تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى قاتارلىلاردى قارادى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، لي ياڭ 5 - ايدىڭ 26 - كۇنى بەيجيڭنەن حابارلايدى. 5 - ايدىڭ 26 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن اشىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن، ازاماتتىق زاڭناماعا وزگەرىس ەنگىزىلگەن نۇسقاسىن، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قارار جوباسىنا وزگەرىس ەنگىزىلگەن نۇسقاسىن، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى.

  قايسار ابدىكەرىم، قۇربان نياز، ءدىلشات قىدىرقان، چىن لياڭ، ميھىراي ىبىرايىم، ەرجان جۋانعان، ءزۇمىرات وبۇل جانە ۋاڭ گاڭ، پارحات روزى، ليۋ باۋزىڭ، حى شيڭلياڭ، سۇي جيۋشيۋ، جوۋ شۇييۇڭ، فاتيما، سۇن چۇنۋاڭ قاتارلى ۋاكىلدەر ءسوز سويلەدى.

  ۋاكىلدەر بىلاي دەدى: جاڭا جۇڭگو قۇرىلعان 70 جىلدان بەرى، جۇڭگو حالقى مەملەكەتتىڭ تەز دامۋى مەن وزگەرىسىنەن حالىق قۇرىلتايى ءتۇزىمىنىڭ وراسان زور ابزالدىلىق پەن قۋاتتى ومىرشەڭ كۇشكە يە ەكەنىن بارعان سايىن ايقىن تانىپ جەتتى. وتكەن ءبىر جىلدان استام ۋاقىتتان بەرى، مەملەكەتتىك حالىق قۇرىلتايى تۇراقتى كوميتەتى زاڭ شىعارۋ ۇقىعىن، باقىلاۋ ۇقىعىن، ۇيعارۋ ۇقىعىن، مىندەتكە تاعايىنداۋ - مىندەتتەن قالدىرۋ ۇقىعىن مۇقيات جۇرگىزىپ، ءتۇرلى قىزمەتتە جاڭا ىلگەرىلەۋشىلىككە، جاڭا ناتيجەگە قول جەتكىزدى. ىندەت تۋىلعاننان بەرى، مەملەكەتتىك حالىق قۇرىلتايى تۇراقتى كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جابايى حايۋاناتتاردى زاڭسىز ساۋدالاۋعا جانە تۇتىنۋعا جاپپاي تيىم سالۋ جونىندەگى قاراردى شىعارىپ، الەۋمەتتىك دەنساۋلىق ساقتاۋدى زاڭمەن جونگە سالۋمەن قامتاماسىز ەتۋ جۇيەسىن كۇشەيتۋدىڭ زاڭ شىعارۋ، زاڭعا وزگەرىس ەنگىزۋ قىزمەتىن ورنالاستىرىپ، باستاپ، قوعام ءجىتى قاداعالاعان ماسەلەلەرگە جاۋاپ قايتارىپ، ىندەتتەن ساقتانۋ - تىزگىندەۋ زاڭىن ىرىقتىلىقپەن ۇگىتتەپ، ءتۇسىندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋعا زاڭدىق قولداۋ ازىرلەدى. حالىق قۇرىلتايى تۇزىمىنە باستان - اياق تاباندى بولىپ جانە ونى كەمەلدەندىرىپ، حالىق قۇرىلتايى ءتۇزىمىنىڭ امالياتتىق ەرەكشەلىگىن، داۋىرلىك ەرەكشەلىگىن ۇزدىكسىز بايىتىپ، ءتۇزىم ابزالدىلىعىن مەملەكەتتى جونگە سالۋ ونىمدىلىگىنە اينالدىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاق تاعدىرىن حالىقتىڭ قولىنا مىقتاپ ۇستاتۋ كەرەك.

  ۋاكىلدەر بىلاي دەدى: ازاماتتىق ىستەر زاڭى − ازاماتتىق ىستەر ۇقىعىنىڭ ەڭ شوعىرلى بەينەسى، ال ازاماتتىق زاڭناما − ازاماتتىق ىستەر زاڭدارىنىڭ توپتاماسى. ازاماتتىق زاڭنامانى قۇراستىرۋداعى ماقسات − ازاماتتىق ىستەر قيمىلىن ارناعا ءتۇسىرۋ، ازاماتتىق ىستەر ۇقىعىن قورعاۋ، ول مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى كەلەلى شارا بولۋمەن بىرگە، قالىڭ حالىقتىڭ ءتۇبىرلى مۇددەسىن قورعاۋدىڭ دا وبيەكتيۆ قاجەتى. جۇڭگوشا ەرەكشەلىككە يە، ءداۋىر ەرەكشەلىگىن ايگىلەيتىن، حالىقتىڭ ەركىن بەينەلەيتىن ازاماتتىق زاڭناما جاڭا داۋىردە جۇڭگوشا سوتسياليزم تۇزىمىنە تاباندى بولۋ مەن ونى كەمەلدەندىرۋگە، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كەمەلدى ازاماتتىق ىستەر زاڭمەن جونگە سالۋ كەپىلدىگىن ازىرلەيدى.

  ۋاكىلدەر مىنالاردى ءبىلدىردى: مەملەكەتتىڭ حاۋىپسىزدىگىن قورعاۋ − ”ءبىر ەل، ەكى ءتۇزىمنىڭ“ وزەكتى ءمانى، ”ءبىر ەل، ەكى ءتۇزىمنىڭ“ ءومىر ءسۇرۋىنىڭ نەگىزى. مەملەكەتتىڭ حاۋىپسىزدىگى قامتاماسىز ەتىلگەندە عانا، شياڭگاڭنىڭ گۇلدەنۋى مەن ورنىقتىلىعى قامتاماسىز ەتىلەدى. مەملەكەت حاۋىپسىزدىگى شىن مانىندە قامتاماسىز ەتىلگەن جاعدايدا، شياڭگاڭ، ءسوز جوق، بارعان سايىن جاقسى داميدى. مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قارار جوباسىن ءبىر اۋىزدان القاپ، بىلاي دەپ قارادى: قارار جوبا − جوعارى ساپالى زاڭ جوباسى، شياڭگاڭ ەرەكشە اكىمشىلىك رايونىندا تۋىلعان مەملەكەت حاۋىپسىزدىگىنە قاتەر توندىرەتىن ارەكەتتەر مەن قيمىلداردان زاڭ بويىنشا پارمەندى تۇردە قورعانادى، تەجەيدى جانە جازالايدى، بۇل جۇڭگونىڭ مەملەكەتتىڭ يەلىك ۇقىعىن، تەرريتوريا تۇتاستىعىن قورعاۋ جانە مەملەكەت حاۋىپسىزدىگىن قورعاۋ ماسەلەسىندەگى قاتاڭ تۇرعىسى مەن بۇلجىماس ەركىن بەينەلەپ، شياڭگاڭ ەرەكشە اكىمشىلىك رايونىنىڭ ”ءبىر ەل، ەكى ءتۇزىم“ امالياتىنىڭ ورنىقتى، باياندى بولۋىنا شىنايى كەپىلدىك ەتەدى.

  ۋاكىلدەر بىلاي دەدى: توسىن كەلگەن ىندەت الدىندا، ەڭ جوعارى حالىق سوتى مەكەمەسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، زاڭ بويىنشا ساقتانۋ - تىزگىندەۋ تالابىن مۇقيات تياناقتاندىرىپ، ىندەتتەن ساقتانۋ - تىزگىندەۋگە كەسىر تيگىزۋ قىلمىستارىن، مەملەكەت شەكاراسى دەنساۋلىق ساقتاۋ كارەنتين ىستەرىنە كەسىر تيگىزۋ قىلمىستارىن زاڭ بويىنشا جازالاۋ، جۇمىستىڭ، ءوندىرىستىڭ قالپىنا كەلۋىن قامتاماسىز ەتۋ قاتارلى پىكىردى ءوزى جەكە نەمەسە قاتىستى ورىندارمەن بىرلەسىپ بەلگىلەپ، ”التىنى ورنىقتىرۋعا“، ”التىنى قامتاماسىز ەتۋگە“ قىزمەت وتەۋ ءادىليالىق شارالارىن كەمەلدەندىرىپ، ىندەتكە قارسى تۇرۋعا قۇلشىنا قورعاۋشى بولدى، كەلەلى جاعدايعا قىزمەت وتەدى. سوت مەكەمەسى جۇيەسى پارتيانىڭ ءادىليا قىزمەتىنە شارتسىز باسشىلىعىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، داعدارىستى ورايعا اينالدىرۋعا شەبەر بولىپ، قىزمەت جاۋاپكەرشىلىگىن تولىق وتەپ، ەكونوميكالىق، قوعامدىق دامۋ مەن قوعام ورنىقتىلىعى كەلەلى جاعدايىن زاڭ بويىنشا قورعاپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانالارىنىڭ، مىندەتتەرىنىڭ ورىندالۋىنا شىنايى كەپىلدىك ەتۋگە، جاپپاي دوڭگەلەك داۋلەتتى قوعام ورناتۋعا پارمەندى ءادىليالىق قىزمەت وتەۋ جانە كەپىلدىك ازىرلەۋى كەرەك.

  ۋاكىلدەر بىلاي دەدى: ەڭ جوعارى حالىق پروكۋراتۋراسى باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ءار دارەجەلى پروكۋراتۋرا ورگانىن باستاپ ىندەتتەن ساقتانۋ - تىزگىندەۋ كەلەلى جاعدايىنا ىرىقتىلىقپەن قىزمەت وتەپ، دەلو ءبىتىرۋ ولشەمىن جەدەل شىعارىپ، دەلو ارقىلى زاڭدى تۇسىندىرۋگە جاڭالىق ەنگىزىپ، دەلوعا قاتىستى ادامداردىڭ زاڭدى ۇقىق - مۇددەسىن قامتاماسىز ەتىپ، زاڭ بويىنشا ىندەتپەن شايقاسۋ بارىسىندا اۋەلگى ماقساتتان اينىمادى، بورىش ارقالادى. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسى جىلىندا ىندەت اكەلگەن جاڭا سىن - سايىستار الدىندا، پروكۋراتۋرا ورگاندارى، ءسوز جوق، جاۋاپكەرشىلىك ارقالاپ، ىسكەرلىك كورسەتىپ، حالىقتى وزەك ەتكەن دامۋ يدەياسىن تياناقتاندىرىپ، ”ورنىقتى ىلگەرىلەتۋگە، تياناقتاندىرۋعا، دەڭگەيىن وسىرۋگە“ تاباندى بولىپ، وسكەلەڭ ساياسي سانالىلىق، زاڭمەن جونگە سالۋ سانالىلىعى، پروكۋراتۋرالىق سانالىلىق ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە نەگىزگى زاڭ مەن زاڭدا بەرىلگەن قىزمەت جاۋاپكەرشىلىگىن ناقتاپ تياناقتاندىرىپ، حالىق بۇقاراسىن الاڭداتقان ىستەردى، مازالاعان ىستەردى، ۋايىمداتقان ىستەردى شەشۋدى ىلگەرىلەتىپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدى زاڭمەن پارمەندى قامتاماسىز ەتۋ كەرەك.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي، جۋ حايلۇن، ابدۇرىقىپ ءتومۇرنياز قاتارلىلار جيىنعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.