شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ
”ءبىر جاق قيىنشىلىققا ۇشىراعاندا جان - جاقتان كومەكتەسەمىز، ۋحانداعى باۋىرلاستار كومەككە ءزارۋ بولعان كەزدە، بۇكىل مەملەكەتتەگى ءار ۇلت حالقى ءتىپتى دە اناردىڭ دانىندەي تىعىز بىرىگۋىمىز كەرەك! ارا شالعاي بولسادا، ءبىراق وسى كىپ - كىشكەنتاي داندەردە ءبىزدىڭ ۋحانداعى باۋىرلاستارعا دەگەن دوستىق سۇيىسپەنشىلىگىمىز جاتىر“. بيىل 3 - ايدا ۋحانداعى ”ىندەتپەن“ شايقاستىڭ ءبىرىنشى شەبىندە ىستەپ جاتقان ەمدەۋ قىزمەتكەرلەرىنە جىلۋعا كۇرىش اتاعاندارىن تىلگە العاندا، مەملەكەتتىك حالىق قۇرىلتايىنىڭ ۋاكىلى رۋحيام ماتسەيدى ءالى دە كوڭىل تولقۋىن باسا المادى.
رۋحيام ماتسەيدى مەملەكەتتىك حالىق قۇرىلتايىنىڭ ۋاكىلى ءارى ۇلتتار ىنتىماعىنىڭ ۇلگىسى قۇربان اتايدىڭ جيەنشارى. بيىل 2 - ايدا ىندەتتىڭ ۋحان حالقىنا سالعان زيانىن كورگەندە، ول جانە قۇربان قور ۇيىمىنداعى قىزمەتتەستەرى ۋحانداعى ىندەتتەن ساقتانۋ - تىزگىندەۋدىڭ ءبىرىنشى شەبىندە ىستەپ جاتقان ەمدەۋ - كۇتۋ قىزمەتكەرلەرىنە 5 توننا كۇرىشتى جىلۋعا اتادى.
اقپارات قۇرالىنىڭ دانەكەر بولۋىندا جانە قايىرىمدىلىق كاسىپورىنداردىڭ كومەكتەسۋىمەن، سوڭىندا بۇل كۇرىش ارالدان سالىنىپ، 6 كۇندە 4000 كيلومەتردەن استام جول باسىپ، 3 - ايدىڭ 16 - كۇنى تۇستەن كەيىن ۋحان قالالىق 7 - شيپاحاناعا جەتكىزىلدى. وسى رەتكى ەرەكشە جىلۋ اتاۋدى ەسكە العاندا، رۋحيام ماتسەيدى قاتتى تەبىرەنىپ: ”جىلۋ اتاۋ قيمىلى قوعامنىڭ ءار سالاسىنداعىلاردىڭ نازارىن اۋداردى جانە قولداۋىنا يە بولدى، كوپشىلىككە ’قۇربان رۋحى‘ دەگەنىمىزدىڭ پارتيانى قىزۋ ءسۇيۋ، وتاندى قىزۋ ءسۇيۋ، جۇڭحۋا ۇلتىنىڭ ۇلى شاڭىراعىن قىزۋ ءسۇيۋ ەكەندىگىن ونان ارى ۇعىندىردى. قۇرباننىڭ ۇرپاعى رەتىندە، مەن بۇل رۋحتى ۇزدىكسىز جالعاستىرامىن، اسقاقتاتامىن“، - دەدى.
مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ جابىلۋ ءماجىلىسىنىڭ الدىندا رۋحيام ماتسەيدى ”ۋاكىلدەر دالىزىنەن“ ءوتىپ بارا جاتىپ، اسەرلەنە: ”ءبىزدىڭ شاڭىراعىمىزدا 100دەن استام جان سانى بار، بارلىعى دا باقىتتى تۇرمىس كەشىرىپ جاتىر. قازىر اۋىلداستاردىڭ تۇرمىسى كۇننەن - كۇنگە جاقسارۋدا، قۇددى كۇنجۇتتىڭ گۇل اشقاننان كەيىن ءۇستى - ۇستىنە بيىكتەيتىنى سياقتى“، - دەگەن بولاتىن. 2 جىل وتە شىقتى، رۋحيام ماتسەيدى بۇگىنگى كۇندە اۋىلى كەريا اۋدانىندا كەدەيلىكتەن ارىلتۋدان قامال الۋ تەبىنىنىڭ بارعان سايىن كۇشەيىپ، اۋىلىنىڭ بەت - بەينەسىنىڭ كۇن سايىن جاڭارىپ كەلە جاتقاندىعىن ايتا كەلىپ: ”بىلتىر كەريا اۋدانى قۇربان تۇلىم اۋىل شارۋاشىلىعى ەگىمشىلىك كاسىپتىك سەلبەستىك كووپەراتيۆى قۇرىلدى. كوپشىلىك جىگەرلەنە ءتۇسىپ، ءتىپتى دە تاماشا بولاشاققا ۇمتىلۋدا“، - دەدى.
بىلتىر رۋحيام ماتسەيدى حوتان ايماقتىق حالىق قۇرىلتايى قىزمەت كوميتەتى ۇيىمداستىرعان كەدەيلىكتەن ارىلتۋدان قامال الۋ نەگىزگى تاقىرىپتىق شارلاۋ، تەكسەرىپ - زەرتتەۋگە قاتىناسىپ، قاراقاش اۋدانى، حوتان اۋدانى قاتارلى جەرلەرگە بارىپ، كەدەيلىكتەن ارىلتۋدان قامال الۋدىڭ ناقتى ناتيجەسىن جۇمىس باسىندا ۇعىستى. قىستاق قۇرعان زاۆودتاعى ايەل جۇمىسشىلاردىڭ جايدارى بەينەسى وعان تەرەڭ اسەر قالدىردى؛ جاڭالانعاننان كەيىنگى جوعارى ءونىمدى جاڭعاق ورمانىندا ول ەگىنشىلەردىڭ جاڭا تەحنيكا ۇيرەنگەننەن كەيىن جەمىس اعاشتارىن بۇتاپ جاتقاندىعىن كوردى. ”مەنىڭشە، بۇقارانىڭ يدەياسىندا، كوزقاراسىندا بۇرىلىس بولسا، وي - ساناسى ’بايىسا‘، كەدەيلەسپەيدى. بيىل ءبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە، ءسوزسىز، دەر كەزىندە قول جەتكىزەمىز“، - دەدى ول.
”بيىل مەملەكەتتىك حالىق قۇرىلتايىنا قاتىناسىپ وتىرمىن، مەنىڭ باسا نازار اۋداراتىنىم كەدەيلىكتەن ارىلتۋدان قامال الۋدىڭ، جاپپاي دوڭگەلەك داۋلەتتى قوعام ورناتۋدىڭ جاڭا شارالارى. ءبىز وسى تاماشا ساياساتتاردى اۋىلىمىزعا الا بارىپ، اۋىلداستارىمىزبەن بىرگە مەملەكەتتىڭ دامۋى الا كەلگەن مول باقىتتى سەزىمدى بولىسەمىز“، - دەدى رۋحيام ماتسەيدى.
