13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە اشىلدى

شي جينپيڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى

لي كىچياڭ ۇكىمەت قىزمەتىنەن بايانداما جاسادى، لي جانشۋ ءماجىلىستى باسقاردى

ازاماتتىق زاڭناما تۋرالى تۇسىندىرمەنى، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاۋلىسى تۋرالى تۇسىنىكتى تىڭدادى

　　5 - ايدىڭ 22 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭ حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى، لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　5 - ايدىڭ 22 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭ حالىق سارايىندا اشىلدى. مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

　　5 - ايدىڭ 22 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭ حالىق سارايىندا اشىلدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

　　شينحۋا اگەنتتىگىنىڭ 5 - ايدىڭ 22 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 22 - كۇنى تۇستەن بۇرىن حالىق سارايىندا اشىلدى. مەملەكەتتىك حالىق قۇرىلتايىنىڭ 3000عا جۋىق ۋاكىلى حالىقتىڭ ماڭىزدى تاپسىرماسىن ارقالاپ، ماجىلىسكە قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت جاۋاپكەرلىكتەرىن مۇقيات وتەدى.

　　حالىق سارايىنىڭ 10 مىڭ ادامدىق ۇلكەن زالى ايبىندى دا سالتاناتتى بەينەگە شومدى، ءتوراعالار مىنبەسى شىمىلدىعىنىڭ ءدال ورتاسىنداعى مەملەكەت گەربى نارتتاي قىزىل تۋدىڭ ايشىقتاۋىمەن نۇر شۇعىلا شاشىپ تۇر.

　　ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ ءتوراعالار مىنبەسىندەگى اتقارۋشى ءتوراعالار ورنىنا جايعاستى.

　　شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

　　13- كەزەكتى مەملەكەتتىك حالىق قۇرىلتايىنىڭ 3 - ماجىلىسىنە قاتىناسۋعا ءتيىستى ۋاكىل 2956 ادام. 5 - ايدىڭ 22 - كۇنى تۇستەن بۇرىنعى ماجىلىسكە 2897 ۋاكىل قاتىناستى، 59 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

　　تۇستەن بۇرىن ساعات 9دا لي جانشۋ جۇڭحۋا حالىق رەسپۋبليكاسى 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ اشىلعاندىعىن جاريالادى. زالداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

　　لي جانشۋ ءماجىلىستى باسقارعان كەزدە بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى جاڭا جۇڭگو قۇرىلعاننان بەرى ەلىمىزدە تۋىلعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ زور ءبىر رەتكى توسىن تۋىلعان ەلەۋلى الەۋمەتتىك دەنساۋلىق ساقتاۋ وقيعاسى بولدى. ىندەتكە قارسى اتتانۋدىڭ قاتاڭ كۇرەسىندە، ءبىر توپ ەمدەۋ قىزمەتكەرلەرى، كادرلار مەن جۇمىسشى - قىزمەتكەرلەر، الەۋمەتتىك اۋماق قىزمەتكەرلەرى، ت.ب جۇمىس ۇستىندە قازا بولدى، كوپتەگەن ناۋقاس باقىتقا قارسى قايتىس بولدى. ءبىز قازا بولعان قۇرباندارعا جانە قايتىس بولعان باۋىرلاستارعا قايعىلى ازا بىلدىرەمىز.

　　وسىدان سوڭ، ماجىلىسكە قاتىناسقان بارلىق ادام جاڭا تيپتى ايدارشا ۆيرۋس وكپە قابىنۋ ىندەتىندە قازا بولعان قۇرباندار مەن قايتىس بولعان باۋىرلاستارعا ءۇنسىز تۇرىپ ازا ءبىلدىردى.

　　ءماجىلىستىڭ كەڭەستىك ءتارتىبى بويىنشا، مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما 8 بولىكتەن قۇرالعان: 1. 2019 - جىلعى جانە بيىلعى جىل باسىنان بەرگى قىزمەتتەرگە شولۋ؛ 2. بيىلعى دامۋدىڭ باستى نىساناسى جانە كەلەسى كەزەڭدەگى قىزمەت جونىندەگى جالپى تۇلعالىق ورنالاستىرۋلار؛ 3. ماكرولىق ساياساتتى اتقارۋ تەبىنى ارتتىرىلىپ، كاسىپورىنداردى ورنىقتىرۋعا، جۇمىستانۋدى قامتاماسىزداندىرۋعا كۇش سالىنادى؛ 4. رەفورما ارقىلى بازار سۋبيەكتىلەرىنىڭ ومىرشەڭدىگى ىنتالاندىرىلىپ، دامۋدىڭ جاڭا قوزعاۋشى قۋاتى ارتتىرىلادى؛ 5. ىشكى سۇرانىمدى ۇلعايتۋ ستراتەگياسى اتقارىلىپ، ەكونوميكانىڭ دامۋ تاسىلىندە جەدەل بۇرىلىس جاساۋ ىلگەرىلەتىلەدى؛ 6. كەدەيلىكتەن ارىلتۋدان قامال الۋ نىساناسىن جۇزەگە اسىرۋعا شىنايى كەپىلدىك ەتىلىپ، اۋىل شارۋاشىلىعىنان مول ءونىم الۋ، ديقانداردىڭ كىرىسىن ارتتىرۋ جەبەلەدى؛ 7. اناعۇرلىم جوعارى دەڭگەيدە سىرتقا ەسىك اشۋ ىلگەرىلەتىلىپ، سىرتقى ساۋدانىڭ، شەتەل قارجىسىنىڭ نەگىزگى جۇلگەسى ورنىقتىرىلادى؛ 8. حالىق تۇرمىسىن قامتاماسىزداندىرۋ مەن جاقسارتۋ ارقاۋ ەتىلىپ، قوعامدىق ىستەر رەفورماسى مەن دامۋى ىلگەرىلەتىلەدى.

　　لي كىچياڭ بىلاي دەدى: بۇل رەتكى جاڭا تيپتى ايدارشا ۆيرۋس وكپە قابىنۋ ىندەتى − جاڭا جۇڭگو قۇرىلعاننان بەرى ەلىمىز تاپ بولعان تارالۋ جىلدامدىعى ەڭ تەز، جۇعىمدالۋ كولەمى ەڭ كەڭ، ساقتانۋ - تىزگىندەۋ قيىندىعى ەڭ زور الەۋمەتتىك دەنساۋلىق ساقتاۋ وقيعاسى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدىڭ جانە بارشا حالىق بۇقاراسىنىڭ قاجىماي - تالماي قۇلشىنۋى، سونداي - اق قۇرباندىق بەرۋى ارقىلى ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتتى. قازىر ىندەت ءالى اياقتاي قويعان جوق، دامۋ مىندەتى توتەنشە اۋىر. سول ءۇشىن، ىندەت تۋدىرعان زياندى بارىنشا ازايتۋعا كۇش سالىپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋعا قۇلشىنۋ كەرەك.

　　لي كىچياڭ 2019 - جىلعى جانە بيىلعى جىل باسىنان بەرگى قىزمەتتەرگە شولۋ جاسادى: ەكونوميكالىق اينالىم جالپى جاقتان ورنىقتى بولدى؛ ەكونوميكالىق قۇرىلىم مەن وڭىرلىك ورنالاستىرۋ ۇزدىكسىز جاقساردى؛ دامۋدىڭ جاڭا قوزعاۋشى قۋاتى ۇزدىكسىز ارتتى؛ رەفورما جاساپ، ەسىك اشۋدا ماڭىزدى قادام تاستالدى؛ ءۇش ءىرى قامال الۋ شايقاسىندا شەشۋشى ىلگەرىلەۋشىلىكتەر بولدى؛ حالىق تۇرمىسى اناعۇرلىم جاقساردى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، پارتيا ورتالىق كوميتەتى ىندەتتەن ساقتانۋ - تىزگىندەۋدى ماڭداي الدى ءىرى ءىس رەتىندە يگەردى، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، حالىقتىڭ باس اماندىعى مەن دەنساۋلىق سالاماتتىعىن ءبىرىنشى ورىنعا قويۋعا تاباندى بولدى. ىندەتتەن ساقتانۋ - تىزگىندەۋ بارىسىندا، ءبىز سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي جولمەن الدىن الۋ - ەمدەۋ، دالمە - ءدال شارا قولدانۋ جالپى تالابىنا ساي، ءتۇرلى قىزمەتتەردى مىقتى، ناقتى، ەگجەي - تەگجەيلى يگەردىك.

　　لي كىچياڭ بىلاي دەپ اتاپ كورسەتتى: تابىستاردى تۇراقتاندىرۋمەن بىرگە، ءدوپ كەلگەن قيىنشىلىقتار مەن ماسەلەلەردى دە سەرگەكتىكپەن كورە بىلۋگە ءتيىسپىز. ءبىز، ءسوز جوق، قىزمەتتى كۇش سالا جاقسارتىپ، مىندەتىمىزدى شىنايى وتەپ، بار زەيىن - زەردەمىزبەن حالىقتىڭ ءۇمىتىن اقتاۋىمىز كەرەك.

　　لي كىچياڭ بىلاي دەپ اتاپ كورسەتتى: كەزەكتە جانە بۇدان بىلايعى ءبىر مەزگىلدە، ەلىمىزدىڭ دامۋى بۇرىن بولماعان حاۋىپ - قاتەرلەر مەن سىن - سىناقتارعا ءدوپ كەلمەك، الايدا، بىزدە وزگەشە ساياسي جانە تۇزىمدىك ابزالدىلىق، مىعىم ەكونوميكالىق نەگىز، وراسان زور بازار كومەسكى كۇشى جانە ءجۇز ميلليونداعان ەڭبەكقور، پاراساتتى حالقىمىز بار. تەك سىن - سىناقتارعا بەتپە - بەت كەلىپ، دامۋ سەنىمىمىزدى بەكەمدەپ، دامۋدىڭ قوزعاۋشى كۇشىن ارتتىرىپ، ەلىمىز دامۋىنىڭ ماڭىزدى ستراتەگيالىق وراي مەزگىلىن قورعاپ جانە ودان ويداعىداي پايدالانا الساق بولعانى، قازىرگى قيىن وتكەلدەن، ءسوز جوق، وتە الامىز، جۇڭگونىڭ دامۋى، ءسوز جوق، ۇمىتكە تولى بولادى.

　　لي كىچياڭ بىلاي دەدى: ءبىز جاعدايعا جان - جاقتىلى تۇجىرىم جاساي كەلىپ، ىندەت تۋىلاردان بۇرىن ويلاستىرعان مەجەلى نىساناعا لايىقتى رەتتەۋ جۇرگىزدىك، تۇتاس جىلعى ەكونوميكالىق ارتۋدىڭ ناقتى نىساناسىن ورتاعا قويمادىق، جۇمىستانۋدى ورنىقتىرۋ، حالىقتىڭ نەگىزگى تۇرمىسىن قامتاماسىزداندىرۋ الدىمەن ويلاستىرىلادى، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىلىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرى قۇلشىنا جۇزەگە اسىرىلادى؛ قالا - قالاشىقتاردا 9 ميلليوننان استام ادام تىڭنان جۇمىستانادى، قالا - قالاشىقتاردا انىقتالعان جۇمىسسىزدىق مولشەرى ％6 شاماسىندا، قالا - قالاشىقتاردا تىزىمدەلگەن جۇمىسسىزدىق مولشەرى ％5.5 اينالاسىندا بولادى؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرى ％3.5 اينالاسىندا بولادى؛ يمپورت - ەكسپورتتىڭ ورنىقتىلىعى جەبەلىپ، ساپاسى جوعارىلايدى، حالىقارالىق كىرىس - شىعىس نەگىزىنەن تەپە - تەڭ بولادى؛ تۇرعىندار كىرىسىنىڭ ارتۋى ەكونوميكانىڭ ارتۋىمەن نەگىزىنەن تەڭ بولادى؛ قازىرگى ولشەم بويىنشا اۋىل - قىستاقتاعى كەدەيلەر بۇكىلدەي كەدەيلىكتەن ارىلادى، كەدەي اۋدانداردىڭ كەدەيلىك قالپاعى تۇگەلدەي الىپ تاستالادى؛ اۋىر فينانس حاۋىپ - قاتەرىنەن ساقتانۋ جانە ونى تىزگىندەۋ ءونىمدى جۇرگىزىلەدى، ىشكى ءوندىرىستىڭ جالپى قۇنىنداعى ەنەرگيانىڭ بىرلىكتىك جۇمسالىمى مەن باستى لاس زاتتاردىڭ شىعارىلۋ مولشەرى ۇزدىكسىز تومەندەپ، ”13 - بەسجىلدىق“ پلانداعى نىسانا - مىندەتتەر كۇش سالا ورىندالادى.

　　لي كىچياڭ بىلاي دەدى: ”التىنى قامتاماسىزداندىرۋ“ بيىلعى ”التىنى ورنىقتىرۋ“ قىزمەتىنىڭ كۇش سالۋ ءتۇيىنى. ”التىنى قامتاماسىزداندىرۋدىڭ“ تومەنگى شەگىن مىقتى ساقتاعاندا عانا، ەكونوميكانىڭ نەگىزگى جاعدايىن ورنىقتىرۋعا بولادى؛ قامتاماسىزداندىرۋ ارقىلى ورنىقتىلىقتى جەبەپ، ورنىقتىلىق بارىسىندا ىلگەرىلەگەندە عانا، جاپپاي دوڭگەلەك داۋلەتتى قوعام ورناتۋعا بەرىك نەگىز قالاۋعا بولادى. بيىلعى جىلدىڭ 5 ايعا تاياۋ ۋاقىتى ءوتىپ كەتتى، كەلەسى كەزەڭدە ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي، ەكونوميكالىق، قوعامدىق دامۋدىڭ ءتۇرلى قىزمەتتەرىن ويداعىداي مىقتى يگەرۋ كەرەك. شىعارىلعان ساياساتتىڭ تەبىنىن ساقتاۋمەن بىرگە، باياندىلىعىن دا ەسكەرۋ كەرەك، جاعدايداعى وزگەرىسكە قاراي كەمەلدەندىرۋگە دە بولادى، بىزدە تۇتاس جىلدىق نىسانا - مىندەتتەردى ورىندايتىن سەنىم دە، قابىلەت تە بار.

　　لي كىچياڭ ۇكىمەتتىڭ وزىندىك قۇرىلىسىن كۇشەيتۋ، ۇلت، ءدىن جانە چياۋمين ىستەرى قىزمەتى، مەملەكەت قورعانىسى جانە ارميا قۇرىلىسى، شياڭگاڭنىڭ، اۋمىننىڭ دامۋى جانە ەكى جاعالاۋ قارىم - قاتىناسى، سونداي - اق ەلىمىزدىڭ ديپلوماتيا ساياساتى جونىندە دە بايىمداۋ جاسادى.

　　ءماجىلىستىڭ كەڭەستىك تارتىبىنە ساي، ءماجىلىس مەملەكەتتىك كەڭەستىڭ 2019 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2020 - جىلعى حالىق شارۋاشىلىعى مەن قوعامدىق دامۋ جوسپار جوباسى بايانداماسىن، سونداي - اق 2020 - جىلعى حالىق شارۋاشىلىعى مەن قوعامدىق دامۋدىڭ جوسپار جوباسىن، 2019 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى بايانداماسىن، سونداي - اق 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن تەكسەرەدى.

　　مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىن ازاماتتىق زاڭناما جونىندە تۇسىنىك جاسادى. تۇسىندىرمەدە مىنالار اتاپ كورسەتىلدى: ازاماتتىق زاڭناما قۇراستىرۋ − جۇڭگوشا سوتسياليزم تۇزىمىنە تاباندى بولۋدىڭ جانە ونىڭ كەمەلدەندىرۋدىڭ رەال قاجەتى، مەملەكەتتى جاپپاي زاڭمەن جونگە سالۋدى ىلگەرىلەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى شاراسى، سوتسياليستىك نەگىزگى ەكونوميكالىق تۇزىمگە تاباندى بولۋدىڭ جانە ونى كەمەلدەندىرۋدىڭ، ەكونوميكانىڭ جوعارى ساپالى دامۋىن ىلگەرىلەتۋدىڭ وبيەكتيۆ تالابى، حالىقتىڭ ىرىس - قۇتىن مولايتۋدىڭ، ەڭ كەڭ حالىق بۇقاراسىنىڭ ءتۇبىرلى مۇددەسىن قورعاۋدىڭ قاجەتتى تالابى.

　　تۇسىندىرمەدە ازاماتتىق زاڭناما قۇراستىرۋدىڭ جالپى تالابى مەن نەگىزگى پرينسيپتەرى تانىستىرىلدى. تۇسىندىرمەدە مىنالار اتاپ كورسەتىلدى: ازاماتتىق زاڭناما قۇراستىرۋدىڭ جەتەكشى يدەياسى: جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 18 - قۇرىلتايىنىڭ، 19 - قۇرىلتايىنىڭ جانە ورتالىق كوميتەتتىڭ قاتىستى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالىق بىرلىگىنە تاباندى بولىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدى جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، جۇڭگوشا سوتسياليستىك زاڭمەن جونگە سالۋ جۇيەسىن ورناتۋدى، سوتسياليستىك زاڭمەن جونگە سالىناتىن مەملەكەت قۇرۋدى تىعىز ارقاۋ ەتىپ، امالياتتىق تاجىريبەلەردى قورىتىندىلاپ، ءداۋىر تالابىنا ۇيلەسىپ، ەلىمىزدىڭ قازىر اتقارىلىپ وتىرعان، تۇرلىشە مەزگىلدەردە جاسالعان ازاماتتىق زاڭدار جالپى ەرەجەسىنە، مۇلىك ۇقىعى زاڭىنا، توقتام زاڭىنا، كەپىل بولۋ زاڭىنا، ۇيلەنۋ زاڭىنا، اسىراپ الۋ زاڭىنا، مۇراگەرلىك ەتۋ زاڭىنا، ۇقىققا سۇعاناقتىق جاساۋ جاۋاپكەرلىگى زاڭىنا جانە ادامدىق ۇقىق جاعىنداعى ازاماتتىق ىستەر زاڭ ولشەمدەرىنە جالپى بەتتىك، جۇيەلى تۇردە قۇراستىرۋ، جاساۋ، جازۋ، وزگەرىس ەنگىزۋ جۇرگىزىپ، جۇڭگولىق ەرەكشەلىككە يە، ءداۋىر ەرەكشەلىگىن ايگىلەيتىن، حالىقتىڭ تىلەگىن بەينەلەيتىن ازاماتتىق زاڭناما قالىپتاستىرىپ، جاڭا داۋىردە جۇڭگوشا سوتسياليزم تۇزىمىنە تاباندى بولۋعا جانە ونى كەمەلدەندىرۋگە، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كەمەلدى ازاماتتىق ىستەر زاڭدىق كەپىلىن ازىرلەۋ.

　　تۇسىندىرمەگە ساي، جوبا 7 بولىكتەن، 1260 تارماقتان قۇرالدى، ءار بولىگى رەتىمەن مىنالار: جالپى ەرەجە، مۇلىك ۇقىعى، توقتام، ادامدىق ۇقىق، ۇيلەنۋ جانە وتباسى، مۇراگەرلىك ەتۋ، ۇقىققا سۇعاناقتىق جاساۋ جاۋاپكەرلىگى جانە قوسىمشا ەرەجە. تۇسىندىرمەدە جوبانىڭ باستى مازمۇندارى دا تانىستىرىلدى.

　　مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن، ۋاڭ چىن مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاۋلى جوباسى تۋرالى تۇسىنىك جاسادى.

　　تۇسىندىرمەدە مىنالار اتاپ كورسەتىلدى: شياڭگاڭ وتان قۇشاعىنا ورالعاننان بەرى، مەملەكەت ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، وسكەلەڭ اۆتونوميا باعىتىن دايەكتىلەندىرۋگە تاباندى بولىپ، ”ءبىر ەل، ەكى ءتۇزىم“ امالياتى شياڭگاڭدا بۇرىن بولماعان تابىسقا قول جەتكىزدى؛ سونىمەن بىرگە، ”ءبىر ەل، ەكى ءتۇزىم“ اماليات بارىسىندا كەيبىر جاڭا جاعدايلارعا، جاڭا ماسەلەلەرگە جولىعىپ، جاڭا حاۋىپ - قاتەرلەر مەن سىن - سايىستارعا ءدوپ كەلدى. كەزەكتەگى ءبىر كورنەكتى ماسەلە، شياڭگاڭ ەرەكشە اكىمشىلىك رايونىندا مەملەكەت حاۋىپسىزدىگىنە ساياتىن حاۋىپ - قاتەر كۇن سايىن كورنەكتىلەندى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ ءۇشىن، شياڭگاڭنىڭ قازىرگى جاعدايىندا، ءسوز جوق، مەملەكەتتىك دەڭگەيدە شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتىپ جانە كەمەلدەندىرىپ، مەملەكەت حاۋىپسىزدىگى سالاسىندا ۇزاق ۋاقىتتان بەرى ”قورعانىس قۇرماۋ“ جاعدايىن وزگەرتىپ، نەگىزگى زاڭ جانە شياڭگاڭ ءتۇبىرلى زاڭى ارناسىندا مەملەكەت حاۋىپسىزدىگىن قورعاۋ ءتۇزىمى قۇرىلىسىن ىلگەرىلەتىپ، مەملەكەت حاۋىپسىزدىگىن قورعاۋ قىزمەتىن كۇشەيتىپ، شياڭگاڭدا ”ءبىر ەل، ەكى ءتۇزىم“ ىستەرىنىڭ ورنىقتى، باياندى جۇرگىزىلۋىنە شىنايى كەپىلدىك ەتۋ كەرەك.

　　تۇسىندىرمەدە مىنالار اتاپ كورسەتىلدى: جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، ”ءبىر ەل، ەكى ءتۇزىم“ تۇزىمدىك جۇيەسىنە تاباندى بولىپ جانە ونى كەمەلدەندىرىپ، ورتالىقتىڭ ەرەكشە اكىمشىلىك رايوندى جالپى بەتتىك باسقارۋ، جونگە سالۋ بيلىگىن قورعاۋ مەن ەرەكشە اكىمشىلىك رايوننىڭ وسكەلەڭ اۆتونوميا ۇقىعىن قامتاماسىز ەتۋدى ورگانيكالى تۇردە بىرلەستىرىپ، مەملەكەت حاۋىپسىزدىگىن قورعاۋ ءتۇزىمى قۇرىلىسىن جانە زاڭ اتقارۋ قىزمەتىن كۇشەيتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن قورعاپ، ”ءبىر ەل، ەكى ءتۇزىم“ باعىتىنىڭ وزگەرمەۋىنە، اۋىتقىماۋىنا شىنايى كەپىلدىك ەتۋ، ”ءبىر ەل، ەكى ءتۇزىم“ امالياتىنىڭ قالپىنىڭ، ۇلگىسىنىڭ وزگەرمەۋىنە شىنايى كەپىلدىك ەتۋ كەرەك. ءسوز جوق، مىنا نەگىزگى پرينسيپتەرگە بويسۇنۋ جانە ونى يگەرۋ كەرەك: ءبىرىنشى، مەملەكەت حاۋىپسىزدىگىن باتىل قورعاۋ، ەكىنشى، ”ءبىر ەل، ەكى ءتۇزىم“ تۇزىمدىك جۇيەسىنە تاباندى بولۋ جانە ونى كەمەلدەندىرۋ، ءۇشىنشى، شياڭگاڭدى زاڭمەن جونگە سالۋعا تاباندى بولۋ، ءتورتىنشى، سىرتتىڭ كيلىگۋىنە باتىل قارسى تۇرۋ، بەسىنشى، شياڭگاڭ تۇرعىندارىنىڭ زاڭدى ۇقىق - مۇددەسىن شىنايى قامتاماسىز ەتۋ.

　　تۇسىندىرمەدە مىنالار تانىستىرىلدى: قاۋلى جوباسى كىرىسپە جانە نەگىزگى مازمۇن سىندى ەكى بولىكتەن قۇرالادى، كىرىسپە بولىمىندە بۇل قاۋلىنىڭ شىعۋ سەبەبى، ماقساتى جانە دايەگى تۋرالى قىسقاشا تۇسىنىك جاسالدى، قاۋلى جوباسىنىڭ نەگىزگى مازمۇنى جالپى 7 تارماقتان قۇرالدى. تۇسىندىرمەدە قاۋلى جوباسىنىڭ ناقتى مازمۇندارى تۋرالى دا تانىستىرۋ جاسالدى.

　　ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.

　　شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى يچىڭ ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.

　　مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.

　　ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.

　　شەتەلدىڭ جۇڭگوداعى ەلشىلەرى ءماجىلىستى سىرتتاي تىڭدادى.