لي جانشۋ باسقاردى
شينحۋا اگەنتتىگىنىڭ 5 - ايدىڭ 26 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ءتوراعالار القاسى 5 - ايدىڭ 26 - كۇنى تۇستەن بۇرىن حالىق سارايىندا 2 - جيىنىن وتكىزدى. جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ۇكىمەت قىزمەتىنەن بايانداما، جوسپار بايانداماسى، مەجە ەسەپ بايانداماسىنىڭ قاۋلى جوباسى جانە ازاماتتىق زاڭناما جوباسىنىڭ وزگەرىس ەنگىزىلگەن نۇسقاسى، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قارارىنىڭ (جوبا) وزگەرىس ەنگىزىلگەن نۇسقاسى سياقتىلاردى ءارقايسى ۋاكىلدەر ۇيىرمەسىنىڭ قاراۋىنا تاپسىرۋدى ۇيعاردى.
ءتوراعالار القاسىنىڭ تۇراقتى ءتوراعاسى لي جانشۋ جيىندى باسقاردى.
جيىنعا قاتىناسۋعا ءتيىستى 174 ادام، قاتىناسقانى 170 ادام، 4 ادام قاتىناسا المادى، قاتىناسقانداردىڭ سانى زاڭدا بەلگىلەنگەن ادام سانىنا ۇيلەسەدى.
ءتوراعالار القاسىنىڭ تۇراقتى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ جيىنعا قاتىناستى.
