تيانشان تورى   ›   جاڭالىقتار   ›   ەل ءىشى حابارى

13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بۇگىن تۇستەن بۇرىن ساعات 9دا اشىلادى

  شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 22 - كۇنى تۇستەن بۇرىن ساعات 9دا حالىق سارايىندا اشىلادى.

  مەملەكەتتىك كەڭەستىڭ زۇڭليى لي كىچياڭنىڭ ۇكىمەت قىزمەتى جونىندەگى بايانداماسىن تىڭدايدى، مەملەكەتتىك كەڭەستىڭ 2019 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2020 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن، سونداي - اق 2020 - جىلعى حالىق شارۋاشىلىعى مەن قوعامدىق دامۋ جوسپار جوباسىن قاراپ تەكسەرەدى، مەملەكەتتىك كەڭەستىڭ 2019 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى مەن 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى بايانداماسىن، سونداي - اق 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن قاراپ تەكسەرەدى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىننىڭ جۇڭحۋا حالىق رەسپۋبليكاسىنىڭ ازاماتتىق زاڭدار جوباسى جونىندەگى تۇسىندىرمەسىن، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ ءتۇزىمى مەن اتقارۋ مەحانيزمىن ورناتۋ، اقاۋسىزداندىرۋ قاۋلى جوباسى جونىندەگى تۇسىندىرمەسىن تىڭدايدى. تۇستەن كەيىن ءارقايسى ۋاكىلدەر ۇيىرمەلەرى جالپى جيىن اشىپ، ۇكىمەت قىزمەتىنەن باياندامانى قارايدى.

  مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان مەملەكەتتىك ساياسي كەڭەستىڭ مۇشەلەرى 5 - ايدىڭ 22 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ اشىلۋ جينالىسىنا سىرتتاي قاتىناسادى. تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى گرۋپپالار جيىنىن اشىپ، مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس - جوبا قىزمەتى جاعدايى بايانداماسىن قارايدى.

  ورتالىق راديو - تەلەۆيزيا باس ستانسياسى 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ اشىلۋ جينالىسىن ۇستىنەن تىكە تاراتادى، شينحۋا تورابى اشىلۋ جينالىسىن سۋرەت، ماقالا فورماسىمەن ۇستىنەن تىكە تاراتادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.