تيانشان تورى   ›   جاڭالىقتار   ›   ماڭىزدى حابارلار

«شي جينپيڭنىڭ فورماشىلدىقتى، تورەشىلدىكتى تيۋ جونىندەگى ماڭىزدى بايىمداۋلارىنان تاڭدامالىلار» باسپادان شىعىپ تاراتىلدى

  شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى مەن حۇجاتتار زەرتتەۋ ورنى قۇراستىرعان «شي جينپيڭنىڭ فورماشىلدىقتى، تورەشىلدىكتى تيۋ جونىندەگى ماڭىزدى بايىمداۋلارىنان تاڭدامالىلار» اتتى كىتاپ تاياۋدا ورتالىق حۇجاتتار باسپاسىنان شىعىپ بۇكىل ەلدە تاراتىلدى.

  جۇڭگو كوممۋنيستىك پارتياسى ورتالىق كوميتەتى 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتىپ، نەگىزگى ساتىنى مازالاپ وتىرعان فورماشىلدىق ماسەلەلەرىن كۇش سالا شەشىپ، كورنەكتى ناتيجەگە قول جەتكىزدى. بيىل ەلىمىزدىڭ دامۋى ءدوپ كەلگەن حاۋىپ - قاتەر، سىن - سايىستار كوبەيىپ، وعان ىندەتتىڭ ىقپالى قاباتتاسىپ، ەكونوميكالىق، قوعامدىق دامۋ قىزمەتتەرىن جاقسى ىستەۋدىڭ قيىندىعى اناعۇرلىم زورايدى، قىزمەتتەردىڭ تياناقتاندىرىلۋىن تاڭداۋلى ستيلمەن مىقتى يگەرۋ اناعۇرلىم قاجەت. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى حابارلاندىرۋ باسىپ تاراتىپ، نەگىزگى ساتىنى مازالاپ وتىرعان فورماشىلدىق ماسەلەلەرىن ۇزدىكسىز شەشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى ستيلدىك كەپىلدىك ازىرلەۋدى باسا دارىپتەدى. وسى «بايىمداۋلاردان تاڭدامالىلاردىڭ» باسپادان شىعىپ تاراتىلۋى بۇكىل پارتيانىڭ شي جينپيڭنىڭ قاتىستى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ تابىستارىن بەكەمدەپ، كەڭەيتىپ، فورماشىلدىقتى، تورەشىلدىكتى جەڭۋدىڭ يدەيالىق، ساياسي نەگىزىن بەكەمدەۋدە توتەنشە كەلەلى ماڭىزعا يە.

  كىتاپتا شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن قورىتىندىلاۋ جينالىسىنداعى ءسوزى بەتاشار ەتىلىپ، 9 ارناۋلى تاقىرىپقا ءبولىنىپ، شي جينپيڭ 2012 - جىلى 11 - ايدىڭ 15 - كۇنىنەن 2020 - جىلى 4 - ايدىڭ 23 - كۇنىنە دەيىنگى مەزگىلدەگى سوزدەرى، باياندامالارى، نۇسقاۋلارى، بەكىتۋلەرى سياقتى 70 نەشە ماڭىزدى حۇجاتتان الىنعان 182 بولىك ماڭىزدى بايىمداۋى كىرگىزىلگەن. مۇنىڭ ىشىندە كوپتەگەن ماڭىزدى بايىمداۋ تۇڭعىش رەت اشىق جاريالانىپ وتىر.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.