شينجياڭ گازەتىنىڭ جالپىلىق اقپارات قۇرالدارى تىلشىلەرى لي ياڭ، ياۋ تۇڭ 5 - ايدىڭ 25 - كۇنى بەيجيڭنەن حابارلايدى. 5 - ايدىڭ 25 - كۇنى ساعات 12دە 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ۋاكىلدەرىنىڭ كەڭەستىك جوبا قويۋ ۋاقىتى اياقتادى، شينجياڭ ۋاكىلدەر ۇيىرمەسى ماجىلىسكە 3 كەڭەستىك جوبا، 61 ۇسىنىس تاپسىردى.
ماجىلىستەن ىلگەرى، مەملەكەتتىك حالىق قۇرىلتايىنىڭ ۋاكىلدەرى مۇقيات تەكسەرىپ - زەرتتەۋ جۇرگىزىپ، دەن قويا دايىندالدى، تىزىمدەلگەننەن كەيىن جانە ءماجىلىس كەزىندە ۋاك−ىلدەر مىندەتتەرىن بەلسەنە اتقارىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى كەلەلى شەشىمدەرى مەن ورنالاستىرۋلارىن مىقتاپ ارقاۋ ەتىپ، ۇكىمەت قىزمەتىنەن باياندامانى قاراۋ توڭىرەگىندە، شينجياڭنىڭ ءىس جۇزىندىك جاعدايىمەن ۇشتاستىرىپ، قايتا - قايتا وزگەرتۋ، تالقىلاۋ، اقىلداسۋ نەگىزىندە، ءبىرسىپىرا كەڭەستىك جوبالار مەن ۇسىنىستار قويدى. كەڭەستىك جوبالار مەن ۇسىنىستار، باستىسى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ، ”التىنى ورنىقتىرۋ“ قىزمەتىن ويداعىداي ىستەۋ، ”التىنى قامتاماسىز ەتۋ“ مىندەتىن تياناقتاندىرۋ، ت.ب توڭىرەگىندە قويىلدى، كەدەيلىكتەن ارىلتۋدان قامال الۋ، ەكولوگيالىق ورتانى قورعاۋ، ”ءبىر بەلدەۋ، ءبىر جول“ قۇرىلىسى، وقۋ - اعارتۋ، ەمدەۋ، نەگىزدىك قۇرىلعى قۇرىلىسى سياقتى جاقتارعا سايدى. ناقتى مىنالاردى قامتيدى: «جۇڭحۋا حالىق رەسپۋبليكاسىنىڭ تورەلىك ايتۋ زاڭىنا» وزگەرىس ەنگىزۋ ۇسىنىسى جونىندەگى كەڭەستىك جوبا؛ «جۇڭحۋا حالىق رەسپۋبليكاسىنىڭ تۇرمە زاڭىنا» تۇزەتۋ ەنگىزۋدى تەز ارادا زاڭ شىعارۋ جوسپارىنا ەنگىزۋ جونىندەگى كەڭەستىك جوبا؛ «جۇڭحۋا حالىق رەسپۋبليكاسىنىڭ ءادىليالىق ساراپتاۋ زاڭىن» شىعارۋ جونىندەگى كەڭەستىك جوبا؛ شينجياڭنىڭ نەگىزدىك وقۋ - اعارتۋدى ينفورماتسيالاندىرۋ قولدانىلمالى ورتاسىن جاقسارتۋدى قولداۋ جونىندەگى ۇسىنىس؛ شينجياڭدا قۇمايتتانۋدان ساقتانۋ، تىزگىندەۋ ۇسىنىلىمىن ارتتىرۋ جونىندەگى ۇسىنىس؛ شينجياڭنىڭ اۋەجاي تورابىنىڭ ورنالاسۋىن اناعۇرلىم كەمەلدەندىرۋىن، حالىقتىق اۆياتسياسىنىڭ دامۋىن جەدەلدەتۋىن قولداۋ جونىندەگى ۇسىنىس قاتارلىلار.
ۋاكىل فاتيما قاتارلىلار بىلاي دەپ قارادى: قازىرگى اتقارىلىپ وتىرعان «جۇڭحۋا حالىق رەسپۋبليكاسىنىڭ تورەلىك ايتۋ زاڭى» زاڭ شىعارۋ ورنالاستىرۋى جاعىندا دەرلىكتەي كەمەلدى ەمەس، ەلىمىزدىڭ قازىرگى تورەلىك ايتۋ تۇزىمىندە جەتەرسىزدىكتەر بولعاندىقتان، تورەلىك ايتۋ ابزالدىلىعى ەلىمىزدە دەگەندەي تولىق ساۋلەلەنبەي وتىر. قازىرگى تورەلىك ايتۋ زاڭىنا وزگەرىس ەنگىزۋ، كەمەلدەندىرۋ ارقىلى ونىڭ حالىقاراداعى وزىق تورەلىك ايتۋ تۇزىمدەرىمەن تۇيىلىسۋىنە مۇمكىندىك جاساۋ كەرەك.
سوڭعى جىلداردان بەرى ەلىمىزدىڭ الەۋمەتتىك دەنساۋلىق ساقتاۋ سالاسىندا ىندەت اۋىق - اۋىق تۋىلدى، اسىرەسە، وسى رەت تۋىلعان جاڭا تيپتى ايدارشا ۆيرۋس وكپە قابىنۋ ىندەتى قالىپتى ءوندىرىس، تۇرمىس تارتىبىنە توتەنشە ىقپال جەتكىزىپ، ەكونوميكالىق، قوعامدىق دامۋعا جانە حالىق بۇقاراسىنىڭ باس اماندىعىنا اۋىر زيان جەتكىزدى. شينجياڭ ۋاكىلدەر ۇيىرمەسى مىناداي ۇسىنىس قويدى: ىندەت جاعدايىن عىلمي، ۇيلەسىمدى، دەر كەزىندە، ءونىمدى تەكسەرۋ - ولشەۋ مەن ىندەتتەن ساقتانۋ - تىزگىندەۋ ءتۇزىلىسى مەحانيزمىن اناعۇرلىم اقاۋسىزداندىرىپ جانە كەمەلدەندىرىپ، مەملەكەتتىڭ الەۋمەتتىك دەنساۋلىق ساقتاۋ قۇرىلىسىنا، ەمدەۋ - دەنساۋلىق ساقتاۋ، عىلمي زەرتتەۋ ىستەرىنە ۇسىنىلىمدى ارتتىرىپ، ۆيرۋستى زەرتتەۋ مەن تەكسەرۋ دەڭگەيىن جوعارىلاتىپ، الەۋمەتتىك دەنساۋلىق ساقتاۋ حاۋىپسىزدىگى بىلىمدەرى جونىندەگى تاربيەنى كۇشەيتىپ، ەلىمىزدىڭ توسىن، ەلەۋلى الەۋمەتتىك دەنساۋلىق ساقتاۋ وقيعالارىنا توتەپ بەرۋ قۋاتىن جوعارىلاتۋ كەرەك.
شينجياڭ − ەلىمىزدىڭ باتىسقا ەسىك اشۋداعى الدىڭعى شەبى، جۇڭگو ىشكى قۇرلىعى مەن ورتا ازياداعى ەلدەردىڭ ەكونوميكاسىن تۇتاستىرۋدا دانەكەرلىك رول اتقارادى. قازىر تۇتاس شينجياڭدا مەملەكەتتىك 1 - دارەجەلى 17 شەكارا وتكەلى بار، دامۋ كومەسكى كۇشى توتەنشە زور. شينجياڭ ۋاكىلدەر ۇيىرمەسى ورتالىقتىڭ شينجياڭداعى شەكارا وتكەلدەرىنىڭ اينالىمىنا جانە دامۋىنا قارجىلىق قولداۋدى ارتتىرىپ، شەكارا وتكەلدەرىنىڭ ەسىك اشۋ دەڭگەيىنىڭ جوعارىلاۋىن جەدەل ىلگەرىلەتىپ، شينجياڭنىڭ ”ءبىر بەلدەۋ، ءبىر جول“ قۇرىلىسىنا بەلسەنە ات سالىسۋىن جەبەپ، سىرتقا باعىتتالعان ەكونوميكانى دامىتۋىن ۇسىنىس ەتتى.
