شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 21 - كۇنى كەشتە حالىق سارايىندا دايىندىق جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى. جيىن 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ءتوراعالار القاسىن جانە باس حاتشىنى سايلاپ شىقتى، 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى.
لي جانشۋ: 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 2020 - جىلى 5 - ايدىڭ 22 - كۇنى اشىلادى، ءماجىلىستىڭ ءتۇرلى دايىندىق قىزمەتى تولىق تامامدالدى، - دەپ جاريالادى.
لي جانشۋ بىلاي دەپ اتاپ كورسەتتى: 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ جەتەكشى يدەياسى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولىپ، پارتيا مەن مەملەكەت قىزمەتى كەلەلى جاعدايىن مىقتاپ ارقاۋ ەتىپ، نەگىزگى زاڭدا جانە زاڭداردا بەرىلگەن قىزمەت جاۋاپكەرشىلىگىن مۇقيات اتقارىپ، ءماجىلىستىڭ ءتۇرلى مىندەتتەرىن تولىق ورىنداپ، ءماجىلىستى دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس ەتىپ اشىپ، بۇكىل ەلدەگى ءار ۇلت حالقىن اتتانىسقا كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن جۇمىلىپ، ءورىس اشا ىلگەرىلەپ، قىزمەتتى تىڭعىلىقتى ىستەپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ نىسانالارىن، مىندەتتەرىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جاساۋ.
دايىندىق جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ءتوراعالار القاسىن جانە باس حاتشىنى سايلاپ شىقتى. ءماجىلىس ءتوراعالار القاسى 174 ادامنان ۇيىمداستى، ۋاڭ چىن ءماجىلىستىڭ باس حاتشىسى بولدى.
داۋىسقا سالىپ ماقۇلدانعان ءماجىلىستىڭ كەڭەستىك تارتىبىنە ساي، 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ۇكىمەت قىزمەتىنەن باياندامانى قارايدى، 2019 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايىن جانە 2020 - جىلعى حالىق شارۋاشىلىعى مەن قوعامدىق دامۋ جوسپارى جوباسى بايانداماسىن، 2020 - جىلعى حالىق شارۋاشىلىعى مەن قوعامدىق دامۋ جوسپار جوباسىن تەكسەرەدى، 2019 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايىن جانە 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى بايانداماسىن، 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن تەكسەرەدى، مەملەكەتتىك حالىق قۇرىلتايى تۇراقتى كوميتەتىنىڭ قاراۋعا ۇسىنعان «جۇڭحۋا حالىق رەسپۋبليكاسىنىڭ ازاماتتىق زاڭدار (جوبا)» جونىندەگى كەڭەستىك جوبانى قارايدى، مەملەكەتتىك حالىق قۇرىلتايى تۇراقتى كوميتەتىنىڭ قاراۋعا ۇسىنعان «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرىن جانە اتقارۋ مەحانيزمىن ورناتۋ، اقاۋسىزداندىرۋ تۋرالى قارارى (جوبا)» جونىندەگى كەڭەستىك جوبانى قارايدى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارايدى، ەڭ جوعارى حالىق سوتى مەكەمەسىنىڭ قىزمەت بايانداماسىن قارايدى، ەڭ جوعارى حالىق پروكۋراتۋراسىنىڭ قىزمەت بايانداماسىن قارايدى، ت.ب.
جيىن باستالعان كەزدە لي جانشۋ بىلاي دەدى: 5 - ايدىڭ 20 - كۇنى كەشتە مەملەكەتتىك حالىق قۇرىلتايىنىڭ ۋاكىلى ۋان ۋيشيڭ ناۋقاس سەبەبىنەن ەمدەۋ ءونىم بەرمەي قايتىس بولدى. ءبىز ءماجىلىس اتىنان ۋان ۋيشيڭ ۋاكىلدىڭ باقىتقا قارسى قايتىس بولعاندىعىنا قايعىلى ازا بىلدىرەيىك.
13 - كەزەكتى مەملەكەتتىك حالىق قۇرىلتايىنىڭ قازىرگى بار ۋاكىلى 2956 ادام. 5 - ايدىڭ 20 - كۇنىنە دەيىن ءماجىلىس حاتشىلار باسقارماسىنا تىزىمدەلگەن ۋاكىل 2902 ادام. 5 - ايدىڭ 21 - كۇنگى دايىندىق جيىنعا 2889 ادام قاتىناستى، 67 ادام قاتىناسپادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، باس حاتشى ياڭ جىن - ۋ جيىنعا قاتىناستى.
