مەملەكەتتىك 13 - كەزەكتى حالىق قۇرىلتايىنىڭ 3 - ماجىلىسىنە قاتىناساتىن شينجياڭ ۋاكىلدەر ۇيىرمەسى 5 - ايدىڭ 20 - كۇنى بەيجيڭگە جەتتى.
سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
شينجياڭ گازەتىنىڭ جالپىلىق اقپارات قۇرالدارى تىلشىلەرى لي ياڭ، ياۋ تۇڭ 5 - ايدىڭ 20 - كۇنى بەيجيڭنەن حابارلايدى. 5 - ايدىڭ 20 - كۇنى تۇستەن كەيىن مەملەكەتتىك 13 - كەزەكتى حالىق قۇرىلتايىنىڭ 3 - ماجىلىسىنە قاتىناساتىن رايونىمىزداعى مەملەكەتتىك حالىق قۇرىلتايى ۋاكىلدەرى اسقاق سەزىممەن جانە جاۋاپكەرشىلىكپەن ءۇمىت پەن ماڭىزدى تاپسىرمانى ارقالاپ ۇشاقپەن بەيجيڭگە جەتتى.
بەيجيڭگە اتتانۋدان ىلگەرى، رايونىمىزداعى مەملەكەتتىك حالىق قۇرىلتايى ۋاكىلدەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ، ەكونوميكالىق، قوعامدىق دامۋ، كەدەيلىكتەن ارىلتۋدان قامال الۋ، قوعام ورنىقتىلىعى سياقتى كەلەلى ماسەلەلەر مەن جۇمىستاندىرۋ، وقۋ - اعارتۋ، ەمدەلۋ سياقتى بۇقارا كوڭىل ءبولىپ وتىرعان ماسەلەلەردى ارقاۋ ەتە وتىرىپ، ىشكەرىلەي تەكسەرىپ - زەرتتەپ، دالەلدەپ، قوعامنىڭ جاعدايىنا، ەل اۋانىنا قۇلاق ءتۇرىپ، كەڭەستىك جوبا - ۇسىنىستارىن مۇقيات جازىپ، مىندەتىن ويداعىداي وتەۋگە بەلسەندىلىكپەن، ىرىقتىلىقپەن دايىندالدى.
مەملەكەتتىك حالىق قۇرىلتايىنىڭ ۋاكىلى قايسار ابدىكەرىم بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ ۇدايىلانعان ەرەكشە جاعدايدا، وسى رەتكى مەملەكەتتىك حالىق قۇرىلتايى ءماجىلىسىنىڭ اشىلۋى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ، جاپپاي دوڭگەلەك داۋلەتتى قوعام ورناتۋ ءۇشىن زەيىن - زەردەنى، كۇش - قۋاتتى ۇيىستىرادى. بۇل جولى ول مەديتسينالىق بىرلەستىك قۇرىلىسىن كۇشەيتۋ، مەديتسينا دارىندىلارىن باۋلۋدى تەزدەتۋ سياقتى مەديتسينا ىستەرىنىڭ دامۋى جاعىنداعى ۇسىنىستاردى الا كەلدى.
مەملەكەتتىك حالىق قۇرىلتايىنىڭ ۋاكىلى قۇربان نياز اۋىل - قالاشىقتاردىڭ مادەنيەت پۋنكتتەرىن نىعايتۋ، جۇڭحۋانىڭ تاڭداۋلى ءداستۇرلى مادەنيەتىن كۇش سالا اسقاقتاتۋ سياقتى جاقتارداعى ۇسىنىستاردى دايىندادى. ول بىلاي دەدى: ”جۇڭحۋانىڭ تاڭداۋلى ءداستۇرلى مادەنيەتى ارقىلى قالىڭ حالىق بۇقاراسىنىڭ مادەني تۇرمىسىنا جەتەكشىلىك ەتىپ، بايىتىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن بەرىك سومداپ، جۇڭگوشا سوتسياليستىك جاڭا شينجياڭدى بىرگە ويداعىداي قۇرىپ شىعۋدى جەبەۋدى ءۇمىت ەتەمىن“.
ۋاكىلدەر مىنانى ءبىلدىردى: بيىل جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبا اياقتالاتىن جىل. سونداي - اق كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل، وسى رەتكى مەملەكەتتىك حالىق قۇرىلتايى ءماجىلىسىن ويداعىداي اشۋدىڭ ماڭىزى زور. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، جاۋاپكەرشىلىك ارقالاۋ رۋحىمەن، كوكىرەك تولى قىزۋ ىنتامەن، تاماشا ستيلمەن ۋاكىلدىك بورىشىمىزدى وتەپ، پارتيا مەن حالىقتىڭ ماڭىزدى تاپسىرماسىن ورىندايمىز.
