قاشىقتان حابارلاۋ ۇلگىسىندە جاڭالىق اشۋعا ىزدەنىس جاسادى
شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ 5 - ايدىڭ 20 - كۇنى ۇرىمجىدەن حابارلايدى. 5 - ايدىڭ 20 - كۇنى شينجياڭ گازەتى مەكەمەسىنىڭ (شينجياڭ گازەتشىلىك مەديا توبى) ۇرىمجىدە قۇرعان 2020 - جىلعى مەملەكەتتىك ەكى ءماجىلىس شينجياڭ اقپارات ورتالىعى ىسكە قوسىلدى. تيانشان سايتىندا قۇرىلعان جەلىدەگى اقپارات ورتالىعى دا وسىمەن بىرگە ىسكە قوسىلدى.
مەملەكەتتىك ەكى ءماجىلىس شينجياڭ اقپارات ورتالىعى ”انار بۇلت“ تۇعىرى جۇيەسىنىڭ شوعىرلاندىرۋ ارتىقشىلىعىن ساۋلەلەندىرىپ، مەملەكەتتىك ەكى ماجىلىسكە قاتىستى ينفورماتسيالار مەن بايلىقتاردى ەڭ زور كولەمدە رەتتەپ بىرىكتىرىپ، اۆتونوميالى رايونداعى جانە بيڭتۋانداعى اقپارات قۇرالدارىنىڭ، اۋدان دارەجەلى توعىسپالى اقپارات قۇرالدارى ورتالىقتارىنىڭ ەكى ءماجىلىستىڭ حابارلارىن جاقسى ىستەۋىنە ينفورماتسيا، تەحنيكا جانە ءونىم قولداۋىن ازىرلەپ، ونىڭ ”ەكى ءماجىلىستىڭ تەرەزەسى، ينفورماتسيا جيىنتىعى، اقپارات قۇرالى تۇعىرى، توعىسپالى شايقاس مايدانى“ سىندى قۋاتتى رولى مەن قاباتتاسپا اسەرىن ساۋلەلەندىرەدى.
مەملەكەتتىك ەكى ءماجىلىس شينجياڭ اقپارات ورتالىعىن قۇرۋ قاشىقتان حابارلاۋ ۇلگىسىندە جاڭالىق اشۋداعى ىزدەنىس. ىندەتتەن ساقتانۋ - تىزگىندەۋدى ۇدايىلاندىرۋ شارتىندا، وسى رەتكى مەملەكەتتىك ەكى ءماجىلىستى حابارلاۋدا ماجىلىسكە باراتىن تىلشىلەردىڭ سانىنا، سونداي - اق حابارلاۋ تاسىلىنە اناعۇرلىم جوعارى تالاپتار قويىلدى، ءداستۇرلى بەتپە - بەت تىلشىلىك جاساۋ بەلگىلى دارەجەدە شەكتەمەگە ۇشىرادى، تىلشىلەر دە ”ەكى ماجىلىستە جۇگىرىپ تىلشىلىك ىستەۋدەن“ ”ماجىلىستە بۇلتتىق تىلشىلىك ىستەۋگە“ بۇرىلىس جاسادى.
”ماجىلىستە بۇلتتىق تىلشىلىك ىستەۋدە“ قايدا بارىپ ”تىلشىلىك“ ىستەۋ كەرەك؟ بۇل جاعىندا 2020 - جىلعى مەملەكەتتىك ەكى ءماجىلىس شينجياڭ اقپارات ورتالىعى ءوز ونەرىن كورسەتەتىن بولادى، مۇندا بەيجيڭدەگى ەكى ءماجىلىستىڭ جۇمىس باسىنا جىبەرىلگەن تىلشىلەردەن سىرت، باسىم كوپ ساندى ءتىلشى - رەداكتورلار مەن جاڭا اقپارات قۇرالدارىنىڭ پروديۋسسەرلەرى بيىلعى ەكى ءماجىلىستى حابارلاۋ مىندەتىن وسى ارادا ورىندايدى.
بەيجيڭدە ەكى ءماجىلىستىڭ جۇمىس باسىندا تىلشىلىك ىستەپ جۇرگەن گازەتىمىزدىڭ جالپىلىق اقپارات قۇرالدارى ءتىلشىسى ياۋ تۇڭ مىنالاردى ءبىلدىردى: ”وسى رەت تەك 3 ءتىلشى عانا الدىڭعى جاقتا بولعانىمىزبەن، ’كۇش جەتىسپەۋشىلىك‘ سەزىنبەدىك. اقپارات ورتالىعى ارت جاقتا تىرەك بولىپ تۇرعاندىقتان، وسى رەتكى مەملەكەتتىك ەكى ءماجىلىستى حابارلاۋ مىندەتىن جاقسى ورىنداۋعا سەنىمدىمىز“.
ءتىلشى مەملەكەتتىك ەكى ءماجىلىس شينجياڭ اقپارات ورتالىعىنىڭ ينتەرنەتتە جالعانۋ اۋماعى، ەكى ءماجىلىس سۇحبات اۋماعى، توعىسپالى كورسەتپە اۋماعى سىندى 3 ۇلكەن اۋماقتان قۇرالعاندىعىن كوردى. مەملەكەتتىك ەكى ءماجىلىس كەزىندە، بۇل ارا اۆتونوميالى رايونداعى اقپارات قۇرالدارىنىڭ بەيجيڭدە تۇرعان تىلشىلەرمەن جانە ۋاكىلدەرمەن، مۇشەلەرمەن جەلىدە جالعانىپ تىلشىلىك ىستەۋى، ءتىلشى - رەداكتورلار شوعىرلى جاساۋ، انار بۇلت توعىسپالى اقپارات قۇرالدارى تەحنيكالىق تۇعىرىنىڭ جۇمىس باسىندا جايعاستىرۋى سياقتى يقۋاتتاردى ۇستىنە الىپ، بيىلعى ەكى ءماجىلىستى حابارلاۋعا پارمەندى تىرەك ازىرلەيدى.
اقپارات ورتالىعىنا كەلىپ ورنالاسقان باركول قازاق اۆتونوميالى اۋدانى توعىسپالى اقپارات قۇرالدارى ورتالىعىنىڭ ءتىلشىسى تيان تىڭشان بىلاي دەدى: ”اۋدان دارەجەلى اقپارات قۇرالىنىڭ ءتىلشىسى رەتىندە، مەملەكەتتىك ەكى ءماجىلىستى حابارلاۋعا قاتىناساتىن وراي ءجيى كەزدەسە بەرمەيدى. وسى رەت شينجياڭ گازەتى مەكەمەسى (شينجياڭ گازەتشىلىگى مەديا توبى) قۇرعان اقپارات ورتالىعىنىڭ ارقاسىندا ءبىز دە ۋاكىلدەرمەن، مۇشەلەرمەن ’بەتپە - بەت سويلەسە‘ الاتىن بولدىق، وتە قولايلى ەكەن“.
”ماجىلىستە بۇلتتىق تىلشىلىك ىستەۋ“ قولايلى بولىپ قانا قالماستان، ونىمدىلىگى دە جوعارى. مەملەكەتتىك ەكى ءماجىلىس شينجياڭ اقپارات ورتالىعىندا 5G ينتەرنەت جەلىسىمەن جاپپاي قامتۋ جۇزەگە اسىرىلعان، بۇرىن جارتى ساعاتتان استام ۋاقىتتا جولداناتىن مازمۇنى كوپ بەينە ەكران ماتەريالىن قازىر كوزدى اشىپ - جۇمعانشا جولداۋ مۇمكىن بولىپ، ۋاقىت وزىندىك قۇنى زور مولشەردە تومەندەتىلدى. مۇنان سىرت 4K دارەجەلى تىكە تاراتۋ بەينە ەكرانىن جيناۋ، يممەرسيۆتى VR ارقىلى ۇستىندە تىكە تاراتۋ دەگەندەردى 5G ينتەرنەت جەلىسىنىڭ جوعارى جىلدامدىعىن جانە تومەن ۋاقىت پارقىن تايانىش ەتە وتىرىپ وسى ارادا تۇگەلدەي ىسكە اسىرۋعا بولادى.
”ماجىلىستە بۇلتتىق تىلشىلىك ىستەۋدىڭ“ ونىمدىلىگى جوعارى بولىپ قانا قالماستان، جاسامپازدىعى دا بار. اقپارات ورتالىعىندا تاعى ”جاسىل ەكراندا“ جاساۋ يقۋاتى ورنالاستىرىلعان. جۇرگىزۋشى ءوزى بارىپ ۇستىندە حابارلاۋعا مۇمكىندىك تاپپاعان كەزدە، جاسىل ەكران تاسىلىمەن بەينە ەكران ساندى مالىمەتىن جيناپ الىپ جاسايدى دا، ”ۇستىندە تاراتقانداي“ اسەر تۋدىرادى.
مەملەكەتتىك ەكى ءماجىلىس شينجياڭ اقپارات ورتالىعىندا حابارلاۋشى قۇلتەمىر، ۆيرتۋال جۇرگىزۋشى سياقتى ءبىر قىدىرۋ اقپارات ءوندىرىسىنىڭ جاڭا تەحنيكالارى، جاڭا تاسىلدەرى دە جۇرتپەن جۇزدەسەدى، بيىلعى مەملەكەتتىك ەكى ءماجىلىستىڭ اقپاراتتارىن حابارلاۋدىڭ، ءسوز جوق، اناعۇرلىم جاڭا، اناعۇرلىم ءماندى بولارىنا سەنەمىز.
