تيانشان تورى   ›   جاڭالىقتار   ›   شينجياڭ حابارلارى

شينجياڭدا تۇراتىن مەملەكەتتىك ساياسي كەڭەس مۇشەلەرى ۇكىمەت قىزمەتىنەن باياندامانى تالقىلادى

تۇتاس جىلداعى نىسانالاردى، مىندەتتەردى ورىنداۋعا سەنىمىمىز دە، قابىلەتىمىز دە بار

  شينجياڭ گازەتىنىڭ جالپىلىق اقپارات قۇرالدارى تىلشىلەرى يۋان لەي، رىن جياڭ 5 - ايدىڭ 23 - كۇنى بەيجيڭمەن بايلانىس جاساپ، ۇرىمجىدەن حابارلايدى. 5 - ايدىڭ 23 - كۇنى تۇستەن بۇرىن مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان شينجياڭدا تۇراتىن مەملەكەتتىك ساياسي كەڭەس مۇشەلەرى ءوز سالالارى بويىنشا گرۋپپالار تالقىسىنا قاتىناسىپ، ۇكىمەت قىزمەتىنەن باياندامانى تالقىلادى.

  مۇشە نۇرلان ءابىلماجىن بىلاي دەدى: وتكەن ءبىر جىلدان استام ۋاقىتتان بەرى، پارتيا مەن مەملەكەتتىڭ ءتۇرلى ىستەرىندە جاڭا كەلەلى ىلگەرىلەۋشىلىكتەرگە قول جەتتى. اسىرەسە، توسىن تۋىلعان ىندەت الدىندا، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ ەل بىرلىگىنەن بەرىك قامال تۇرعىزىپ، قاجىرلىلىقپەن شايقاسىپ، كەلەلى ستراتەگيالىق ناتيجەگە قول جەتكىزىپ، سەنىمدى بەكەمدەپ، جۇرت كوڭىلىن ورنىقتىردى. ۇكىمەت قىزمەتىنەن باياندامادا پارتيانىڭ بيلىك جۇرگىزۋ باس ماقساتى جانە حالىقتى وزەك ەتكەن دامۋ ۇستانىمى باستان - اياق ايگىلەنگەن. بيىلعى قىزمەتتەردى ويداعىداي ىستەۋدە، ءسوز جوق، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، دەن قويا مىندەت اتقارىپ، جاۋاپكەرشىلىك وتەپ، ۇكىمەت ىسىنە اقىل - كەڭەس بەرۋدە جانە ورتاق تانىم قالىپتاستىرۋدا قوس باعىتتا كۇش سالۋعا تاباندى بولىپ، پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋدىڭ جانە كەدەيلىكتەن ارىلتۋدان قامال الۋدىڭ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ جالپى بەتتىك جەڭىسىنە قول جەتكىزۋگە ساياسي كەڭەستىڭ اقىل - پاراساتى مەن كۇش - قۋاتىن ارناۋ كەرەك. تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن ورىنداۋعا سەنىمىمىز دە، قابىلەتىمىز دە بار، ”13 - بەسجىلدىق“ جوباداعى نىسانالاردى، مىندەتتەردى ورىنداۋعا سەنىمىمىز دە، قابىلەتىمىز دە بار.

  مۇشە بادىمالا بىلاي دەدى: ۇكىمەت قىزمەتىنەن بايانداما ناتيجەسى كورنەكتى جاۋاپناما بولۋمەن بىرگە، باعدار كورسەتەتىن بيلىك جۇرگىزۋ باعدارناماسى، تۇرعىسى بيىك، العا باسۋعا دەم بەرەدى، ناقتى، بۇقاراعا توتەنشە جاناسىمدى، ماسەلەگە بەتپە - بەت كەلگەن، قيىندىقتان قامال العان، حالىق تۇرمىسىنا نازار اۋدارعان، حالىق ءۇشىن ناقتى ىستەر تىندىرعان، مازمۇنى باي، جارقىن تۇيىندەر ارت - ارتىنان ايگىلەنگەن، جۇرت شىنايى قۇپتاعان. ءبىز جوعارى ساپالى دامۋدى ىلگەرىلەتۋ سەنىمى مەن بەكىمىن اناعۇرلىم بەكەمدەپ، ىندەتتەن ساقتانۋ - تىزگىندەۋدى ۇدايىلاندىرۋدىڭ ءتۇرلى شارالارىن تياناقتاندىرۋدى باستان - اياق مىقتى يگەرىپ، ىندەتتەن ساقتانۋ - تىزگىندەۋ ناتيجەلەرىن ءۇرتىس بەكەمدەپ، ورنىقتىلىقتىڭ پايداسىن تولىق جارىققا شىعارىپ، ۋاقىتتى ۇتىپ، شاپشاڭ ۇمتىلىپ، ىندەت تۋدىرعان شىعىندى تولىقتاپ، ىندەت زايا جىبەرگەن ۋاقىتتى قولعا كەلتىرەمىز.

  مۇشە جياڭ پيڭ - ان بىلاي دەدى: ۇكىمەت قىزمەتىنەن بايانداما جۇمىستانۋدى ورنىقتىرۋدى، حالىق تۇرمىسىن قامتاماسىز ەتۋدى ماڭداي الدى ورىنعا قويدى. تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن ىسكە اسىرىپ، جۇمىستانۋ جاعدايىنىڭ جالپى تۇلعالىق ورنىقتىلىعىن ساقتاۋ توتەنشە ماڭىزدى، تەتىگى ناقتى ىستەۋدە. تەك سىن - سايىستارعا بەتپە - بەت كەلىپ، دامۋ سەنىمىن بەكەمدەپ، شىنايى يگەرىپ، ناقتى ىستەسە بولعانى، قازىرگى قيىن وتكەلدەردەن، ءسوز جوق، وتۋگە بولادى، شينجياڭنىڭ بولاشاعىنىڭ ۇمىتكە تولى بولاتىندىعى داۋسىز.

  مۇشە مي ىنحۋا بىلاي دەدى: ۇكىمەت قىزمەتىنەن باياندامادا كاسىپورىنداردى ورنىقتىرىپ، جۇمىستانۋدى قامتاماسىز ەتۋ شارالارى مول. كاسىپورىنشى بولعان مەن بۇعان تولىق سەنىم ارتامىن، بۇل ءارى ءتۇرلى كاسىپورىنداردىڭ وتكەلدەن ءوتۋ جىگەرىن تولىق قاۋلاتتى. ءبىز ىندەتكە قارسى اتتانۋ بارىسىندا قاۋلاعان ەل بىرلىگىنەن بەرىك قامال تۇرعىزىپ، ۋاقىتتىق قيىندىقتاردى جەڭۋ رۋحىن قىزمەتتى ىلگەرىلەتۋدىڭ قۋاتتى قوزعاۋشى كۇشىنە اينالدىرىپ، اناعۇرلىم زور ناتيجەگە قول جەتكىزىپ، ەكونوميكانىڭ جوعارى ساپالى دامۋىنا ۇلەس قوسۋىمىز كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.