لي جانشۋ باسقاردى
شينحۋا اگەنتتىگىنىڭ 5 - ايدىڭ 26 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايى 3 - ءماجىلىسى ءتوراعالار القاسى تۇراقتى ءتوراعالارىنىڭ 1 - جيىنى 5 - ايدىڭ 26 - كۇنى تۇستەن بۇرىن حالىق سارايىندا وتكىزىلدى. ءماجىلىس ءتوراعالار القاسىنىڭ تۇراقتى ءتوراعاسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى.
جيىن ءماجىلىس ءتوراعالار القاسىنىڭ تۇراقتى ءتوراعاسى، ءماجىلىستىڭ ورىنباسار باس حاتشىسى، مەملەكەتتىك حالىق قۇرىلتايى تۇراقتى كوميتەتىنىڭ باس حاتشىسى ياڭ جىن - ۋدىڭ ءماجىلىس حاتشىلار باسقارماسىنىڭ ۇكىمەت قىزمەتىنەن باياندامانى قاراۋ جانە وعان وزگەرىس ەنگىزۋ جاعدايىنان جاساعان مالىمەتىن تىڭدادى، ۇكىمەت قىزمەتىنەن بايانداما جونىندەگى قاۋلى جوبانىڭ وكىلەتتى العاشقى نۇسقاسىن قارادى.
جيىن مەملەكەتتىك حالىق قۇرىلتايى قازىنا، ەكونوميكا كوميتەتىنىڭ مەڭگەرۋشى مۇشەسى شۇي شاۋشىنىڭ مەملەكەتتىك حالىق قۇرىلتايى قازىنا، ەكونوميكا كوميتەتىنىڭ 2019 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2020 - جىلعى حالىق شارۋاشىلىعى مەن قوعامدىق دامۋ جوسپار جوباسىن قاراپ تەكسەرۋ ناتيجەسى بايانداماسىنىڭ قاتىستى جاعدايى جونىندە جاساعان مالىمەتىن تىڭدادى، قاراپ تەكسەرۋ ناتيجەسى بايانداماسىن قارادى.
جيىن مەملەكەتتىك حالىق قۇرىلتايى قازىنا، ەكونوميكا كوميتەتىنىڭ ورىنباسار مەڭگەرۋشى مۇشەسى شى ياۋبيننىڭ مەملەكەتتىك حالىق قۇرىلتايى قازىنا، ەكونوميكا كوميتەتىنىڭ 2019 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2020 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن قاراپ تەكسەرۋ ناتيجەسى بايانداماسىنىڭ قاتىستى جاعدايى جونىندە جاساعان مالىمەتىن تىڭدادى، قاراپ تەكسەرۋ ناتيجەسى بايانداماسىن قارادى.
جيىن ياڭ جىن - ۋدىڭ ءماجىلىس حاتشىلار باسقارماسىنىڭ 2019 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2020 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلى جوباسىنىڭ وكىلەتتى العاشقى نۇسقاسىن، 2019 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2020 - جىلعى ورتالىق پەن جەرگىلىكتى ورىنداردىڭ مەجە ەسەبى قاۋلى جوباسىنىڭ وكىلەتتى العاشقى نۇسقاسى جونىندە جاساعان مالىمەتىن تىڭدادى، ەكى قاۋلى جوبانىڭ وكىلەتتى العاشقى نۇسقاسىن قارادى.
جيىن مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى لي فيدىڭ مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ازاماتتىق زاڭناما جوباسىن قاراۋ ناتيجەسى جونىندە جاساعان بايانداماسىن تىڭدادى، ازاماتتىق زاڭناما جوباسىنىڭ وزگەرىس ەنگىزىلگەن نۇسقاسىن قارادى.
جيىن لي فيدىڭ مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قارار جوباسىن قاراۋ ناتيجەسى جونىندە جاساعان بايانداماسىن تىڭدادى، قارار جوباسىنىڭ وزگەرىس ەنگىزىلگەن نۇسقاسىن قارادى.
جيىن جوعارىدا اتالعان قاۋلى جوبا، بايانداما، جوبانىڭ وزگەرىس ەنگىزىلگەن نۇسقاسى قاتارلىلاردى ءماجىلىس ءتوراعالار القاسىنىڭ 2 - جيىنىندا قاراۋعا ۇسىنۋدى ماقۇلدادى.
ءماجىلىس ءتوراعالار القاسىنىڭ تۇراقتى ءتوراعالارى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا جيىنعا قاتىناستى.
