ۋاڭ ياڭ قاتىناستى
12 مۇشە جيىندا ءسوز سويلەدى
شينحۋا اگەنتتىگىنىڭ 5 - ايدىڭ 25 - كۇنى بەيجيڭنەن بەرگەن حابارى (تىلشىلەر زوۋ ۋي، لين حۇي، ليۋ حۇي). مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى 5 - ايدىڭ 25 - كۇنى تۇستەن بۇرىن بەينە ەكران جيىنىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جيىنعا قاتىناستى. 12 مۇشە جيىندا جارىس سوزگە شىقتى. ءماجىلىس مەملەكەتتىك ساياسي كەڭەس ورگانىندا نەگىزگى جيىن الاڭىن، مۇشەلەر تۇرعان جەرلەردە بولىمشە جيىن الاڭىن ورنالاستىردى.
جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان جيىنعا كەلىپ جارىس سوزدەردى تىڭدادى.
مۇشە حۋاڭ لۋچي ءسوز سويلەپ بىلاي دەدى: اماليات جۇڭي شيپاگەرلىگىنىڭ، ءدارى - دارمەگىنىڭ ەلەۋلى ىندەتتەن ساقتانۋ - تىزگىندەۋدە ماڭىزدى رول اتقارعاندىعىن دالەلدەدى. ول ىندەتتەن ساقتانۋ - تىزگىندەۋدىڭ جۇڭگوشا - باتىسشا شيپاگەرلىك سەلبەسكەن باياندى مەحانيزمىن ورناتىپ، اقاۋسىزداندىرىپ، جۇڭي شيپاگەرلىك ماماندارىن مەملەكەتتىڭ ءار دارەجەلى ىندەتتەن ساقتانۋ - تىزگىندەۋ شەشىمدەرىن جانە جوبالارىن جاساۋعا قاتىناسۋعا قابىلداپ، جۇڭي شيپاگەرلىك، ءدارى - دارمەك دارىندىلارى قوسىنى قۇرىلىسىن كۇشەيتىپ، ءىس جۇزىندىكپەن بىرلەستىرە وتىرىپ، جۇڭگوشا - باتىسشا شيپاگەرلىك ۇشتاستىرىلعان جۇقپالى اۋرۋلاردان ساقتانۋ - ەمدەۋدى زەرتتەۋ تۇعىرىن قۇرۋدى ۇسىنىس ەتتى.
مۇشە چىڭ حۇڭ جۇڭگو دەموكراتيالىق وداعى ورتالىق كوميتەتى اتىنان ءسوز سويلەپ بىلاي دەدى: ەلىمىزدە بالالار مەن جاس وسپىرىمدەردىڭ دەنە ساپاسىنىڭ، سالاماتتىعىنىڭ نەگىزگى كورسەتكىشى ءۇرتىس 20 جىلدان استام ۋاقىت تومەندەدى، مۇنىڭ تەرەڭ قاتپارداعى سەبەبى عىلمي جۇيەدەگى سالاماتتىق تاربيەسى، دەنە ساپاسىن باقىلاۋ - ولشەۋ جانە ارالاسۋ جۇيەسى جەتەرسىز بولعاندىعىندا. سالاماتتىق تاربيەسىن حالىق وقۋ - اعارتۋ جۇيەسىنە كىرگىزىپ، بالالاردى، جاس وسپىرىمدەردى جاستايىنان سالاماتتى تۇرمىس ءتاسىلىن قالىپتاستىرۋعا جەبەۋدى؛ مەكتەپتەگى دەنە تاربيە قىزمەتىن كۇشەيتىپ، دەنە ساپاسىن، سالاماتتىقتى تەكسەرۋ ۇلگىسىن جانە مازمۇنىن جاقسارتىپ، ەرتە بايقاۋدى، ەرتە ارالاسۋدى؛ مەملەكەت بويىنشا بالالار مەن جاس وسپىرىمدەردىڭ دەنە ساپاسى، سالاماتتىق ءىرى ساندى مالىمەت تۇعىرىن جانە باقىلاۋ - ولشەۋ ساقتىق ساندى مالىمەتىن ورتاق پايدالانۋ جۇيەسىن ورناتىپ، بالالار مەن جاس وسپىرىمدەردىڭ اقاۋسىز ەسەيۋىن تىزە قوسا جەبەۋدى ۇسىنىس ەتەمىن.
مۇشە جوۋ حانمين جۇڭگو دەموكراتيالىق مەملەكەت قۇرۋ قوعامى ورتالىق كوميتەتى اتىنان ءسوز سويلەپ بىلاي دەدى: ورتالىق قالانى دامىتۋدى جەدەلدەتۋ ءوندىرىس فاكتورلارىن ۇيلەسىمدى اينالدىرىپ جانە جوعارى ونىمدىلىكپەن شوعىرلاندىرىپ، اسەر ەتۋ، جەتەكتەۋ رولىن ساۋلەلەندىرىپ، وڭىرلەردىڭ جوعارى ساپالى سايكەستى دامۋىن جەبەۋگە ءتيىمدى. جۇيەلى جوبالاپ، ورتالىق قالا قۇرىلىسىنىڭ ۇيلەسىمدى ورنالاسۋى مەن ەرەكشەلىگىن ايگىلەۋدى ”14 - بەسجىلدىق“ جوبانىڭ وزەكتى مىندەتتەرىنىڭ ءبىرى ەتىپ، رەفورمانى تەرەڭدەتىپ، وڭىرلەر ارا كەڭەسۋدى، سەلبەسۋدى كۇشەيتىپ، قالا شەڭبەرىن ءبىر تۇلعالاندىرۋدى ىلگەرىلەتىپ، ورتالىق قالانىڭ دامۋ ورتاسىن جاقسارتىپ، قالانى جونگە سالۋ قابىلەتىن جوعارىلاتۋدى ۇسىنىس ەتەمىن.
مۇشە لو جىجۇن ءسوز سويلەپ بىلاي دەدى: ەل ءىشى - سىرتىنداعى ىندەتتىڭ ىقپالىنان شارۋا جۇمىسكەرلەر جۇمىستانۋدا قاتاڭ جاعدايعا ءدوپ كەلدى. ىندەتتەن ساقتانۋ - تىزگىندەۋدىڭ ۇدايىلانعان جاڭا جاعدايىن دۇرىس مەڭگەرىپ، كاسىپ ارقىلى جۇمىستاندىرۋدى ورنىقتىرىپ، تۇتاس كاسىپ تىزبەگىندە جۇمىستى، ءوندىرىستى سايكەستى قالپىنا كەلتىرۋدى ىلگەرىلەتۋ كەرەك؛ رەفورما ارقىلى جۇمىستاندىرۋدى ىلگەرىلەتىپ، قالا مەن اۋىلدا ءبىر تۇتاس ادام كۇشى بايلىعى بازار جۇيەسىن، جۇمىستانۋعا قىزمەت وتەۋ جۇيەسىن ورناتىپ، جاڭا تەحنيكاعا، جاڭا قىزمەت ورنىنا باۋلۋدى ورىستەتۋ كەرەك؛ قىزمەت وتەۋ ارقىلى جۇمىستانۋدى قامتاماسىز ەتىپ، ىندەتتىڭ سوققىسىنا ۇشىراعان كاسىپتەردى، كاسىپورىنداردى سۇيەمەلدەۋدى زورايتىپ، كەدەيلەسكەن، قايتا كەدەيلەسكەن شارۋا جۇمىسكەرلەردى كومەكتەسۋ - سۇيەمەلدەۋ كولەمىنە ەنگىزۋ كەرەك.
مۇشە جاڭ يۇيدۇڭ جۇڭگو دەموكراتيانى ىلگەرىلەتۋ قوعامى ورتالىق كوميتەتى اتىنان ءسوز سويلەپ بىلاي دەدى: قازىر ەلىمىزدە جالپى حالىقتىڭ كىتاپ وقۋى دەرلىكتەي جالپىلاسپاي، دەرلىكتەي تەرەڭدەمەي وتىر، زاڭ شىعارۋ اياق الىسىن جەدەلدەتىپ، جالپى حالىقتىڭ كىتاپ وقۋىن ىشكەرىلەي ىلگەرىلەتۋگە زاڭمەن جونگە سالۋ قامتاماسىزدىعىن ازىرلەۋدى؛ جۇڭگوشا سوتسياليستىك مادەنيەت بەتالىسىن مىقتاپ يگەرىپ، ىرىقتىلىقپەن جەتەكتەپ، جالپى حالىقتىڭ كىتاپ وقۋ ورەسىن جوعارىلاتۋدى؛ باسپالاردىڭ، مەديا قۇرىلىمدارىنىڭ جانە عىلمي زەرتتەۋ قۇرىلىمدارىنىڭ، مامان - وقىمىستىلاردىڭ قول ۇستاسىپ تاڭداۋلى كىتاپتارعا تەرەڭدەي تۇسىنىك بەرۋىن، تاراتۋىن، جالپىلاستىرۋىن ىلگەرىلەتىپ، جالپى حالىقتىڭ كىتاپ وقۋ فورماسىن بايىتىپ، كىتاپ وقۋعا قۇلىقتى جۇڭگو قۇرۋدى ۇسىنىس ەتەمىن.
مۇشە يان شياۋپەي ادىلەت پارتياسى ورتالىق كوميتەتى اتىنان ءسوز سويلەپ بىلاي دەدى: ادامزاتتىڭ تاعدىرلاس ورتاق تۇلعاسى ۇستانىمىن بەرىك ۇستانىپ، ”ءبىر بەلدەۋ، ءبىر جول“ جاسامپازدىق سەلبەستىگىن ىشكەرىلەي تەرەڭدەتۋ كەرەك. ورتا، ۇزاق مەزگىلدىك جوبا جاساپ، ”ءبىر بەلدەۋ، ءبىر جول“ حالىقارالىق عىلىم - تەحنيكا سەلبەستىگىن ”14 - بەسجىلدىق“ مەملەكەتتىك عىلىم - تەحنيكا جوسپارىنا ەنگىزىپ، عىلىم - تەحنيكادا جاڭالىق اشۋ ارەكەت جوسپارىن اتقارۋدى جەدەلدەتىپ، وزىق سالانى كوزدە ۇستاپ، ءتۇزىم قامتاماسىزدىعىن كەمەلدەندىرىپ، جاڭالىق اشىپ سەلبەسىپ ورنىقتى قاداممەن بولاشاققا جول الۋعا دەم بەرۋدى ۇسىنىس ەتەمىن.
مۇشە جياڭ زىلين ءسوز سويلەپ بىلاي دەدى: ەلىمىزدىڭ اۋىل - قىستاق كاسىپتەرىنىڭ توعىسىپ دامۋى بىرتىندەپ اۋقىمعا اينالدى، ”اۋىل شارۋاشىلىعى+“ كوپ كاسىپ كۇيلەرىنىڭ توعىسۋى اناعۇرلىم بايىدى، دەسەدە، ىشكەرىلەي دامىتۋ ءالى دە كەيبىر ماسەلەلەرگە ءدوپ كەلىپ وتىر. بارلىق تيجارات تۇلعالارى توعىسىپ دامۋ بارىسىندا ۇقىعى بىردەي، جاۋاپكەرشىلىگى سايكەستى، ءوزارا تيىمدىلىك جەتكىزىپ تەڭ يگىلىككە كەنەلەتىن مۇددەلەستىك مەحانيزمىن ورناتىپ، شارۋالاردىڭ كىرىس كىرگىزۋىنە شىنايى كەپىلدىك ەتۋدى؛ جەر قاتارلىلارمەن قامداۋ ساياساتىن كەمەلدەندىرىپ، فاكتور شەكتەمەلىلىگىن بۇزۋدى؛ ءىرى تيپتى وسى زامانعى اۋىل شارۋاشىلىعىنىڭ باستاماشىلدىق رولىن ساۋلەلەندىرىپ، توعىسۋ قوزعاۋشى كۇشتەرىن نىعايتىپ، اۋىل - قىستاقتىڭ گۇلدەنۋىنە دەم بەرىپ، شارۋالاردىڭ اناعۇرلىم تاماشا جاڭا تۇرمىس كەشىرۋىنە مۇمكىندىك جاساۋدى ۇسىنىس ەتەمىن.
مۇشە ليان جيەدى تايۋان دەموكراتيالىق اۆتونوميا وداعى ورتالىق كوميتەتى اتىنان ءسوز سويلەپ بىلاي دەدى: وتان ۇلى قۇرلىعى بەكىتكەن تايۋاندىق ساۋداگەرلەردىڭ قارجى قوسۋ نىسانى جيىنى 100 مىڭنان اسىپ، تايۋاندىق ساۋداگەرلەر قارجى قوسقان كاسىپورىنداردا تاماشا دامۋ اۋقىمى جارىققا شىقتى. تايۋاندىق ساۋداگەرلەرگە تيىمدىلىك جاساۋ شارالارىن كەمەلدەندىرىپ جانە جاقسارتىپ، اناعۇرلىم دالمە - ءدال، ءونىمدى بولۋىنا شىنايى كەپىلدىك ەتىپ، تايۋاندىق ساۋداگەرلەر قارجى قوسقان كاسىپورىنداردىڭ قارجى قۇراۋ، جۇمىسشى ىستەتۋ سياقتى ءىس جۇزىندىك ماسەلەلەرىن شەشۋىنە ىشكەرىلەي كومەكتەسىپ، تايۋاندىق ساۋداگەرلەر قارجى قوسقان كاسىپورىنداردى وتان ۇلى قۇرلىعىنىڭ قاتىستى دامۋ ستراتەگياسىمەن توعىسۋعا جەتەكتەپ، ەكى جاعالاۋدىڭ ەكونوميكالىق، قوعامدىق توعىسىپ دامۋىن جەبەپ، بەيبىت بىرلىككە كەلۋدىڭ حالىق تىلەگى نەگىزىن اناعۇرلىم قوردالاندىرۋدى ۇسىنىس ەتەمىن.
مۇشە ليۋ بيڭجياڭ ءسوز سويلەپ بىلاي دەدى: لاستانۋدى دالمە - ءدال، عىلمي، زاڭ بويىنشا جونگە سالۋعا تاباندى بولىپ، اشىق اسپاندى قورعاۋ شايقاسىنىڭ جەڭىسىنە باتىل قول جەتكىزۋ كەرەك. ”14 - بەسجىلدىق“ جوبادا اتموسفەرانىڭ لاستانۋىن كەلتىرىپ شىعاراتىن كاسىپتەر قۇرىلىمى تىم جوعارى جانە ورنالاستىرىلۋى تىم رەتسىز، ەنەرگيا قۇرىلىمى كومىرگە يەك سۇيەۋ، قاتىناس - تاسىمال قۇرىلىمى تاس جولعا بەيىمدەلۋ سياقتى وزەكتى ماسەلەلەرگە قاراتا، ءبىر تۇتاس جوسپارلاپ شارا قولدانىپ، چاڭجياڭ اتىراۋىندا، جۋجياڭ اتىراۋىندا، بەيجيڭ - تيانجين - حىبەي الابىندا ءتۇيىندى كاسىپتەردىڭ شوعىرلانۋ دارەجەسىن جوعارىلاتىپ، 3 ءىرى الاپتىڭ كومىر تۇتىنۋ جالپى مولشەرىن تىزگىندەۋدى اتقارىپ، تەمىر جول جۇك تاسىمالىنىڭ سالىستىرماسىن جوعارىلاتىپ، جانار ماي لاستاۋشى زاتتاردى شىعارۋ مولشەرىن قاينارىنان ازايتۋدى ۇسىنىس ەتەمىن.
مۇشە جياڭ يىڭ پارتيادا، توپتا جوق قايراتكەرلەر سالاسى اتىنان ءسوز سويلەپ بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى ورتا، شاعىن، ۇساق كاسىپورىندارعا بۇرىن بولىپ كورمەگەن سىن - سايىس الا كەلدى، ۇكىمەت ءتۇرلى ساياساتتىق شارالاردى العا قويدى. كەلەسى كەزەڭدە كاسىپورىنعا كومەكتەسۋ - سۇيەمەلدەۋدە تومەنگى شەكتە ويلاۋ جۇيەسى بولۋى، ”ەڭ تومەنگى شەكتە قامتاماسىز ەتۋ“ قاجەت بولعاندا ”ەڭ تومەنگى شەكتە قامتاماسىز ەتۋ“ كەرەك، تەك ”كاسىپورىندى قامتاماسىز ەتكەندە“ عانا ”جۇمىستاندىرۋدى قامتاماسىز ەتۋگە“ بولادى؛ تۇعىر وي جۇيەسى بولۋى، ۇكىمەت پەن باستاماشى كاسىپورىندار كۇش قوسىپ كاسىپ تىزبەگى مەن ەكولوگيالىق شەڭبەرگە قولداۋ كورسەتۋ كەرەك؛ جاڭالىق اشۋ وي جۇيەسى بولۋى، ءتۇرلى بازار تۇلعالارىنىڭ ”ساندى مالىمەتتى ورتاقتاسۋىن“ سايكەسىپ تۇلعالاۋىن جەدەلدەتىپ، كاسىپورىننىڭ ءتىپتى دە كوپ تابىس سەزىمىنە كەنەلۋىنە مۇمكىندىك جاساۋ كەرەك.
مۇشە حى ديڭي ءسوز سويلەپ بىلاي دەدى: اۋمىن وتان قۇشاعىنا ورالعان 20 جىلدان بەرى، ”ءبىر ەل، ەكى ءتۇزىم“ باعىتىن باتىل دايەكتىلەندىرىپ، تياناقتاندىرىپ، ”اۋمىن ەرەكشەلىگىن، اۋمىن جارقىن ءتۇيىنىن، اۋمىن تاجىريبەسىن“ جاراتتى. ”ءبىر ەل، ەكى ءتۇزىم“ تۇزىمدىك سەنىمىنە باستان - اياق تاباندى بولىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋدى اۋمىننىڭ ۇزاق ۋاقىت گۇلدەنۋىن، دامۋىن قورعاۋىمەن بىرلىككە كەلتىرىپ، وتانمەن تىنىستاس، تاعدىرلاس، تىلەكتەس بولىپ، جاڭا داۋىردەگى اۋمىن ەرەكشەلىگىنە يە ”ءبىر ەل، ەكى ءتۇزىمنىڭ“ ءساتتى امالياتىنىڭ ورنىقتى قاداممەن بولاشاققا جول الۋىن ۇزدىكسىز ىلگەرىلەتۋ كەرەك.
مۇشە شياۋ ران ءسوز سويلەپ بىلاي دەدى: وسى رەتكى ىندەتتەن ساقتانۋ - تىزگىندەۋ توسقاۋىل شايقاسى ۇلت رۋحىنىڭ جاڭا داۋىردەگى ەڭ جاندى تۇسىندىرمەسى. وتانشىلدىقتى وزەك ەتكەن ۇلت رۋحىن اسقاقتاتىپ، شىن مانىندە جاڭا داۋىردەگى ۇلت رۋحىنىڭ تاريحي ەستەلىككە الۋشىسى جانە جالعاستىرۋشىسى بولۋدى جاقسى ورىنداپ، جاڭا داۋىردەگى ۇلت رۋحىن ايشىقتى نەگىز ەتكەن مادەنيەت سەنىمىن جەتىلدىرىپ جانە بەكەمدەپ، جۇڭحۋا ۇلتىنىڭ ۇلى گۇلدەنۋ سيمفونياسىنىڭ ايبىندى تاراۋلارىن جازۋ كەرەك.
جيىندى مەملەكەتتىك ساياسي كەڭەستىڭ ورىنباسار ءتوراعاسى گۋ شىڭزۋ باسقاردى.
مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جيىنعا قاتىناستى.
