شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ءتوراعالار القاسى 5 - ايدىڭ 21 - كۇنى كەشتە حالىق سارايىندا 1 - رەتكى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى.
ءتوراعالار القاسى جيىنىنا قاتىناسۋعا ءتيىستى 174 ادامنىڭ 173ى قاتىناستى، ءبىر ادام قاتىناسا المادى، قاتىناسقاندار سانى زاڭدا بەلگىلەنگەن ادام سانىنا ۇيلەسەدى.
جيىن الدىمەن 13 - كەزەكتى مەملەكەتتىك حالىق قۇرىلتايى 3 -ءماجىلىسى ءتوراعالار القاسىنىڭ تۇراقتى ءتوراعالارىن كورسەتتى. ءتوراعالار القاسىنىڭ تۇراقتى ءتوراعالارى مىندەتىن 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى، ورىنباسار كوميتەت باستىقتارى، باس حاتشىسى وتەيدى. ءتوراعالار القاسىنىڭ تۇراقتى ءتوراعالارى ءتوراعالار القاسىنىڭ جيىنىن شاقىرادى جانە باسقارادى.
جيىن 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ كۇن ءتارتىبىن داۋىسقا سالىپ ماقۇلدادى. ءماجىلىستىڭ كۇن تارتىبىنە ساي، بۇل رەتكى ءماجىلىس 5 - ايدىڭ 22 - كۇنى تۇستەن بۇرىن اشىلىپ، 5 - ايدىڭ 28 - كۇنى تۇستەن كەيىن جابىلادى، ءماجىلىس ۋاقىتى 7 كۇن بولادى.
مەملەكەتتىك حالىق قۇرىلتايىنىڭ ءىس قاراۋ ەرەجەسىندەگى بەلگىلەمە بويىنشا، ءتوراعالار القاسىنىڭ 1 - رەتكى جيىنى كورسەتكەن ءتوراعالار القاسىنىڭ ءبىرقانشا مۇشەسى ءماجىلىستىڭ ءار رەتكى جالپى جيىنىنىڭ اتقارۋشى ءتوراعاسى مىندەتىن جەكە - جەكە وتەيدى. داۋىسقا سالۋ ارقىلى جيىن ءماجىلىستىڭ جالپى جيىنىنىڭ اتقارۋشى ءتوراعالارىن كورسەتتى.
جيىن داۋىسقا سالۋ ارقىلى ياڭ جىن - ۋ، شين چۇنيىڭ، لي فەي، جاڭ يەسۇي، تاڭ فاڭيۇي، لي باۋرۇڭداردى ءماجىلىستىڭ ورىنباسار باس حاتشىلارى بولۋىن ۇيعاردى. جيىن جاڭ يەسۇيدىڭ ءماجىلىستىڭ مالىمدەمەشىسى مىندەتىن قوسىمشا اتقارۋىن ۇيعاردى.
جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ كەڭەستىك جوبالاردى داۋىسقا سالۋ ءادىسىن بەلگىلەدى. جيىن مىنانى ۇيعاردى: ۋاكىلدەردىڭ ۇسىنىس جوبا ۇسىنۋ ۋاقىتى 5 - ايدىڭ 25 - كۇنى ساعات 12گە دەيىن بولادى. ءماجىلىس كەزىندە، ءماجىلىستىڭ حاتشىلار باسقارماسى ۋاكىلدەر ۇيىرمەسىنىڭ جانە ۋاكىلدەردىڭ ۇسىنعان ۇسىنىس جوبالارىنا زەرتتەۋ جۇرگىزىپ، ءبىر جاقتى ەتۋ پىكىرىن ورتاعا قويىپ، ءتوراعالار القاسىنىڭ ۇيعارىم جاساۋىنا مالىمدەيدى.
