چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، لي ياڭ 5 - ايدىڭ 24 - كۇنى بەيجيڭنەن حابارلايدى. 5 - ايدىڭ 24 - كۇنى تۇستەن بۇرىن جانە تۇستەن كەيىن، 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن اشىپ، 2019 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2020 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، 2019 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى ۇزدىكسىز تەكسەردى، ازاماتتىق زاڭناما جوباسىن قارادى.
شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى.
ادالەت ازەز، لياۋ چاۋياڭ، مۇساجان نۇردۇن قاتارلى ۋاكىلدەر بىلاي دەپ قارادى: وتكەن ءبىر جىلدا دامۋ - رەفورما جانە قازىنا تاراۋلارى پارتيا ورتالىق كوميتەتىنىڭ، مەملەكەتتىك كەڭەستىڭ ەكونوميكالىق قىزمەت جونىندەگى كەلەلى ورنالاستىرۋلارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن دايەكتىلەندىرىپ، جوعارى ساپالى دامۋ تالابىمەن تىعىز بايلانىستىرىپ، جاپپاي دوڭگەلەك داۋلەتتى قوعام ورناتۋعا ماڭىزدى ۇلەس قوسىپ، ”ءتورت تانىمدى“، ”ءتورت سەنىمدى“، ”ەكىنى قورعاۋدى“ ناقتى ارەكەتتەرىمەن امالياتتا ايگىلەدى.
لي بين، مين شياۋچيڭ، ءورنيسا قادىر قاتارلى ۋاكىلدەر بىلاي دەدى: بيىل جىل باسىنان بەرى، توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكالىق، قوعامدىق دامۋىنا زور سوققى اكەلدى. ىندەتتىڭ اۋىر سىناعى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن كۇش سالا ءبىر تۇتاس جوسپارلاپ ويداعىداي ىستەدىك. اماليات جۇڭگو كوممۋنيستىك پارتياسىنىڭ باسشىلىعىنىڭ جانە ەلىمىزدىڭ سوتسياليستىك ءتۇزىمىنىڭ، ەلىمىزدىڭ مەملەكەتتى جونگە سالۋ جۇيەسىنىڭ قۋاتتى ومىرشەڭدىك كۇش پەن كورنەكتى ابزالدىلىققا يە ەكەندىگىن، كەز كەلگەن جاپا - ماشاقات، قيىنشىلىق، حاۋىپ - قاتەر، كەدەرگىنى جەڭە الاتىندىعىن تاعى دالەلدەدى.
پارحات روزى، پۋربا تۇگجەجاپ، شۇي تاۋ قاتارلى ۋاكىلدەر بىلاي دەپ قارادى: ەلىمىزدىڭ ەكونوميكالىق اينالىمى وراسان زور سىن - سايىسقا ءدوپ كەلگەندىگىن سەرگەكتىكپەن تانۋمەن قاتار، ونان دا ماڭىزدىسى، ىندەتتىڭ سوققىسى مەن ىقپالىنىڭ كەزەڭدىك ەكەنىن، جالپى جاقتان مەڭگەرۋگە بولاتىنىن، ەلىمىزدىڭ دامۋ كومەسكى كۇشىنىڭ زور، سەرپىمدىلىگىنىڭ كۇشتى بولۋ، ەكونوميكانىڭ ورنىقتى تۇردە جاقسارۋ، ۇزاق ۋاقىت جاقسارۋ نەگىزگى اۋقىمىن وزگەرتە المايتىندىعىن كورە ءبىلۋىمىز كەرەك.
ادىل ابدىرازاق، سۇن چۇنۋاڭ، مامەتيمىن ابدىعاني قاتارلى ۋاكىلدەر بىلاي دەدى: داعدارىس پەن وراي قاتار ءومىر سۇرەدى، داعدارىستى جەڭۋدىڭ ءوزى وراي. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليستىك ءتۇزىمنىڭ كورنەكتى ابزالدىلىعى، قۋاتتى اتتانىسقا كەلتىرۋ قابىلەتى مەن مىعىم جالپىلىق قۋاتى تۇرعاندا، بۇكىل پارتيا، بۇكىل ارميا، بۇكىل ەلدەگى ءار ۇلت حالقى ىنتىماقتاسا كۇرەس جۇرگىزگەندە، ءبىز، ءسوز جوق، ىندەتتى جەڭىپ، ەلىمىزدىڭ ەكونوميكاسى مەن قوعامىنىڭ تاماشا دامۋ جاعدايىن ساقتاپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانا - مىندەتتەرىن ورىنداپ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتە الامىز.
فاتيما، حى شيڭلياڭ، سۇي جيۋشيۋ قاتارلى ۋاكىلدەر بىلاي دەپ قارادى: ەلىمىزدىڭ ازاماتتىق ىستەر زاڭ - ءتۇزىمى جاڭا داۋىردەگى رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ تاريحي ۇدەرىسىنە ىلەسە قالىپتاسقان ءارى ۇزدىكسىز دامىپ كەمەلدەنگەن، ول جۇڭگوشا سوتسياليستىك زاڭ - ءتۇزىمنىڭ ماڭىزدى قۇرامداس بولىگى. جۇڭگوشا ەرەكشەلىككە يە، ءداۋىر ەرەكشەلىگىن ايگىلەيتىن، حالىقتىڭ ەركىن بەينەلەيتىن ازاماتتىق زاڭناما جاڭا داۋىردە جۇڭگوشا سوتسياليستىك تۇزىمگە تاباندى بولۋ مەن ونى كەمەلدەندىرۋگە، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ازاماتتىق زاڭ جاعىنان تولىق كەپىلدىك ازىرلەيدى.
جاۋ جينلۇڭ، رۋحيا ءماتسايدى، ياسىن سىدىق قاتارلى ۋاكىلدەر بىلاي دەدى: ازاماتتىق زاڭنامانى قۇراستىرۋ - جازۋ جۇيەلى، كەلەلى زاڭ شىعارۋ ينجەنەرياسى. حالىقتى وزەك ەتۋگە تاباندى بولىپ، ازاماتتىق ىستەر ۇقىعىن قورعاۋدى شىعار ءتۇيىن جانە تياناق ەتىپ، حالىقتىڭ زاڭمەن جونگە سالۋ قاجەتىنە شىن مانىندە جاۋاپ قايتارىپ، حالىقتىڭ كۇن سايىن ارتقان تاماشا تۇرمىس قاجەتىن ءتىپتى جاقسى قاناعاتتاندىرىپ، قالىڭ حالىقتىڭ ءتۇبىرلى مۇددەسىن تولىق جۇزەگە اسىرىپ، قورعاپ، دامىتىپ، ازاماتتىق زاڭنامانىڭ جاڭا داۋىردە ءار ۇلت حالقىنىڭ ازاماتتىق ىستەر ۇقىعىن قورعايتىن تاماشا زاڭناماعا اينالۋىنا مۇمكىندىك جاساۋ كەرەك.
قايسار ابدىكەرىم، جارقىن احات، اكبار ءماتناسىر قاتارلى ۋاكىلدەر مىنالاردى ءبىلدىردى: مەملەكەت جاعدايى مەن ءىس جۇزىندىك جاعدايدى تياناق ەتۋگە تاباندى بولىپ، ەلىمىزدىڭ رەفورما جاساپ، ەسىك اشقان 40 نەشە جىلدان بەرگى ازاماتتىق ىستەر زاڭ شىعارۋى مەن امالياتتىق تاجىريبەلەرىن جاپپاي قورىتىندىلاپ، ازاماتتىق ىستەر زاڭ قۇرىلىسىنىڭ تابىستارىن زاڭنامالاندىرۋ تاسىلىمەن بەكەمدەپ، تۇراقتاندىرىپ جانە دامىتىپ، زاڭ شىعارۋ بەتالىسىنا امالياتتىق سۇرانىسپەن جەتەكشىلىك ەتىپ، ازاماتتىق ىستەر زاڭ - ءتۇزىمىنىڭ باعىتتامالىلىعىن، ونىمدىلىگىن، ۇيلەسىمدىلىگىن جوعارىلاتىپ، زاڭمەن جونگە سالۋدىڭ جەتەكتەۋ، ارناعا ءتۇسىرۋ، قامتاماسىز ەتۋ رولىن ساۋلەلەندىرۋ كەرەك.
مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي، جۋ حايلۇن، ابدۇرىقىپ ءتومۇرنياز قاتارلىلار ماجىلىسكە قاتىناستى.
