شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى
لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى
ەڭ جوعارى حالىق سوتى مەكەمەسىنىڭ قىزمەت بايانداماسىن جانە ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى
5 - ايدىڭ 25 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭ حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ ماجىلىسكە مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
شينحۋا اگەنتتىگىنىڭ 5 - ايدىڭ 25 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 25 - كۇنى تۇستەن كەيىن حالىق سارايىندا ەكىنشى جالپى جيىنىن وتكىزىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن جانە ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە قارادى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جيىنعا قاتىناستى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. ول بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، مەملەكەتتىك حالىق قۇرىلتايى تۇراقتى كوميتەتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جەدەل ارەكەتكە كەلىپ، زاڭ بويىنشا مىندەت اتقارىپ، جابايى حايۋاناتتاردى زاڭسىز ساۋدالاۋعا جانە تۇتىنۋعا جاپپاي تيىم سالۋ جونىندە قارار شىعارىپ، الەۋمەتتىك دەنساۋلىق ساقتاۋدى زاڭمەن جونگە سالۋمەن قامتاماسىز ەتۋ جۇيەسىن كۇشەيتۋدىڭ زاڭ شىعارۋ، زاڭعا وزگەرىس ەنگىزۋ قىزمەتىن ورنالاستىرىپ، باستاپ، ىندەتتەن ساقتانۋ - تىزگىندەۋ زاڭىن ىرىقتىلىقپەن ۇگىتتەپ، ءتۇسىندىرىپ، ىندەتتەن ساقتانۋ - تىزگىندەۋگە جانە ەكونوميكالىق، قوعامدىق دامۋعا زاڭدىق قولداۋ ازىرلەدى.
لي جانشۋ باياندامادا ءبىر جىلدان استام ۋاقىتتان بەرگى تۇراقتى كوميتەت قىزمەتى جاعدايىن قورىتىندىلادى: زاڭ جوباسىنان، قارار جوباسىنان 48ىن قاراپ، 34ىن ماقۇلدادى؛ 39 باياندامانى تىڭداپ، قاراپ، 6 زاڭنىڭ اتقارىلۋ جاعدايىن تەكسەرىپ، 3 رەت ارناۋلى تاقىرىپتا پىكىر سۇراۋ، 7 ءتۇرلى ارناۋلى تاقىرىپتا تەكسەرۋ - زەرتتەۋ ورىستەتىپ، ءبىر قاۋلى شىعاردى؛ 5 ەكى جاقتى شارتتى بەكىتۋدى ۇيعاردى؛ مەملەكەت ورگانى قىزمەتكەرلەرىنەن 282 ادامدى (رەت) زاڭ بويىنشا مىندەتكە تاعايىنداپ، مىندەتىنەن قالدىرىپ، ءتۇرلى قىزمەتتەردە تىڭ جەتىستىكتەرگە، تىڭ ونىمدىلىكتەرگە قول جەتكىزدى. ءبىرىنشى، نەگىزگى زاڭنىڭ ەل باسقارۋدىڭ ءارقايسى جاعىندا جان - جاقتىلى اتقارىلۋىنا شىنايى كەپىلدىك ەتتى. مەملەكەت وردەنىن جانە مەملەكەت داڭق اتاعىن بەرۋ جونىندە قارار، جازاسىن وتەپ جاتقان ءبىر ءبولىم قىلمىستىلارعا ەرەكشە كەشىرىم جاساۋ تۋرالى قارار شىعاردى، «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قارارىن (جوبا)» زەرتتەپ جاسادى ءارى قارادى. ەكىنشى، جۇڭگوشا سوتسياليزم زاڭ جۇيەسىن ۇزدىكسىز كەمەلدەندىردى. رەفورمانى جاپپاي تەرەڭدەتۋگە سايكەسىپ جانە جەبەپ، كەلەلى رەفورمالاردىڭ زاڭدى نەگىز ەتۋىنە شىنايى كەپىلدىك ەتتى؛ جوعارى ساپالى زاڭ شىعارۋ ارقىلى جوعارى ساپالى دامۋدى ىلگەرىلەتتى؛ حالىق تۇرمىسى سالاسىندا زاڭ شىعارۋدى جەدەلدەتتى؛ باقىلاۋ - تەكسەرۋ، ءادىليا، قوعامدىق جونگە سالۋ، مەملەكەت حاۋىپسىزدىگى سياقتى سالالاردا زاڭ شىعارۋدى كۇشەيتتى. ءۇشىنشى، زاڭدا بەلگىلەنگەن قىزمەت جاۋاپكەرشىلىگى بويىنشا كەلەلى رەفورما، دامۋ مىندەتتەرىن ارقاۋ ەتىپ، باقىلاۋ قىزمەتىن ىلگەرىلەتتى. نازاردى اكىمشىلىك ۇقىعىنىڭ، باقىلاۋ - تەكسەرۋ ۇقىعىنىڭ، سوت ۇقىعىنىڭ، پروكۋراتۋرا ۇقىعىنىڭ زاڭ بويىنشا دۇرىس جۇرگىزىلۋىنە شوعىرلاندىرىپ، بۇقارا قام جەپ وتىرعان شۇعىل، قيىن ىستەرگە نازار اۋدارىپ، رەفورما، دامۋ جەتىستىكتەرىنىڭ جالپى حالىققا اناعۇرلىم كوپ، اناعۇرلىم ءادىل يگىلىك جەتكىزۋىنە مۇمكىندىك جاساپ، ەكونوميكالىق، قوعامدىق دامۋ جانە رەفورمادان قامال الۋ مىندەتتەرىنە اناعۇرلىم جاقسى دەم بەردى. ءتورتىنشى، ۋاكىلدەردىڭ مىندەتىن زاڭ بويىنشا اتقارۋىن قولداۋ جانە وعان قىزمەت وتەۋ قىزمەت ءتۇزىمى، مەحانيزمى قۇرىلىسىن جاپپاي كۇشەيتتى. مەملەكەتتىك حالىق قۇرىلتايى ۋاكىلدەر قىزمەتىن كۇشەيتۋ جانە جاقسارتۋ جونىندە 35 تارماقتى ناقتى شارا بەلگىلەپ، ۋاكىلدەردىڭ كەڭەس جوباسىن جانە ۇسىنىسىن مۇقيات ءبىر جايلى ەتىپ، ۋاكىلدەردىڭ زاڭ شىعارۋ قىزمەتىندەگى رولىن ساۋلەلەندىرىپ، تۇراقتى كوميتەتتىڭ ۋاكىلدەرمەن بايلانىسىن كۇشەيتىپ، ۋاكىلدەر مەن حالىق بۇقاراسىنىڭ بايلانىسىن نىعايتىپ، ۋاكىلدەرگە قىزمەت وتەۋمەن قامتاماسىز ەتۋ قىزمەت دەڭگەيىن جوعارىلاتتى. بەسىنشى، پارتيا مەن مەملەكەتتىڭ سىرتقى ىستەر كەلەلى جاعدايىنا قىزمەت وتەۋدى ارقاۋ ەتە وتىرىپ، سىرتقى ىستەر قىزمەتىن ورىستەتتى. حالىق قۇرىلتايىنىڭ سىرتقى ىستەر قىزمەتىندەگى ىرىقتىلىعىن، باعىتتامالىلىعىن، ءبىر تۇتاس جوسپارلاۋ سيپاتىن اناعۇرلىم كۇشەيتتى. التىنشى، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولۋمەن تىعىز بايلانىستىرىپ، ءوز قۇرىلىسىن كۇشەيتتى.
لي جانشۋ بىلاي دەپ اتاپ كورسەتتى: تۇراقتى كوميتەتتىڭ قىزمەتىندە ءالى دە ءىشىنارا جەتەرسىزدىكتەر مەن ولقىلىقتار ورىن تەبۋدە. ءبىز ۋاكىلدەر مەن ءار جاقتىڭ پىكىر - ۇسىنىسىن كىشى پەيىلدىلىكپەن تىڭداپ، ءارقايسى قىزمەتتەردى ۇزبەي كۇشەيتەمىز جانە جاقسارتامىز.
لي جانشۋ باياندامادا بىلاي دەپ باسا دارىپتەدى: حالىق قۇرىلتايى ءتۇزىمى − مەملەكەتتىڭ جونگە سالۋ جۇيەسى مەن جونگە سالۋ قابىلەتىنە تىرەك بولاتىن نەگىزگى ساياسي ءتۇزىم. حالىق قۇرىلتايى تۇزىمىنە باستان - اياق تاباندى بولىپ جانە ونى كەمەلدەندىرىپ، حالىق قۇرىلتايى ءتۇزىمىنىڭ امالياتتىق ەرەكشەلىگىن، ءداۋىر ەرەكشەلىگىن ۇزدىكسىز بايىتىپ، ءتۇزىم ابزالدىلىعىن مەملەكەتتى جونگە سالۋ ونىمدىلىگىنە اينالدىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن، حالىقتىڭ قولىندا مىقتاپ يگەرۋ كەرەك.
لي جانشۋ بىلاي دەپ اتاپ كورسەتتى: 2020 - جىلى ءبىز حالىقتى باستاپ ءبىرىنشى 100 جىلدىق كۇرەس نىساناسىن ىسكە اسىرامىز. تۇراقتى كوميتەت جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋمەن تىعىز بايلانىستىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋمەن، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋمەن تىعىز بايلانىستىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانالارىمەن، مىندەتتەرىمەن، جاپپاي دوڭگەلەك داۋلەتتى قوعام ورناتۋمەن تىعىز بايلانىستىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، زاڭ بويىنشا مىندەتىن اتقارىپ، جاۋاپكەرشىلىگىن وتەپ، حالىق قۇرىلتايى قىزمەتىنىڭ ۇزدىكسىز تىڭ ناتيجەلەرگە، تىڭ جەتىستىكتەرگە قول جەتكىزۋىن ىلگەرىلەتۋ كەرەك.
لي جانشۋ الداعى ءبىر مەزگىلدەگى باستى مىندەتتەردى 6 جاقتان باياندادى: نەگىزگى زاڭنىڭ جاپپاي اتقارىلۋىنا شىنايى كەپىلدىك ەتۋ؛ ماڭىزدى سالالاردا زاڭ شىعارۋدى كۇشەيتۋ؛ زاڭ بويىنشا باقىلاۋ قىزمەتىن جاقسى ىستەۋ؛ ۋاكىلدەردىڭ زاڭ بويىنشا مىندەت اتقارۋىن قولداۋ؛ سىرتپەن قارىم - قاتىناستى بەلسەنە ورىستەتۋ؛ تۇراقتى كوميتەتتىڭ ءوز قۇرىلىسىن كۇشەيتۋ.
ەڭ جوعارى حالىق سوتى مەكەمەسىنىڭ باستىعى جوۋ چياڭ ەڭ جوعارى حالىق سوتى مەكەمەسى اتىنان قىزمەتتەن بايانداما جاساعاندا بىلاي دەدى: 2019 - جىلى ەڭ جوعارى حالىق سوتى مەكەمەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”حالىق بۇقاراسىنا ءاربىر ءادىليالىق دەلودان ادىلدىكتى، تۋراشىلدىقتى سەزىندىرۋگە قۇلشىنۋ“ نىساناسىن مىقتاپ ارقاۋ ەتىپ، كەلەلى جاعدايعا قىزمەت وتەۋگە، ءادىليانى حالىق ءۇشىن جۇرگىزۋگە، ءادىليادا ءادىل بولۋعا تاباندى بولدى. ەڭ جوعارى حالىق سوتى مەكەمەسى 34 مىڭ دەلونى قاراپ اياقتاتتى، جەرگىلىكتى ءار دارەجەلى سوت مەكەمەلەرى 29 ميلليون 22 مىڭ دەلونى قاراپ اياقتاتتى، اتقارىپ اياقتاتتى.
جوۋ چياڭ 2019 - جىلعى باستى قىزمەتتەردى 8 جاقتان باياندادى: ءبىرىنشى، جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، اناعۇرلىم جوعارى ورەلى تىنىش جۇڭگو قۇرۋدى ىلگەرىلەتۋ؛ ەكىنشى، جاڭا دامۋ ۇستانىمىن بۇلجىماي دايەكتىلەندىرىپ، ەكونوميكانىڭ، قوعامنىڭ باياندى، اقاۋسىز دامۋىنا قىزمەت وتەۋ؛ ءۇشىنشى، ءادىليانى حالىق ءۇشىن جۇرگىزۋگە، ءادىليادا ءادىل بولۋعا تاباندى بولىپ، قوعامدىق ادىلدىك پەن تۋراشىلدىقتى قورعاۋ؛ ءتورتىنشى، قايشىلىقتاردى، داۋ - شارلاردى شەشۋدىڭ حالىققا قولايلى، جوعارى ءونىمدى مەحانيزمىن ورناتىپ، قوعامدى جونگە سالۋعا بەلسەنە ات سالىسۋ؛ بەسىنشى، ”اتقارۋدىڭ قيىن بولۋىن نەگىزىنەن شەشۋدىڭ“ تابىستارىن بەكەمدەپ، اتقارۋ قىزمەتىنىڭ جوعارى دەڭگەيدە ءجۇرىلۋىن ساقتاۋ؛ التىنشى، ءادىليا ءتۇزىلىسى رەفورماسىن جانە زەردەلى سوت مەكەمەسى قۇرىلىسىن تەرەڭدەتىپ، ءادىليانىڭ ساپاسىن، ونىمدىلىگىن جانە الەۋمەتتىك سەنىمدىلىگىن ۇزدىكسىز جوعارىلاتۋ؛ جەتىنشى، توڭكەرىستەندىرۋ، جۇيەلىلەندىرۋ، مامانداندىرۋ، كاسىبيلەندىرۋ بەتالىسىنا تاباندى بولىپ، حالىق سوتى مەكەمەسىنىڭ قوسىن قۇرىلىسىن بارىنشا كۇشەيتۋ؛ سەگىزىنشى، باقىلاۋدى سانالى تۇردە قابىلداپ، حالىق سوتى مەكەمەسىنىڭ قىزمەتىن كۇشەيتۋ جانە جاقسارتۋ.
جوۋ چياڭ بىلاي دەدى: 2020 - جىلعى حالىق سوتى مەكەمەسىنىڭ قىزمەت مىندەتى − ىندەتتەن ساقتانۋ - تىزگىندەۋدى ۇدايىلاندىرۋعا جانە ەكونوميكالىق، قوعامدىق ءتارتىپتى جاپپاي قالپىنا كەلتىرۋگە كۇش سالا قىزمەت ەتىپ جانە قامتاماسىزداندىرىپ، ”التىنى ورنىقتىرۋ“ قىزمەتىن جاقسى ىستەۋگە، ”التىنى قامتاماسىز ەتۋ“ مىندەتىن تياناقتاندىرۋعا دالمە - ءدال ق−ىزمەت وتەۋ؛ اناعۇرلىم جوعارى ورەدەگى تىنىش جۇڭگو قۇرىلىسىنا كۇش سالا قىزمەت وتەۋ؛ ەكونوميكانىڭ جوعارى ساپالى دامۋىنا كۇش سالا قىزمەت وتەپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ جانە جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، ءادىليالىق قىزمەت وتەۋدى كۇشەيتۋ؛ حالىق تۇرمىسىن ءادىليالىق قامتاماسىزداندىرۋدى بارىنشا كۇشەيتىپ، جۇمىستاندىرۋداعى ءوڭىر، جىنىس جاقتارىنداعى كەمسىتۋلەردى باتىل تۇردە زاڭ بويىنشا تۇزەتۋ، جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستاردىڭ ەڭبەك توقتامى قاتىناسىن سەبەپسىز كۇشىنەن قالدىرۋ ارەكەتتەرىن باتىل تۇردە زاڭ بويىنشا تۇزەتۋ؛ سوت جۇيەسى مەن سوت قابىلەتىنىڭ وسىزاماندانۋىن كۇش سالا ىلگەرىلەتىپ، ءادىليا جاۋاپكەرشىلىك ءتۇزىمى جالپىلىق سايكەستى رەفورماسىن تەرەڭدەتۋ؛ ادال، كىرشىكسىز، جاۋاپكەرشىلىك ارقالايتىن ىسىلعان سوت مەكەمەسى قوسىنىن كۇش سالا قۇرىپ شىعۋ.
ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن ەڭ جوعارى حالىق پروكۋراتۋراسى اتىنان قىزمەتتەن بايانداما جاساعاندا بىلاي دەدى: بىلتىردان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ پارمەندى باقىلاۋىندا، ەڭ جوعارى حالىق پروكۋراتۋراسى ساياسيدى دارىپتەپ، كەلەلى جاعدايمەن ساناسىپ، دامۋعا ۇمتىلىپ، ءوزىن الۋەتتەندىرۋگە ءمان بەرىپ، ءتۇرلى پروكۋراتۋرا قىزمەتتەرىندە تىڭ ىلگەرىلەۋشىلىكتەرگە قول جەتكىزدى. باياندامادا پروكۋراتۋرا قىزمەتىندەگى مىندەت وتەپ ىندەتپەن شايقاسۋ جاعدايى، 2019 - جىلعى قىزمەتكە شولۋ جانە كەلەسى قادامداعى قىزمەت ورنالاستىرۋى جەكە - جەكە تانىستىرىلدى.
جاڭ جۇن بىلاي دەدى: 2020 - جىلى 2 - ايدان 4 - ايعا دەيىن پروكۋراتۋرا ورگاندارى ىندەتكە قاتىستى قىلمىستىق ىستەرىمەن اينالىسقان 3700دەن استام ادامدى قولعا الۋدى، 2500دەن استام ادامنىڭ ۇستىنەن شاعىم ايتۋدى بەكىتتى، قاتىستى الەۋمەتتىك ارىز - شاعىم دەلوسىنان 2800دەن استامىن ءبىر جاقتى ەتتى. 2019 - جىلى بۇكىل ەلدەگى پروكۋراتۋرا ورگاندارى ءار ءتۇرلى دەلودان 3 ميلليون 140 مىڭنان استامىن ءبىر جاقتى ەتىپ، سايكەس مەزگىلدەگىدەن ％9.7 ارتتى. ءبىرىنشى، مەملەكەتتى جونگە سالۋعا بەلسەنە ات سالىسىپ، جەبەپ، ەكونوميكالىق، قوعامدىق دامۋ كەلەلى جاعدايىنا قىزمەت وتەدى. مەملەكەتتىڭ ساياسي حاۋىپسىزدىگى مەن قوعام ورنىقتىلىعىن باتىل قورعاپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن قاتاڭ تۇردە زاڭ بويىنشا ىلگەرىلەتىپ، ءۇش ءىرى قامال الۋ شايقاسىن ويداعىداي جۇرگىزۋگە تىڭعىلىقتى قىزمەت وتەدى، كاسىپورىندار شارۋاشىلىعىنىڭ دامۋىن اناعۇرلىم شىنايى تۇردە قولداپ، بەلسەندىلىكپەن ىسكەرلىك كورسەتىپ جاڭالىق اشۋدى جەبەدى، شىرىكتەسۋگە قارسى كۇرەستى تىڭعىلىقتى ىلگەرىلەتتى، بۇقارادان كەلگەن حاتتارعا جاۋاپ قايتارۋ ءتۇزىمىن شىنايى سۇيىسپەنشىلىكپەن تياناقتاندىردى، دەلو ءبىتىرۋدى تياناق ەتىپ، قوعامدى زاڭمەن جونگە سالۋ كوزقاراسىنا جەتەكشىلىك ەتتى. ەكىنشى، ءداۋىردىڭ دامۋىنا ىلەسىپ، سايكەسىپ، زاڭدىق باقىلاۋ قىزمەت جاۋاپكەرشىلىگىن تىڭعىلىقتى وتەدى. قىلمىستىق ىستەر پروكۋراتۋراسىن ساپالىلاندىرۋعا، ازاماتتىق ىستەر پروكۋراتۋراسىن كۇشەيتۋگە، اكىمشىلىك ىستەر پروكۋراتۋراسىن ناقتىلاندىرۋعا، الەۋمەتتىك ارىز - شاعىم پروكۋراتۋراسىن جاقسى ىستەۋگە قۇلشىندى. ءۇشىنشى، ءوز قۇرىلىسىن مىقتى يگەرىپ، پروكۋراتۋرالىق مىندەت وتەۋ قابىلەتىن جوعارىلاتتى. پارتيانىڭ ساياسي قۇرىلىسىن ماڭداي الدى ورىنعا قويىپ، پروكۋراتۋرا كاسىپتىك قۇرىلىسىندا جاڭالىق اشىپ، پروكۋراتۋرانى جاپپاي قاتاڭ جونگە سالۋعا تاباندى بولدى. ءتورتىنشى، حالىقتىڭ باقىلاۋىن سانالى تۇردە قابىلداپ، پروكۋراتۋرا ۇقىعىن اشىق جۇرگىزدى.
جاڭ جۇن بىلاي دەدى: بيىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن جىل، ىندەت اكەلگەن جاڭا سىن - سايىستار الدىندا، پروكۋراتۋرا ورگانى، ءسوز جوق، جاۋاپكەرشىلىك ارقالاپ، ىسكەرلىك كورسەتۋ كەرەك. پارتيانىڭ شارتسىز باسشىلىعىنا باستان - اياق تاباندى بولىپ، ”اۋەلگى ماقساتتى ۇمىتپاۋعا، بورىش ارقالاۋعا“ باستان - اياق تاباندى بولىپ، ”ورنىقتى ىلگەرىلەۋگە، تياناقتاندىرۋعا، دەڭگەيىن وسىرۋگە“ باستان - اياق تاباندى بولىپ، وسكەلەڭ ساياسي سانالىلىق، زاڭمەن جونگە سالۋ سانالىلىعى، پروكۋراتۋرالىق سانالىلىق ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە نەگىزگى زاڭ مەن زاڭدا بەرىلگەن قىزمەت جاۋاپكەرشىلىگىن ناقتاپ تياناقتاندىرۋ كەرەك.
جيىنعا قاتىناسۋعا ءتيىستى ۋاكىل 2956، قاتىناسقان ۋاكىل 2886، قاتىناسا الماعانى 70، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىندى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ۋاڭ چىن باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ ءتوراعالار مىنبەسىندەگى اتقارۋشى ءتوراعالار ورنىنا جايعاستى.
