شي جينپيڭ ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى
ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەري ءبولىم قىزمەتتەرىن تىڭعىلىقتى ىلگەرىلەتىپ، مەملەكەت قورعانىسى جانە اسكەري ءبولىم قۇرىلىسىنىڭ 2020 - جىلعى نىسانالارى مەن مىندەتتەرىن باتىل جۇزەگە اسىرۋ كەرەك
5 - ايدىڭ 26 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 5 - ايدىڭ 26 - كۇنى بەيجيڭنەن بەرگەن حابارى (تىلشىلەر لي شۋەيۇڭ، لي شۋانلياڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 26 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ باسا دارىپتەدى: بۇكىل ارميا سانالى تۇردە يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، سەنىمدى بەكەمدەپ، قيىندىقتارعا توتەپ بەرىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەري ءبولىم قىزمەتتەرىن تىڭعىلىقتى ىلگەرىلەتىپ، مەملەكەت قورعانىسى جانە اسكەري ءبولىم قۇرىلىسىنىڭ 2020 - جىلعى نىسانالارى مەن مىندەتتەرىن باتىل جۇزەگە اسىرىپ، پارتيا مەن حالىق جۇكتەگەن مىندەتتەردى باتىل ورىنداۋ كەرەك.
ماجىلىستە لي يۇڭ، حى لەي، ۋاڭ حاي، لي حوحۇي، سۇي يۇيليڭ، جۇڭ جىميڭ، ۋاڭ حۇيچيڭ، ليۋ گۋاڭبين قاتارلى 8 ۋاكىل جەكە - جەكە ءسوز سويلەپ، ارميامىزدىڭ ىندەتتەن ساقتانۋ - تىزگىندەۋ مىندەتىن اتقارۋى، ىندەت جاعدايىنداعى اسكەر جاتتىقتىرىپ سوعىسقا دايىندالۋدى كۇشەيتۋ، بيولوگيالىق حاۋىپسىزدىك قورعانىس قابىلەتى قۇرىلىسىن جەدەلدەتۋ، مەملەكەت قورعانىسى جانە اسكەري ءبولىم رەفورماسى، زاڭ شىعارۋ قىزمەتىن ىلگەرىلەتۋ، ارميامىز قۇرىلىسىنىڭ ”13 - بەسجىلدىق“ جوباسىن تياناقتاندىرۋدى جانە ”14 - بەسجىلدىق“ جوبانى جاساۋدى مىقتاپ يگەرۋ سياقتى ماسەلەلەر جاعىندا پىكىرلەرى مەن ۇسىنىستارىن العا قويدى.
ۋاكىلدەردىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول، اۋەلى، بۇكىل ارميا اسكەري بولىمدەرىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مىندەتىن اتقارۋ جاعدايىن تولىق تۇراقتاندىردى. شي جينپيڭ بىلاي دەپ اتاپ كورسەتتى: وسى رەتكى ىندەتتەن ساقتانۋ - تىزگىندەۋ كۇرەسى ارميامىز جونىنەن ءبىر رەتكى ۇلكەن سىناق بولدى. حالىق اسكەري ءبولىمى پارتيانىڭ قولباسشىلىعىنا قۇلاق اسىپ، بۇيرىقتى الىسىمەن اتتانىسقا كەلىپ، ىندەتتەن ساقتانۋ - تىزگىندەۋ كۇرەسىندە ماڭىزدى رول اتقارىپ، كورنەكتى ۇلەس قوستى. اماليات حالىق اسكەري ءبولىمى باستان - اياق پارتيا مەن حالىقتىڭ بۇكىلدەي سەنىم ارتاتىن قاھارمان اسكەري ءبولىم ەكەندىگىن تاعى ءبىر رەت دالەلدەدى.
شي جينپيڭ ىندەتتەن ساقتانۋ - تىزگىندەۋ قىزمەتىن جاقسى ىستەۋمەن ۇشتاستىرىپ، مەملەكەت قورعانىسى جانە ارميا قۇرىلىسىنىڭ ءتۇيىندى قىزمەتتەرى جونىندە تالاپتاردى العا قويدى. ول بىلاي دەپ باسا دارىپتەدى: وسى رەتكى ىندەت دۇنيە ءجۇزىنىڭ جاعدايىنا تەرەڭ ىقپال كورسەتتى، ەلىمىزدىڭ حاۋىپسىزدىگى مەن دامۋىنا دا تەرەڭ ىقپال كورسەتتى. تومەنگى شەكتە ويلاۋعا تاباندى بولىپ، اسكەر جاتتىقتىرىپ، سوعىسقا دايىندالۋ قىزمەتىن جالپى بەتتىك كۇشەيتىپ، ءتۇرلى كۇردەلى جاعدايلاردى دەر كەزىندە، ءونىمدى ءبىر جاقتى ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ، مەملەكەتتىڭ ستراتەگيالىق جالپى جاعدايىنىڭ ورنىقتىلىعىن قورعاۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەر جاتتىقتىرىپ، سوعىسقا دايىندالۋدىڭ تاسىلىندە، ءادىس - امالىندا ىزدەنىس جاساپ، عىلمي رەتتەۋ - تىزگىندەۋدى ۋاقىتقا، اۋقىمعا قاراي جاقسى ىستەپ، اسكەري كۇرەس دايىندىعىن جەدەل ىلگەرىلەتىپ، ناقتى سوعىس سيپاتتى اسكەري جاتتىعۋدى يكەمدى ورىستەتىپ، ارميامىزدىڭ اسكەري مىندەتتى اتقارۋ قابىلەتىن جالپى بەتتىك جوعارىلاتۋ كەرەك.
شي جينپيڭ بىلاي دەپ اتاپ كورسەتتى: وسى رەتكى ىندەتتەن ساقتانۋ - تىزگىندەۋ كۇرەسى مەملەكەت قورعانىسى جانە ارميا رەفورماسى جونىنەن ءبىر رەتكى ءىس جۇزىندىك سىناق بولىپ، رەفورمانىڭ ونىمدىلىكتەرىن تولىق ايگىلەدى، سونىمەن بىرگە رەفورماعا دا جاڭا تالاپتار قويدى. بەتالىستى وزگەرتپەۋگە، جولدان اۋىتقىماۋعا، تەبىندى السىرەتپەۋگە تاباندى بولىپ، ساياسات، ءتۇزىم رەفورماسى سىندى وسى ءتۇيىندى مىقتاپ يگەرىپ، رەفورما قىزمەتتەرىن ءبىر تۇتاس جوسپارلاپ جاقسى يگەرىپ، بەلگىلەنگەن رەفورما مىندەتىن دەر كەزىندە ورىنداۋ كەرەك. ىندەتتەن ساقتانۋ - تىزگىندەۋ قىزمەتى بارىسىندا بايقالعان جاڭا جاعدايلارعا، جاڭا ماسەلەلەرگە مەڭزەس، رەفورما جاساۋ، جاڭالىق اشۋ وي جەلىسىن جانە ءادىس - امالدارىن قولدانىپ شەشۋگە باسا ءمان بەرۋ كەرەك. ارميامىزدىڭ مەديتسينالىق عىلمي زەرتتەۋ ابزالدىلىعىن ساۋلەلەندىرىپ، جاڭا تيپتى ايدارشا ۆيرۋس ءدارى - دارمەكتەرىن جانە ۆاكسيناسىن زەرتتەپ اشۋدى جەدەلدەتىپ، اناعۇرلىم كوپ بىرەگەي ونىمدەر شىعارۋ كەرەك. عىلىم - تەحنيكادا جاڭالىق اشۋدان جاۋىنگەرلىك قۋات الۋعا تاباندى بولىپ، مەملەكەت قورعانىسى عىلىم - تەحنيكاسىندا جاڭالىق اشۋدى، اسىرەسە، دەربەس جاڭالىق اشۋدى، باستاپقى جاڭالىق اشۋدى كۇشەيتۋ كەرەك. رەفورما جاساۋدىڭ، جاڭالىق اشۋدىڭ تەتىگى ادامدا، ”ءۇشتى ءبىر تۇلعالاندىرعان“ دارىندى جەتىلدىرۋ جۇيەسىن ورناتىپ، ءمورالى مەن دارىنى تەڭ جەتىلگەن جوعارى ساپالى، ماماندانعان جاڭاشا اسكەري دارىندىلار قوسىنىن قالىپتاستىرۋ كەرەك.
شي جينپيڭ بىلاي دەپ باسا دارىپتەدى: بيىل ارميامىز قۇرىلىسىن دامىتۋدىڭ ”13 - بەسجىلدىق“ جوباسىنىڭ اياقتالاتىن جىلى، ەرەكشە شارالاردى قولدانىپ، ىندەتتىڭ ىقپالىن جويىپ، جوبانى تياناقتاندىرۋدان قامال الۋ شايقاسىن كۇشتى شوعىرلاندىرا وتىرىپ جاقسى جۇرگىزىپ، ەلەۋلى مىندەتتەردىڭ ورىندالۋىنا، ستراتەگيالىق قابىلەتتە زور جوعارىلاۋ بولۋىنا بار كۇشپەن كەپىلدىك ەتۋ كەرەك. ارميامىز قۇرىلىسىنىڭ ”14 - بەسجىلدىق“ جوباسىن ويداعىداي جاساپ، مەملەكەتتىڭ دامۋ ورنالاستىرۋىمەن سايكەستىرۋگە، ستراتەگيالىق ساتىدا ءبىر تۇلعالى جوسپارلاۋعا باسا ءمان بەرىپ، جوبانىڭ ساپاسىنا شىنايى كەپىلدىك ەتۋ كەرەك. عىلمي ورنالاستىرىپ، قۇنىتتاپ ەسەپتەپ، اسكەري قاراجاتتى جاقسى باسقارىپ، جاقسى پايدالانىپ، ءار تيىن اقشادان ەڭ زور ونىمدىلىك شىعارۋ كەرەك.
شي جينپيڭ بىلاي دەپ اتاپ كورسەتتى: ارميا مەن ۇكىمەت، ارميا مەن حالىق ىنتىماعى پارتيامىز بەن مەملەكەتىمىزدىڭ كورنەكتى ساياسي ابزالدىلىعى، وسى رەتكى ىندەتتەن ساقتانۋ - تىزگىندەۋ كۇرەسىندە بۇل ءتۇيىن تولىق ايگىلەندى. ارميامىز اسكەري مىندەتتەردى ويداعىداي ورىنداۋمەن بىرگە، جەرگىلىكتى ورىنداردىڭ ەكونوميكالىق، قوعامدىق دامۋىنا كومەكتەسىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە قولداۋ كورسەتىپ، جەرگىلىكتى ورىنداردىڭ قوعامنىڭ كەلەلى جاعدايىنىڭ ورنىقتىلىعىن قورعاۋ قىزمەتىن جاقسى ىستەۋىنە سەلبەسۋ كەرەك. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسى جانە ارميا قۇرىلىسىنا قولداۋ كورسەتىپ، تاسقىنداعان ىنتامەن قالىڭ كوماندير - جاۋىنگەرلەردى ۋايىمنان ارىلتىپ، قيىنشىلىقتارىن شەشىپ، مەملەكەتتى قۋاتتاندىرىپ، ارميانى گۇلدەندىرۋدىڭ تاسقىنداعان كۇشىن ۇيىستىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ءماجىلىستى باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا، ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين ماجىلىسكە قاتىناستى.
