تاپسىرىپ، ىندەتتەن ساقتانۋ - تىزگىندەۋدىڭ توسقاۋىل شايقاسىندا جەڭىسكە جەتۋ ءۇشىن بەلسەنە اقىل - كەڭەس بەردى.
”تەكسەرۋ - زەرتتەۋ بارىسىندا مەن ىندەتتىڭ ىقپالىنا ەداۋىر ۇشىراعان كاسىپورىنداردىڭ ۇكىمەتتىڭ قوسىمشا قاراجاتىنان يگىلىكتەنگەننەن كەيىن، بىرتىندەپ قالىپتى ارناعا تۇسكەندىگىن كورىپ جۇڭگو كوممۋنيستىك پارتياسىنىڭ حالىقتى وزەك ەتەتىن، حالىق ءۇشىن بيلىك جۇرگىزەتىن بيلىك جۇرگىزۋ ۇستانىمىن تەرەڭ سەزىندىم“، - دەدى دىڭ حۇڭ.
مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىندە دىڭ حۇڭ كەدەيلىكتەن ارىلتۋدان قامال الۋعا كۇش ۇستەۋ، شينجياڭنىڭ توقىماشىلىق، كيىم - كەشەك سالاسىنىڭ دامۋىن ۇزدىكسىز ىلگەرىلەتۋ ۇسىنىس جوباسىن العا قويدى، رايونىمىزدىڭ توقىماشىلىق، كيىم - كەشەك سالاسىندا ساقتالعان ماسەلەلەرگە مەڭزەس، كاسىپتىك دارىندىلاردى بار كۇشپەن جەتىلدىرۋ، مەملەكەتتىڭ شينجياڭنىڭ توقىماشىلىق، كيىم - كەشەك كاسىپ سالاسىنىڭ دامۋىن قولداۋ سەرپىنىن ۇزدىكسىز كۇشەيتۋ، شينجياڭنىڭ توقىماشىلىق، كيىم - كەشەك كاسىپ سالاسىن دامىتۋعا تيىمدىلىك جاساۋ ساياساتتارىنىڭ اتقارىلۋ ۋاقىت شەگىن 2023 - جىلعا دەيىن ۇزارتۋ سياقتى ۇسىنىستاردى العا قويدى.
”مەملەكەتتىك دامۋ جانە رەفورما كوميتەتى قايتارعان جاۋابىندا شينجياڭنىڭ توقىماشىلىق، كيىم - كەشەك كاسىپ سالاسىن دامىتۋعا تيىمدىلىك جاساۋ ساياساتتارىنىڭ اتقارىلۋ ۋاقىت شەگى 2030 - جىلعا دەيىن ۇزارتىلعاندىعىن ءبىلدىردى“. ۇسىنىسىنىڭ قابىلدانعاندىعىن اۋىزعا العاندا دىڭ حۇڭ ايرىقشا تەبىرەندى.
بىلتىر مىندەت وتەگەندە دىڭ حۇڭ رايونىمىزدىڭ توقىماشىلىق، كيىم - كەشەك سالاسىنىڭ دامۋىنا ۇزدىكسىز نازار اۋدارىپ، تارىم داشۋەسىنە، اقسۋ توقىماشىلىق ونەركاسىپ ورتالىعىنا بارىپ تەكسەرۋ - زەرتتەۋ جۇرگىزىپ، شينجياڭداعى جوعارى مەكتەپتەردىڭ توقىماشىلىق، كيىم - كەشەك جاعىنداعى دارىندىلاردى تاربيەلەۋى، سونداي - اق كاسىپورىنداردىڭ جۇمىستانۋدى جەتەكتەۋى سياقتى جاعدايلاردى ۇعىستى.
”ساياسي كەڭەستىڭ مۇشەسى رەتىندە، نەگىزگى ساتىعا جانە بۇقارا اراسىنا ۇنەمى بارىپ، بۇقارانىڭ جۇرەك ءۇنىن ۇعىسىپ، بۇقارادان اقىل - پاراسات جانە كۇش - قۋات الىپ، اناعۇرلىم كوپ قۇندى ۇسىنىس جوبا جانە ۇسىنىس قويۋ كەرەك“، - دەدى دىڭ حۇڭ. ول بيىل «شينجياڭ جۇڭي شيپاگەرلىك - دارىگەرلىك داشۋەسىن قۇرۋ ۇسىنىسىن» الا بارماق. دىڭ حۇڭنىڭ قاراۋىنشا، شينجياڭنىڭ تاماشا وڭىرلىك باسىمدىلىعى بار، شينجياڭدى جىبەك جولى ەكونوميكالىق بەلدەۋى وزەكتى رايونىنداعى جۇڭي شيپاگەرلىگىنىڭ - دارىگەرلىگىنىڭ بيىك تۇعىرى ەتىپ قۇرىپ شىعۋ − جۇڭي شيپاگەرلىگىنىڭ - دارىگەرلىگىنىڭ سالاماتتىق بايلىعى، ەكونوميكالىق بايلىعى، عىلىم - تەحنيكا بايلىعى، مادەنيەت بايلىعى جانە ماڭىزدى ەكولوگيالىق بايلىعى بولۋ باسىمدىلىعىن تولىق ساۋلەلەندىرەدى.
دىڭ حۇڭ مىنالاردى ءبىلدىردى: قازىر شينجياڭنىڭ جۇڭي شيپاگەرلىك - دارىگەرلىك دارىندىلارى ەرەكشە تاپشى، شينجياڭنىڭ كەزەكتەگى جۇڭي شيپاگەرلىك - دارىگەرلىك وقۋ - اعارتۋ مەديتسينالىق عىلمي زەرتتەۋ بايلىقتارىن بىرىكتىرىپ، شينجياڭ جۇڭي شيپاگەرلىك - دارىگەرلىك داشۋەسىن قۇرىپ، جۇڭي شيپاگەرلىك - دارىگەرلىك دارىندىلارىن بەلسەنە باۋلىپ، شينجياڭنىڭ جۇڭي شيپاگەرلىك - دارىگەرلىك ىستەرى مەن كاسىپ سالاسىنىڭ جوعارى ساپادا دامۋىن ىلگەرىلەتۋدى ءۇمىت ەتەمىن.
