مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ جاعدايى جونىندەگى مالىمەت تىڭدالدى، قاتىستى حۇجاتتاردىڭ جوبا نۇسقاسى قارالدى
شينحۋا اگەنتتىگىنىڭ 5 - ايدىڭ 26 - كۇنى بەيجيڭنەن بەرگەن حابارى (تىلشىلەر لين حۇي، ليۋ حۇي). ساياسي كەڭەس 13 - كەزەكتى مەملەكەتتىك كوميتەتىنىڭ 37 - رەتكى ءتوراعالار ءماجىلىسى 5 - ايدىڭ 26 - كۇنى تۇستەن كەيىن بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى.
ءماجىلىس ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ جاعدايى جونىندەگى جالپى مالىمەتتى تىڭدادى، ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ تولىقتاپ سايلاناتىن باس حاتشىنى سايلاۋ ءادىسىن (جوبا) جانە تولىقتاپ سايلاناتىن باس حاتشى كانديداتى ەسىمدىگىن (جوبا)، ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن (جوبا)، ساياسي كەڭەس 13 - كەزەكتى مەملەكەتتىك كوميتەتى ۇسىنىس - جوبا كوميتەتىنىڭ ساياسي كەڭەس 13 - كەزەكتى كوميتەتى 3 - ءماجىلىسىنىڭ ۇسىنىس - جوبالاردى قاراپ تەكسەرۋ جاعدايى جونىندەگى بايانداماسىن (جوبا)، ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ ساياسي قاۋلىسىن (جوبا) قاراپ ماقۇلدادى. ءماجىلىس جوعارىداعى حۇجاتتاردىڭ جوبا نۇسقالارىن 5 - ايدىڭ 27 - كۇنى تۇستەن بۇرىن اشىلاتىن مەملەكەتتىك ساياسي كەڭەس 13 - كەزەكتى كوميتەتى تۇراقتى كوميتەتىنىڭ 11 - رەتكى ءماجىلىسىنىڭ قاراۋىنا ۇسىنۋدى ۇيعاردى.
ۋاڭ ياڭ مىنانى اتاپ كورسەتتى: مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى اشىلعاننان بەرى، مۇشەلەر الدىن الا بەلگىلەنگەن كەڭەستىك ءتارتىپ پەن كۇن ءتارتىپ بويىنشا ماجىلىسكە مۇقيات قاتىناسىپ، ساياسي كەڭەس تۇراقتى كوميتەتىنىڭ قىزمەت بايانداماسىن، ۇسىنىس - جوبا قىزمەتى جاعدايى جونىندەگى بايانداماسىن تىڭدادى جانە قارادى، ۇكىمەت قىزمەتىنەن باياندامانى، ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ بايانداماسىن، ازاماتتىق زاڭناما جوباسىن، ت. ب تىڭدادى جانە تالقىلادى ءارى ءوز سالاسىنىڭ كوڭىل ءبولىپ وتىرعان ماسەلەلەرى جونىندە كەڭەسىپ جانە ۇكىمەت ىستەرىن اقىلداسىپ، ۇسىنىس جانە پىكىرلەرىن ورتاعا قويدى. ءماجىلىس حاۋىپسىز، ءتارتىپتى، ىقشام، ناقتى اشىلدى، تابىسى قوماقتى بولىپ، رۋحتى سەرپىلتتى، وڭ ەنەرگيا ۇيىستىرىپ، ارناۋلى كەڭەس قۇرىلىمىنىڭ ارتىقشىلىعى مەن ەرەكشەلىگىن ايگىلەدى.
مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ماجىلىسكە قاتىناستى.
