پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىن باتىل جەبەپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتەيىك
چىن چۋانگو ءسوز سويلەدى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، لي ياڭ 5 - ايدىڭ 25 - كۇنى بەيجيڭنەن حابارلايدى. 5 - ايدىڭ 25 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى شينجياڭ ۋاكىلدەر ۇيىرمەسى جالپى جيىن وتكىزىپ، باس شۋجي شي جينپيڭنىڭ حۋبەي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزىنىڭ رۋحىن ارناۋلى جەتكىزدى، ۇيرەندى. شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى ءارى ءسوز سويلەدى.
مەملەكەتتىك حالىق قۇرىلتايىنىڭ ۋاكىلدەرى ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاتارلىلار جيىنعا قاتىناستى.
چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ حۋبەي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزىنىڭ رۋحى ءبىزدىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن اناعۇرلىم ءبىر تۇتاس جوسپارلاپ ىلگەرىلەتۋىمىزگە، ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمىن جانە الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ، باسقارۋ جۇيەسىن جەدەل كەمەلدەندىرۋىمىزگە ماڭىزدى بويسۇنۋ ولشەمى مەن ارەكەت باعدارناماسىن ازىرلەپ بەردى. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكالىق، قوعامدىق دامۋ، كەدەيلىكتەن ارىلتۋدان قامال الۋ، ورنىقتىلىقتى قورعاۋ سياقتى قىزمەتتەردى اناعۇرلىم ءبىر تۇتاس جوسپارلاپ جاقسى ىستەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ نىسانالارىنىڭ، مىندەتتەرىنىڭ ورىندالۋىنا شىنايى كەپىلدىك ەتۋ كەرەك.
بىرىنشىدەن، ىندەتتەن ساقتانۋ - تىزگىندەۋدى ۇدايىلاندىرۋدى زور كۇشپەن جاقسى ىستەۋ كەرەك. ىندەتتەن ساقتانۋ - تىزگىندەۋ سىندى ارقاۋدى ءارقاشان مىقتاپ شيراتىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا بۇلجىماي تاباندى بولىپ، سالعىرتسۋ يدەياسىن، شايقاستان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جويىپ، باستان - اياق ساق بولىپ، كۇش ۇستىنە كۇش قوسىپ، ءتۇيىندى ورىندارداعى، ءتۇيىندى ادامدار شوعىرىنداعى ساقتانۋ - تىزگىندەۋ قىزمەتىن كۇشەيتىپ، ءار ۇلت بۇقاراسىن قاجەتتى وزىندىك قورعانۋدى جاقسى ىستەۋگە جەتەكتەپ، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن جەتىستىكتەرىن باتىل بەكەمدەۋ كەرەك.
ەكىنشىدەن، الەۋمەتتىك دەنساۋلىق ساقتاۋ قورعانىس تورىن بەرىك توقۋ كەرەك. جالپى تۇلعالىق جاقتان جوسپارلاۋعا، جۇيەلى تۇردە قايتا سومداۋعا، جالپى بەتتىك جوعارىلاتۋعا تاباندى بولىپ، نازاردى ولقىلىقتاردى تولىقتىرۋعا، ساڭلاۋلاردى بىتەۋگە، ءالسىز تۇستاردى كۇشەيتۋگە شوعىرلاندىرىپ، اۋرۋدىڭ الدىن الۋ جانە ونى تىزگىندەۋ جۇيەسى، قاداعالاۋ - ساقتاندىرۋ مەحانيزمى، ەلەۋلى ىندەتتەن قۇتقارۋ - ەمدەۋ جۇيەسى رەفورماسىن تەرەڭدەتىپ، الەۋمەتتىك دەنساۋلىق ساقتاۋ قىزمەت وتەۋ جۇيەسىن اقاۋسىزداندىرىپ، الەۋمەتتىك دەنساۋلىق ساقتاۋدى زاڭمەن جونگە سالۋ جاعىنان قامتاماسىز ەتۋدى كۇشەيتىپ، نەگىزدىك شارت - جاعدايدى جاقسارتۋ، قوسىن قۇرىلىسىن كۇشەيتۋ، شۇعىل جاعدايعا توتەپ بەرۋ، اتتانىسقا كەلۋ قابىلەتىن جوعارىلاتۋ كەرەك.
ۇشىنشىدەن، وتانشىلدىق تازالىق قيمىلىن ىشكەرىلەي ورىستەتۋ كەرەك. الدىن الۋدى نەگىز ەتۋگە تاباندى بولىپ، ءتاسىل مەن ادىسكە جاڭالىق ەنگىزىپ، ۇگىتتەۋ مەن جەتەكتەۋدى كۇشەيتىپ، نەگىزدىك قۇرىلعىلاردى كەمەلدەندىرىپ، ءار ۇلت بۇقاراسىنىڭ دەنساۋلىق تانىمىن كۇشەيتىپ، تاماشا تازالىق داعدىسىن قالىپتاستىرىپ، وركەنيەتتى، سالاماتتى، جاسىل، قورشاعان ورتانى قورعايتىن تۇرمىس ءتاسىلىن جەتىلدىرۋ كەرەك.
تورتىنشىدەن، ەكونوميكانىڭ جوعارى ساپالى دامۋىن كۇش سالا ىلگەرىلەتۋ كەرەك. جاڭا دامۋ ۇستانىمىن دايەكتىلەندىرىپ، كاسىپورىندارعا تيىمدىلىك جاساۋ ساياساتىن جاپپاي تياناقتاندىرىپ، بازار تۇلعالارىنىڭ ومىرشەڭدىك كۇشىن اناعۇرلىم قاۋلاتۋ؛ كەلەلى نىسان قۇرىلىستارى مەن جاڭاشا نەگىزدىك قۇرىلىستارعا قارجى قوسۋدى تەزدەتىپ، ستراتەگيالىق جاڭادان وركەندەگەن كاسىپتەردىڭ دامۋىن كۇش سالا ىلگەرىلەتۋ؛ كەمەلدى ىشكى سۇرانىس جۇيەسىن بەلسەنە قۇرىپ، كوپ نەگىزدەنگەن سۇرانىسقا سايكەسە بازار تۇتىنۋىن كەڭەيتۋ؛ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن تىڭعىلىقتى ىلگەرىلەتىپ، ىشكە، سىرتقا ەسىك اشۋدىڭ شار تاراپتى جاڭا ارناسىن قۇلشىنا قالىپتاستىرۋ؛ ”ەكىدەن تارىقتىرماۋ، ۇشتە قامتاماسىز ەتۋمەن“ تىعىز بايلانىستىرىپ، شايقاستى باسى - قاسىندا قاداعالاۋدى، ماسەلەلەردى رەتتەۋ - تۇزەتۋدى، قاداعالاۋ - ساقتاندىرۋدى، يكەمدى كومەكتەسۋ - سۇيەمەلدەۋدى كۇشەيتىپ، كەدەيلىكتەن ارىلتۋ تابىستارىن بەكەمدەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك.
بەسىنشىدەن، ”التىنى ورنىقتىرۋدى“، ”التىنى قامتاماسىز ەتۋدى“ كۇش - قايراتتى شوعىرلاندىرا وتىرىپ ويداعىداي يگەرۋ كەرەك. ”التىنى ورنىقتىرۋ“ سەرپىنىن كۇشەيتىپ، ”التىنى قامتاماسىز ەتۋدىڭ“ تومەنگى شەگىن ساقتاپ، تۇرعىنداردىڭ جۇمىستانۋىن قامتاماسىز ەتۋ، نەگىزگى حالىق تۇرمىسىن قامتاماسىز ەتۋ، بازار تۇلعالارىن قامتاماسىز ەتۋ، استىق، ەنەرگيا حاۋىپسىزدىگىن قامتاماسىز ەتۋ، كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتۋ، نەگىزگى ساتىنىڭ جۇمىس جۇرگىزۋىن قامتاماسىز ەتۋ مىندەتىن جاپپاي تياناقتاندىرىپ، قامتاماسىزداندىرۋ ارقىلى ورنىقتىلىقتى جەبەپ، ورنىقتىلىق بارىسىندا ىلگەرىلەپ، ”ورنىقتىرۋ“ مەن ”قامتاماسىز ەتۋ“ نەگىزىندە بەلسەنە ىلگەرىلەپ، ىرىقتىلىقپەن ىستەپ، دامۋدىڭ ىرىقتىلىق ۇقىعىن مىقتى يگەرۋ كەرەك.
التىنشىدان، قوعامدىق كەلەلى جاعدايدىڭ ورنىقتىلىعىن قاجىماي - تالماي قورعاۋ كەرەك. نازاردى باس نىساناعا شوعىرلاندىرىپ، كەشەندى شارا قولدانىپ، ورنىقتىلىقتى قورعاۋدىڭ ۇتىمدى شارالارىنا اۋىتقىماي تاباندى بولىپ، بۇقارالىق قىزمەتتى ىشكەرىلەي ىجداعاتتىلىقپەن ىستەپ، ءار ۇلت حالقىنىڭ اقىل - پاراساتى مەن كۇش - قۋاتىن پارتيا مەن حالىق ىستەرىنە اناعۇرلىم جاقسى شوعىرلاندىرىپ، ىندەتتەن ساقتانۋ - تىزگىندەۋ، ەكونوميكالىق دامۋ، كەدەيلىكتەن ارىلتۋدان قامال الۋ قىزمەتتەرىن ءبىر تۇتاس جوسپارلاپ جاقسى ىستەۋگە تاماشا ورتا ازىرلەۋ كەرەك.
مەملەكەتتىك حالىق قۇرىلتايىنىڭ ۋاكىلدەرى نايىم ياسىن، لي ۋي، لو دۇڭچۋان، پىڭ جيارۇي، عانيبات سابىكەي، جۋ حايلۇن، ابدۇرىقىپ ءتومۇرنياز قاتارلىلار جيىنعا قاتىناستى.
