تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

ءبىر جاعىنان، قامال بۇزىپ، قورعاندى الدى، ەندى ءبىر جاعىنان، قايتا كەدەيلەسۋدەن ساقتاندى

  قايتا كەدەيلەسۋدەن ساقتانۋدى جۇيەلى ينجەنەريا رەتىندە ءبىر تۇتاس جوسپارلاۋ كەرەك.

   − شي جينپيڭ

  شينجياڭ گازەتىنىڭ جالپىلىق اقپارات قۇرالدارى تىلشىلەرى ليۋ ي، جوۋ پىڭ، ليۋ يميڭ، نيە نيڭ

  بۇكىل رايوننىڭ كەدەيلىكتەن ارىلتۋدان قامال الۋى قامال بۇزىپ، قورعاندى الۋدىڭ شەشۋشى جەڭىسىنە قول جەتكىزۋ ساتىسىنا ءوتتى، قايتا كەدەيلەسۋدەن ساقتانۋ مەن ۇزدىكسىز قامال الۋ بىردەي ماڭىزدى. كەدەيلىكتەن ورنىقتى ارىلتۋدى جۇزەگە اسىرا الۋ - الماۋ كەدەيلىكتەن ارىلتۋدىڭ ساپاسى مەن ونىمدىلىگىنە قاتىستى بولىپ قانا قالماستان، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋمەن تىپتەن قاتىستى.

  بيىل جىل باسىنان بەرى، رايونىمىز قايتا كەدەيلەسۋدەن ساقتانۋدى قاداعالاۋ، ساقتىق جانە يكەمدى كومەكتەسۋ - سۇيەمەلدەۋ مەحانيزمىن ونان ارى اقاۋسىزداندىرىپ، كەمەلدەندىرىپ، قالپاعى الىنعانىمەن جاۋاپكەرشىلىكتى توقتاتپاۋ، قالپاعى الىنعانىمەن ساياساتتى توقتاتپاۋ، قالپاعى الىنعانىمەن كومەكتەسۋ - سۇيەمەلدەۋدى توقتاتپاۋ، قالپاعى الىنعانىمەن باقىلاۋ - باسقارۋدى توقتاتپاۋدى ورىنداۋ تالاپ ەتىلىپ، كەدەيلەردى سۇيەمەلدەۋ كۇشەمەلىلىگىن وزگەرتپەۋگە، كومەكتەسۋ - سۇيەمەلدەۋ قاتىناسىن وزگەرتپەۋگە تاباندى بولىپ، كەدەي بۇقارانىڭ ناعىز كەدەيلىكتەن ارىلۋىنا، كەدەيلىكتەن شىنايى ارىلۋىنا شىنايى كەپىلدىك ەتتى.

كەدەيلىكتەن ارىلتۋدىڭ شەشۋشى شايقاسىنىڭ ءبىرىنشى شەبىنە زەر سالعاندا −

”ناعىز كەدەيلىكتەن ارىلۋدى، كەدەيلىكتەن شىنايى ارىلۋدى، قايتا كەدەيلەسپەۋدى ورىندادى“

  وڭاي - وسپاق قولعا كەلمەگەن كەدەيلىكتەن ارىلتۋ تابىستارىن ويداعىداي قورعاۋ مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ شەريا اۋدانى شەريا قالاشىعى جاربويى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى باستان - اياق كوڭىل اۋدارىپ كەلە جاتقان ءىس.

  جاربويى قىستاعى جيىن زالىنىڭ قابىرعاسىنداعى ءبىر ەرەكشە سۋرەتتى كەستە ايرىقشا كوزگە تۇسەدى. وسى سۋرەتتى كەستەدە ءاربىر قىستاق تۇرعىنىنىڭ اتى - ءجونى، وتباسى مۇشەلەرى، كىرىسى، مەكەن - جايى سياقتى نەگىزگى ينفورماتسيالار قوندىرىلعان، ءار وتباسىنا بىردەن ەكىلىك كود بەرىلگەن، قول تەلەفونمەن جايمالاساڭىز وتباسىنىڭ كىرىسى سياقتى جاعدايلاردى بىلۋگە بولادى.

  ”قىزمەتتىڭ ءتۇيىنى كەدەيلەردىڭ كەدەيلىكتەن ورنىقتى ارىلا الۋىنا شىنايى كەپىلدىك ەتۋ“. قىزمەت اترەتىنىڭ باستىعى، ءبىرىنشى شۋجي لي مانشۋ تانىستىرىپ بىلاي دەدى: ءار ايدا ارحيۆ تۇرعىزىلىپ، كارتچكالاندىرىلعان كەدەي وتباسىلارىنا ءبىر رەت بارىپ احۋال ۇعىسىپ، ءاربىر وتباسىنىڭ ينفورماتسياسىن جاڭالاپ، ساندى مالىمەتكە يكەمدى تالداۋ جاسالادى، قايتا كەدەيلەسۋ حاۋپى بار وتباسىلارىنا ءتۇيىندى تۇردە نازار اۋدارىپ، جۇمىستانۋدى جەبەۋ، ەگىنشىلىك، باعىمشىلىق كاسىپتەرىن دامىتۋ، ساياساتتىق قۇتقارۋ - كومەكتەسۋ سياقتى كوپ جاقتاردان ءبىر وتباسىنا ءبىر شارا بويىنشا كومەكتەسۋ - سۇيەمەلدەۋ جوسپارىن جاساپ، كەدەيلىكتەن ارىلتۋدىڭ تابىستارىن بەكەمدەيمىز.

  قازىر مۇنداي يكەمدى قاداعالاۋ قىزمەتى شەريا اۋدانىندا تولىق جالپىلاستى. ”حاۋىپ تۋىلسا، كەدەيلەر، ءسوزسىز، جۇمىستانا الادى، كىرىسى ازايمايدى، قايتا كەدەيلەسپەيدى“. شەريا اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى جىڭ جينباۋ بىلاي دەدى: شەريا اۋدانى قالعان كەدەيلەردى كەدەيلىكتەن ارىلتۋ مىندەتىن ۇزدىكسىز ورىنداپ، اناعۇرلىم ايقىن وي جەلىسپەن، اناعۇرلىم دالمە - ءدال شارالارمەن جانە داعدىدان تىس تەبىنمەن كەدەيلەردىڭ ىشكى قوزعاۋشى كۇشىن قاۋلاتىپ، كەدەيلەردى كەدەيلىكتەن ورنىقتى ارىلۋ نەگىزىن بەكەمدەپ، ناعىز كەدەيلىكتەن ارىلۋدى، كەدەيلىكتەن شىنايى ارىلۋدى، قايتا كەدەيلەسپەۋدى شىن مانىندە جۇزەگە اسىرادى.

ۋاكىلدەر، مۇشەلەر قامال الۋعا توقتالدى −

”كەدەيلىكتەن ورنىقتى ارىلتۋ قامال الۋدىڭ ساپاسىنا سايادى“

  ”كەدەيلىكتەن ارىلتۋ يكەمدى بارىس، از سانداعى تومەن كىرىستەگى بۇقارا كەدەيلىكتەن ارىلعاننان كەيىن، وبيەكتيۆ، سۋبيەكتيۆ سەبەپتەردەن قايتا كەدەيلەسۋى مۇمكىن“. مەملەكەتتىك حالىق قۇرىلتايىنىڭ ۋاكىلى نۇر مامەت بىلاي دەدى: قالعان كەدەيلىكتەن ارىلماعان بۇقارانىڭ كەدەيلەسۋ سەبەپتەرى ءتىپتى كۇردەلى، كەدەيلىكتەن ارىلۋ قيىندىعى ءتىپتى زور، قايتا كەدەيلەسۋ جاعدايى دا ءتىپتى اۋىر.

  ۋاكىل نۇر مامەت بىلاي دەدى: تومەن كىرىستەگى بۇقارانىڭ كەدەيلىكتەن ورنىقتى ارىلۋىنا شىنايى كەپىلدىك ەتۋ كەدەيلىكتەن ارىلتۋدان قامال الۋدىڭ ساپاسىنا، ونىمدىلىگىنە سايادى، كەدەيلىكتەن ارىلتۋ تابىستارىن بەكەمدەۋدىڭ، قايتا كەدەيلەسۋدەن ساقتانۋ مەحانيزمىن ورناتۋدىڭ ماڭىزدىلىعى مەن كوكەي تەستىلىگىن ستراتەگيالىق بيىكتىكتەن جەتە تانىپ، كەدەيلىكتەن ورنىقتى ارىلتۋدى، قايتا كەدەيلەسۋدەن ساقتانۋدى اناعۇرلىم ماڭىزدى ورىنعا قويىپ، سايلاۋىت قوسىندى شايقاسقا اتتاندىرىپ، قامال الىپ، قيىنشىلىقتى جەڭىپ، تومەن كىرىستەگى بۇقارانىڭ ”ءبىر ادامىن قاعىس قالدىرماي، ءبىر وتباسىن قاعىس قالدىرماي“ جاپپاي دوڭگەلەك داۋلەتتى قوعامعا تەڭ قادامدا كىرۋىنە شىنايى كەپىلدىك ەتۋ كەرەك.

    ”نە كەم بولسا سونى تولىقتاپ، دالمە - ءدال كومەكتەسۋ - سۇيەمەلدەۋ“

  شينجياڭدا تۇراتىن مەملەكەتتىك ساياسي كەڭەستىڭ مۇشەسى جيا ديانزىڭ بىلاي دەپ قارادى: كەدەيلىكتەن ارىلتۋدان قامال الۋ سىندى قيان - كەسكى شايقاستىڭ جەڭىسىنە قول جەتكىزۋدە كەدەيلىكتەن ورنىقتى ارىلتۋ، قايتا كەدەيلەسۋدەن ساقتانۋ ماڭىزدى بۋىن. الدىن الا باعىتتامالى سيپات الاتىن كومەكتەسۋ - سۇيەمەلدەۋ شارالارىن قولدانىپ، كەدەيلىكتەن ارىلتۋدىڭ تابىستارىن شىن مانىندە بەكەمدەۋ كەرەك.

  ”نە كەم بولسا سونى تولىقتاۋ پرينسيبى بويىنشا، دالمە - ءدال كومەكتەسۋ - سۇيەمەلدەۋ شارالارىن اتقارۋ كەرەك“. مۇشە جيا ديانزىڭ مىناداي ۇسىنىس قويدى: قايتا كەدەيلەسۋ حاۋپى بار وتباسىلارىنا مەڭزەس ادامىنا، وتباسىنا قاراي دالمە - ءدال شارا قولدانىپ، كومەكتەسۋ - سۇيەمەلدەۋ قىزمەتىن ءبىر تۇتاس جوسپارلاپ ىلگەرىلەتۋ كەرەك. ”كومەكتەسۋدى“، باستىسى، اۋرۋ سەبەبىنەن، اپات سەبەبىنەن كەدەيلەسكەن وتباسىلارىنا قاراتۋ؛ ”سۇيەمەلدەۋدى“، باستىسى، شارۋاشىلىق قۇرۋ قابىلەتى مەن نيەتى بار وتباسىلارىنا قاراتۋ؛ ”جەتەكتەۋدى“، باستىسى، دامۋ نەگىزى جانە تەبىندەۋ كۇشى بار وتباسىلارىنا قاراتىپ، ولاردى كاسىپتەرىن ساپالىلاندىرۋعا، الۋەتتەندىرۋگە، كەدەيلىكتەن ارىلتۋدىڭ ساپاسىن بەكەمدەۋگە جەتەكتەۋ.

كەدەيلىكتەن ارىلىپ، كىرىستى ارتتىرۋ قولىمنان كەلەدى −

”الەۋمەتتىك يگىلىك قىزمەت ورنى مەنىڭ كەدەيلىكتەن ورنىقتى ارىلۋىما كومەكتەستى“

  4 - ايدىڭ ورتا شەنىندە حوتاندا ۇنەمى قۇمدى بوران سوعادى، جاربويى قىستاعىنىڭ قىستاق تۇرعىنى ابدۇحيلل باكىردىڭ ءار كۇنى تاڭەرتەڭ ورنىنان تۇرعاننان كەيىنگى ەڭ الدىمەن ىستەيتىن ءىسى قىستاقتاعى كۇن نۇرى فوتوۆولت تاقتايشالارىن كورىپ، فوتوۆولت تاقتايشاسىنداعى شاڭ - توزاڭدى دەر كەزىندە تازالاپ، جابدىقتىڭ قالىپتى اينالىمىنا شىنايى كەپىلدىك ەتۋ.

  فوتوۆولتتىق ەلەكتر شىعارۋ جابدىعىنىڭ اينالىمىنا جانە ونى كۇتۋگە جاۋاپتى قىزمەتكەرى بولعاننان كەيىن، ابدۇحيللدىڭ تۇرمىسىندا وراسان زور وزگەرىستەر تۋىلدى. بۇرىندارى ناۋقاس شەشەسىن كۇتەتىندىكتەن، ول سىرتقا ۇزاق ۋاقىت بارىپ جۇمىس ىستەي المايتىن. جۇمىستانۋ ارقىلى كىرىسىن ارتتىرۋدى ويلاعانىمەن، كۇندىك جۇمىس عانا ىستەپ، وتباسى كىرىسى ەداۋىر تۇراقسىز بولدى، بۇل ابدۇحيللدىڭ وكىنىشىنە اينالدى. قىزمەت گرۋپپاسى احۋال ۇعىسۋ بارىسىندا ونىڭ قيىنشىلىعى مەن ارمانىن بىلگەننەن كەيىن، ارناۋلى جۇمىستاندىرۋ ارقىلى كەدەيلەردى سۇيەمەلدەۋ جوسپارىن جاساپ، ونى قىستاقتاعى الەۋمەتتىك يگىلىك قىزمەت ورنىنا ورنالاستىردى.

  ”ەسىك الدىنان جۇمىستانعانىما قاتتى رازىمىن ءارى بارىنشا قاستەرلەيمىن“. ابدۇحيلل بىلاي دەدى: قىزمەت اترەتىنىڭ دەر كەزىندە كومەكتەسۋىنىڭ ارقاسىندا شەشەمە قارايلاسا الۋمەن بىرگە، كىرىسىم دە ارتتى.

  ”يكەمدى قاداعالاۋ مەحانيزمى بۇكىل قىستاقتىڭ كەدەيلىكتەن ارىلۋ ساپاسى مەن ونىمدىلىگىن جوعارىلاتتى“. لي مانشۋ بىلاي دەدى: قازىر قىزمەت اترەتىنىڭ دالمە - ءدال كومەكتەسۋ - سۇيەمەلدەۋ شارالارى اناعۇرلىم ءدال ۋاعىندا، ءونىمدى بولىپ، بارلىق اترەت مۇشەلەرىنىڭ كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋ سەنىمى ءتىپتى دە نىعايا ءتۇستى.

  جاقسى تاجىريبەلەردى، ءادىس - امالداردى دەر كەزىندە قورىتىندىلاۋ، جالپىلاستىرۋ كەرەك. بيىل شەريا اۋدانى 100 ميلليون يۋان قارجى توپتاپ، ونى قايتا كەدەيلەسۋدەن ساقتانۋ الەۋمەتتىك يگىلىك سيپاتتى قىزمەت ورىن قورى ەتىپ، سىرتقا شىعىپ جۇمىستانۋى قيىن كەدەي وتباسىلارىنا ماپەگەر، جول قورعاۋشىسى، كارەنتيندەۋشى، تازالىقشى سياقتى جۇمىس ورىندارىن ازىرلەپ، ءتىپتى دە كوپ جاقىن ماڭنان، ءوز جەرىندە جۇمىستانۋ قىزمەت ورىندارىن اشىپ، قايتا كەدەيلەسۋ حاۋپى بار ادامداردى ەڭ تومەنگى شەكتە قامتاماسىز ەتۋدى جۇزەگە اسىرىپ، ءبىر وتباسىنان كەم دەگەندە ءبىر ادامدى جۇمىستاندىرۋعا شىنايى كەپىلدىك ەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.