تيانشان تورى   ›   جاڭالىقتار   ›   شينجياڭ حابارلارى

شينجياڭدا تۇراتىن مەملەكەتتىك ساياسي كەڭەس مۇشەلەرى تۇراقتى كوميتەتتىڭ قىزمەتىنەن باياندامانى جانە ۇسىنىس جوبا قىزمەتىنىڭ احۋالى تۋرالى باياندامانى گرۋپپالارعا ءبولىنىپ قارادى

مەملەكەت ءۇشىن مىندەت اتقارىپ، حالىق ءۇشىن جاۋاپكەرشىلىك وتەپ، حالىق ساياسي كەڭەسىنىڭ ءتۇزىم ابزالدىلىعىن قوعامدىق جونگە سالۋ ونىمدىلىگىنە اينالدىرايىق

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ جىيۇن، رىن جياڭ 5 - ايدىڭ 22 - كۇنى بەيجيڭمەن بايلانىس جاساپ، ۇرىمجىدەن حابارلايدى. 5 - ايدىڭ 22 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان شينجياڭدا تۇراتىن مەملەكەتتىك ساياسي كەڭەس مۇشەلەرى ءارقايسى سالا گرۋپپالارىندا مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن باياندامانى جانە ۇسىنىس جوبا قىزمەتىنىڭ احۋالى تۋرالى باياندامانى قارادى. مۇشەلەر مىنانى ءبىلدىردى: ەكى باياندامادا دا شي جينپيڭنىڭ جاڭا ءداۋىر جۇڭگوشا سوتسياليزم يدەياسى باستان - اياق ساباقتاستىرىلعان، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ جانە ورتالىقتىڭ ساياسي كەڭەس قىزمەتى ءماجىلىسىنىڭ رۋحى دايەكتىلەندىرىلگەن، ءداۋىر ەرەكشەلىگى، اماليات ەرەكشەلىگى جانە ساياسي كەڭەس ەرەكشەلىگى ايگىلەنگەن، ءبىزدىڭ مىندەتتى جوعارى ساپادا اتقارۋىمىزعا قىزمەت بەتالىسىن ايقىندادى.

  مۇشە حى چىڭگاڭ بىلاي دەدى: باياندامانىڭ ساياسي دەڭگەيى جوعارى، پارتيانىڭ باسشىلىعىنا تاباندى بولۋ، ورتاق تانىم ۇيىستىرۋ، مۇشەلەردىڭ وزىندىك ساپاسىن جوعارىلاتۋ سياقتى جاقتاردا تىڭ تالاپتار قويىلعان. مەن نازاريا ۇيرەنۋدى جانە يدەيانى قارۋلاندىرۋدى اناعۇرلىم كۇشەيتىپ، ”التىنى ورنىقتىرۋ“ قىزمەتىن ويداعىداي ىستەۋدى، ”التىنى قامتاماسىز ەتۋ“ مىندەتىن تياناقتاندىرۋدى تىعىز ارقاۋ ەتە وتىرىپ ۇسىنىس قويىپ، كەڭەس بەرىپ، ورتاق تانىم ۇيىستىرىپ، مەملەكەت ءۇشىن مىندەت اتقارىپ، حالىق ءۇشىن جاۋاپكەرشىلىك وتەۋگە تاباندى بولىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانا، مىندەتتەرىن ورىنداۋعا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋگە ۇلەس قوسامىن.

  مۇشە ءدىلشات ياقۇپ بىلاي دەدى: بايانداما ءار دارەجەلى ساياسي كەڭەس ۇيىمدارى مەن مۇشەلەرىنىڭ ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋ نىساناسىن ىسكە اسىرۋدىڭ قوس جەڭىسىنە قول جەتكىزۋ بارىسىندا جاۋاپكەرشىلىك ارقالاۋدى ايگىلەگەندىگىن، بەلسەنە ۇلەس قوسقاندىعىن وسكەلەڭ تۇراقتاندىردى، ادامعا زور شابىت بەرەدى. مەن نازاردى ىندەتتەن ساقتانۋ - تىزگىندەۋدى ۇدايىلاندىرۋدى ىلگەرىلەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ، جاپپاي دوڭگەلەك داۋلەتتى قوعام ورناتۋ سياقتى نىسانا، مىندەتتەرگە اناعۇرلىم شوعىرلاندىرىپ، بەلسەنە مىندەت اتقارىپ، جاۋاپكەرشىلىك وتەپ، زەيىن - زەردەنى، كۇش - قۋاتتى شوعىرلاندىرامىن.

  مۇشە ياڭ جيە بىلاي دەدى: تۇراقتى كوميتەتتىڭ قىزمەتىنەن بايانداماداعى ”سيپاتىن تۇراقتاندىرۋعا تاباندى بولىپ، ساياسي كەڭەستىڭ بيلىك ورگانى ەمەس، زاڭ شىعارۋ قۇرىلىمى ەمەس، قايتا جۇڭگوشا ەرەكشەلىككە يە، ’وزىمىزدە بار، وزگەدە جوق، ءبىزدىڭ قولدان كەلەتىن، وزگەنىڭ قولىنان كەلمەيتىن‘ ساياسي ابزالدىلىقتى بەينەلەيتىن ساياسي ۇيىم جانە دەموكراتيالىق فورما“ ەكەنىن ايگىلەۋ سياقتى بايانداۋلار ءبىزدى حالىق ساياسي كەڭەسىنىڭ فۋنكتسيالىق ورنى جونىندە اناعۇرلىم تەرەڭ دەڭگەيلى تۇسىنىككە يە ەتتى. الدا مەن شەشۋشى ساتتە سەنىمدى بولىپ، كەۋدە كەرە العا شىعىپ، باتىل ءۇن قاتىپ، بايلانىس ورناتقان سالاداعى بۇقاراعا بىرگە العا ىلگەرىلەۋگە، بىرگە العا باسۋعا ىقپال جاساپ جانە ولاردى باستاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋگە، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا كۇش قوسامىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.