مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى جابىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى جابىلدى

شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى ۋاڭ ياڭ ءسوز سويلەدى

  5 - ايدىڭ 27 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭدە جابىلدى. سۋرەتتە شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  5 - ايدىڭ 27 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭ حالىق سارايىندا جابىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جابىلۋ جيىنىن باسقاردى ءارى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى ءتۇرلى كەڭەستىك تارتىپتەرىن تولىق اياقتاعان سوڭ، 5 - ايدىڭ 27 - كۇنى تۇستەن كەيىن حالىق سارايىندا جابىلدى. ءماجىلىس: حالىق ساياسي كەڭەستىڭ ءار دارەجەلى ۇيىمدارىن، ءارقايسى قاتىسۋشى ورىنداردى جانە قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تىڭعىلىقتى قىزمەت ىستەپ، ەرلىكپەن العا باسىپ، حالىق ساياسي كەڭەسىن پارتيانىڭ ءتۇرلى قىزمەتكە باسشىلىعىنا تاباندى بولاتىن جانە ونى كۇشەيتەتىن ماڭىزدى شەپكە، پارتيانىڭ جاسامپاز نازاريالارىمەن ءار ۇلت، ءار سالا ۋاكىل قايراتكەرلەرىن ىنتىماقتاستىراتىن، تاربيەلەيتىن، جەتەكتەيتىن ماڭىزدى تۇعىرعا، ورتاق يدەيالىق نەگىزدە قايشىلىقتى شەشەتىن جانە ورتاق تانىم ۇيىستىراتىن ماڭىزدى ارناعا اينالدىرۋدى ىلگەرىلەتىپ، مەملەكەتتى جونگە سالۋ جۇيەسىندەگى رولىن اناعۇرلىم ويداعىداي ساۋلەلەندىرىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋگە ۇندەدى.

  ءماجىلىستى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

  شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى.

  تۇستەن كەيىن ساعات 3تە جابىلۋ جيىنى باستالدى. ۋاڭ ياڭ جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ماجىلىسىنە قاتىناسۋعا ءتيىستى مۇشە 2151 ادام، قاتىناسقان مۇشە 2043 ادام ەكەندىگىن، مۇنىڭ بەلگىلەنگەن ادام سانىنا ۇيلەسەتىندىگىن جاريالادى.

  ءماجىلىس لي بيندى ساياسي كەڭەس 13 - كەزەكتى مەملەكەتتىك كوميتەتىنىڭ باس حاتشىلىعىنا سايلادى. ءماجىلىس ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس 13 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 13 - كەزەكتى كوميتەتى 3 - ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، ساياسي كەڭەس 13 - كەزەكتى مەملەكەتتىك كوميتەتى 3 - ءماجىلىسىنىڭ ساياسي قاۋلىسىن ماقۇلدادى. مۇشەلەر مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ تۋرالى قاۋلى قابىلداعاندىعىن ءبىر اۋىزدان قۇپتادى جانە قولدادى.

  ۋاڭ ياڭ سوزىندە بىلاي دەدى: بۇل رەتكى ءماجىلىس ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ توسقاۋىل شايقاسى كەلەلى ستراتەگيالىق جەتىستىككە قول جەتكىزىپ، جاپپاي دوڭگەلەك داۋلەتتى قوعام ورناتۋ شەشۋشى شايقاستىڭ شەشۋشى جەڭىسىنە جەتۋ كەزەڭىنە وتكەن ماڭىزدى ساتتە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن مەملەكەت ءىسىن بىرگە اقىلداستى. بارلىق مۇشەلەر ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋدى، شەشۋشى شايقاستىڭ شەشۋشى جەڭىسىنە جەتۋ نىسانالارىن، مىندەتتەرىن تياناقتاندىرۋدى ارقاۋ ەتىپ، ۇكىمەت ىسىنە بەلسەندى تۇردە كەڭەس بەرىپ، كەڭ ورتاق تانىم ۇيىستىرىپ، ارناۋلى كەڭەستىك قۇرىلىمنىڭ مەملەكەتتى جونگە سالۋ جۇيەسىندەگى ماڭىزدى رولىن تولىق ايگىلەدى، ءماجىلىس دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس بولدى.

  ۋاڭ ياڭ بىلاي دەپ اتاپ كورسەتتى: بيىل ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ جىلى، حالىق ساياسي كەڭەسى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى جانە دۇنيە ءجۇزىنىڭ 100 جىلدا بولماعان ءىرى وزگەرىس جاعدايى سىندى ”ەكى ءىرى جاعدايدى“ كوكەيدە ساقتاپ، ناقتى ارەكەتىمەن جانە مىندەت اتقارۋدىڭ ناقتى ناتيجەسىمەن پارتيا مەن مەملەكەتتىڭ وزەكتى قىزمەتىنە قىزمەت وتەۋدە تولىمدى جاۋاپ بەرۋ كەرەك. ىندەتكە قارسى اتتانۋدىڭ ۇلى كۇرەسىنەن كۇش الىپ، سەنىمدى بەكەمدەپ، ىشكەرىلەگەن تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءار ۇلت حالقىنىڭ ۇلى ىنتىماعىن ۇزدىكسىز نىعايتىپ، حاۋىپ - قاتەر، سىن - سايىسقا توتەپ بەرۋدىڭ يدەيالىق دايىندىعىن جانە قىزمەت دايىندىعىن تولىق، ويداعىداي ىستەۋ كەرەك. نىسانا - مىندەتتەرمەن تىعىز بايلانىستىرا وتىرىپ مىندەت اتقارۋ قابىلەتىن جوعارىلاتىپ، قىزمەتتىڭ ناقتى ونىمدىلىگىن كۇشەيتىپ، ستيلدىڭ شىنايىلىعى مەن مىندەت اتقارۋعا قابىلەتتىلىكتى اناعۇرلىم ويداعىداي بىرلەستىرىپ، فورماشىلدىقتان، تورەشىلدىكتەن ساقتانىپ جانە ونى جويىپ، ۇكىمەت ىسىنە تارتىمدى كەڭەس بەرۋگە، ورتاق تانىمدى ءونىمدى ۇيىستىرۋعا قۇلشىنىپ، تاماشا ستيلمەن مىندەت اتقارۋدىڭ ناتيجەسىنە كەپىلدىك ەتۋ كەرەك. مىندەت اتقارۋ قابىلەتىن جوعارىلاتىپ، ارناۋلى كەڭەس قۇرىلىمىنىڭ تولىمدى مۇشەسى بولۋداعى نەگىزدىك قابىلەتتى كۇشەيتىپ، كوپ كىتاپ وقىپ، جاقسى كىتاپ وقىپ، كىتاپ وقۋعا شەبەر بولىپ، ساياسي كەڭەس قىزمەتىنىڭ زاڭدىلىعى مەن كەڭەسۋ ادىستەرىنىڭ ماڭىزىن يگەرىپ، ۇكىمەت ىسىنە كەڭەس بەرۋدەگى بولجامپازدىقتى، دالدىكتى كۇشەيتىپ، ورتاق تانىم ۇيىستىرۋدىڭ باعىتتامالىلىعىن، ونىمدىلىگىن جوعارىلاتىپ، جۇرتتىڭ تىلەگى مەن كۇشىن كەڭىنەن توپتاۋ كەرەك.

  ۋاڭ ياڭ بىلاي دەپ باسا دارىپتەدى: حالىق ساياسي كەڭەسى جۇڭگو ۇلگىسىندەگى دەموكراتيانى اتقارۋدا رولىن ساۋلەلەندىرىپ، ۇلەس قوسۋى كەرەك. حالىق ساياسي كەڭەس سوتسياليستىك كەڭەستىك دەموكراتيا ابزالدىلىعىنان پايدالانىپ، ءارقايسى پارتيا - توپتار مەن ءار ۇلت، ءار سالا قايراتكەرلەرىن ۇكىمەت ىسىنە كەڭەس بەرۋگە، ورتاق تانىم ۇيىستىرۋعا ءونىمدى تۇردە ۇيىمداستىرادى، بۇل جۇڭگو كوممۋنيستىك پارتياسىنىڭ باسشىلىعىنا تاباندى بولۋ مەن كوپ پارتيا - توپتىڭ سەلبەستىگىن ورگانيكالى بىرلىككە كەلتىرۋگە ءتيىمدى، دەموكراتيانى تولىق ساۋلەلەندىرۋ مەن شوعىرلى، ءتارتىپتى تۇردە ساياسيعا قاتىناسۋدى دۇرىس جولعا قويۋدى ورگانيكالى بىرلىككە كەلتىرۋگە ءتيىمدى، ىنتىماقتى شىنايى نىعايتۋ مەن قىزمەتتەردىڭ تياناقتانۋىن ىلگەرىلەتۋدى ورگانيكالى بىرلىككە كەلتىرۋگە ءتيىمدى. حالىق ساياسي كەڭەسىنىڭ ارناۋلى كەڭەستىك قۇرىلىم رەتىندەگى تۇزىمدىك ونىمدىلىگىن جوعارىلاتىپ، ورتاق يدەيالىق - ساياسي نەگىزگە، ورتاق ماقسات - تالپىنىسقا، ورتاق ءتۇبىرلى مۇددەگە يە ساياسي ورتاق تۇلعا قۇرىلىسىن ىلگەرىلەتىپ، مەملەكەتتى جونگە سالۋعا اناعۇرلىم ويداعىداي دەمەۋشى كۇش قوسىپ، بىرىككەن كۇش ۇستەۋ كەرەك.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا جابىلۋ جيىنىنا قاتىناستى.

  جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جيىنىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، ت. ب ۇسىنىس بويىنشا جابىلۋ جيىنىنا قاتىناستى.

  ءماجىلىس ايبىندى مەملەكەت انىمەن جابىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.