− ازاتتىق ارميا مەن قارۋلى ساقشى اسكەري بولىمدەرىنىڭ ۋاكىلدەرى ءتوراعا شي جينپيڭنىڭ نەگىزگى ساتى قۇرىلىسىنا ءمان بەرگەندىگىنە قاتىستى اڭگىمەلەردى باياندادى
شينحۋا اگەنتتىگىنىڭ تىلشىلەرى لي شۋەيۇڭ، مەي چاڭۋي، ازاتتىق ارميا گازەتىنىڭ تىلشىلەرى ۋاڭ شىبين، فەي شىتيڭ
2020 - جىلعى كوكتەم مەرەكەسى ”قايسار 6 - لياندەگى“ بارلىق كوماندير - جاۋىنگەرلەرگە ەرەكشە جاستىق كوكتەم ەستەلىگىن قالدىردى − 1 - ايدىڭ 18 - كۇنى ءتوراعا شي جينپيڭ كوپشىلىككە جاۋاپ حات جازىپ، ولاردى ارميانى قۇدىرەتتەندىرۋ نىساناسىن ەستە بەرىك ساقتاپ، قىزىل گەندى جالعاستىرىپ، جەڭىسكە جەتۋ قابىلەتىنە قاجىرلىلىقپەن جاتتىعىپ، ”قايسارلىق رۋحتى“ اسقاقتاتا ساۋلەلەندىرىپ، ليان - دۇيدى اناعۇرلىم قۋاتتى ەتىپ قۇرۋعا جىگەرلەندىردى.
بيىلعى كوكتەم مەرەكەسى تاعى باتىس وڭتۇستىك شەكارانى كۇزەتىپ تۇرعان بەلگىلى شەكارا قورعانىس يىڭىندەگى كوماندير - جاۋىنگەرلەردىڭ ماڭگى ەسىندە قالدى − 1 - ايدىڭ 19 - كۇنى ءتوراعا شي جينپيڭ بيرماداعى مەملەكەتتىك ساپارىن اياقتاتىسىمەن، دامىل تاپپاي وسى يىڭگە كەلىپ، جاۋىنگەرلەر جاتاقحاناسىنا بارىپ، كوپشىلىكپەن ىقىلاستى اڭگىمەلەسىپ، كوماندير - جاۋىنگەرلەردىڭ قىزمەت جانە تۇرمىس جاعدايىن تاپتەشتەي سۇرادى.
وسى گىڭزى كوكتەمىن، ۋحان حوشىنشان شيپاحاناسىنداعى ارميانىڭ ەمدەۋ قىزمەتكەرلەرى دە ەستەرىندە ساقتادى − 3 - ايدىڭ 10 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ شەشۋشى ساتىندە، ءتوراعا شي جينپيڭ شيپاحاناعا كەلىپ، كوپشىلىككە امانداسىپ، ولاردان حال سۇرادى، ءبىرىنشى شەپتەگى ەمدەۋ قىزمەتكەرلەرىنىڭ ەڭ جاپالى ەكەندىگىن، جاڭا داۋىردەگى ەڭ سۇيىكتى ادامدار ەكەندىگىن باسا دارىپتەدى ءارى ولارعا وسكەلەڭ قۇرمەت ءبىلدىردى!
قولباسشى سان ميلليونداعان اسكەردى ويلاپ، ءار ىستە سۇيىسپەنشىلىك ايگىلەدى. پارتيا 18 - قۇرىلتايىنان بەرى ءتوراعا شي جينپيڭنىڭ ەڭ كوپ نازار اۋداراتىنى نەگىزگى ساتى، ەڭ كوپ ويلايتىنى اسكەرلەر بولدى، ول شەكارا قورعانىس ورىندارىنا، قاراۋىلحانالارعا، بان، پايلارعا نەشە ون رەت بارىپ، نەگىزگى ساتىنىڭ ءبىرىنشى شەبىن ارالاپ، تەكسەرۋ - زەرتتەۋ جۇرگىزىپ، نەگىزگى ساتى قۇرىلىسى ءۇشىن قىرۋار زەيىن - زەردەسىن جۇمسادى، بۇكىل ارميانىڭ نەگىزگى ساتى بەت - بەينەسى، قۇرىلىمى جاڭالاندى.
”ءتوراعا شي جينپيڭ نەگىزگى ساتىعا، اسكەرلەرگە ايرىقشا ءمان بەرەدى، ولاردى ءارقاشان ەسىنەن شىعارمايدى!“ بىرنەشە كۇننەن بەرى، 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە قاتىناسىپ جاتقان ازاتتىق ارميانىڭ جانە قارۋلى ساقشى اسكەري بولىمدەرىنىڭ ۋاكىلدەرى ءتوراعا شي جينپيڭنىڭ نەگىزگى ساتى قۇرىلىسىنا كوڭىل بولگەندىگىنە قاتىستى اسەرلى اڭگىمەلەردى، جان تەبىرەنتەرلىك كورىنىستەردى تىلگە تيەك ەتكەندە، كوڭىلدەرى كولدەي تولقىپ، شارق ۇردى.
”نەگىزگى ساتى − اسكەري ءبولىمنىڭ بارلىق قىزمەتىنىڭ جانە جاۋىنگەرلىك قۋاتىنىڭ نەگىزى، اسكەري ءبولىمنىڭ بارلىق قىزمەتى نەگىزگى ساتىعا سۇيەنىپ تياناقتاندىرىلادى، ءبىرىنشى شەپتە اتويلاپ الدا جۇرۋدە بۇكىلدەي نەگىزگى ساتىعا سۇيەنۋ كەرەك “
− شي جينپيڭ
ۋاكىلدەردىڭ جۇرەك ءۇنى: نەگىزگى ساتىنىڭ ورنىن، رولىن كورنەكتىلەندىرۋگە قولباسشى ايرىقشا ءمان بەردى
ارميانى قۇدىرەتتەندىرۋدىڭ، ارميانى كوركەيتۋدىڭ ءتۇيىنى − نەگىزگى ساتىدا. ءتوراعا شي جينپيڭ قاشاندا نەگىزگى ساتىنى بارىنەن جوعارى قويۋعا، اسكەرلەردى ءبىرىنشى ورىنعا قويۋعا تاباندى بولىپ، نەگىزگى ساتىعا سۇيەنۋدى، نەگىزگى ساتىنى كۇشەيتىپ قۇرۋدى قايتا - قايتا باسا دارىپتەدى.
2012 - جىلدىڭ سوڭى، ليڭنان، بەلگىلى جيتۋانجۇندە تەكسەرۋ جۇرگىزگەندە، ءتوراعا شي جينپيڭ شىن ىقىلاسپەن بىلاي دەدى: ”نەگىزگى ساتىنى يگەرىپ، نەگىز قالاۋ قىزمەتىن تىڭعىلىقتى تۇردە ويداعىداي ىستەۋ كەرەك. نەگىزگى ساتى − اسكەري ءبولىمنىڭ بارلىق قىزمەتىنىڭ جانە جاۋىنگەرلىك قۋاتىنىڭ نەگىزى، اسكەري ءبولىمنىڭ بارلىق قىزمەتى نەگىزگى ساتىعا سۇيەنىپ تياناقتاندىرىلادى، ءبىرىنشى شەپتە اتويلاپ الدا ءجۇرۋ دە بۇكىلدەي نەگىزگى ساتىعا سۇيەنۋ كەرەك “.
2019 - جىلدىڭ سوڭى، بەيجيڭ، اسكەري ىستەر كوميتەتىنىڭ نەگىزگى ساتى قۇرىلىسى ماجىلىسىندە ءتوراعا شي جينپيڭ بۇكىل ارمياعا مىنانى ەسكەرتتى: ”پارتيامىز ارميا قۇرۋدىڭ، ارميانى جونگە سالۋدىڭ ۇزاق ۋاقىتتىق امالياتىندا نەگىزگى ساتى قۇرىلىسىنا باستان - اياق ايرىقشا ءمان بەرىپ كەلەدى، ارميامىزدىڭ كىشكەنەدەن ۇلعايىپ، السىزدەن كۇشەيىپ، جەڭىستەن - جەڭىسكە جەتۋىنە نەگىزگى ساتىداعى قالىڭ كوماندير - جاۋىنگەرلەر ماڭىزدى ۇلەس قوستى. جاعداي مەيلى قالاي وزگەرسىن، نەگىزگى ساتىعا سۇيەنۋ، نەگىزگى ساتىنى كۇشەيتىپ قۇرۋ سىندى وسى ءبىر تارماقتى ماڭگى جوعالتۋعا بولمايدى“.
ۋاكىلدەر بىلاي دەدى: ءتوراعا شي جينپيڭنىڭ نەگىزگى ساتىداعى ىزدەرىن بويلاپ، كوپشىلىك قولباسشىنىڭ نەگىزگى ساتىنىڭ ورنىنا، رولىنا ايرىقشا ءمان بەرەتىندىگىن تەرەڭ سەزىندى.
2013 - جىلى جازدا اسكەري ىستەر كوميتەتىنىڭ ارناۋلى تاقىرىپتىق دەموكراتيالىق تۇرمىس جيىنىندا ءتوراعا شي جينپيڭ تەرەڭ سۇيىسپەنشىلىكپەن بىلاي دەدى: ”اسكەري ىستەر كوميتەتىنىڭ ءتوراعاسى رەتىندە، مەنىڭ اناعۇرلىم كوپ ۋاقىت جانە زەيىن - زەردە جۇمساپ، اسكەري بولىمدەردى مۇمكىندىكتىڭ بارىنشا كوبىرەك ارالاپ، كوماندير - جاۋىنگەرلەردىڭ، اسىرەسە، نەگىزگى ساتىداعى كوماندير - جاۋىنگەرلەردىڭ اراسىنا بارىپ، ارميانىڭ دامۋى جونىندە باعىتتامالىلىققا يە، جالپى جاعداي سيپاتىن الاتىن ءتۇبىرلى كەلەلى ماسەلەلەردى توڭىرەكتەي ىشكەرىلەي تەكسەرۋ - زەرتتەۋ جۇرگىزۋگە ءتيىستىمىن“.
ۋاكىل جاڭ شياۋياننىڭ جۇرەك تۇكپىرىندە تالايدان بەرى مىناداي بىرنەشە سيفر ساقتالۋدا − 4 كۇن، ءبىر جارىم كۇن، ۇشتەن ەكى. 2012 - جىلى 12 - ايدا ورتالىق اسكەري ىستەر كوميتەتىنىڭ ءتوراعاسى مىندەتىن ۇستىنە العاندىعىنا ءبىر اي بولا قويماعان ءتوراعا شي جينپيڭ دامىل تاپپاي گۋاڭدۇڭدا قىزمەت تەكسەردى.
”4 كۇن ۋاقىتتا اسكەري بولىمدە ءبىر جارىم كۇننەن ارتىق ۋاقىت تەكسەرۋ جۇرگىزدى، مۇندا نەگىزگى ساتىعا بارعان ۋاقىتى ۇشتەن ەكىسىن يەلەدى. ءتوراعا شي جينپيڭ اسكەري بولىمدە ەكى ۋاق تۇسكى اس ءىشتى، ەكى ۋاقتا دا اسكەرلەر اسحاناسىندا جاۋىنگەرلەرمەن بىرگە داياشىسىز تاعام جەدى“. وڭتۇستىك بولىك سوعىستىق رايونىنان كەلگەن وسى نەگىزگى ساتى ۋاكىلى بىلاي دەدى: بۇل نەگىزگى ساتىنىڭ ءتوراعا شي جينپيڭنىڭ كوڭىلىندە قانشاما ماڭىزدى ەكەندىگىن ايگىلەدى.
ۋاكىل لي يانميڭنىڭ جۇرەك تۇكپىرىندە تالايدان بەرى مىناداي ءبىر ەستەمە ساقتالىپ كەلەدى − 2017 - جىلى 5 - ايدىڭ 24 - كۇنى ءتوراعا شي جينپيڭ تەڭىز ارمياسى ورگانىندا قىزمەت تەكسەرگەندە تەرەڭ سۇيىسپەنشىلىكپەن بىلاي دەدى: ”نەگىزگى ساتى كوماندير - جاۋىنگەرلەرى جىلدار بويى تەڭىزدە شايقاس جۇرگىزىپ كەلەدى، قىزمەتى ەرەكشە جاپالى، دەنە جانە پسيحيكالىق جاقتاعى قىسىمى نەداۋىر اۋىر. كوماندير - جاۋىنگەرلەرگە بار ىنتا - ىقىلاسپەن كوڭىل ءبولىپ جانە قامقورلىق جاساپ، پسيحيكالىق قىزمەت وتەۋدى كۇشەيتىپ، ءىس جۇزىندىك قيىنشىلىقتارىن شەشىپ، كوماندير - جاۋىنگەرلەردىڭ تەڭىزگە تامىر تارتىپ، مۇحيتتا ەڭبەك ەتۋ بەلسەندىلىگىنە، ىرىقتىلىعىنا جانە جاسامپازدىعىنا دەم بەرىپ، وسىزاماندانعان قۇدىرەتتى تەڭىز ارمياسىن قۇرۋ جولىندا جۇمىلا كۇرەس جۇرگىزۋ كەرەك“.
”نەگىزگى ساتىنى ىشكەرىلەي ارالاپ، بۇقارانىڭ اراسىنا باردى، ءتوراعا شي جينپيڭ تاباندىلىقپەن وسىلاي ىستەپ كەلەدى“. قۇرلىق ارمياسىنىڭ ۋاكىلى ياڭ چىڭ بىلاي دەدى: ءتوراعا شي جينپيڭ فۋجياندا قىزمەت ىستەگەن كەزدە، جيتۋانجۇنعا قاراستى بەلگىلى اسكەري بولىمگە تالاي رەت بارىپ حال سۇرادى، مەيلى ارميامەن بىرگە جۇرەتىن بالا - شاعانىڭ نوپوسىن كوشىرۋ، كوماندير - جاۋىنگەرلەردىڭ پەرزەنتتەرىنىڭ مەكتەپ اۋىستىرۋى بولسىن، الدە سوعىس دايىندىعى وتكەلىن جاساۋ، كەلەلى مانەۆردە الدىڭعى شەپكە كومەكتەسۋدى قامتاماسىز ەتۋ سياقتىلار بولسىن، قانداي قيىنشىلىق بولسا، سول قيىنشىلىقتى شەشتى، ول جەرگىلىكتى ورىنداعى قاتىستى تاراۋلارعا اسكەري ءبولىمىنىڭ ىستەرىن ەرەكشە ءىستى ەرەكشە ءبىتىرۋدى، دەرەۋ ءبىتىرۋدى، ويداعىداي ءبىتىرۋدى تالاي رەت تاپسىردى!
2017 - جىلى 12 - ايدىڭ 13 - كۇنى پارتيا 19 - قۇرىلتايىنان كەيىن، ءتوراعا شي جينپيڭ 1 - رەت بەيجيڭنەن اتتانىپ، اسكەري بولىمدە قىزمەت تەكسەرىپ، ليان - دۇيگە تاعى كەلدى، نەگىزگى ساتىداعى كوماندير - جاۋىنگەرلەردىڭ اراسىنا باردى.
”كەلىڭدەر، ءبارىمىز وتىرىپ اڭگىمەلەسەيىك!“ ”ۋاڭجيە بانىندە“ اڭگىمەلەسىپ، پىكىر اۋىستىرعاندا، ءتوراعا شي جينپيڭ كوپشىلىكتى باۋىرمالدىقپەن شاقىردى. جاۋىنگەرلەر ءتوراعا شي جينپيڭدى قورالاي وتىردى، جۇزدەرىنەن قۋانىش لەبى ەستى.
”ۇيرەنۋدى مىقتاپ يگەردىڭدەر مە؟ جاتتىعۋ قالاي ورىستەتىلۋدە؟ تۇرمىستارىڭ ويداعىداي قامتاماسىز ەتىلدى مە... جاۋىنگەرلەر وسىنداي مەيىرگە تولى ەسەندىك سۇراۋدى ەسكە العاندا كۇنى بۇگىنگە دەيىن تەبىرەنىستەرىن باسا المايدى“. قۇرلىق ارمياسىنان كەلگەن ۋاكىل مياۋ جۇڭ بىلاي دەدى: قىسقا عانا بىرنەشە جىلدا، ىشكى موڭعۇل اسكەري رايونى بۇرىنعى شەكارا قورعانىس بەلگىلى تۋانىنىڭ 1 - ليانى، شينجياڭ اسكەري رايونى بەلگىلى اسكەري ءبولىمى ۇلتتىق 6 - ليانى، بۇرىنعى قۇرلىق ارمياسى 31 - جيتۋانجۇنىنىڭ بەلگىلى شىسى ”قىزىل 4 - ليانى“، حيلۇڭجياڭ ولكەسى اسكەري رايونى بۇرىنعى شەكارا قورعانىس بەلگىلى تۋانى 10 - ليانى... ءتوراعا شي جينپيڭ بارعان نەگىزگى ساتى ليان - دۇيلەرى 10 نەشەگە جەتتى.
”ارميانىڭ قولباسشىسى رەتىندە، ءتوراعا شي جينپيڭنىڭ نەگىزگى ساتىعا وسىنشاما كوپ بارۋى، بارعان نەگىزگى ساتى ليان - دۇيلەرىنىڭ وسىنشاما كوپ بولۋى ءبىزدى ايرىقشا اسەرلەندىردى!“ ۋاكىلدەر شىن جۇرەكتەن القادى.
”پارتيانىڭ سوزىنە قۇلاق اساتىن، پارتياعا ىلەسەتىن بەرىك نەگىزگى ساتىنى، سوعىسقا شىعا الاتىن، جەڭىستى شايقاس جۇرگىزە الاتىن بەرىك نەگىزگى ساتىنى، زاڭ - ءتارتىبى قاتاڭ، ستيل - سالتى دۇرىس بەرىك نەگىزگى ساتىنى جان - جاقتى شىڭداپ، ارميانى قۇدىرەتتەندىرۋ ىسىنە مىعىم نەگىز جانە تىرەك ازىرلەۋ كەرەك“
− شي جينپيڭ
ۋاكىلدەردىڭ جۇرەك ءۇنى: نەگىزگى ساتى قۇرىلىسىنىڭ دامۋىن جوسپارلاعاندا قولباسشى ۇزاق بولاشاقتى كوزدە ۇستادى
جاڭا داۋىردە قانداي نەگىزگى ساتى قۇرۋ، نەگىزگى ساتىنى قالاي قۇرۋ − ەجەلدەن ءتوراعا شي جينپيڭ ەڭ كوڭىل بولەتىن، وي جۇگىرتەتىن كەلەلى ماسەلە بولىپ كەلدى.
ول − ۋاكىل ۋاڭ بونىڭ جادىندا ساقتالىپ قالعان جاڭا ءبىر كوكتەم −
2015 - جىلى 1 - ايدا ءتوراعا شي جينپيڭ قۇرلىق ارمياسىنىڭ 14 - جيتۋانجۇنىندە قىزمەت تەكسەردى. جيتۋانجۇننىڭ قىزمەت مالىمەتىن ەستىگەننەن كەيىن، ءتوراعا شي جينپيڭ ”پارتيا ۇيىمىن مىقتاپ ۇستاۋدا نەگىزگى ساتىنى يگەرۋگە تاباندى بولۋ، سوعىس دايىندىعى جاتتىعۋىن مىقتاپ ۇستاۋدا نەگىزگى ساتىنى يگەرۋگە تاباندى بولۋ، كوماندير - جاۋىنگەرلەر نەگىزگى تۇلعاسىن مىقتاپ ۇستاۋدا نەگىزگى ساتىنى يگەرۋگە تاباندى بولۋ، زاڭمەن جونگە سالۋدى قاتاڭ اتقارۋدى مىقتاپ ۇستاۋدا نەگىزگى ساتىنى يگەرۋگە تاباندى بولۋ“ ماڭىزدى يدەياسىن ايقىن العا قويىپ، ارميامىزدىڭ نەگىزگى ساتى قۇرىلىسى ءۇشىن جاڭا باستاما كورسەتتى.
ول − ۋاكىل لي حۇڭعا تەرەڭ اسەر قالدىرعان ءبىر رەتكى ءماجىلىس −
2019 - جىلى 11 - ايدا ءتوراعا شي جينپيڭ اسكەري ىستەر كوميتەتىنىڭ نەگىزگى ساتى قۇرىلىسى ماجىلىسىنە قاتىناستى ءارى ماڭىزدى ءسوز سويلەدى. ءتوراعا شي جينپيڭ مىنانى اتاپ كورسەتتى: پارتيانىڭ سوزىنە قۇلاق اساتىن، پارتياعا ىلەسەتىن بەرىك نەگىزگى ساتىنى، سوعىسقا شىعا الاتىن، جەڭىستى شايقاس جۇرگىزە الاتىن بەرىك نەگىزگى ساتىنى، زاڭ - ءتارتىبى قاتاڭ، ستيل - سالتى دۇرىس بەرىك نەگىزگى ساتىنى جان - جاقتى شىڭداپ، ارميانى قۇدىرەتتەندىرۋ ىسىنە مىعىم نەگىز جانە تىرەك ازىرلەۋ كەرەك.
”ءتورتتى تاباندىلىقپەن مىقتى ۇستاۋدان“ ”ۇشتە قاتاڭ“ نەگىزگى ساتىنى جان - جاقتى شىڭداۋعا دەيىن، ۋاكىلدەر بىلاي دەدى: ءتوراعا شي جينپيڭ ءداۋىر مەن جالپى جاعداي تۇرعىسىنان نەگىزگى ساتىلارعا قايتا - قايتا بارىپ، قايتا - قايتا تەرەڭنەن تولعانىپ، قايتا - قايتا عىلمي جوبا جاساپ، ارميامىزدىڭ نەگىزگى ساتى قۇرىلىسىنىڭ نىسانالارى مەن مىندەتتەرىن، وي جەلىسى مەن شارالارىن ايقىن كورسەتىپ بەرىپ، عىلمي باعدارنامامەن، ءتۇبىرلى بويسۇنۋ ولشەمىمەن قامدادى.
”پارتيانىڭ سوزىنە قۇلاق اسۋ، پارتياعا ىلەسۋ“، ءتوراعا شي جينپيڭ بەرىك نەگىزگى ساتى قۇرۋ جونىندە ساياسي ولشەم شىعاردى.
نەگىزگى ساتى بەرىك بولۋ ءۇشىن، ەڭ اۋەلى، ساياسيدا بەرىك بولۋ كەرەك. ۋاكىل داڭ زىڭلۇڭنىڭ ءالى ەسىندە، 2012 - جىلى 12 - ايدا ءتوراعا شي جينپيڭ اسكەري ىستەر كوميتەتىنىڭ ءتوراعاسى بولعاننان كەيىن تۇڭعىش رەت بەيجيڭنەن اتتانىپ، اسكەري بولىمدەرگە بارىپ قىزمەت تەكسەرگەندە، قاتاڭ دا بايىپتى تۇردە بىلاي دەدى: ”ءبىزدىڭ قاشاندا جەڭىسكە جەتۋىمىزدە، ەڭ سوڭىندا جاۋدىڭ ەزگىسىنە باس يمەي بارلىق جاۋدى جەڭىپ شىعۋىمىزدا پارتيانىڭ قولباسشىلىعىنا باتىل قۇلاق اسۋ − ءبىزدىڭ ارميا قۇرۋىمىزدىڭ جانى، ارميانى قۇدىرەتتەندىرۋىمىزدىڭ جانى. ءبىز بۇرىن وسىلاي ىستەگەمىز، قازىر دە وسىلاي ىستەپ وتىرمىز، بولاشاقتا دا سولاي ىستەيمىز“.
جۇرەكتە رۋح بولسا، ىستە تياناق بولادى. 2017 - جىلى 1 - اي اق قار قىمتاعان ۇلى قورعاننىڭ سولتۇستىگىندەگى بايتاق ءوڭىر، بۇرىنعى قۇرلىق ارمياسى 65 - جيتۋانجۇنىنىڭ بەلگىلى جاياۋ اسكەرلەر لۇيى ”ەڭبەك كورسەتكەن 3 - ليانىنىڭ“ ۇيرەنۋ بولمەسىندە، ليان - دۇيدەگى نازاريا تىرەكتى كادرلارى العان اسەرلەرى جونىندە اۋىس - كۇيىس جاساپ، ”ۇيرەنۋ جۇنيىڭىنىڭ” قول تەلەفون APPى ارقىلى تۇتاس ليانعا ۇيرەنۋ تابىستارىن جەتكىزدى. ءتوراعا شي جينپيڭ ۇيرەنۋ بولمەسىنە كەلىپ، كوپشىلىكتى تاڭداۋلى ءداستۇردى ساۋلەلەندىرىپ، داۋىرمەن، امالياتپەن، كوماندير - جاۋىنگەرلەرمەن تىعىز ۇشتاستىرىپ، پارتيانىڭ جاسامپاز نازارياسىمەن وي - سانانى قارۋلاندىرۋ قىزمەتىن جاقسى ىستەپ، ”ءتورت قۇلىقتى“ جاڭا ءداۋىر توڭكەرىس اسكەرلەرىن قۇلشىنا باۋلىپ، ”تورتتە قاتاڭ“ بەرىك اسكەري قوسىندى شىڭداپ، ارميانى قۇدىرەتتەندىرۋ نىساناسىنىڭ ليان - دۇيدا تياناقتانىپ، تامىر تارتۋىن ىلگەرىلەتۋگە شابىتتاندىردى.
پارتيا ۇيىمنان كۇش الادى، ۇيىم قۇدىرەتتەنسە ارميا دا قۇدىرەتتەنەدى. قۇرلىق ارمياسىنان كەلگەن ۋاكىل ياڭ لەي بىلاي دەدى: 2013 - جىلدىڭ سوڭىندا ءتوراعا شي جينپيڭ بۇرىنعى جينان اسكەري رايونىندا قىزمەت تەكسەرگەندە، 54 - جيتۋانجۇندە اتى ايگىلى ”قىزىل 1 - ليان“ بار ەكەندىگىن، 1927 - جىلى 9 - ايدا ”سانۋانداعى قايتا قۇرۋدا“ ماۋ زىدۇڭ جولداستىڭ وسى ليان - دۇيدا پارتيا ياچەيكاسىن قۇرىپ، 6 پارتيا مۇشەسىن جاڭادان قابىلداپ، ارميامىزدىڭ ”ياچەيكانى لياندا قۇرۋ“ باستاماسىن باستاعاندىعىن ارناۋلى تىلگە الدى. ءتوراعا شي جينپيڭ تۇتاس ارمياعا پارتيانىڭ ارمياعا شارتسىز باسشىلىعى − ارميامىزدىڭ ارميا رۋحى جانە جان تامىرى ەكەندىگىن، ماڭگى وزگەرتۋگە بولمايتىندىعىن، ماڭگى جوعالتۋعا بولمايتىندىعىن ەسكەرتتى.
”سوعىسقا شىعا الۋ، جەڭىستى شايقاس جۇرگىزە الۋ“، ءتوراعا شي جينپيڭ بەرىك نەگىزگى ساتى قۇرۋ جونىنەن جەڭىسكە جەتۋ ولشەمىن شىعاردى.
”ارميا − ەڭ اۋەلى، شايقاس جۇرگىزەتىن قوسىن، سوعىس جۇرگىزۋ ءۇشىن جارالعان“. مەيلى اسكەري بولىمدەردە قىزمەت تەكسەرگەندە، الدە ماجىلىستەرگە قاتىناسقاندا بولسىن، ءتوراعا شي جينپيڭنىڭ ەڭ كوپ قاداعالاعانى شابۋىلدا، ءسوزسىز، جەڭىسكە جەتۋ، قورعانۋدا، ءسوزسىز، تاپجىلماۋدى ورىنداي العان - الماعاندىعى، ەڭ كوپ باسا دارىپتەگەنى سوعىسقا شىعا الۋ، سوعىستا جەڭىسكە جەتۋ بولدى.
قۇرلىق ارمياسىنىڭ ۋاكىلى شيە جىڭي مىنا ءبىر كورىنىستى ۇمىتقان ەمەس: 2018 - جىلى 9 - ايدىڭ 27 - كۇنى ءتوراعا شي جينپيڭ قۇرلىق ارميا بەلگىلى اۋە لۇيى جاتتىعۋ الاڭىندا، تىك − 10قارۋلى تىك ۇشاققا شىعىپ، باسىنا ارناۋلى دۋلىعا كيىپ، ۇشاققا ورناتىلعان قارۋ مەن بارلاۋ جۇيەسىن ءوز قولىمەن باسقارىپ، قاتىستى جابدىقتاردىڭ جاعدايىن ۇعىستى.
بۇل ۋاكىل چيان شۋميننىڭ كوڭىل تۇكپىرىندە ساقتالعان ءىس: 2018 - جىلى 6 - ايدىڭ 11 - كۇنى ءتوراعا شي جينپيڭ سولتۇستىك بولىك سوعىس رايونى تەڭىز ارمياسى بەلگىلى سۇڭگۋىر كەمە قوسىنىندا قىزمەت تەكسەرگەندە، سونار ارقىلى تىڭداۋ جاتتىعۋ بولمەسىندە ۇستىندە سۇراۋ شىعارىپ سىناۋ الدى، كوماندير - جاۋىنگەرلەر جابال جاۋاپ قايتاردى. ءبىر جاۋىنگەردىڭ ەشقانداي قاتەلىكسىز دۇرىس جاۋاپ بەرگەندىگىن كورگەن ءتوراعا شي جينپيڭ ونى باسبارماعىن شىعارىپ القادى.
”ءتوراعا شي جينپيڭ اسكەر جاتتىقتىرىپ، سوعىسقا دايىندالۋعا نە ءۇشىن وسىنشاما ءمان بەرىپ، وسىنشاما مىقتى يگەرەدى؟“ ۋاكىل چيان شۋمين بىلاي دەدى: سايىپ كەلگەندە، ارميانىڭ قولباسشىلىعىندا جوعارى تومەنگە باسشىلىق ەتىپ، تۇتاس ارمياعا جەتەكشىلىك ەتىپ، شايقاس جۇرگىزۋگە دايىندالۋ، نەگىزگى ساتى قۇرىلىسىن كۇشەيتۋدى مىقتاپ ارقاۋ ەتىپ، جاۋىنگەرلىك قۋات ولشەمىن نەگىزگى ساتىعا تياناقتاندىرىپ، جاۋىنگەرلىك كۇش قۇرىلىسىن نەگىزگى ساتىدا نىعايتىپ، نەگىزگى ساتىنىڭ شاقىرعاندا كەلە الاتىن، كەلسە سوعىسا الاتىن، سوعىسسا جەڭە الاتىن بولۋدى شىنايى ورىنداۋىنا مۇمكىندىك جاساۋ كەرەك.
”زاڭ - ءتارتىبى قاتاڭ، ستيل - سالتى دۇرىس بولۋ“ ءتوراعا شي جينپيڭنىڭ بەرىك نەگىزگى ساتى قۇرۋ جونىنەن شىعارعان ستيل ولشەمى.
ارميانىڭ ايباتى − قاتاڭ بۇيرىق، اسكەرلەردىڭ اماندىعى − قاتاڭ ءتارتىپ. شىعىس بولىك سوعىس رايونىنىڭ ۋاكىلى جوۋ ۋگاڭ بىلاي دەپ ەسكە الدى: 2014 - جىلدىڭ سوڭى ەدى، ءتوراعا شي جينپيڭ بۇرىنعى نانجيڭ اسكەري رايونى ورگانىندا قىزمەت تەكسەرگەندە، زاڭمەن جونگە سالۋدى قاتاڭ جۇرگىزۋ، اسكەري ءتارتىپتى قاتايتۋ − ارميانى جونگە سالىپ، جاۋىنگەرلەرگە جەتەكشىلىك ەتۋدەگى قاتاڭ ءتارتىپ ءارى قۇدىرەتتى قوسىن قۇرۋدىڭ نەگىزگى زاڭدىلىعى ەكەندىگىن ايقىن العا قويعان بولاتىن.
ارميانىڭ ءبىر جولعى ماڭىزدى ماجىلىسىندە، ءتوراعا شي جينپيڭ ءماجىلىس كوپ، قيمىل كوپ، حۇجات - تەلەگرامما كوپ، قىزمەت گرۋپپالارى كوپ، تەكسەرۋ، سالىستىرىپ - باعالاۋ كوپ بولۋ سياقتى ”5 كوپ“ ماسەلەسىنىڭ ءالى دە كورنەكتى بولىپ وتىرعاندىعىن، قاتاڭ شارا قولدانىپ وسى ”5 كوپ“ ماسەلەسىن شەشۋدى تالاپ ەتىپ، ”5 كوپ“ ماسەلەسىن باتىل تيدى.
”تەز ارادا «نەگىزگى ساتى قىزمەتىنە جەتەكشىلىك ەتۋ جانە باسقارۋ ءتارتىبىن اناعۇرلىم جۇيەلىلەندىرۋ جونىندەگى بەلگىلەمەلەر» جاريالانىپ، قىزمەتتى ءبىر تۇتاس جوبالاۋدى كۇشەيتۋ، ماجىلىستەردى، حۇجات - تەلەگراممالاردى ازايتۋ، كولەمدى قيمىلداردى قىسقارتۋ، ازايتۋ، تەكسەرۋ، سالىستىرىپ - باعالاۋدى قاتاڭ تىزگىندەۋ سياقتى جاقتاردان عىلمي، ۇيلەسىمدى، ناقتى سايكەستى شارالار العا قويىلىپ، ’5 كوپ‘ ماسەلەسىن تىزگىندەۋ زاڭمەن جونگە سالۋ ارناسىنا ءتۇستى“. ۋاكىل شيۋ چاڭجى نەگىزگى ساتىدا ۇزاق ۋاقىت قىزمەت ىستەگەن، اسكەري ءبولىمنىڭ سوڭعى جىلداردان بەرى ارميانى زاڭمەن جونگە سالۋ، ارميانى قاتاڭ جونگە سالۋ وزگەرىسى بارىسىنا كۋا بولدى، ول: ءتوراعا شي جينپيڭ نەگىزگى ساتىنى بەيمازالاعان”5 كوپ“ ماسەلەسىن شەشۋدى مىقتى يگەرۋمەن بىرگە، ارميانى زاڭمەن جونگە سالۋدى، ارميانى قاتاڭ جونگە سالۋدى مەملەكەتتى جاپپاي زاڭمەن جونگە سالۋ تۇلعالىق ورنالاستىرۋىنا ەنگىزدى، - دەدى تەبىرەنىپ. بۇلار جاڭا داۋىردە ارميانى زاڭمەن جونگە سالۋدى، ارميانى قاتاڭ جونگە سالۋدى ىشكەرىلەي ىلگەرىلەتۋدەگى ماڭىزدى ستراتەگيالىق شارا ءارى ارميامىزدىڭ نەگىزگى ساتى قۇرىلىسىنىڭ باياندى دامۋىنىڭ ماڭىزدى كەپىلى.
2019 - جىلى 11 - ايدا ورتالىق اسكەري ىستەر كوميتەتىنىڭ نەگىزگى ساتى قۇرىلىسى ءماجىلىسى اياقتالعاننان كەيىن كوپ وتپەي، ورتالىق اسكەري ىستەر كوميتەتى «جاڭا داۋىردەگى ارميانىڭ نەگىزگى ساتى قۇرىلىسىن كۇشەيتۋ جونىندەگى قارارىن» باسىپ تاراتتى، نەبارى 2 ايدان كەيىن ورتالىق اسكەري ىستەر كوميتەتى تاعى جاڭادان وزگەرىس ەنگىزىلگەن «ارميانىڭ نەگىزگى ساتى قۇرىلىسى باعدارلاماسىن» باسىپ تاراتتى.
”تاياۋ جىلداردان بەرى جاڭا ءتۇزىلىس، جاڭا فۋنكتسيا، جاڭا بورىشقا سايكەستى بۇيرىق، ەرەجەلەر جانە زاڭ - بەلگىلەمە، تۇزىمدەر ارت - ارتىنان شىعارىلىپ، نەگىزگى ساتى قۇرىلىسىندا نەگىزدەلەتىن زاڭ، بويسۇناتىن ەرەجە بولۋىنا شىنايى كەپىلدىك ەتتى“. قۇرلىق ارمياسىنىڭ ۋاكىلى شي چاۋفىڭ بىلاي دەدى: نەگىزگى ساتى اسكەري بولىمدەرىنىڭ ءارقايسى جاقتارداعى ىستەرىنىڭ قاجەتى ءۇشىن قاتاڭ قاعيدا بەلگىلەۋدەن، جاڭاشا ورتاق بۇيرىق جاريالاۋعا دەيىن، «ارميانىڭ نەگىزگى ساتى ستيل قۇرىلىسىن كۇشەيتۋ جونىندەگى پىكىرىن» العا قويۋدان لۇي، تۋان دارەجەلى ورىنداردىڭ نەگىزگى ساتى ستيل باقىلاۋ - تەكسەرۋ بايلانىس ورناتۋ ورنىن قۇرۋعا دەيىن... ۇزدىكسىز كەمەلدەنگەن زاڭ - بەلگىلەمە، ءتۇزىم جۇيەسى جانە ۇزدىكسىز پاكتەنگەن ستيل ورتاسى نەگىزگى ساتى قۇرىلىسىنىڭ جالپى بەتتىك العا باسۋىن جانە جالپى بەتتىك شىڭدالۋىن ىلگەرىلەتەدى.
”مەن كوپتەن بەرى كوپشىلىكتى ويلاپ جۇرگەن ەدىم، كوپشىلىكتى ارنايى كورۋگە كەلدىم“
− شي جينپيڭ
ۋاكىلدەردىڭ جۇرەك ءۇنى: نەگىزگى ساتىداعى قالىڭ كوماندير - جاۋىنگەرلەرگە كوڭىل بولگەن قولباسشىنىڭ سۇيىسپەنشىلىگى تەرەڭ
بيىل جاڭا جىل قارساڭىندا ءتوراعا شي جينپيڭ 2020 - جىلعى جاڭا جىلدى قۇتتىقتاۋ سوزىندە ”ۋاڭجيە بانىندەگى“ بارلىق جاۋىنگەرلەرگە جاۋاپ حات جازعانىن ارنايى اۋىزعا الدى، ”ءومىر بويى اتاعىن جاسىرىپ، اۋەلگى ماقساتتان اينىماعان جاڭ فۋچيڭدى“، ”ءوز دەنەسىمەن جاۋىنگەر سەرىگىن قورعاپ قالعان دۋ فۋگونى“ اۋىزعا الدى...
قولباسشىنىڭ تەرەڭ سۇيىسپەنشىلىگى نەگىزگى ساتىداعى قالىڭ كوماندير - جاۋىنگەرلەردى اسەرلەندىردى. ۋاكىل ۋ چاڭجيە وتكەندە ەرەكشە سوعىس جۇرگىزۋ اترەتىندەگى ءبىر ايەل جاۋىنگەر ەدى، دۋ فۋگونىڭ ءىس - ىزدەرىنە ءبىرشاما قانىق ءارى نەگىزگى ساتىنىڭ ءبىرىنشى شەبىندە بىرگە قىزمەت ىستەگەندىكتەن، ول بۇعان ەرەكشە اسەرلەنىپ العىس جاۋدىردى: ”سول كەزدە مەن تەلەۆيزوردىڭ الدىندا وتىرىپ، ءتوراعا شي جينپيڭنىڭ جاۋىنگەر سەرىكتەرىمدى اۋىزعا العاندىعىن ەستىگەندە، كوزىمنەن جاس پارلادى دەدى“.
”نەگىزگى ساتىنى بارىنەن جوعارى قويۋعا، اسكەرلەردى ءبىرىنشى ورىنعا قويۋعا تاباندى بولۋ...“ ۋاكىلدەر بىلاي دەدى: ءتوراعا شي جينپيڭ ءتۇرلى ورتالاردا ءار دارەجەلى قول باستاۋشىلارعا وزدەرى قۇلشىنا كىرىسىپ، ۇلگى كورسەتۋدى قايتا - قايتا ەسكەرتتى.
تەڭىز ارمياسىنىڭ ۋاكىلى جاۋ يانچۋاننىڭ ءالى ەسىندە − حايكوۋداعى سوعىس كەمەسى بولمەسىندە ءتوراعا شي جينپيڭ تەڭىز اسكەرلەرىنىڭ جاتىن ورىن شارت - جاعدايىن ەگجەي - تەگجەيلى ۇعىستى. تەڭىز اسكەرى شيە يۇڭشياڭنىڭ توسەگىنىڭ قاسىنا كەلگەندە، شيە يۇڭشياڭ مەن جاڭ شيننىڭ ءبىر كۇن ىلگەرى عانا كەزەكشىلىك مىندەت وتەپ دەمالىپ جاتقاندىعىن بىلگەندە، ءتوراعا شي جينپيڭ عاپۋ ءوتىنىپ: ”مەن كەلىپ دەمالىستارىڭدى بۇزىپ قويدىم با؟“ دەدى.
قۇرلىق ارمياسىنىڭ ۋاكىلى چي حۋگۋاڭنىڭ ءالى ەسىندە − بۇرىنعى گۋاڭجوۋ اسكەري رايونىنىڭ بەلگىلى ساۋىتتى اۆتوموبيل تۋانىنىڭ ساۋىتتى اۆتوموبيل جاياۋ اسكەرلەر 1 - ليانىنىڭ تازالىق بولمەسىندە مونشا بۇرىككىشىنەن جىلى سۋ اتىلىپ شىقتى، ءتوراعا شي جينپيڭ قولىن سۋعا توسقاندا، جىپ - جىلى سۋدىڭ ءتوراعا شي جينپيڭنىڭ الاقانىنا قۇيىلىپ، جەڭى دە سۋ بولعان ەدى. ءتوراعا شي جينپيڭ سۋدى كورىپ تۇرىپ: ”قانداي جاقسى بولعان، جاۋىنگەرلەر جاتتىعۋدان قايتقاننان كەيىن قالاعان ۋاقىتتا جىلى سۋعا قۇيىنا الاتىن بولىپتى، وتە جاقسى!“ دەدى.
اۋە ارمياسىنىڭ ۋاكىلى لي حۇڭنىڭ ءالى ەسىندە − ءتوراعا شي جينپيڭنىڭ ۇشاقتان ءتۇسىپ، اۋەجايدا بازاداعى كوماندير - جاۋىنگەرلەردى قابىلداعاندا ايتقان العاشقى ءسوزى ”مەن كوپتەن بەرى كوپشىلىكتى ويلاپ جۇرگەن ەدىم، مىنە ارنايى كوپشىلىكتى كورۋگە كەلدىم“ دەگەنى ەدى. ول كۇنى كۇن وتە سۋىق بولاتىن، كوپشىلىكتىڭ جاي قىستىق كيىم كيگەنىن كورگەندە ءتوراعا شي جينپيڭ: ”كوپشىلىك ىشىك كيمەپسىزدەر عوي، وندا مەن دە شەشىپ تاستايىن“ دەپ ىشىگىن شەشىپ، كوماندير - جاۋىنگەرلەرمەن بىرگە توپتىق سۋرەتكە ءتۇستى.
نەگىزگى ساتىعا سۇيىسپەنشىلىك ورناتىپ، كوماندير - جاۋىنگەرلەرگە قامقورلىق كورسەتتى. ۋاكىلدەر: ءتوراعا شي جينپيڭ نەگىزگى ساتىنى كوپ ويلايدى، سۇيىسپەنشىلىگى دە ەرەكشە تەرەڭ، - دەدى.
بەيجيڭ گارنيزونىنان كەلگەن ۋاكىل جياڭ يۇڭ كۇنى بۇگىنگە دەيىن سول ءبىر جىلى لەبىزدى انىق ەستە ساقتاپ كەلەدى. 2019 - جىلعى كوكتەم مەرەكەسى قارساڭىندا، ءتوراعا شي جينپيڭ بەيجيڭ گارنيزونىندا ارنايى قىزمەت تەكسەردى، كوماندير - جاۋىنگەرلەردىڭ جاتاعىن ارالاپ، تۇرمىستىق قۇرىلعىلارى جاعدايىن كوزدەن كەشىرگەندە ارنايى قاداعالاپ: ”مەن تەلەۆيزوردان بيىل جاڭا جىل كۇنى تيان - انمىن الاڭىنداعى مەملەكەت تۋىن شىعارۋ سالتىن كوردىم، ول كۇنى كۇن وتە سۋىق بولاتىن، مەملەكەت تۋىن قورعاۋ اترەتىنىڭ كوماندير - جاۋىنگەرلەرى جۇقالتاڭ كيىنگەن ەكەن، سۋىقتان قورعانىپ، جىلى ءجۇرۋى كەرەك قوي“ دەدى.
”جۇرەككە جىلۋ سيلايتىن وسى ءسوزدى ەستىگەندە كوپتەگەن ادامداردىڭ كوڭىلىنە جىلۋ ورناپ، ءتوراعا شي جينپيڭنىڭ قاي - قاشان دا ءبىرىنشى شەپتەگى كوماندير - جاۋىنگەرلەردىڭ قامىن ويلاپ جۇرەتىن شىنايى سۇيىسپەنشىلىگىن ءتىپتى دە تەرەڭ سەزىندىك“، - دەدى ۋاكىل جياڭ يۇڭ.
شينجياڭداعى اسكەري بولىمنەن كەلگەن ۋاكىل ماقپال بىلاي دەدى: ”2014 - جىلى 4 - ايدا ءتوراعا شي جينپيڭ شينجياڭ اسكەري رايونىنىڭ بەلگىلى قىزىل ارميا شىسىندا قىزمەت تەكسەرگەندە، ءار دارەجەدەگىلەرگە قاداعالاپ: ”شينجياڭنىڭ تۇتاس ءوڭىرىنىڭ باسىم كوبى قۇبا ءتۇز، ءشول دالا، تاۋلى، ءۇستىرتتى، كوپتەگەن جەرلەرىندە وتتەگىنىڭ مولشەرى جازىق جەردىڭ جارتىسىنا دا جەتپەيدى، كەيبىرەۋى تىرشىلىكسىز ءوڭىر.
كوماندير - جاۋىنگەرلەر وسىنداي ورىندا قاراۋىلعا تۇرىپ، كەزەكشىلىك مىندەت وتەپ، كۇزەتتە تۇرادى، شىنىندا جاپالى. ءار دارەجەلىلەر كوماندير - جاۋىنگەرلەردىڭ قاجەتىن ەسكەرىپ، كوماندير - جاۋىنگەرلەرگە قامقورلىق جاساپ، قيىنشىلىعىن شەشۋى، اسىرەسە، تەڭىز دەڭگەيىنەن 3000 مەتردەن استام بيىك وڭىرلەردەگى كوماندير - جاۋىنگەرلەردىڭ وتتەگىن ءسىمىرۋ، ەمدەلۋ، ماحابباتاسۋ، بالالى بولۋ، جاس كوكونىس جەۋ، ۇيرەنۋ، جەتىلۋ سياقتى جاقتارداعى ءىس جۇزىندىك قيىنشىلىقتارىن شەشۋى كەرەك“ دەگەن ەدى.
”تاياۋ جىلداردان بەرى جوعارى ورىندار اسكەري بولىمدەردە وتتەگىن شىعارۋ، قامداۋ قۇرىلىسىن ورىستەتىپ، ءۇستىرت - سۋىق جەرلەردە تۇراتىن اسكەري بولىمدەردەگى كوماندير - جاۋىنگەرلەردىڭ ”ەكىنشى بۋىن وتتەگىن“ ءسىمىرىپ، قاجەتكە قاراي وتتەگىمەن قامدالۋىن، وتتەگىن پايدالانۋىن جۇزەگە اسىرىپ، ەمدەلۋ، جاس كوكونىس جەۋ سياقتى جاقتارداعى ءىس جۇزىندىك قيىنشىلىقتارىن دا ءونىمدى شەشتى“. ۋاكىل ماقپال بىلتىر ول تۇرعان اسكەري ءبولىم تاعى اسكەرلەرگە تيىمدىلىك جاساۋدىڭ 53 ءتۇرلى شاراسىن اتقارىپ، نەگىزگى ساتىنىڭ اۋىرتپالىعىن جەڭىلدەتىپ، كوماندير - جاۋىنگەرلەردىڭ مۇڭ - مۇقتاجىن شەشكەندىگىن قۋانا ايتتى.
تەرەڭ سۇيىسپەنشىلىك ءۇش ارميانىڭ جىگەرىن جانىدى. ۋاكىلدەر بەرىك سەنىممەن مىنانى ءبىلدىردى: ءتوراعا شي جينپيڭنىڭ ميلليونداعان اسكەرلەردى كوكەيىندە ساقتاپ، تالايلاعان اسكەري كازارمالارعا سۇيىسپەنشىلىگىن ارناۋى بۇكىل ارمياداعى كوماندير - جاۋىنگەرلەردىڭ نەگىزگى ساتىعا تامىر تارتۋ، نەگىزگى ساتىعا ەڭبەك سىڭىرۋدەي كوكىرەك تولى قىزۋ ىنتاسىن ۇزدىكسىز قاۋلاتىپ، نەگىزگى ساتى قۇرىلىسىنىڭ جالپى بەتتىك العا باسۋىن، جاپپاي شىڭدالۋىن پارمەندى ىلگەرىلەتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىنىڭ نەگىزگى ساتىدا تياناقتانىپ، تامىر تارتۋىن ىلگەرىلەتەتىندىگى ءسوزسىز.
(شينحۋا اگەنتتىگىنىڭ 5 - ايدىڭ 25 - كۇنى بەيجيڭنەن بەرگەن حابارى)
