شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 5 - ايدىڭ 24 - كۇنى بەيجيڭمەن بايلانىس جاساپ، ۇرىمجىدەن حابارلايدى. 5 - ايدىڭ 24 - كۇنى تۇستەن بۇرىن مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى ەكىنشى جالپى جيىنىن وتكىزدى، شينجياڭدا تۇراتىن مەملەكەتتىك ساياسي كەڭەستىڭ مۇشەسى ءمۇتالىپ قاسىم جيىندا ءسوز كەزەگىن العاندا، بىلاي دەدى: قازىر شينجياڭداعى ءار ۇلت بۇقاراسىنىڭ حاۋىپسىزدىك سەزىمى بارىنشا كۇشەيدى، ءماشىراپ ءبيى تاعى بيلەندى، دۋتاردا تاعى دا كۇي تارتىلدى، ”مەن بۇگىنگى اتا مەكەنىمدى شەكسىز ماقتانىش ەتەمىن!“
ءمۇتالىپ قاسىم بىلاي دەدى: سوڭعى جىلدارى اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ۇستىنەن وڭاۋ مەن تۇبىرىنەن وڭاۋ ۇشتاستىرىلعان، جان - جاقتى اتقارىلعان كەشەندى شارانى قولدانىپ، ”ءۇش ءتۇرلى كۇشتىڭ“ اپتىعىن باسىپ، سوققى بەرىپ، زورلىقتى كۇش، لاڭكەستىك وقيعالارىنىڭ كوپ، ءجيى تۋىلۋ جاعدايىن ءونىمدى تۇردە اۋىزدىقتادى. ”ءار ۇلت بۇقاراسى ءبىر - ءبىرىنىڭ ارتىقشىلىقتارىن كورە ءبىلىپ، تۋىس بولىپ ءوزارا كومەكتەسىپ، اناردىڭ دانىندەي تىعىز ۇيىستى“.
ءمۇتالىپ قاسىم بىلاي دەدى: شينجياڭنىڭ بۇگىنگى اسا تاماشا جاعدايى وڭاي قولعا كەلگەن جوق، ءبىز، ءسوز جوق، بارىنشا قاستەرلەپ، باتىل قورعاۋىمىز كەرەك. شينجياڭداعى ءار ۇلت حالقىنىڭ بىرگە ىنتىماقتاسا كۇرەس جۇرگىزۋ، بىرگە گۇلدەنىپ دامۋ اياق الىسىن ءارقانداي كۇش توسا المايدى.
ءمۇتالىپ قاسىم بىلاي دەدى: تيانشان قاراعايلارى تامىرلاس، ءار ۇلت حالقى جۇرەكتەس. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، بۇكىل ەل حالقىنىڭ زور كۇشپەن قولداۋىندا، شينجياڭداعى ءار ۇلت حالقىنىڭ ءبىر جاعادان باس، ءبىر جەڭنەن قول شىعارۋىندا، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن جۇڭگوشا سوتسياليستىك شينجياڭ قۇرۋ نىساناسىنىڭ، ءسوز جوق، جۇزەگە اساتىندىعىنا سەنەمىز!
