تيانشان تورى   ›   جاڭالىقتار   ›   ەل ءىشى حابارى

مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ جابىلۋ جيىنىندا سويلەنگەن ءسوز

(2020 - جىلى 5 - ايدىڭ 27 - كۇنى)

ۋاڭ ياڭ

  مۇشەلەر، جولداستار:

  جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 3 - ءماجىلىسى ءتۇرلى كەڭەستىك تارتىپتەرىن تولىق ورىنداپ، جەڭىسپەن جابىلۋ الدىندا تۇر.

  بۇل رەتكى ءماجىلىس ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ توسقاۋىل شايقاسى كەلەلى ستراتەگيالىق جەتىستىككە قول جەتكىزىپ، جاپپاي دوڭگەلەك داۋلەتتى قوعام ورناتۋ شەشۋشى شايقاستىڭ شەشۋشى جەڭىسىنە جەتۋ كەزەڭىنە وتكەن ماڭىزدى ساتتە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن مەملەكەت ءىسىن بىرگە اقىلداستى. ءماجىلىس مەرزىمى قىسقارىپ، جۇمىس ريتىمى تەزدەگەن، مىندەت اناعۇرلىم اۋىر بولعان جاعدايدا، بارلىق مۇشەلەر جوعارى ولشەمگە، جوعارى تالاپقا، جوعارى ونىمدىلىككە تاباندى بولىپ، حۇجاتتاردى مۇقيات قاراپ، ىشكەرىلەي كەڭەسىپ، پىكىرلەسىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋدى، شەشۋشى شايقاستىڭ شەشۋشى جەڭىسىنە جەتۋ نىسانالارىن، مىندەتتەرىن تياناقتاندىرۋدى ارقاۋ ەتىپ، ۇكىمەت ىسىنە بەلسەندى تۇردە كەڭەس بەرىپ، كەڭ ورتاق تانىم ۇيىستىرىپ، ارناۋلى كەڭەستىك قۇرىلىمنىڭ مەملەكەتتى جونگە سالۋ جۇيەسىندەگى ماڭىزدى رولىن تولىق ايگىلەدى، ءماجىلىس دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس بولدى.

  بيىل ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ جىلى ءارى جۇڭحۋا ۇلتىنىڭ ۇلى گۇلدەنۋ ساپارىنداعى توتەنشە وزگەشە ءبىر جىل. حالىق ساياسي كەڭەسى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى جانە دۇنيە ءجۇزىنىڭ 100 جىلدا بولماعان ءىرى وزگەرىس جاعدايى سىندى ”ەكى ۇلكەن جاعدايدى“ كوكەيدە ساقتاپ، ناقتى ارەكەتىمەن جانە مىندەت اتقارۋدىڭ ناقتى ناتيجەسىمەن پارتيا مەن مەملەكەتتىڭ وزەكتى قىزمەتىنە قىزمەت وتەۋدە تولىمدى جاۋاپ بەرۋ كەرەك.

  − ءبىز ىندەتكە قارسى اتتانۋ ۇلى كۇرەسىنەن كۇش الىپ، سەنىمدى بەكەمدەۋىمىز كەرەك. ەل ءىشى مەن حالىقاراعا نازار سالىپ، بۇرىنعى مەن بۇگىنگە جالپىلاي كوز جىبەرسەك، بۇل رەتكى جالپى ادامزات ءدوپ كەلگەن ورتاق داعدارىس پەن كەلەلى كۇرەستە، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا ءبىز جالپى حالىق بولىپ اتتانىسقا كەلىپ، بۇكىل مەملەكەت بويىنشا شەپكە اتتانىپ، ەرلىكپەن شايقاس جۇرگىزۋ ارقىلى ادامزاتتىڭ جۇقپالى اۋرۋمەن كۇرەسۋ تاريحىندا قاھارماندىق تاراۋ جازدىق. حالىق ساياسي كەڭەسىنە قاتىناسقان ءارقايسى پارتيا - توپتار، ۇيىمدار، ءار ۇلت، ءار سالا قايراتكەرلەرى ىندەتكە قارسى اتتانۋدىڭ ماشاقاتتى دا ەرەن كۇرەسىنە ات سالىسىپ، جۇڭگو كوممۋنيستىك پارتياسىنىڭ اۋەلگى ماقساتى، بورىشى جانە حالىقتى وزەك ەتكەن بيلىك جۇرگىزۋ ۇستانىمى جونىندە، جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ ابزالدىلىعى جونىندە، مەملەكەتىمىزدىڭ جالپىلىق قۋاتى جانە بەرىك ماتەريالدىق - تەحنيكالىق نەگىزى جونىندە اناعۇرلىم جان - جاقتى، تەرەڭ اسەرگە جانە تانىمعا يە بولدى. ءبىز ىشكەرىلەگەن تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءار ۇلت حالقىنىڭ ۇلى ىنتىماعىن ۇزدىكسىز نىعايتىپ، حاۋىپ - قاتەر، سىن - سايىسقا توتەپ بەرۋدىڭ يدەيالىق دايىندىعىن جانە قىزمەت دايىندىعىن تولىق، ويداعىداي ىستەپ، شوگەلدىكپەن بەرىلە ىستەپ، تىنباي كۇرەس جۇرگىزسەك بولعانى، ءارقانداي قيىندىقتاردى، قاتەرلەر مەن بوگەتتەردى، ءسوزسىز، جەڭىپ شىعا الامىز.

  − نىسانا - مىندەتتەرمەن تىعىز بايلانىستىرا وتىرىپ مىندەت اتقارۋ قابىلەتىن جوعارىلاتىپ، قىزمەتتىڭ ناقتى ونىمدىلىگىن كۇشەيتۋىمىز كەرەك. جاعداي نەعۇرلىم كۇردەلى، مىندەت نەعۇرلىم ماشاقاتتى بولعان سايىن، حالىق ساياسي كەڭەسى ستيلدىڭ شىنايىلىعى مەن مىندەت اتقارۋعا قابىلەتتىلىكتى سولعۇرلىم ويداعىداي بىرلەستىرۋى، فورماشىلدىقتان، تورەشىلدىكتەن ساقتانىپ جانە ونى جويىپ، ۇكىمەت ىسىنە تارتىمدى كەڭەس بەرۋگە، ورتاق تانىمدى ءونىمدى ۇيىستىرۋعا قۇلشىنۋى كەرەك. قىزمەت ستيلىن ونان ارى جاقسارتىپ، ماسەلەنى باعدار ەتۋدى كۇشەيتىپ، ات ءۇستى ىستەيتىن، فورمانى دارىپتەيتىن ارەكەتتەرگە قارسى تۇرىپ، ءۇستىرت تەكسەرۋ - زەرتتەۋدەن اۋلاق بولىپ، كوپىرمەلىكتەن، لەپىرمەلىكتەن باتىل ساقتانىپ، تاماشا ستيلمەن مىندەت اتقارۋدىڭ ناتيجەسىنە كەپىلدىك ەتۋ كەرەك. مىندەت اتقارۋ قابىلەتىن جوعارىلاتىپ، ارناۋلى كەڭەس قۇرىلىمىنىڭ تولىمدى مۇشەسى بولۋداعى نەگىزدىك قابىلەتتى كۇشەيتىپ، كوپ كىتاپ وقىپ، جاقسى كىتاپ وقىپ، كىتاپ وقۋعا شەبەر بولىپ، ساياسي كەڭەس قىزمەتىنىڭ زاڭدىلىعى مەن كەڭەسۋ ادىستەرىنىڭ ماڭىزىن ىشكەرىلەي يگەرىپ، ينتەرنەت، ۇلكەن ساندى مالىمەت سياقتى مىندەت اتقارۋدىڭ وسى زامانعى تاسىلدەرىنەن شەبەرلىكپەن پايدالانىپ، ۇكىمەت ىسىنە كەڭەس بەرۋدەگى بولجامپازدىقتى، دالدىكتى كۇشەيتىپ، ورتاق تانىم ۇيىستىرۋدىڭ باعىتتامالىلىعىن، ونىمدىلىگىن جوعارىلاتىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ، جاپپاي دوڭگەلەك داۋلەتتى قوعام ورناتۋ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرۋ، ”14 - بەسجىلدىق“ مەزگىلدەگى دامۋ سياقتىلاردى جوسپارلاۋ قاتارلىلارعا جۇرتتىڭ تىلەگى مەن كۇشىن كەڭىنەن توپتاۋ كەرەك.

  − ءبىز جۇڭگو ۇلگىسىندەگى دەموكراتيانى اتقارۋدا رولىمىزدى ساۋلەلەندىرىپ، ۇلەس قوسۋىمىز كەرەك. باس شۋجي شي جينپيڭ ورتالىقتىڭ ساياسي كەڭەس قىزمەت ماجىلىسىندە حالىق ساياسي كەڭەس ءتۇزىمىنىڭ كوپ جاقتاعى وزگەشە ابزالدىلىعىن تۇراقتاندىرىپ، جۇڭگو ۇلگىسىندەگى دەموكراتيانىڭ جۇڭگودا ىسكە اساتىندىعىن، اسا يقۋاتتى ەكەندىگىن باسا دارىپتەدى. جۇڭگو كوممۋنيستىك پارتياسىنىڭ باسشىلىعىنداعى ساياسي ۇيىم جانە دەموكراتيا فورماسى رەتىندە، حالىق ساياسي كەڭەسى سوتسياليستىك كەڭەستىك دەموكراتيا ابزالدىلىعىنان پايدالانىپ، ءارقايسى پارتيا - توپتار، ۇيىمدار مەن ءار ۇلت، ءار سالا قايراتكەرلەرىن مەملەكەت ءىسىن بىرگە اقىلداسۋعا، ۇكىمەت ىسىنە كەڭەس بەرۋگە، ورتاق تانىم ۇيىستىرۋعا ءونىمدى تۇردە ۇيىمداستىرادى، بۇل جۇڭگو كوممۋنيستىك پارتياسىنىڭ باسشىلىعىنا تاباندى بولۋ مەن كوپ پارتيا - توپتىڭ سەلبەستىگىن ورگانيكالى بىرلىككە كەلتىرۋگە ءتيىمدى، دەموكراتيانى تولىق ساۋلەلەندىرۋ مەن شوعىرلى، ءتارتىپتى تۇردە ساياسيعا قاتىناسۋدى دۇرىس جولعا قويۋدى ورگانيكالى بىرلىككە كەلتىرۋگە ءتيىمدى، ىنتىماقتى شىنايى نىعايتۋ مەن قىزمەتتەردىڭ تياناقتانۋىن ىلگەرىلەتۋدى ورگانيكالى بىرلىككە كەلتىرۋگە ءتيىمدى. بۇل جۇڭگو قوعامىنىڭ توپىراعىنا تامىر تارتقان ءبىر ءتۇرلى ناقتى، سىندارلى حالىق دەموكراتياسى. جۇڭگو ۇلگىسىندەگى دەموكراتيانىڭ ەرەكشەلىگى مەن ابزالدىلىعى مەملەكەتتى جونگە سالۋدا ماڭىزدى رول اتقاردى. ءبىز حالىق ساياسي كەڭەسىنىڭ ارناۋلى كەڭەستىك قۇرىلىم رەتىندەگى تۇزىمدىك ونىمدىلىگىن جوعارىلاتىپ، ورتاق يدەيالىق - ساياسي نەگىزگە، ورتاق ماقسات - تالپىنىسقا، ورتاق ءتۇبىرلى مۇددەگە يە ساياسي ورتاق تۇلعا قۇرىلىسىن ىلگەرىلەتىپ، مەملەكەتتى جونگە سالۋعا اناعۇرلىم ويداعىداي دەمەۋشى كۇش قوسىپ، بىرىككەن كۇش ۇستەۋىمىز كەرەك.

  مۇشەلەر! ءبىرىنشى 100 جىلدىق كۇرەس نىساناسىنىڭ جۇزەگە اسۋىنا، ەكىنشى 100 جىلدىق كۇرەس نىساناسىنىڭ جاڭا ساپارىنىڭ باستالۋىنا كۋا بولۋ جانە وعان ات سالىسۋ ومىردە وڭاي قولعا كەلمەيتىن وراي. ورايدى قاستەرلەپ، ءداۋىردىڭ ۇددەسىنەن شىعىپ، مەملەكەت ءۇشىن مىندەت اتقارىپ، حالىق ءۇشىن جاۋاپكەرشىلىك وتەۋىمىز كەرەك. ءبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەت، ءبىر تىلەكتە بولىپ ءورىس اشا العا ۇمتىلىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزەيىك!

  (شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.