تيانشان تورى   ›   ۇيرەنۋ   ›   شولۋ

ءتۇزىم ابزالدىلىعىن قاۋلاتىپ، كۇرەس جۇرگىزۋ ۇلى كۇشىن ۇيىستىرايىق

− 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ اشىلعاندىعىن قىزۋ قۇتتىقتايمىز

حالىق گازەتى باسماقالاسى

  جاز باسى، شوپتەر مەن اعاشتار جايقالا وسكەن مامىراجاي تاماشا مەزگىل. بۇگىن جالپى جۇرت كوز تىككەن 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى اشىلدى. مەملەكەتتىك حالىق قۇرىلتايىنىڭ 3000عا تاياۋ ۋاكىلى حالىقتىڭ ماڭىزدى تاپسىرماسىن ارقالاپ، بەيجيڭدە ءبىر اراعا باس قوسىپ، مەملەكەت ءىسىن بىرگە اقىلداسىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ شاراسىن جوبالاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋعا زەيىن - زەردەلەرىن، كۇش - قۋاتتارىن شوعىرلاندىردى. ءبىز ءماجىلىستىڭ اشىلعاندىعىن قىزۋ قۇتتىقتايمىز!

  وڭاي ىسكە بوي ۇرماعاندار تابىسقا جەتەدى، قيىن ىستەن جالتارماعاندار العا باسادى. وتكەن ءبىر جىلدا ەلىمىزدىڭ دامۋى كوپتەگەن قيىنشىلىقتار مەن سىن - سايىستارعا ءدوپ كەلدى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرا باستاپ، قامال الىپ، قيىندىقتى جەڭىپ، تۇتاس جىلدىق باستى نىسانالاردى، مىندەتتەردى ورىنداپ، جاپپاي دوڭگەلەك داۋلەتتى قوعام ورناتۋعا شەشۋشى نەگىز قالادى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، پارتيا ورتالىق كوميتەتى ىندەتتەن ساقتانۋ - تىزگىندەۋدى ماڭداي الدى ءىرى ءىس رەتىندە يگەردى، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا باسشىلىق ەتىپ، ىندەتتەن ساقتانۋ - تىزگىندەۋ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن ويداعىداي جۇرگىزدى. جاپالى دا ەرەن قۇلشىنىس ارقىلى ۋحاندى قورعاۋ شايقاسىندا، حۋبەيدى قورعاۋ شايقاسىندا شەشۋشى تابىسقا قول جەتكىزدى، ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق تابىسقا قول جەتكىزدى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدە بەلسەندى ونىمدىلىككە قول جەتكىزدى. 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، حالىقتىڭ ءجىتى قاداعالاپ وتىرعان ىستەرىنە بەلسەنە جاۋاپ قايتارىپ، بۇقارا كوڭىل ءبولىپ وتىرعان كورنەكتى ماسەلەلەردى شەشۋدى ىلگەرىلەتىپ، زاڭ شىعارۋ، باقىلاۋ، ۋاكىلدەر قىزمەتى، سىرتپەن بارىس - كەلىس جاساۋ، ءوز قۇرىلىسى، ت.ب لاردىڭ بارىندە جاڭا ىلگەرىلەۋشىلىككە، جاڭا ونىمدىلىككە قول جەتكىزدى. اسىرەسە، ىندەتتەن ساقتانۋ - تىزگىندەۋ كەزىندە، مەملەكەتتىك حالىق قۇرىلتايى تۇراقتى كوميتەتى زاڭ بويىنشا مىندەت اتقارىپ، «جابايى حايۋاناتتاردى زاڭسىز ساۋدالاۋعا جالپى بەتتىك تيىم سالۋ، جابايى حايۋاناتتاردى بەتالدى جەۋ سولەكەت ادەتىن جويۋ، حالىق بۇقاراسىنىڭ ءومىرىنىڭ، دەنساۋلىعىنىڭ حاۋىپسىزدىگىن شىنايى قامتاماسىز ەتۋ جونىندەگى قاراردى» دەر كەزىندە شىعارىپ، الەۋمەتتىك دەنساۋلىق ساقتاۋدى زاڭمەن قامتاماسىز ەتۋ جۇيەسىن كۇشەيتۋدەگى زاڭ شىعارۋ، زاڭعا وزگەرىس ەنگىزۋ قىزمەتىن ورنالاستىرىپ، باستاپ، ىندەتتەن ساقتانۋ - تىزگىندەۋگە جانە ەكونوميكالىق، قوعامدىق دامۋعا زاڭدىق قولداۋ كورسەتتى، مەملەكەتتىك حالىق قۇرىلتايى ۋاكىلدەرى جانە جەرگىلىكتى حالىق قۇرىلتايى ۋاكىلدەرى ءارقايسى شەپتە، ءوز قىزمەت ورىندارىندا بەلسەنە ۇلەس قوسىپ، ءىس جۇزىندىك ارەكەتتەرى ارقىلى حالىققا ۋاكىلدىك ەتۋ، حالىق ءۇشىن ىستەۋ، حالىققا قىزمەت وتەۋ داڭقتى بورىشىن امالياتتا ايگىلەدى.

  ءتۇزىم ابزالدىلىعى ءبىر مەملەكەتتىڭ ەڭ ۇلكەن ابزالدىلىعى. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى قۇرىلىسىنىڭ نازاريالىق تابىسى مەن امالياتتىق تاجىريبەسىن جۇيەلى قورىتىندىلاپ، جاڭا داۋىردە جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندە جوعارى دەڭگەيلى جوبا جانە جالپى بەتتىك ورنالاستىرۋ جاسادى. ىندەتتەن ساقتانۋ - تىزگىندەۋ كۇرەسىنىڭ امالياتى مىنانى تاعى ءبىر رەت دالەلدەدى: جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليزم ءتۇزىمى، ەلىمىزدىڭ مەملەكەتتى جونگە سالۋ جۇيەسى قۋاتتى ومىرشەڭدىك كۇشكە جانە كورنەكتى ابزالدىلىققا يە، ءارقانداي قيىندىقتى، حاۋىپ - قاتەردى جەڭە الادى، ادامزات وركەنيەتىنىڭ العا باسۋىنا كەلەلى ۇلەس قوسا الادى. دامۋ ورتاسى نەعۇرلىم قاتاڭ دا كۇردەلى بولعان سايىن، رەفورمانى سولعۇرلىم بۇلجىماي تەرەڭدەتىپ، ءار جاقتاعى ءتۇزىمدى اقاۋسىزداندىرىپ، ءتۇزىم قۇرىلىسى مەن جونگە سالۋ ونىمدىلىگىنىڭ اناعۇرلىم جاقسى بۇرىلىس جاساپ، توعىسۋىن جەبەپ، ءتۇزىم ابزالدىلىعىنان شەبەرلىكپەن پايدالانىپ حاۋىپ - قاتەرلەردىڭ، سىن - سايىستاردىڭ سوققىسىنا توتەپ بەرۋ كەرەك. حالىق قۇرىلتايى ءتۇزىمى − جۇڭگوشا سوتسياليزم ءتۇزىمىنىڭ ماڭىزدى قۇرامداس بولىگى، مەملەكەتتى جونگە سالۋ جۇيەسى مەن جونگە سالۋ قابىلەتىنە تىرەك بولاتىن ءتۇبىرلى ساياسي ءتۇزىم. جاڭا داۋىردە ەكپىندەي ىلگەرىلەپ، جاڭا جورىققا قادام تاستاعان بىزدەر حالىق قۇرىلتايى تۇزىمىنە باستان - اياق تاباندى بولىپ جانە ونى كەمەلدەندىرىپ، حالىق قۇرىلتايى ءتۇزىمىنىڭ امالياتتىق ەرەكشەلىگىن، داۋىرلىك ەرەكشەلىگىن ۇزدىكسىز بايىتىپ، ءتۇزىم ابزالدىلىعىن مەملەكەتتى جونگە سالۋ ونىمدىلىگىنە اينالدىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن حالىقتىڭ قولىندا مىقتاپ ۇستاۋىمىز كەرەك.

  حالىق تاريحتى جاراتۋشى، حالىق ناعىز قاھارمان. كەزەكتە الەمدىك ىندەت پەن دۇنيە ءجۇزىنىڭ ەكونوميكالىق جاعدايى ءالى قاتاڭ دا كۇردەلى، ەلىمىزدىڭ دامۋى بۇرىن بولماعان سىن - سايىسقا ءدوپ كەلدى. ىندەتتەن ساقتانۋ - تىزگىندەۋدى ۇدايىلاندىرۋدى استە بوساڭسىتپاي، ەكونوميكالىق، قوعامدىق دامۋدىڭ ءتۇرلى قىزمەتىن ءبىر تۇتاس جوسپارلاپ ويداعىداي ىستەپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ نىسانالارىن، مىندەتتەرىن ورىنداۋعا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋدە، ءسوز جوق، حالىق تۇرعىسىنان جازباي، حالىقتىڭ نەگىزگى تۇلعالىق ورنىنا تاباندى بولىپ، جالپى قاۋىم تىلەكتەس بولاتىن، قامال الىپ، قيىندىقتى جەڭەتىن ايبىندى كۇش ۇيىستىرۋ كەرەك. حالىقتىڭ قوجايىن بولۋى سوتسياليستىك دەموكراتيالىق ساياسيدىڭ ءمانى جانە وزەگى، سوتسياليستىك دەموكراتيالىق ساياسيدى دامىتۋدا حالىقتىڭ ەركىن ايگىلەۋ، حالىقتىڭ ۇقىق - مۇددەسىن قامتاماسىز ەتۋ، حالىقتىڭ جاسامپازدىق ومىرشەڭدىك كۇشىن قاۋلاتۋ كەرەك. اماليات مىنانى تولىق دالەلدەدى: حالىق قۇرىلتايى ءتۇزىمى جۇڭگونىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن تاماشا ءتۇزىم. حالىقتىڭ حالىق قۇرىلتايى ارقىلى مەملەكەت بيلىگىن جۇرگىزۋىنە قولداۋ كورسەتىپ جانە وعان كەپىلدىك ەتىپ، اناعۇرلىم كەڭ كولەمدى، اناعۇرلىم جان - جاقتى، اناعۇرلىم اقاۋسىز حالىق دەموكراتياسىن دامىتىپ، حالىقتىڭ ۇنىنە قۇلاق اساتىن، حالىقتىڭ اقىل - پاراساتىن توپتايتىن، حالىقتىڭ كۇتكەنىنە جاۋاپ قايتاراتىن بولساق، ءبىز، ءسوز جوق، كۇرەس جۇرگىزۋ ۇلى كۇشىن ۇيىستىرىپ، ۋاقىتتىق قيىندىقتاردى بىرگە جەڭىپ، ءبىر نيەتپەن ارمانعا قۇلاش سەرمەيتىن بولامىز.

  تاريح وزەنى تىنىمسىز اعۋدا، تىنىش كىلكىپ اعاتىن ساتتەرى دە، تولقىندانىپ وركەشتەنە اعاتىن ساتتەرى دە بولادى. ءبىز بوران - شاشىننان تايسالمايمىز، حاۋىپ - قاتەر، كەدەرگىلەرگە دە باس يمەيمىز. قالىڭ ۋاكىلدەردىڭ ”ۋاقىت كۇتىپ تۇرمايدى، تەز قارمانايىق“ دەيتىن كوكەي تەستىلىك سەزىممەن، ”ءار كىم ءوز قىزمەت جاۋاپكەرشىلىگىن ادا ەتەتىن، ءارقاشان جالپىنىڭ قامىن ويلايتىن“ بورىشتىلىق سەزىممەن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، زاڭ بويىنشا مىندەت وتەپ، جاۋاپكەرشىلىكتى ادا ەتىپ، اقىل - پاراساتى مەن كۇش - قۋاتىن بەلسەنە ارناپ، جاپپاي دوڭگەلەك داۋلەتتى قوعام ورناتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋلەرىن ءۇمىت ەتەمىز.

  ءماجىلىستىڭ تولىق تابىستى بولۋىن تىلەيمىز!

  (شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.