− باس شۋجي شي جينپيڭ ىشكى موڭعۇل ۋاكىلدەر ۇيىرمەسىندە حالىقتى بارىنەن جوعارى قويۋدى تىلگە تيەك ەتتى
شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي
”بۇگىن تۇستەن بۇرىن ۋاكىلدەر ارناسىندا حۋبەيدان كەلگەن مەملەكەتتىك حالىق قۇرىلتايىنىڭ ءبىر ۋاكىلىنىڭ ءتىلشى سۇحباتىن قابىلداعاندا ايتقان ءسوزى ماعان تەرەڭ اسەر قالدىردى“.
5 - ايدىڭ 22 - كۇنى تۇستەن كەيىن حالىق سارايىنىڭ شىعىس ۇلكەن زالىندا باس شۋجي شي جينپيڭ ءوزى تۇرعان ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، كوپشىلىككە وسى ءمان - جايدى ايتتى.
باس شۋجي اۋىزعا العان بۇل ۋاكىل حۋبەي ولكەسى شىيان قالالىق تايحى شيپاحاناسى پارتكومىنىڭ شۋجيى، شيپاحانا باستىعى لو جيە ەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، لو جيە حاۋىپكە قارسى اتتانىپ، شىيان قالالىق قۇتقارۋ - ەمدەۋ ماماندار گرۋپپاسىنىڭ باستىعى مىندەتىن ۇستىنە الىپ، كۇندى تۇنگە جالعاپ ىندەتكە قارسى اتتانۋدىڭ ءبىرىنشى شەبىندە ەرلىكپەن شايقاس جاسادى.
حالىق ۋاكىلىنىڭ حالىق سارايىندا ايتقان ءسوزى باس شۋجيگە تەرەڭ اسەر قالدىردى.
”بۇل ۋاكىل تىلشىگە حۋبەي قۇتقارىپ ەمدەگەن جاڭا تيپتى ايدارشا ۆيرۋس وكپە قابىنۋ ىندەتىنە شالدىققان 80 جاستان جوعارى ناۋقاستىڭ 3000نان اسقانىن، مۇندا 87 جاستاعى ءبىر كاريانى ون نەشە ەمدەۋ - كۇتىمدەۋ قىزمەتكەرىنىڭ نەشە ون كۇن دەن قويا ەمدەپ، اقىر - اياعىندا كاريانىڭ جانىن امان الىپ قالعانىن ايتتى. حالىقتى بارىنەن جوعارى قويۋ دەگەن نە؟ وسىنشاما كوپ ادامنىڭ ءبىر ناۋقاستى اينالسوقتاپ شىجاق قاعۋى ەشقانداي بوداۋ بەرۋدەن تايىنباۋ دەگەندى شىن مانىندە ايگىلەگەندىك“، - دەدى باس شۋجي شي جينپيڭ.
”حالىق“ − وسى كۇنى تۇستەن كەيىن باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىندە سويلەگەن ماڭىزدى ءسوزىنىڭ وزەكتى كىندىك ءسوزى بولدى.
”بۇرىنعىلار: ’الەمدە مۇددەدەن بارلىق اداممەن تەڭ يگىلىكتەنگەندەردى بارلىعى تەگىس قولدايدى؛ الەمدە مۇددەنى جەكە - دارا يەمدەنگەندەر بارلىعىنان ايرىلادى‘ دەگەن. پارتيا ۋستاۆىندا بىلاي دەپ ايقىن بەلگىلەنگەن: پارتيامىزدىڭ وزىندىك ەرەكشە مۇددەسى بولمايدى، پارتيامىز ءارقانداي جاعدايدا بۇقارانىڭ مۇددەسىن ءبىرىنشى ورىنعا قويادى... ەلەۋلى ىندەت الدىندا، ءبىز تۋ باستا - اق حالىقتىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويۋدى اشىق العا قويدىق. ءبىز بۇكىل ەل كولەمىندە تۇتاس ەلدەگى ەڭ تاڭداۋلى شيپاگەرلەردى، ەڭ وزىق اسپاپتاردى، ەڭ شۇعىل قاجەتتى بايلىقتى حۋبەيعا جانە ۋحانعا جيناپ، ىندەتتەن قۇتقارۋ - ەمدەۋگە بار كۇشپەن ات سالىستىق، قۇتقارۋ - ەمدەۋ قاراجاتىن تۇگەلدەي مەملەكەت كوتەردى“.
”ءبىز ءارقانداي بوداۋ بەرۋدەن تايىنباي، تىرشىلىك يەسىن قۇتقاردىق، ەمدەدىك. جاسى مەيلى قانشا ەگدە تارتسا دا، ناۋقاسى قانشا سالماقتى بولسا دا، ءبىز ەشقاشان دا باز كەشپەيمىز، وسى رەتكى ىندەتكە قارسى شايقاستا جاسى ەڭ ۇلكەن 108 جاستاعى ناۋقاستى ءساتتى قۇتقارىپ ەمدەدىك“.
حالىقتى بارىنەن جوعارى قويۋ ۇستانىمى تۇرعىسىنان باس شۋجي حالىقتىڭ كۇش - قۋاتىن اۋىزعا الدى.
”كوپتىڭ كۇش - قۋاتىنان پايدالانعاندا عانا، تەڭ كەلەر دۇشپان بولمايدى؛ كوپتىڭ اقىل - پاراساتىن ىستەتكەندە عانا، كەمەڭگەر ەر جۇرەك بولادى. مەن مىنانى قايتالاي باسا دارىپتەيمىن: حالىق پارتيامىزدىڭ بيلىك جۇرگىزۋىندەگى ەڭ ۇلكەن تىرەگى، وسى رەتكى ىندەتتەن ساقتانۋ - تىزگىندەۋ كۇرەسىندە پارتيا ورتالىق كوميتەتىنىڭ ءبىر تۇتاس باسشىلىعىندا بۇكىل ەل بويىنشا اتتانىسقا كەلىپ، بۇكىل حالىق ات سالىستى، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋ ارقىلى ەڭ بەرىك ساقتانۋ - تىزگىندەۋ جۇيەسىن ورناتىپ، مىزعىماس قۇدىرەتتى كۇش - قۋات ۇيىستىردى. قالىڭ حالىق بۇقاراسى جالپى تۇلعانى تانىپ، كەلەلى جاعدايمەن ساناسىپ، ىندەتتەن ساقتانۋ - تىزگىندەۋ كۇرەسىنىڭ كەلەلى جاعدايىنا سانالى سايكەسىپ، ىندەتتەن ساقتانۋ - تىزگىندەۋدىڭ نەگىزدىك كۇش - قۋاتىن قالىپتاستىردى“.
حالىقتىڭ كۇش - قۋاتىنا ماراپات ايتۋ تۇرعىسىنان ول تۇتاس پارتيانىڭ حالىققا تىنباي يگىلىك جاراتۋى كەرەكتىگىن ەسكەرتتى.
”ءبىزدىڭ ەكونوميكالىق، قوعامدىق دامۋدى ىلگەرىلەتۋىمىز، سايىپ كەلگەندە، حالىق بۇقاراسىنىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ ءۇشىن. باستان - اياق حالىقتىڭ تىنىش ءومىر، شات - شادىمان تىرشىلىك كەشىرۋىن، حال - جاعدايىن كوكەيدە ساقتاپ، بۇقارا كوڭىل ءبولىپ وتىرعان جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، قوعام اماندىعى سياقتى ءىس جۇزىندىك ماسەلەلەردى دەن قويا، سۇيىسپەنشىلىكپەن، كۇش سالا شەشىپ، ءبىر - بىردەن تياناقتاندىرۋدى مىقتى يگەرىپ، جىلدى - جىلعا جالعاپ ىستەپ، بۇقاراعا وزگەرىستەردى كورسەتۋگە، ولاردى شىنايى يگىلىككە كەنەلدىرۋگە قۇلشىنۋىمىز كەرەك“.
سويلەپ وسى اراعا كەلگەندە، باس شۋجي كوپشىلىككە جۋىقتا سانشيدە قىزمەت تەكسەرگەندە، تەكسەرۋ - زەرتتەۋ جۇرگىزگەندە العان اسەرىن اۋىزعا الدى: ”داتۇڭداعى ورگانيكالىق كۇرەڭكەيدى ولشەمدەندىرىپ ەگۋ بازاسىندا قىستاق تۇرعىندارىنا: جۇڭگو كوممۋنيستىك پارتياسى حالىق ءۇشىن ءىس تىندىرۋدى، حالىققا يگىلىك جەتكىزۋدى ەڭ ماڭىزدى قىزمەت ناتيجەسى سانايدى، بۇقارا ءۇشىن قانشا يگى ءىس، ناقتى ءىس ىستەگەنىن قىزمەت ناتيجەسىن سىناقتان وتكىزۋدىڭ ماڭىزدى ولشەمى ەتەدى، - دەدىم. ءبىزدىڭ پارتيا مۇشەلەرىمىز، كادرلارىمىز، اسىرەسە، باسشى كادرلارىمىز قولىنداعى ۇقىعىن، تۇرعان قىزمەت ورنىن پارتيا مەن حالىق بەرگەندىگىن، پارتيا مەن حالىق ءۇشىن ءىس تىندىرۋعا جۇمسالاتىندىعىن، تەك حالىقتى يگىلىككە كەنەلتۋگە پايدالانىلاتىندىعىن سەرگەكتىكپەن تاني ءبىلۋى كەرەك“. ”دۇرىس بيلىك كوزقاراسىن، ساياسي ناتيجە كوزقاراسىن، ءىس كوزقاراسىن ورناتىپ، جالعان اتاق - ابىرويعا قۇمارتپاي، جالعان ەڭبەككە ۇرىنباي، قۇر اتاققا ۇمتىلماي، ءمانساپتى بولعان سوڭ، حالىق ءۇشىن ىستەپ، ولارعا باقىت جاراتۋدى شىن مانىندە ورىنداۋى كەرەك“.
”پارتيامىز ۇزاق ۋاقىت بيلىك جۇرگىزۋدى ورىنداۋ ءۇشىن، ءسوزسىز، حالىق بۇقاراسىمەن ەتەنە بايلانىستى ماڭگى ساقتاپ، باستان - اياق حالىق بۇقاراسىنىڭ ويلاعانىن ويلاپ، بىرگە ىستەپ، قيىندىقتى بىلەك بىرىكتىرە جەڭىپ، حالىقپەن بەينەت پەن زەينەتتە بىرگە بولۋى كەرەك“. باس شۋجيدىڭ ءسوزى تەرەڭ ءمان الىپ جاتتى.
(شينحۋا اگەنتتىگىنىڭ 5 - ايدىڭ 22 - كۇنى بەيجيڭنەن بەرگەن حابارى)
