تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 13 - كەزەكتى كوميتەتى 3 - ءماجىلىسىنىڭ ۇسىنىس جوبالارىن تەكسەرۋ احۋالى جونىندەگى بايانداماسى

(ساياسي كەڭەس 13 - كەزەكتى مەملەكەتتىك كوميتەتىنىڭ 3 - ماجىلىسىندە 2020 - جىلى 5 - ايدىڭ 27 - كۇنى ماقۇلداندى)

  ساياسي كەڭەس 13 - كەزەكتى كوميتەتىنىڭ 3 - ءماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار مەن ساياسي كەڭەستىڭ ارناۋلى كوميتەتتەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا مەن مەملەكەتتىڭ وزەكتى قىزمەتى، حالىق بۇقاراسى جاپپاي كوڭىل ءبولىپ وتىرعان ماسەلەلەر سياقتىلاردى مىقتاپ ارقاۋ ەتىپ ۇسىنىس جوبا قويىپ، زەيىن - زەردەنى، كۇش - قۋاتتى ۇيىستىرىپ، اقىل - كەڭەس بەردى.

  5 - ايدىڭ 22 - كۇنى ساعات 20عا دەيىن جيىنى 5709 نۇسقا ۇسىنىس جوبا تاپسىرىپ الىندى. «ۇسىنىس جوبا قىزمەت ەرەجەسى» مەن «ۇسىنىس جوبالاردى تەكسەرۋ قىزمەتىنىڭ ەگجەي - تەگجەيلى ەرەجەسىنە» نەگىزدەلىپ، تەكسەرۋ ارقىلى تىزىمگە الىنعان ۇسىنىس جوبا 4849 نۇسقا، بىرىكتىرىپ ءبىر جايلى ەتىلگەن ۇسىنىس جوبا 118 نۇسقا، ۇسىنىس جانە پىكىرگە اينالعان ۇسىنىس جوبا 742 نۇسقا بولدى. تىزىمگە الىنعان ۇسىنىس جوبادا مۇشەلەر جەكە نەمەسە بىرلەسىپ ۇسىنعان ۇسىنىس جوبا 4387 نۇسقا بولىپ، %90.47ىن ۇستادى؛ ءارقايسى دەموكراتيالىق پارتيا - توپتار، حالىقتىق ۇيىمدار جانە سالالار، مۇشەلەر گرۋپپالارى سياقتىلار ۇسىنعان ۇسىنىس جوبا 462 نۇسقا بولىپ، %9.53ىن ۇستادى.

  تىزىمگە الىنعان ۇسىنىس جوبالاردىڭ ىشىندە ەكونوميكالىق قۇرىلىس جاعىنداعى ۇسىنىس جوبا 1858 نۇسقا بولىپ، جالپى ساننىڭ %38.32ىن ۇستادى؛ ساياسي قۇرىلىس جاعىنداعى ۇسىنىس جوبا 536 نۇسقا بولىپ، %11.05ىن ۇستادى؛ مادەنيەت قۇرىلىسى جاعىنداعى ۇسىنىس جوبا 404 نۇسقا بولىپ، %8.33ىن ۇستادى؛ قوعامدىق قۇرىلىس جاعىنداعى ۇسىنىس جوبا 1550 نۇسقا بولىپ، %31.97ىن ۇستادى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 355 نۇسقا بولىپ، %7.32ىن ۇستادى؛ باسقا جاقتارداعى ۇسىنىس جوبالار 146 نۇسقا بولىپ، %3.01ىن ۇستادى.

  وسى رەتكى ماجىلىستەگى ۇسىنىس جوبالار تومەندەگىدەي ەرەكشەلىككە يە: ءبىرىنشى، مۇشەلەردىڭ قاتىناسۋ مولشەرى جوعارى بولىپ، سالالاردىڭ ۇسىنىس جوبا سانى كورنەكتى ارتتى. جيىنى 1944 مۇشە ۇسىنىس جوبا ۇسىنىپ، مۇشەلەردىڭ جالپى سانىنىڭ %90.38ىن ۇستادى، سالالاردىڭ ۇسىنىس جوبالارى 2 - ماجىلىستەگىدەن 1.6 ەسە ارتىپ، مۇشەلەردىڭ ۇسىنىس جوبا ارقىلى مىندەتىن اتقارىپ، جاۋاپكەرشىلىگىن وتەۋ قىزعىندىلىعى ايگىلەندى. ەكىنشى، ۇسىنىس جوبالاردىڭ جالپى تۇلعالىق ساپاسى كورنەكتى جوعارىلاپ، تاقىرىپ تاڭداۋدا اناعۇرلىم شوعىرلى، تەكسەرۋ - زەرتتەۋى اناعۇرلىم تەرەڭ بولدى، پىكىر - ۇسىنىستاردىڭ عىلميلىعى، اتقارىلارلىعى كورنەكتى كۇشەيدى. ءۇشىنشى، ۇسىنىس جوبالاردىڭ مازمۇنىنىڭ شوعىرلانۋ مولشەرى جوعارى بولدى، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋ نىساناسىن ورىنداۋدىڭ قوس جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانا - مىندەتتەرىن ورىنداۋعا شىنايى كەپىلدىك ەتۋ، جاپپاي دوڭگەلەك داۋلەتتى قوعام ورناتۋ، حالىق شارۋاشىلىعى مەن قوعامدىق دامۋدىڭ ”14 - بەسجىلدىق“ جوباسىن جاساۋ، مەملەكەت حاۋىپسىزدىگىن قورعاۋ، ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ سياقتى ماسەلەلەردى ارقاۋ ەتىپ، جەكە - جەكە 699 نۇسقا، 528 نۇسقا، 666 نۇسقا، 487 نۇسقا، 308 نۇسقا ۇسىنىس جوبا قويدى. ءتورتىنشى، ينتەرنەت ارقىلى ۇسىنعان ۇسىنىس جوبالاردىڭ سانى ارتىپ، جالپى ۇسىنىس جوبا سانىندا ۇستاعان مولشەرى %92.68كە جەتتى، مۇندا مۇشەلەردىڭ جىلجىمالى مىندەت وتەۋ تەكشەسى ارقىلى ۇسىنعانى 2140 نۇسقاعا جەتتى.

  ءماجىلىس جابىلعاننان كەيىن، ۇسىنىس جوبالار اتقارۋعا جاۋاپتى ورىنداردىڭ ءبىر جايلى ەتۋىنە تاپسىرىلادى. بۇل رەتكى ءماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالار تەكسەرىپ ەستەلىككە الىنعاننان كەيىن، ءماجىلىس جابىلعان مەزگىلدەگى ۇسىنىس جوبا رەتىندە ۇسىنىس جوبانى اتقارۋعا جاۋاپتى ورىنداردىڭ ءبىر جايلى ەتۋىنە دەر كەزىندە تاپسىرىلادى.

  جوعارىداعى باياندامانى قاراپ شىعۋلارىڭىزدى سۇرايمىن.

  (شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.