تيانشان تورى
تيانشان تورى   ›   جاڭالىقتار   ›   شينجياڭ حابارلارى

تىكە تاراتۋ بولمەسىندە تۇرىپ، ەكى ماجىلىستەگى ءتۇيىندى تاقىرىپتاردى اقتارىلا اڭگىمەلەيمىز

شينجياڭ گازەتشىلىك مەديا توبىنىڭ تۇڭعىش AI جۇرگىزۋشىسى ينتەرنەت جەلىسىنە شىقتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شۇي چيڭگۋاڭ 5 - ايدىڭ 22 - كۇنى ۇرىمجىدەن حابارلايدى. ”كوپشىلىك سالەمەتسىزدەر مە! مەن AI جۇرگىزۋشىمىن، مەملەكەتتىك ەكى ءماجىلىس باستالدى، بۇگىننەن باستاپ مەن سىزدەرمەن بىرگە ەكى ماجىلىستەگى ءتۇيىندى تاقىرىپتارعا نازار اۋداراتىن بولامىن...“ 5 - ايدىڭ 22 - كۇنى شينجياڭ گازەتى مەكەمەسى (شينجياڭ گازەتشىلىك مەديا <توبى> شەكتى سەرىكتەستىگى) وزىنە قاراستى جاڭا مەديا تۇعىرىندا ”AI جۇرگىزۋشى ەكى ماجىلىستەن اڭگىمە شەرتەدى“ بەينەەكران باعدارلاماسىن شىعاردى، تۇڭعىش AI ۆيرتۋال جۇرگىزۋشى ينتەرنەت جەلىسىنە شىعارىلىپ، تىڭ تىنىستى تاراتۋ ونىمدىلىگىن ايگىلەيدى.

  جاساندى زەردەدەن پايدالانىپ اۆتوماتتى بىرىكتىرىلگەن AI ۆيرتۋال جۇرگىزۋشى سىندى وسى تەحنيكا ەنگىزىلگەن جازۋلاردى سايكەستى مازمۇندا جۇرگىزۋشى حابارلايتىن بەينەەكرانعا اينالدىرا الادى، سونداي - اق بەينەەكرانداعى ۇندەستىك پەن بەت الپەتىنىڭ، ەرىن قوزعالىسىنىڭ تابيعيلىعىن ساقتاۋعا شىنايى كەپىلدىك ەتىپ، ينفورماتسيانى بەينە ناقتى ادام جۇرگىزىپ وتىرعانداي ونىمدە جەتكىزەدى. بۇل گازەت مەكەمەسىنىڭ (توبى) جاساندى زەردە تەحنيكاسىن قولدانىپ مەديالاردىڭ توعىسىپ ىشكەرىلەي دامۋىن ىلگەرىلەتۋدەگى ءبىر رەتكى جاڭا سىناعى ءارى پارتيا گازەتى شولۋىنىڭ جاڭا مەديا تەحنيكاسىمەن ءبىر رەتكى توعىسپالى قوسىلۋى دەۋگە بولادى.

  ەكى ءماجىلىس كەزىندە AI ۆيرتۋال جۇرگىزۋشى ار كۇنى تىكە تاراتۋ بولمەسىندە كورىنىس بەرىپ، ەكى ماجىلىستەگى ءار ۇلت كادر - بۇقاراسى نازار اۋدارىپ وتىرعان قولامتالى، ءتۇيىندى تاقىرىپتارعا توقتالىپ، كوزقاراس جاريالاپ، قوعامدىق پىكىرگە جەتەكشىلىك ەتەدى، پارتيا گازەتى شولۋىن جاڭا تەحنيكالىق تاسىلدەردىڭ جانە تاراتۋ ءادىسىنىڭ كومەگىندە ءتىپتى دە اشىق، جاندى، حالىققا جاناساتىن ەتىپ، پارتيا گازەتى شولۋىنىڭ قاتاڭدىعىن جاناسىمدىلىققا يكەمدەپ، كورەرمەندەرمەن ارالىقتى ءونىمدى جاقىنداتادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.