تيانشان تورى   ›   جاڭالىقتار   ›   ماڭىزدى حابارلار

شي جينپيڭ حۋبەي ۋاكىلدەر ۇيىرمەسىنىڭ باياندامانى قاراۋىنا قاتىناستى

شي جينپيڭ حۋبەي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى

جالپى تۇلعالىق جاقتان جوسپارلاپ، جۇيەلى تۇردە قايتا سومداپ، جالپى بەتتىك جوعارىلاتىپ، الەۋمەتتىك دەنساۋلىق ساقتاۋ قورعانىس تورىن بەرىك، تىعىز توقۋ كەرەك

        5 - ايدىڭ 24 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى حۋبەي ۋاكىلدەر ۇيىرمەسىنىڭ باياندامانى قاراۋىنا قاتىناستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 24 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى حۋبەي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: ەلەۋلى ىندەتتىڭ جانە توسىن تۋىلعان الەۋمەتتىك دەنساۋلىق ساقتاۋ حاۋىپ - قاتەرىنىڭ الدىن الۋ جانە ونى جويۋ مەملەكەتتىڭ حاۋىپسىزدىگى مەن دامۋىنا سايادى، قوعامدىق ساياسي كەلەلى جاعدايدىڭ ورنىقتىلىعىنا سايادى. جالپى تۇلعالىق جاقتان جوسپارلاۋعا، جۇيەلى تۇردە قايتا سومداۋعا، جالپى بەتتىك جوعارىلاتۋعا تاباندى بولىپ، اۋرۋدىڭ الدىن الۋ جانە ونى تىزگىندەۋ جۇيەسىنە رەفورما جاساپ، ىندەت جاعدايىن قاداعالاۋ، ساقتاندىرۋ جانە شۇعىل جاعدايعا توتەپ بەرۋ، اتتانىسقا كەلۋ قابىلەتىن جوعارىلاتىپ، ەلەۋلى ىندەتتەن قۇتقارۋ - ەمدەۋ جۇيەسىن اقاۋسىزداندىرىپ، الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ زاڭدارىن، زاڭ ەرەجەلەردى كەمەلدەندىرىپ، وتانشىلدىق تازالىق قيمىلىن ىشكەرىلەي ورىستەتىپ، ءتۇزىلىس، مەحانيزم دەڭگەيىندە قارىم - قاتىناستى رەتكە سالۋعا، جاۋاپكەرشىلىكتى كۇشەيتۋگە كۇش سالۋ كەرەك.

  شي جينپيڭ جيىن زالىنا كىرگەن كەزدە زالداعىلار تۇگەل ورىندارىنان تۇرىپ، قىزۋ شاپالاق سوقتى.

  لو جيە، يان جى، جاڭ ۋىنشي، سۇڭ چيڭلي، يۇي چىڭ قاتارلى 5 ۋاكىل الەۋمەتتىك دەنساۋلىق ساقتاۋ جۇيەسى قۇرىلىسىن كۇشەيتۋ، ناقتى ەكونوميكانى سۇيەمەلدەۋدى كۇشەيتۋ، قالا - اۋىل نەگىزگى ساتىلارىن جونگە سالۋ دەڭگەيىن جوعارىلاتۋ، كەدەي تاۋلى وڭىرلەردەگى ءىرى قاتىناس قۇرىلىستارى جانە كەدەيلىكتەن ارىلتۋ كاسىپ سالالارىن دامىتۋ، ىندەتتەن ساقتانۋ - تىزگىندەۋدە جۇڭگونىڭ ءتۇزىم ابزالدىلىعىن ايگىلەۋ سياقتى ماسەلەلەر جونىندە پىكىر ءبىلدىردى. شي جينپيڭ ۋاكىلدەرمەن ىشكەرىلەي پىكىرلەستى.

  ۋاكىلدەردىڭ ءسوزىن مۇقيات تىڭداعاننان كەيىن، شي جينپيڭ ءسوز سويلەدى. ول الدىمەن مىنالاردى ءبىلدىردى: حۋبەي حالقى، ۋحان حالقى ىندەتتەن ساقتانۋ - تىزگىندەۋگە ەلەۋلى ۇلەس قوسىپ، وراسان زور قۇرباندىق بەردى. ۋحان دەسە دەگەندەي قاھارمان قالا، حۋبەي حالقى مەن ۋحان حالقى دەسە دەگەندەي قاھارمان حالىق. ول سول جەردە وتىرعان ءاربىر ادامعا، حۋبەيداعى ءار ۇلت كادر - بۇقاراسىنا شىن ىقىلاستى سالەم جولدادى جانە شىن جۇرەكتەن العىس ايتتى.

  شي جينپيڭ بىلاي دەپ باسا دارىپتەدى: كەزەكتە، شەكارا سىرتىنداعى ىندەتتىڭ تارالۋ، ءورشۋ اۋقىمى ءالى دە ءونىمدى تىزگىندەلگەن جوق، ەل ىشىندەگى كەيبىر وڭىرلەردە ادامداردىڭ توپتالۋىنان تۋىلاتىن ىندەت جاعدايى ءالى دە بار، حۋبەيدا كەيدە دياگنوزى تۇراقتاندىرىلعان ناۋقاستار اۋىق - اۋىق بايقالۋدا، اۋرۋ بەلگىسى جوق جۇعىمدالۋشىلار ءار كۇنى تىڭنان ارتۋدا. ينەنىڭ جاسۋىنداي تەسىكتەن گۋىلدەپ جەل قاشادى. ىندەتتەن ساقتانۋ - تىزگىندەۋ سىندى ارقاۋدى ءارقاشان مىقتاپ شيراتىپ، باستان - اياق ساق بولىپ، كۇش ۇستىنە كۇش قوسىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىزمەتىن ۇزدىكسىز ويداعىداي يگەرۋ كەرەك، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن جەتىستىكتەرىن سەلگە كەتىرۋگە استە بولمايدى.

  شي جينپيڭ بىلاي دەپ اتاپ كورسەتتى: بۇكىل ەل بويىنشا ىندەت جاعدايى ەڭ اۋىر، باسقارۋ - مەڭگەرۋ ۋاقىتى ەڭ ۇزاق ولكە رەتىندە، حۋبەي ەكونوميكاسىن قايتا سەرپىلتۋ ءبىرشاما ۇلكەن قيىنشىلىققا ءدوپ كەلىپ وتىر. سونىمەن بىرگە، حۋبەي ەكونوميكاسىنىڭ ۇزاق ۋاقىت جاقسارۋ سىندى نەگىزگى جاعدايى وزگەرگەن جوق، ۇزاق جىل جينالعان جالپىلىق باسىمدىق وزگەرگەن جوق، مەملەكەتتىك جانە وڭىرلىك دامۋداعى ماڭىزدى ورنى وزگەرگەن جوق. پارتيا ورتالىق كوميتەتى حۋبەي ولكەسىنىڭ ەكونوميكالىق، قوعامدىق دامۋىنا قولداۋ كورسەتۋ جونىندە ءبىرسىپىرا ساياساتتاردى اقىلداسىپ بەلگىلەدى. حۋبەيداعى جولداستاردىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ىرىقتىلىقپەن ءىس تىندىرىپ، قايراتتانا ىسكەرلىك كورسەتىپ، قالىڭ كادرلار مەن بۇقارانىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتىپ، حۋبەيدىڭ جوعارى ساپالى دامۋىنىڭ جاڭا تاراۋىن قۇلشىنا جازۋىن ءۇمىت ەتەمىن.

  شي جينپيڭ بىلاي دەپ باسا دارىپتەدى: ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ كەزەكتە حۋبەيدىڭ الدىندا تۇرعان شۇعىل مىندەت. ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن بار كۇشپەن ويداعىداي ىستەپ، ۇدايىلانعان دالمە - ءدال ساقتانۋ - تىزگىندەۋ مەن ءىشىنارا وڭىردە شۇعىل جاعدايعا توتەپ بەرۋ بويىنشا ءبىر جاقتى ەتۋدى ورگانيكالى ۇشتاستىرۋعا تاباندى بولىپ، الەۋمەتتىك اۋماقتا دالمە - ءدال ساقتانۋ - تىزگىندەۋدى كۇشەيتىپ، تەكسەرۋ - ولشەۋ كولەمىن كەڭەيتىپ، ىندەتتەن ساقتانۋ - تىزگىندەۋدىڭ جەتىستىكتەرىن ۇزدىكسىز بەكەمدەۋ كەرەك. جۇمىستى، ءوندىرىستى، ساۋدانى، بازاردى جەدەل قالپىنا كەلتىرىپ، ءتۇيىندى كاسىپ سالاسى تىزبەگىن، باستاماشى كاسىپورىنداردى، ەلەۋلى قارجى قوسۋ نىساندارىن ارقاۋ ەتە وتىرىپ دالمە - ءدال شارا قولدانىپ، كاسىپ سالاسى تىزبەگىنىڭ سايكەسە وتىرىپ جۇمىستى، ءوندىرىستى قالپىنا كەلتىرۋ بارىسىنداعى بوگەتتەردى، قيىن ماسەلەلەردى شەشۋىنە كۇش سالا كومەكتەسىپ، كاسىپورىنداردىڭ اسىرەسە، ورتا، شاعىن، ۇساق كاسىپورىنداردىڭ ءدوپ كەلگەن ناقتى قيىنشىلىقتاردى شەشۋىنە كومەكتەسىپ، تۇتىنۋعا ىنتالاندىرۋ شارالارىن جەدەل شىعارىپ جانە تياناقتاندىرىپ، ىندەت تۋدىرعان زياندى بار مۇمكىندىكتەن پايدالانىپ ەڭ تومەنگى شەككە ءتۇسىرۋ كەرەك. ”التىنى قامتاماسىز ەتۋ“ قىزمەتىن شىنايى، ويداعىداي ىستەپ، جوعارى مەكتەپ تاۋىسقان وقۋشىلار، شارۋا جۇمىسكەرلەر سياقتى ءتۇيىندى قاۋىمدى جۇمىستاندىرۋدى ويداعىداي ىستەپ، حالىقتىڭ نەگىزگى تۇرمىسىن قامتاماسىزداندىرۋ قىزمەتىن ويداعىداي ىستەپ، بۇقارانىڭ قوعامدىق قامتاماسىزداندىرۋ، ەمدەۋ قامسىزداندىرۋى، وقۋ سياقتى جاقتارداعى ناقتى قيىنشىلىقتارىن شەشۋىنە كومەكتەسىپ، ەرەكشە قيىنشىلىعى بار بۇقارانى تولىق قامتاماسىز ەتۋ قىزمەتىن ويداعىداي تياناقتاندىرىپ، ەندى قالعان كەدەي حالىقتى كەدەيلىكتەن ارىلتۋ مىندەتىن باتىل ورىنداپ، ىندەت سەبەبىنەن كەدەيلەسۋدەن نەمەسە قايتا كەدەيلەسۋدەن ساقتانۋ كەرەك. تۋىلۋى مۇمكىن ”ىندەتتەن كەيىنگى قوسانجارلامالى سىرقاتتى“ جەڭۋگە ايرىقشا ءمان بەرىپ، ەمدەلىپ جازىلعان ناۋقاستاردىڭ دەنساۋلىعىن قالپىنا كەلتىرۋ جانە ولاردى پسيحيكالىق جاقتان جەتەكتەۋ، سونداي - اق اۋرۋدان قايتىس بولعانداردىڭ وتباسىنداعىلاردى جۇباتۋ قىزمەتىن ۇزدىكسىز تۇردە ويداعىداي ىستەپ، ىندەت سەبەبىنەن مۇددەسى زيانعا ۇشىراعان بۇقارانىڭ ورىندى تىلەك - تالابىن لايىقتى شەشۋ كەرەك. ورتالىق پەن مەملەكەتتىڭ ورگان - ورىندارى، ورتالىققا قاراستى كاسىپورىندار حۋبەيدىڭ ىندەتتەن كەيىنگى قايتا سەرپىلۋىنە قولداۋ كورسەتۋ تەبىنىن ۇزدىكسىز ارتتىرىپ، ءتۇرلى ساياسات - شارالاردىڭ حۋبەيدا ەرتەرەك تياناقتانۋىنا، ەرتەرەك ونىمدىلىك كورسەتۋىنە، ەرتەرەك يگىلىككە كەنەلتۋىنە مۇمكىندىك جاساپ، ساياسات باسىمدىعىن دامۋ باسىمدىعىنا اينالدىرۋ كەرەك.

  شي جينپيڭ بىلاي دەپ اتاپ كورسەتتى: بۇل رەتكى ىندەتكە توتەپ بەرۋدە ەلىمىزدىڭ الەۋمەتتىك دەنساۋلىق ساقتاۋ جۇيەسى، ەمدەۋ - قىزمەت وتەۋ جۇيەسى ماڭىزدى رول اتقاردى، دەسەدە، كەيبىر ولقىلىقتار مەن كەمشىلىكتەر دە بايقالدى. ءبىز ورىن تەپكەن ماسەلەلەرگە دۇرىس قاراپ، رەفورما تەبىنىن ارتتىرىپ، ولقىلىقتاردى جەدەل تولىقتاپ، ساڭلاۋلاردى بىتەپ، ءالسىز تۇستاردى كۇشەيتۋىمىز كەرەك. الدىن الۋ − دەنساۋلىق ساقتاۋدىڭ ەڭ ۇنەمدى، ەڭ ءونىمدى تاكتيكاسى. اناعۇرلىم دالمە - ءدال، اناعۇرلىم ءونىمدى تۇردە الدىن الۋدى تياناق ەتىپ، اۋرۋدىڭ الدىن الۋ جانە ونى تىزگىندەۋ قۇرىلىمدارىنىڭ فۋنكتسيالىق سەپتەلۋىن ساپالىلاندىرىپ، كەمەلدەندىرىپ، ەمدەۋ مەن الدىن الۋدى سايكەستىرۋ مەحانيزمىنە جاڭالىق ەنگىزىپ، ءار دارەجەلى ەمدەۋ قۇرىلىمدارىنىڭ اۋرۋدىڭ الدىن الۋ جانە ونى تىزگىندەۋ قىزمەت جاۋاپكەرشىلىگىن كۇشەيتىپ، جۇقپالى اۋرۋلار ىندەتىن جانە توسىن تۋىلعان الەۋمەتتىك دەنساۋلىق ساقتاۋ وقيعاسىن مالىمدەۋ جاۋاپكەرشىلىگىن تياناقتاندىرۋعا قۋزاپ، اۋرۋدىڭ الدىن الۋ جانە ونى تىزگىندەۋ قۇرىلىمدارى مەن قالا، اۋىل الەۋمەتتىك اۋماقتارىنىڭ بىرلەسە قيمىلداۋ قىزمەت مەحانيزمىن اقاۋسىزداندىرىپ، اۋىل - قالاشىق ەمحانالارىنىڭ جانە الەۋمەتتىك اۋماقتاعى دەنساۋلىق ساقتاۋ قىزمەت وتەۋ ورتالىقتارىنىڭ اۋرۋدىڭ الدىن الۋ جانە ونى تىزگىندەۋ قىزمەت جاۋاپكەرشىلىگىن كۇشەيتىپ، بىرلەسىپ ساقتانۋدىڭ، بىرلەسىپ تىزگىندەۋدىڭ نەگىزگى ساتىداعى نەگىزىن نىعايتۋ كەرەك.

  شي جينپيڭ بىلاي دەپ باسا دارىپتەدى: ىندەت جاعدايىن قاداعالاۋدىڭ جانە الدىن الا ساقتاندىرۋدىڭ قۇنى دەر كەزىندە، ءدال، دۇرىس بولۋدا. سەبەبى بەلگىسىز اۋرۋلار مەن قالىپسىز سالاماتتىق وقيعالارىن قاداعالاۋ مەحانيزمىن جاقسارتىپ، باعالاۋدىڭ، قاداعالاۋدىڭ سەزىمتالدىعى مەن دالدىگىن جوعارىلاتىپ، زەردەلىلەنگەن تاسىلمەن الدىن الا ساقتانۋدىڭ كوپ تۇيىندە ىسكە قوسىلۋ مەحانيزمىن ورناتىپ، كوپ ارنادا قاداعالاۋ، الدىن الا ساقتاندىرۋ مەحانيزمىن اقاۋسىزداندىرىپ، حاۋىپ - قاتەردى دەر كەزىندە تۇجىرىمداپ، جۇقپالى اۋرۋلار سياقتى ەلەۋلى ىندەتكە توتەپ بەرۋ جانە ونى ءبىر جاقتى ەتۋ قابىلەتى قۇرىلىسىن جانە تاربيەلەۋ، تاربيەلەۋ - جاتتىعۋ جۇمىسىن كۇشەيتىپ، ىندەتتىڭ الدىن الۋ جانە ونى تىزگىندەۋدىڭ نەگىزدىك شارت - جاعدايىن جاقسارتىپ، الەۋمەتتىك دەنساۋلىق ساقتاۋ قىزمەت وتەۋ نىساندارىن كەمەلدەندىرىپ، اۋرۋدىڭ الدىن الۋ جانە ونى تىزگىندەۋدىڭ وسىزاماندانعان جۇيەسىنە ۇيلەسەتىن دارىندى دايىنداۋ، ىستەتۋ مەحانيزمىن ورناتىپ، اۋرۋدىڭ الدىن الۋ جانە ونى تىزگىندەۋدىڭ ءبىرىنشى شەبىندەگى قىزمەتكەرلەردىڭ داڭق سەزىمىن جانە بورىشتىلىق سەزىمىن كۇشەيتۋ كەرەك.

  شي جينپيڭ بىلاي دەپ اتاپ كورسەتتى: شۇعىل جاعدايعا توتەپ بەرۋ كۇيىندە ەمدەۋ - دەنساۋلىق ساقتاۋ قۇرىلىمدارىن جۇمىلدىرۋ، اتتانىسقا كەلتىرۋ، وڭىرلىك بىرلەسە قيمىلداۋ، قىزمەتكەرلەردى سەپتەۋ - شوعىرلاندىرۋ جۇمىستارىن ءبىر تۇتاس جوسپارلاپ، ەلەۋلى ىندەتتەن قۇتقارۋ - ەمدەۋدىڭ دارەجەگە، ساتىعا، سالاعا بولىنگەن مەحانيزمىن ورناتىپ، اقاۋسىزداندىرىپ، مەملەكەتتىك مەديتسينا ورتالىعى، وڭىرلىك ەمدەۋ ورتالىعى سياقتى بازا قۇرىلىسىن كۇشەيتىپ، سالماقتى اۋرۋلاردى ەمدەۋ قامسىزداندىرۋى جانە قۇتقارۋ - كومەكتەسۋ ءتۇزىمىن اقاۋسىزداندىرىپ، عىلمي زەرتتەۋدەن قامال الۋدىڭ جۇيەسىن جانە ورنالاسۋىن ساپالىلاندىرىپ، «الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ زاتتىق ماتەريالدارىمەن قامتاماسىز ەتۋ جۇيەسىن اقاۋسىزداندىرۋ جونىندەگى اتقارۋ جوباسىن» ۇيىمداستىرىپ، تياناقتاندىرۋدى ويداعىداي يگەرۋ كەرەك.

  شي جينپيڭ بىلاي دەپ باسا دارىپتەدى: جۇيەلى دە كەمەلدى، عىلمي دا ولشەمدى، اينالىمى جوعارى ءونىمدى الەۋمەتتىك دەنساۋلىق ساقتاۋ زاڭ، زاڭ ەرەجەلەر جۇيەسىن جەدەل ورناتىپ، ىندەتتەن ساقتانۋ - تىزگىندەۋ بويىنشا زاڭ اتقارۋدىڭ ۇقىق پەن جاۋاپكەرشىلىگى ايقىن، ءتارتىبى ولشەمدى، اتقارۋى پارمەندى مەحانيزمىن اقاۋسىزداندىرىپ، الەۋمەتتىك دەنساۋلىق ساقتاۋ حاۋىپسىزدىگى جانە ىندەتتەن ساقتانۋ - تىزگىندەۋگە قاتىستى زاڭداردى، زاڭ ەرەجەلەردى جالپىلاستىرىپ، جالپى حالىقتىڭ زاڭدى ءبىلۋ، زاڭدى ءتۇسىنۋ، زاڭعا بويسۇنۋ، زاڭدى قورعاۋ، زاڭدى قولدانۋ تانىمىن جانە الەۋمەتتىك دەنساۋلىق ساقتاۋ حاۋىپ - قاتەرىنەن ساقتانۋ - تىزگىندەۋ تانىمىن جوعارىلاتۋ كەرەك.

  شي جينپيڭ بىلاي دەپ اتاپ كورسەتتى: جاڭا داۋىردە وتانشىلدىق تازالىق قيمىلىن ورىستەتۋدە الدىن الۋدى نەگىز ەتۋگە تاباندى بولىپ، ءادىس - تاسىلدە جاڭالىق اشىپ، قالا، اۋىل ورتاسىن رەتتەۋ - جونگە سالۋدى ىلگەرىلەتىپ، الەۋمەتتىك دەنساۋلىق ساقتاۋ قۇرىلعىلارىن كەمەلدەندىرىپ، دەنساۋلىق ساقتاۋ بىلىمدەرىن جالپىلاستىرۋدى زور كۇشپەن ورىستەتىپ، وركەنيەتتى، سالاماتتى، جاسىل، قورشاعان ورتانى قورعاۋعا پايدالى تۇرمىس ءتاسىلىن دارىپتەپ، جالپى اينالىمدىق باسقارۋ ۇستانىمىن قالا جوسپارىنىڭ، قۇرىلىسىنىڭ، باسقارۋىنىڭ جالپى بارىسىنا، ءار بۋىنىنا ءسىڭىرىپ، قالا - قالاشىقتانۋدىڭ جەدەل دامۋى، قالا حالقىنىڭ ءجيى، شوعىرلى بولۋى ەرەكشەلىگىنە ۇيلەسەتىن الەۋمەتتىك دەنساۋلىق ساقتاۋ جۇيەسىن جەدەل ورناتىپ، اۋىل - قىستاق قونىس ورتاسىن رەتتەۋ - جونگە سالۋدى ىشكەرىلەي، باياندى ورىستەتۋ كەرەك. قازىر سىرتقا ماسكى تاعىپ شىعۋ، قوقىستاردى تۇرلەرگە ءبولۋ - تاستاۋ، قوعامدىق قارىم - قاتىناس قاشىقتىعىن ساقتاۋ، بولەك تاماقتانۋدى، ورتاق ساقپى ىستەتۋدى جالپىلاستىرۋ، اۋرۋ كورسەتۋگە جەلىدە الدىن الا كەلىسۋ سياقتىلار بىرتىندەپ تاماشا قوعامدىق سالتقا اينالىپ كەلەدى. وسىنداي اقاۋسىز، وركەنيەتتى ادىستەردى جالپىلاستىرۋ، وعان تاباندى بولۋ كەرەك.

  ديڭ شۋەشياڭ، سۇن چۇنلان، حۋاڭ كۇنميڭ، جاڭ چۇنشيان، حاۋ ميڭجين، حى ليفىڭ قاتارلىلار باياندامانى قاراۋعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.