تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

عايرات مامۇت: ءبىر ءوڭىردىڭ تىنىشتىعىن ومىرىمەن قورعادى

عايرات مامۇتتىڭ سۋرەتى. سۋرەتتى شينحۋا اگەنتتىگى تاراتقان

  شينحۋا اگەنتتىگىنىڭ 5 - ايدىڭ 23 - كۇنى ۇرىمجىدەن بەرگەن حابارى (تىلشىلەرليۋ بيڭ، حاڭ رۇي). ”قاھارمان عايرات بىزدە دە ءسىزدىڭ بەينەڭىز بار!“، بيىلعى چيڭميڭ كەزىندە شينجياڭنىڭ حوتان ايماعى گۇما اۋدانىنداعى قوعام حاۋىپسىزدىگى حالىق ساقشىلارى قاباعات قاربالاستىق بارىسىندا ايرىقشا مانگە يە ەسكە الۋ قيمىلىن − ينتەرنەتتە گۇل ۇسىنۋ، ولەڭ ارناۋ ارقىلى ”حالىق قاھارمانى“ عايرات مامۇتقا دەگەن وسكەلەڭ قۇرمەتى مەن ساعىنىشىن بەينەلەۋ قيمىلىن ۇيىمداستىردى.

  عايرات مامۇت 1969 - جىلى 10 - ايدا دۇنيەگە كەلگەن، شينجياڭنىڭ گۇما اۋدانىنان. ول 1989 - جىلى 7 - ايدا شينجياڭ حالىق ساقشىلارى مەكتەبىنەن (قازىرگى شينجياڭ ساقشىلار شۋەيۋانى) وقۋ تاۋىسقاننان كەيىن، اۋىلىنا قايتىپ كەلىپ، قوعام حاۋىپسىزدىگى قىزمەتىنە قاتىناسادى، 1994 - جىلى 5 - ايدا جۇڭگو كوممۋنيستىك پارتياسىنا مۇشە بولادى، گۇما اۋداندىق قوعام حاۋىپسىزدىگى مەكەمەسى قالا - قالاشىق ساقشى بولىمشەسىنىڭ حالىق ساقشىسى، باستىعى، كوكتەرەك ساقشى بولىمشەسىنىڭ باستىعى، گۇما اۋداندىق قوعام حاۋىپسىزدىگى مەكەمەسى پارتكومىنىڭ مۇشەسى، مەكەمەنىڭ ورىنباسار باستىعى سياقتى مىندەتتەر وتەگەن.

  عايرات مامۇت كوكەيىنە باستان - اياق ءبىر سەرتتى − حالىق ساقشىسى قىزمەت جاۋاپكەرشىلىگىن ادالدىقپەن اتقارىپ، اقتىق دەمىنە دەيىن وتانعا ەڭبەك ەتۋ، ادىلەت جولىندا باسىن ءباي تىگۋ دەگەن سەرتتى ۇيالاتتى. قوعام حاۋىپسىزدىگى قىزمەتىنە قاتىناسقاننان كەيىن، ول ساياسي تۇرعىدا بەرىك، مىنەز - قۇلىقتا باتىل، قايسار، قىزمەتتە مۇقيات، جاۋاپتى بولىپ، ”ءۇش ءتۇرلى كۇشپەن“ قيان - كەسكى شايقاسقا بەلسەنە ات سالىستى.

  ”ول ءارقانداي قىزمەتتى باستاماشىلدىقپەن ىستەپ، ۇنەمى ەڭ الدىدا اتوي سالىپ، قاي - قاشان دا ءوز باسىنان ۇلگى كورسەتىپ، دەلونى ءبىر جاقتى ەتكەندە ءادىل، تۋراشىل بولدى، كەيىنگى بۋىنداردى ءارى ايالادى، ءارى ولارعا سابىرلىلىقپەن ءتالىم بەردى“. عايرات مامۇتتىڭ تاربيەلەگەن شاكىرتى رەتىندە كوكتەرەك ساقشى بولىمشەسىنىڭ قازىرگى باستىعى ءمۇتالىپ مامەت ءار جولى ونى شىن جۇرەكتەن سۇيىنە جانە ساعىنا ەسكە الادى.

  2013 - جىلى ءبىر جولعى تۇتقىنداۋ مىندەتىن اتقارعان كەزدە، عايرات مامۇت حالىق ساقشىلارىن باستاپ، زورلىقتى كۇش، لاڭكەس ەلەمەنت جاسىرىنعان بولمەگە كىرەدى. ىزدەۋدەن ناتيجە بولماعاننان كەيىن، ول قالتارىستاعى ءبىر شكاپتان كۇماندانىپ، جالما - جان كوپشىلىككە: ”قوزعالماڭدار!“ دەپ ەسكەرتكەنىمەن، ءبىر حالىق ساقشىسى شكاپتىڭ ەسىگىن اشىپ جىبەرەدى. زورلىقتى كۇش، لاڭكەس ەلەمەنت قاتتى ساسقالاقتاپ شكاپتىڭ ەسىگىنەن اتىلىپ شىعىپ، وسى حالىق ساقشىسىنا پىشاعىن جالاڭداتىپ ۇمتىلعان ساتتە، عايرات مامۇت كەسكىن تۇردە مىلتىقپەن اتىپ ولتىرەدى.

  2014 - جىلى شينجياڭ ”قاتاڭ سوققى بەرۋ“ ارناۋلى ارەكەتىن ورىستەتكەننەن بەرى، عايرات مامۇت حالىق ساقشىلارىن باستاپ حاۋىپسىزدىككە قاتەر توندىرگەن توپتان 77 رەتتە 811 ادامدى تۇتقىنداپ، جارىلعىش قوندىرعىلاردان 320سىن تاركىلەپ، زورلىقتى كۇش، لاڭكەستىك زاڭعا قايشى قىلمىستىق ارەكەتتەرگە قاتاڭ سوققى بەرىپ، مەملەكەت حاۋىپسىزدىگى مەن قوعام ورنىقتىلىعىن قورعادى.

  ”جاۋلارعا اياماي سوققى بەرۋ كەرەك، حالىق بۇقاراسىن شىنايى ءسۇيۋ كەرەك“. بۇل عايرات مامۇتتىڭ ۇنەمى ايتاتىن ءسوزى.

  2015 - جىلى 7 - ايدىڭ 3 - كۇنى ساعات 9دان 7 مينۋت وتكەندە، گۇما اۋدانىندا 6.5 بال جەر سىلكىنىسى تۋىلىپ، كوكتەرەك اۋىلىندا 4000نان استام ءۇي قۇلاپ، بۇقارا اۋىر شىعىنعا ۇشىرايدى. عايرات مامۇتتىڭ ءۇيى وسى كوكتەرەك اۋىلىندا بولاتىن، الايدا ول ءۇيىن بارىپ كورۋگە ۇلگىرمەي، شايقاسقا ىرىقتىلىقپەن سۇرانىپ، اپاتتان قۇتقارۋ قىزمەتىنە ەڭ الدىمەن ات سالىسادى. جەر سىلكىنگەن كۇنى ول حالىق ساقشىلارىن باستاپ، قيراندىنىڭ اراسىنان 20 نەشە بۇقارانى قۇتقارادى، بىتىراتقان بۇقارا 5000 ادام - رەتتەن اسادى، بۇقارانىڭ قۇنى 100 مىڭ يۋاننان اساتىن مال - مۇلكىن اپاتتان الىپ قالادى. اپاتتان قۇتقارۋ قىزمەتى اياقتاعاننان ءبىر مەزگىل ۋاقىتتان كەيىن، عايرات مامۇت ۇيىنە قايتىپ كەلىپ، ايەلىنىڭ 3 بالاسىمەن بىرگە بۇزىلعان ۇيلەرىن تازالاپ جاتقانىن كورىپ، قاتتى قىسىلىپ ايەلىنە: ”كەشىر، قينالىپ قالدىڭ عوي“، - دەيدى.

  ساقشى بولعاننان بەرى، عايرات مامۇت ۇزدىك ۇكىمەت قىزمەتكەرى، وزات جەكە، تاڭداۋلى پارتيا مۇشەسى بولىپ 13 رەت باعالانادى، ءبىر رەت جەكە 2 - دارەجەلى، 5 رەت جەكە 3 - دارەجەلى ەڭبەك سىڭىرەدى، 2010 - جىلى شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسى جاعىنان ”بۇكىل شينجياڭ بويىنشا حالىق رازى بولعان ساقشى بولىمشەسىنىڭ باستىعى“ بولىپ باعالانادى.

  2016 - جىلى 9 - ايدىڭ 10 - كۇنى عايرات مامۇت اترەت باستاپ گۇما اۋدانىنىڭ ءبىر قىستاعىنداعى يەن جەردە جاسىرىنىپ جاتقان قوعام حاۋىپسىزدىگى مينيسترلىگى A دارەجەلى قۋعىنداۋ بۇيرىعىن تۇسىرگەن قاشقىن، جارىلعىش زات جاسايتىن توپتىڭ اتامانى ا XXتى تۇتقىندايدى. ول حالىق ساقشىلارىمەن بىرگە شەپتى جيناپ، زورلىقتى كۇش، لاڭكەستىك ەلەمەنتتى بۇتا - بۇرگەن اراسىنا قورشاپ، تۇتقىنداۋعا دايىندالعان كەزىندە، زورلىقتى كۇش، لاڭكەستىك ەلەمەنت توسىننان جانكەشتى شابۋىل جاسايدى. ”تاسالان“! عايرات مامۇت داۋىستاپ ايعاي سالادى ءارى مىلتىعىن الىپ اتقىلايدى. پارتتاعان داۋىستىڭ شىعۋىنا ىلەسە، عايرات مامۇت تا جەرگە جىعىلىپ، بەتى - اۋزىن قان جاۋىپ كەتەدى، گۇما اۋداندىق حالىق شيپاحاناسى جەدەل قۇتقارعانىمەن، جاراقاتى اۋىر بولعاندىقتان، باقىتقا قارسى قۇربان بولادى، ول كەزدە نەبارى 47 جاستا ەدى.

  عايرات مامۇتتىڭ قۇربان بولعان حابارى تاراعان سوڭ، ول كوزى تىرىسىندە قىزمەت ىستەگەن كوكتەرەك اۋىلى مەن گۇما اۋدانىنداعى ءار ۇلت بۇقاراسى وزدىكتەرىنەن كەلىپ ونىڭ جەرلەۋ سالتىنا قاتىناسىپ، سوڭعى ساپارعا اتتاندىرادى. 2017 - جىلى 1 - ايدىڭ 24 - كۇنى قوعام حاۋىپسىزدىگى مينيسترلىگى عايرات مامۇتقا ”مەملەكەتتىك قوعام حاۋىپسىزدىگى جۇيەسىنىڭ 1 - دارەجەلى قاھارمان ۇلگىسى“ داڭق اتاعىن تولىقتاپ بەردى. 2019 - جىلى 9 - ايدىڭ 29 - كۇنى جۇڭحۋا حالىق رەسپۋبليكاسىنىڭ مەملەكەت وردەنىن جانە مەملەكەت داڭق اتاعىن تابىس ەتۋ سالتىندا عايرات مامۇتقا مەملەكەتتىك قوعام حاۋىپسىزدىگى حالىق ساقشىلارىنىڭ ۋاكىلى رەتىندە، ”حالىق قاھارمانى“ مەملەكەتتىك داڭق اتاعى بەرىلدى.

  قازىرگى كەزدە عايرات مامۇتتىڭ ۇلكەن قىزى گۇلميرا عايرات داشۋە بىتىرگەن سوڭ اكەسىنىڭ ورىندالماي قالعان ارمانىن جالعاستىرىپ، گۇما اۋدانىنداعى ۇزدىك حالىق ساقشىسى بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.