تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتى 3 - ءماجىلىسىنىڭ ساياسي قاۋلىسى

(ساياسي كەڭەس 13 - كەزەكتى مەملەكەتتىك كوميتەتىنىڭ 3 - ماجىلىسىندە 2020 - جىلى 5 - ايدىڭ 27 - كۇنى ماقۇلداندى)

  جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى 2020 - جىلى 5 - ايدىڭ 21 - كۇنىنەن 27 - كۇنىنە دەيىن بەيجيڭدە وتكىزىلدى.

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن بىرگە مەملەكەت ىستەرىن اقىلداستى. ءماجىلىس ءتوراعا ۋاڭ ياڭنىڭ ساياسي كەڭەس 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، ورىنباسار ءتوراعا جىڭ جيانباڭنىڭ جاساعان ۇسىنىس جوبالار قىزمەتى احۋالى جونىندەگى باياندامانى قاراپ بەكىتتى، مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ ۇسىنىس جوبالارىن تەكسەرۋ احۋالى جونىندەگى باياندامانى ماقۇلدادى. مۇشەلەر 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە سىرتتاي قاتىناسىپ، لي كىچياڭ زۇڭلي جاساعان ۇكىمەت قىزمەتىنەن باياندامانى تىڭدادى ءارى تالقىلادى، ەڭ جوعارى حالىق سوتى مەكەمەسىنىڭ قىزمەتىنەن باياندامانى، ەڭ جوعارى حالىق پروكۋراتۋراسىنىڭ قىزمەتىنەن باياندامانى تىڭدادى ءارى تالقىلادى، ازاماتتىق زاڭناما جوباسى قاتارلىلاردى تالقىلاپ، ءبىر اۋىزدان قوسىلاتىندىقتارىن ءبىلدىردى ءارى پىكىرلەر مەن ۇسىنىستاردى العا قويدى، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعايتىن زاڭ - ءتۇزىمىن جانە اتقارۋ مەحانيزمىن ورناتۋ جانە كەمەلدەندىرۋ قارارىنا ءبىر اۋىزدان قوسىلاتىندىقتارىن ءارى قولدايتىندىقتارىن ءبىلدىردى.

  ءماجىلىس بىلاي دەپ قارادى: وتكەن ءبىر جىلدا شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەل ءىشى - سىرتىنداعى حاۋىپ - قاتەر مەن سىن - سايىستار كورنەكتى ارتقان كۇردەلى جاعدايعا سالماقتىلىقپەن توتەپ بەردى، جاڭا جۇڭگو قۇرىلعاندىعىنىڭ 70 جىلدىعىن سالتاناتپەن قۇتتىقتادى، ۇدەرە العا تارتىپ، قيىندىقتاردى جەڭىپ، تۇتاس جىلداعى باستى نىسانا - مىندەتتەردى ورىنداپ، جاپپاي دوڭگەلەك داۋلەتتى قوعام ورناتۋعا شەشۋشى نەگىز قالادى. ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورتالىقتىڭ ساياسي كەڭەس قىزمەتى ءماجىلىسىنىڭ جانە حالىق ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ رۋحىن ۇيرەنىپ جانە دايەكتىلەندىرىپ، نازاردى وزەكتى مىندەتكە شوعىرلاندىرىپ، مىندەت اتقارىپ، جاۋاپكەرشىلىكتى ادا ەتىپ، پارتيا مەن مەملەكەت ىستەرىنىڭ دامۋىنا بەلسەندى ۇلەستەر قوستى.

  ءماجىلىس بىلاي دەپ قارادى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتىنە قاراتا، جۇڭگو كوممۋنيستىك پارتياسى ورتالىق كوميتەتى ىندەتتەن ساقتانۋ - تىزگىندەۋدى ماڭداي الدى كەلەلى ءىس رەتىندە يگەردى، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاسادى، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، بۇكىل پارتياعا، بۇكىل ارمياعا، بۇكىل ەلدەگى ءار ۇلت حالقىنا باسشىلىق ەتىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن ويداعىداي جۇرگىزىپ، كەلەلى ستراتەگيالىق تابىستارعا قول جەتكىزدى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋدە بەلسەندى تابىستارعا قول جەتكىزىپ، جۇڭگو كوممۋنيستىك پارتياسىنىڭ باسشىلىعىنىڭ جانە جۇڭگوشا سوتسياليستىك ءتۇزىمنىڭ كورنەكتى ابزالدىلىعىن تولىق ايگىلەدى، جۇڭگو كۇشىن، جۇڭگو رۋحىن، جۇڭگو ونىمدىلىگىن ايگىلەدى. ساياسي كەڭەس ۇيىمدارى مەن ساياسي كەڭەس مۇشەلەرى ىندەتپەن شايقاس جۇرگىزۋگە بەلسەنە ات سالىسىپ، جاۋاپكەرشىلىك ارقالاۋدى ايگىلەدى.

  ءماجىلىس مىنالاردى باسا دارىپتەدى: بيىل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن جىل، ”13 - بەسجىلدىق“ جوبانى اتقارۋ اياقتالاتىن جىل، كەدەيلىكتەن ارىلتۋدان قامال الۋ شەشۋشى شايقاسىن جۇرگىزەتىن جىل. كەزەكتە الەمدىك ىندەت جاعدايى مەن دۇنيە ءجۇزى ەكونوميكاسىنىڭ جاعدايى ءالى دە اۋىر، كۇردەلى، ەلىمىزدىڭ دامۋى بۇرىن بولىپ كورىلمەگەن سايىسقا ءدوپ كەلىپ وتىر. باس شۋجي شي جينپيڭ ەكونوميكا سالاسىنداعى مۇشەلەردىڭ بىرىككەن گرۋپپا ماجىلىسىندە ماڭىزدى ءسوز سويلەپ، ەل ءىشى جانە حالىقارا سىندى ەكى ۇلكەن جاعدايدى تياناق ەتىپ، ەلىمىز ەكونوميكاسىنىڭ ورنىقتىلىق بارىسىندا جاقسارعان، ۇزاق ۋاقىت جاقسارۋعا بەت العان دامۋ اۋقىمىن ىشكەرىلەي بايانداپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ، جاپپاي دوڭگەلەك داۋلەتتى قوعام ورناتۋ، ەكونوميكالىق، قوعامدىق دامۋ قىزمەتتەرىن ويداعىداي ىستەۋ جونىندە ايقىن تالاپتار قويدى، مۇنىڭ ماڭىزدى جەتەكشىلىك ءمانى بار، ءسوزسىز، مۇقيات دايەكتىلەندىرىپ، تياناقتاندىرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، سەنىمدى، بەكىمدى بەرىكتەپ، تومەنگى شەكتە ويلاۋدى كۇشەيتىپ، فورماشىلدىققا، تورەشىلدىككە قارسى تۇرىپ، ءبىرشاما ۇزاق ۋاقىت سىرتقى ورتانىڭ وزگەرىسىنە توتەپ بەرۋدىڭ يدەيالىق دايىندىعى مەن قىزمەت دايىندىعىن جاقسى ىستەۋ، داعدارىس بارىسىندا جاڭا وراي جەتىلدىرىپ، وزگەرىس بارىسىندا جاڭا جاعداي اشۋ كەرەك. رەفورما جاساۋدى، ەسىك اشۋدى تەرەڭدەتىپ، ىشكى سۇرانىستى كەڭەيتۋ ستراتەگياسى مەن جاڭالىق اشۋ ارقىلى دامۋعا قوزعاۋشىلىق ەتۋ ستراتەگياسىن اتقارۋ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى سياقتى سالالارداعى قىزمەتتەردى ىلگەرىلەتۋ كەرەك. ءۇش ءىرى قامال الۋ شايقاسىن ويداعىداي جۇرگىزىپ، ”14 - بەسجىلدىق“ دامۋدى جوبالاپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، اۋىل شارۋاشىلىعىنىڭ نەگىزدىك ورنىن بەكەمدەپ، الەۋمەتتىك دەنساۋلىق ساقتاۋ جۇيەسى مەن شۇعىل جاعدايعا توتەپ بەرۋ - باسقارۋ جۇيەسىن اقاۋسىزداندىرىپ، قوعامدىق جونگە سالۋ قابىلەتىن جوعارىلاتىپ، جۇمىستانۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، قارتتاردى كۇتىمدەۋ، ازىق - تۇلىك حاۋىپسىزدىگى سياقتى ماسەلەلەردى كۇش سالا شەشۋ كەرەك. حالىق ساياسي كەڭەسى مىندەت وتەۋ فورماسىندا جاڭالىق اشىپ، مىندەت وتەۋ قۋاتىن كۇشەيتىپ، ىندەتتەن ساقتانۋ - تىزگىندەۋدى ۇدايىلاندىرۋ شارتى استىندا ەكونوميكانىڭ دامۋى مەن قوعام ورنىقتىلىعى كەلەلى جاعدايىن قورعاۋ ءۇشىن ۇكىمەت ىسىنە ورەلى اقىل - كەڭەس بەرىپ، كەڭ كولەمدى ورتاق تانىم قالىپتاستىرۋ كەرەك.

  ءماجىلىس مىنالاردى باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ قۋاتتى وڭ ەنەرگيا توپتاۋدى قاجەت ەتەدى. جاڭاشا ساياسي پارتيا ءتۇزىمىنىڭ ابزالدىلىعىن ساۋلەلەندىرىپ، پارتيانىڭ ۇلت ساياساتى مەن ءدىن ساياساتىن دايەكتىلەندىرىپ، پارتيا سىرتىنداعى زيالىلار، جالپىلىق مەنشىككە جاتپايتىن شارۋاشىلىق قايراتكەرلەرى، جاڭا قوعامدىق جىك قايراتكەرلەرى سياقتىلارمەن بايلانىس جاساۋدى كۇشەيتۋ كەرەك. ”بىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي دۇرىس دايەكتىلەندىرىپ، مەملەكەت تۇرعىسىنان شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - ءتۇزىمى مەن اتقارۋ مەحانيزمىن ورناتۋ جانە كەمەلدەندىرۋدى باتىل قولداپ، ەرەكشە اكىمشىلىك رايون ۇكىمەتى مەن اكىمىنىڭ زاڭ بويىنشا بيلىك جۇرگىزۋىن قولداپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن قورعاۋ كەرەك. ءبىر جۇڭگو پرينسيبىن ايگىلەيتىن ”92 - جىلعى ورتاق تانىمعا“ تاباندى بولىپ، مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاپ، ”تايۋان دەربەستىگىنە“ باتىل قارسى تۇرۋ كەرەك. شەتەلدەگى چياۋمين باۋىرلاستارمەن كەڭ كولەمدە ىنتىماقتاسۋ كەرەك، شەتەلدەرمەن دوستىق بارىس - كەلىستى ورىستەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

  ءماجىلىس مىنالاردى باسا دارىپتەدى: جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى مەن ورتالىقتىڭ ساياسي كەڭەس قىزمەت ءماجىلىسىنىڭ ورنالاستىرۋلارىن ىشكەرىلەي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، ارناۋلى كەڭەسۋ قۇرىلىمى قۇرىلىسىن كۇشەيتىپ، مۇشەلەردىڭ جاۋاپكەرشىلىكتى ارقالاۋىن كۇشەيتىپ، حالىق ساياسي كەڭەسىنىڭ پارتيانىڭ ءتۇرلى قىزمەتتەرگە باسشىلىعىنا تاباندى بولاتىن جانە ونى كۇشەيتەتىن ماڭىزدى شەپكە، پارتيانىڭ جاسامپاز نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىراتىن، تاربيەلەيتىن، جەتەكتەيتىن ماڭىزدى تەكشەگە، ورتاق يدەيالىق ساياسي نەگىزدە قايشىلىقتى جوياتىن جانە ورتاق تانىم ۇيىستىراتىن ماڭىزدى ارناعا اينالۋىن ونان ارى ىلگەرىلەتىپ، مەملەكەتتى جونگە سالۋ جۇيەسىندەگى رولىن اناعۇرلىم ويداعىداي ساۋلەلەندىرۋ كەرەك.

  ءماجىلىس مىنانى ۇندەدى: حالىق ساياسي كەڭەسىنىڭ ءار دارەجەلى ۇيىمدارى، قاتىناسقان ورىندارى جانە قالىڭ ساياسي كەڭەس مۇشەلەرى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قىزمەتتى تىڭعىلىقتى ىستەپ، قايراتتانا العا ۇمتىلىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جاساۋى كەرەك!

  (شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى)

  (قاۋلىنى مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ حاتشىلار باسقارماسى اۋدارتىپ بەرگەن)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.