شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى باسا دارىپتەدى
حالىقتى بارىنەن جوعارى قويۋعا تاباندى بولىپ، حالىقتى ۇزدىكسىز باقىتقا كەنەلتىپ، حالىقتى وزەك ەتكەن دامۋ يدەياسىن ءتۇرلى شەشىمدەردە، ورنالاستىرۋلاردا جانە ءىس جۇزىندىك قىزمەت بارىسىندا تياناقتاندىرايىق
5 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 5 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 22 - كۇنى تۇستەن كەيىن، ءوزى تۇرعان 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى باسا دارىپتەدى: جۇڭگو كوممۋنيستىك پارتياسىنىڭ ءتۇبىرلى نەگىزى حالىقتا، قان تامىرى حالىقتا. پارتيانىڭ حالىقتى ىنتىماقتاستىرا باستاپ توڭكەرىس، قۇرىلىس، رەفورما جۇرگىزۋىندەگى ءتۇبىرلى ماقساتى − حالىقتىڭ تاماشا تۇرمىس كەشىرۋىنە مۇمكىندىك جاساۋ، مەيلى قانشا زور سىن - سايىس پەن قىسىمعا ءدوپ كەلسە دە، مەيلى قانشا زور قۇرباندىق پەن بوداۋ بەرسە دە، وسى تۇيىننەن باستان - اياق جازبادى، تيتتەي دە اۋىتقىمادى. حالىقتى وزەك ەتكەن دامۋ يدەياسىنا تاباندى بولۋ، پارتيانىڭ مۇرات سەنىمىن، سيپاتى مەن باس ماقساتىن، اۋەلگى ماقساتى مەن بورىشىن ايگىلەدى، سونداي - اق پارتيانىڭ كۇرەس جاساۋ بارىسى مەن ءىس جۇزىندىك تاجىريبەسىن تەرەڭدەي قورىتىندىلادى. ءسوزسىز، حالىقتى بارىنەن جوعارى قويۋعا تاباندى بولىپ، حالىققا تىعىز سۇيەنىپ، حالىقتى ۇزدىكسىز باقىتقا كەنەلتىپ، حالىققا بەرىك تامىر تارتۋ ءارى ءتۇرلى شەشىمدەردە، ورنالاستىرۋلاردا جانە ءىس جۇزىندىك قىزمەت بارىسىندا تياناقتاندىرۋ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ بارىسىندا تياناقتاندىرۋ كەرەك.
ىشكى موڭعۇل ۋاكىلدەر ۇيىرمەسى قىزۋ بەينەدە، بەلسەندى تالقى ورىستەتتى. فەي دۇڭبين، حو جاۋلياڭ، شۋە جىگو، كوكباتىر، مەيحۋا قاتارلى 5 ۋاكىل جەكە - جەكە كەدەيلىكتەن ارىلتۋدان قامال الۋ شايقاسى، جايلىم ەكولوگياسىن قورعاۋ قۇرىلىسى سەرپىنىن ارتتىرۋ، جىلجىمالى پارتيا ياچەيكاسىنىڭ رولىن ساۋلەلەندىرۋ، حايۋاناتتار ىندەتىنەن ساقتانۋ - تىزگىندەۋ قابىلەتىن جوعارىلاتۋ، ۇلتتار ىنتىماعى العاباسارلىعى تاربيەسىن ويداعىداي ىستەۋ سياقتى ماسەلەلەر جونىندە ءسوز سويلەدى. شي جينپيڭ ءالسىن - ءالى ۋاكىلدەرمەن پىكىر اۋىستىردى.
كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ءسوز سويلەدى. ول ەڭ الدىمەن ۇكىمەت قىزمەتىنەن باياندامانى تولىق قۇپتايتىنىن ءبىلدىرىپ، ىشكى موڭعۇلدىڭ ءبىر جىلدان بەرگى قىزمەتتەرىن تولىق تۇراقتاندىرىپ، ىشكى موڭعۇلداعى جولداستاردىڭ ”موڭعۇل جىلقىسى رۋحىن“ زور كۇشپەن اسقاقتاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، 3 ءىرى قامال الۋ شايقاسىن باتىلدىقپەن ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى تۇردە ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ىندەت اكەلگەن ءتيىمسىز ىقپالدى باتىلدىقپەن جويىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتىپ، جاڭا داۋىردە سوتسياليستىك وسىزاماندانعان مەملەكەتتى جاپپاي قۇرۋ ساپارىندا ىشكى موڭعۇل دامۋىنىڭ جاڭا تاراۋلارىن جازۋىن ءۇمىت ەتتى.
شي جينپيڭ بىلاي دەپ اتاپ كورسەتتى: پارتيامىزدىڭ وزىندىك ەرەكشە مۇددەسى بولمايدى، پارتيا ءارقانداي جاعدايدا بۇقارانىڭ مۇددەسىن ءبىرىنشى ورىنعا قويادى. بۇل پارتيامىزدىڭ ماركسيزمدىك ساياسي پارتيا رەتىندە، باسقا ساياسي پارتيالاردان پارىقتالاتىن كورنەكتى بەلگىسى. ەلەۋلى ىندەت الدىندا، ءبىز تۋ باستان - اق حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدى اشىق ورتاعا قويدىق. بۇكىل ەل كولەمىندە ەڭ تاڭداۋلى شيپاگەرلەردى، ەڭ وزىق اسپاپتاردى، ەڭ شۇعىل قاجەتتى بايلىقتاردى جيناپ، بار كۇش - قايراتتى سالىپ ىندەتتەن قۇتقارۋ - ەمدەۋگە كىرىستىك، قۇتقارۋ - ەمدەۋ قاراجاتىن تۇگەلدەي مەملەكەت كوتەردى. حالىقتى بارىنەن جوعارى قويىپ، ءومىردى بارىنەن جوعارى قويىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋدا بارلىق بوداۋ بەرۋدەن تايىنباۋعا بولادى. سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ تالابىنا ۇزدىكسىز تاباندى بولىپ، ىندەتتەن ساقتانۋ - تىزگىندەۋ سىندى وسى ارقاۋدى مىقتاپ شيراتىپ، ساقتانۋ - تىزگىندەۋدى ۇدايىلاندىرۋ مەحانيزمىن كەمەلدەندىرىپ، ىندەتتىڭ قايتا بەلەڭ بەرمەۋىنە شىنايى كەپىلدىك ەتۋ كەرەك.
شي جينپيڭ بىلاي دەپ باسا دارىپتەدى: حالىق پارتيامىزدىڭ بيلىك جۇرگىزۋدەگى ەڭ ۇلكەن تىرەگى. وسى رەتكى ىندەتتەن ساقتانۋ - تىزگىندەۋ كۇرەسىندە، پارتيا ورتالىق كوميتەتىنىڭ ءبىر تۇتاس باسشىلىعىندا، بۇكىل ەل بويىنشا اتتانىسقا كەلىپ، بۇكىل حالىق ات سالىستى، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋ ارقىلى ەڭ بەرىك ساقتانۋ - تىزگىندەۋ جۇيەسىن ورناتىپ، مىزعىماس قۇدىرەتتى كۇش - قۋات ۇيىستىردى. قالىڭ حالىق بۇقاراسى جالپى تۇلعانى تانىپ، كەلەلى جاعدايمەن ساناسىپ، ىندەتتەن ساقتانۋ - تىزگىندەۋ كۇرەسىنىڭ كەلەلى جاعدايىنا سانالى سايكەسىپ، ىندەتتەن ساقتانۋ - تىزگىندەۋدىڭ نەگىزدىك كۇش - قۋاتىن قالىپتاستىردى. ەلىمىزدىڭ سوتسياليستىك دەموكراتياسى − حالىقتىڭ ءتۇبىرلى مۇددەسىن قورعايتىن ەڭ كولەمدى، ەڭ شىنايى، ەڭ ءونىمدى دەموكراتيا. ءبىز حالىق دەموكراتياسىنا تاباندى بولىپ، حالىقتىڭ اقىل - پاراساتى مەن كۇش - قۋاتىن پارتيا مەن حالىق ىستەرىنە اناعۇرلىم ويداعىداي ۇيىستىرۋىمىز كەرەك. ىشكى موڭعۇل اۆتونوميالى رايونى ەلىمىزدە ەڭ ەرتە قۇرىلعان ۇلتتىق اۆتونوميالى رايون، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتىق وڭىرلەردىڭ ەكونوميكالىق، قوعامدىق دامۋ اياق الىسىن جەدەلدەتىپ، ۇلتتاردىڭ ىنتىماعىن، العاباسارلىعىن جەبەۋدە ۇزدىكسىز الدىڭعى لەكتە ءجۇرۋى كەرەك.
شي جينپيڭ بىلاي دەپ اتاپ كورسەتتى: ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋدە، حالىققا تىعىز سۇيەنۋ كەرەك. وسى رەتكى ىندەت ەلىمىزدىڭ ەكونوميكالىق، قوعامدىق دامۋىنا ءبىرشاما زور سوققى بولدى جانە ىقپال جاسادى، ايتسەدە، بەلگىلى دارەجەدە جاڭا وراي دا تۋدىردى. ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى اۋقىمى وزگەرگەنى جوق. بەلسەندى تۇردە ىرىقتىلىقپەن ىسكەرلىك كورسەتىپ، قازىرگىنى تياناق ەتۋمەن بىرگە ۇزاق بولاشاققا دا كوز جىبەرىپ، كەلەلى نىسان قۇرىلىسىن ىلگەرىلەتۋ، بازاردىڭ نەگىزگى تۇلعالىق دامۋىن قولداۋ، كاسىپ سالاسى قۇرىلىمىن رەتتەۋدى جەدەلدەتۋ، نەگىزگى ساتىنى جونگە سالۋ قابىلەتىن جوعارىلاتۋ سياقتى جاقتاردا ۇتىمدى شارالاردى ورتاعا قويدى، اسىرەسە، ورتا، ۇزاق مەرزىمدى ستراتەگيالىق مىندەتتەردى جانە ستراتەگيالىق ورنالاستىرۋلاردى زەرتتەپ، جوسپارلاپ، جوعارى ساپالى دامۋعا، جوعارى ءونىمدى جونگە سالۋعا جەتەكتەۋ سيپاتتى رولى بار كەلەلى جوبالاردى، كەلەلى رەفورمالاردى، كەلەلى ساياساتتاردى باعىتتامالى تۇردە ورنالاستىرىپ، داعدارىسقا توتەپ بەرۋ بارىسىندا قىزمەتتىڭ ىرىقتىلىق ۇقىعىن يگەرىپ، دامۋدىڭ ىرىقتى شايقاسىن ويداعىداي جۇرگىزۋ كەرەك.
شي جينپيڭ بىلاي دەپ باسا دارىپتەدى: حالىققا باقىت جاراتۋدى، ءسوزسىز، ەڭ ماڭىزدى قىزمەت ناتيجەسى ەتۋ كەرەك. ءبىزدىڭ ەكونوميكالىق، قوعامدىق دامۋدى ىلگەرىلەتۋىمىز، سايىپ كەلگەندە، حالىق بۇقاراسىنىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ ءۇشىن. باستان - اياق حالىقتىڭ تىنىش ءومىر، شات - شادىمان تىرشىلىك كەشىرۋىن، حال - جاعدايىن كوكەيدە ساقتاپ، بۇقارا كوڭىل ءبولىپ وتىرعان جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، قوعام اماندىعى سياقتى ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ءبىر - بىردەن تياناقتاندىرۋدى مىقتى يگەرىپ، جىلدى جىلعا جالعاپ ىستەپ، بۇقاراعا وزگەرىستى كورسەتۋگە، تيىمدىلىككە كەنەلدىرۋگە قۇلشىنۋ كەرەك. كاسىپ سالاسى، جۇمىستاندىرۋ ارقىلى كەدەيلەردى سۇيەمەلدەۋ تابىستارىن بەكەمدەپ جانە ءورىسىن كەڭەيتىپ، قونىس جاڭالاپ سۇيەمەلدەۋ بويىنشا كوشىرىلگەننەن كەيىنگى ۇزدىكسىز سۇيەمەلدەۋدى ويداعىداي ىستەپ، كەدەيلىكتەن ارىلتۋدان قامال الۋ مەن اۋىل - قىستاقتاردى گۇلدەندىرۋدىڭ جاندى ۇشتاسۋىن ىلگەرىلەتۋ كەرەك. جوعارى مەكتەپ تاۋىسقان وقۋشىلار، شارۋا جۇمىسكەرلەر، قوسىننان قايتقان اسكەريلەر سياقتى ءتۇيىندى قاۋىمدى جۇمىستاندىرۋ قىزمەتىن ويداعىداي ىستەۋ كەرەك. ەلەۋلى ىندەتتەن ساقتانۋ - تىزگىندەۋ، قۇتقارۋ - ەمدەۋ جۇيەسى مەن الەۋمەتتىك دەنساۋلىق ساقتاۋ جۇيەسىن دەن قويا كەمەلدەندىرىپ، قالا، اۋىل الەۋمەتتىك اۋماقتارى سياقتى نەگىزگى ساتىنىڭ ساقتانۋ - تىزگىندەۋ قابىلەتى قۇرىلىسىن كۇشەيتىپ، وتانشىلدىق تازالىق قيمىلىن جاپپاي ورىستەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن اناعۇرلىم ويداعىداي قامتاماسىزداندىرۋ كەرەك. ەكولوگيالىق وركەنيەت قۇرىلىسىن كۇشەيتۋدىڭ ستراتەگيالىق تاباندىلىعىن ساقتاپ، ەكولوگيانى ەڭ الدىمەن ويلاستىرۋ، جاسىل دامۋ سىندى باعداردى مىقتاپ ورناتىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، وتانىمىزدىڭ سولتۇستىك شەكاراسى سىندى 10 مىڭ شاقىرىمدىق جاسىل قورعاندى اناعۇرلىم بەرىك بەكەمدەۋىمىز كەرەك. پارتيا مۇشەلەرى، كادرلار، اسىرەسە، باسشى كادرلار قولىنداعى ۇقىعىن، تۇرعان قىزمەت ورنىن پارتيا مەن حالىق بەرگەندىگىن، پارتيا مەن حالىق ءۇشىن ءىس تىندىرۋعا جۇمسالاتىندىعىن، تەك حالىقتى يگىلىككە كەنەلتۋگە پايدالانىلاتىندىعىن سەرگەكتىكپەن تاني ءبىلۋى كەرەك. ءار دارەجەلى باسشى كادرلار دۇرىس بيلىك كوزقاراسىن، ساياسي ناتيجە كوزقاراسىن، ءىس كوزقاراسىن ورناتىپ، جالعان اتاق - ابىرويعا قۇمارتپاي، جالعان ەڭبەككە ۇرىنباي، قۇر اتاققا ۇمتىلماي، ءمانساپتى بولعان ەكەن، حالىق ءۇشىن ىستەپ، ولارعا باقىت جاراتۋدى شىن مانىندە ورىنداۋى كەرەك.
شي جينپيڭ بىلاي دەپ اتاپ كورسەتتى: پارتيامىز ۇزاق ۋاقىت بيلىك جۇرگىزۋدى ورىنداۋ ءۇشىن، ءسوزسىز، حالىق بۇقاراسىمەن ەتەنە بايلانىستى ماڭگى ساقتاپ، باستان - اياق حالىق بۇقاراسىنىڭ ويلاعانىن ويلاپ، بىرگە ىستەپ، قيىندىقتى بىلەك بىرىكتىرە جەڭىپ، حالىقپەن بەينەت پەن زەينەتتە بىرگە بولۋى كەرەك. پارتيا 18 - قۇرىلتايىنان بەرى، ءبىزدىڭ باستان - اياق پارتيانى جاپپاي قاتاڭ جونگە سالۋدان جازباي، ءىرىپ - شىرۋگە بۇلجىماستان قارسى تۇرىپ جانە ونى جازالاپ، ”ءتورت ءتۇرلى بۇرىس ستيلدى“ تاباندىلىقپەن بۇلجىماي رەتتەپ - جونگە سالىپ، پارتيانىڭ بۇقارالىق لۋشيان تاربيەسى امالياتتىق قيمىلىن، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن جۇرگىزۋىمىزدىڭ ءوزى قالىڭ پارتيا مۇشەلەرىن، كادرلاردى باستان - اياق حالىق بۇقاراسىمەن تىنىستاس، تاعدىرلاس، جۇرەكتەس بولۋعا تاربيەلەۋ، جەتەكتەۋ. ءىرىپ - شىرۋگە بۇلجىماستان قارسى تۇرىپ، فورماشىلدىققا، تورەشىلدىككە تاباندىلىقپەن قارسى تۇرۋ جانە ونى جەڭۋ كەرەك.
