تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ باياندامالارىن جانە قاتىستى قاۋلى جوبالاردى قارادى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، لي ياڭ 5 - ايدىڭ 27 - كۇنى بەيجيڭنەن حابارلايدى. 5 - ايدىڭ 27 - كۇنى تۇستەن بۇرىن جانە تۇستەن كەيىن، 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن اشىپ، باس شۋجي شي جينپيڭنىڭ ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن ۇزدىكسىز قارادى، ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ جونىندەگى 3 قاۋلى جوبانى قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى.

  ۋاكىلدەر بىلاي دەپ قارادى: 2019 - جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن ادالدىقپەن وتەپ، تىنىش جۇڭگو، زاڭمەن جونگە سالىناتىن جۇڭگو قۇرىلىسىنا كۇش سالا ات سالىسىپ، حالىقتىڭ باقىلاۋىن سانالى تۇردە قابىلداپ، اۋەلگى ماقساتتى شىڭداپ، قيىندىقتان تايسالماي العا ۇمتىلىپ، شوگەلدىكپەن ىستەپ، ەكونوميكالىق، قوعامدىق دامۋعا پارمەندى ءادىليالىق قىزمەت وتەدى جانە قامتاماسىز ەتتى. ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن قۇپتايمىز.

  جاڭ شين، رۋقيا ءماتسايدى، لياۋ چاۋياڭ، ادالەت ازەز قاتارلى ۋاكىلدەر بىلاي دەپ قارادى: حالىق سوتى مەكەمەسى ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ءادىليالىق توتەپ بەرۋدى ويداعىداي ىستەپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن زاڭ بويىنشا قامتاماسىز ەتىپ، ءادىليانىڭ دامۋدى جەبەۋ، مەجەنى ورنىقتىرۋ، حالىق تۇرمىسىن قامتاماسىزداندىرۋ رولىن تولىق ساۋلەلەندىرىپ، مەملەكەتتىڭ كاسىپورىندارعا تيىمدىلىك جاساۋ ساياساتىنىڭ ءونىمدى تياناقتانۋىن زاڭ بويىنشا قامتاماسىز ەتىپ، ”التىنى ورنىقتىرۋ“ قىزمەتىن جاقسى ىستەۋگە، ”التىنى قامتاماسىز ەتۋ“ مىندەتىن تياناقتاندىرۋعا، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە، جاپپاي دوڭگەلەك داۋلەتتى قوعام ورناتۋعا دالمە - ءدال قىزمەت وتەۋى كەرەك.

  ءمامتىمىن قادىر، ءورنيسا قادىر، لي بين قاتارلى ۋاكىلدەر مىنانى ۇسىنس ەتتى: كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ نىسانا - مىندەتتەرىمەن تىعىز بايلانىستىرىپ، اۋىل شارۋاشىلىعى، اۋىل - قىستاق، شارۋالار سالاسىنداعى ءتۇرلى قىلمىستاردى قاتاڭ جازالاپ، تۇتىنۋ ارقىلى كەدەيلەردى سۇيەمەلدەۋدى، جۇمىستاندىرۋ ارقىلى كەدەيلەردى سۇيەمەلدەۋدى، كاسىپ سالاسى ارقىلى كەدەيلەردى سۇيەمەلدەۋدى ءادىليالىق جاقتان قامتاماسىز ەتۋدى كۇشەيتىپ، فينانس، قورشاعان ورتا، بايلىق سياقتى سالالارداعى دەلولارعا قاتىستى تەرگەۋدى كۇشەيتىپ، ءۇش ءىرى قامال الۋ شايقاسىن جاقسى جۇرگىزۋگە پارمەندى ءادىليالىق قىزمەت وتەپ، اناعۇرلىم ورنىقتى، ءادىل، جاريا، مەجەلى زاڭمەن جونگە سالىناتىن شارۋاشىلىق - ساۋدا ورتاسىن بەلسەنە قالىپتاستىرۋ كەرەك.

  پۋربا تۇگجەجاپ، جاۋ جينلۇڭ، ادىل ابدىرازاق، مۇقيات جارمۇقامەت قاتارلى ۋاكىلدەر بىلاي دەپ قارادى: پروكۋراتۋرا ورگاندارى كەلەلى جاعدايعا قىزمەت وتەۋدى پروكۋراتۋرالىق مىندەت وتەۋدەگى ەڭ ماڭىزدى بورىش ساناپ، نازاردى جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىنە شوعىرلاندىرىپ، ”التىنى ورنىقتىرۋعا“، ”التىنى قامتاماسىز ەتۋگە“ ىرىقتىلىقپەن قىزمەت وتەپ، ىندەتتىڭ ەكونوميكالىق، قوعامدىق دامۋعا ىقپالىن ەڭ تومەنگى شەككە تۇسىرۋگە دەم بەرۋى كەرەك. ىندەتتەن ساقتانۋعا زيان كەلتىرەتىن، جابايى حايۋاناتتاردى زاڭسىز تۇردە اۋلاۋ - ءولتىرۋ جانە ساۋدالاۋ سياقتى قىلمىستاردى قاتاڭ جازالاۋدى ۇسىنامىز.

  شۇي تاۋ، نياز اشىم، ريزا باعداۋلەت، لاچين بايكا قاتارلى ۋاكىلدەر بىلاي دەدى: پروكۋراتۋرا قىزمەتىنىڭ نەگىزگى ساتىداعى نەگىزىن ءالى دە كۇش سالا نىعايتۋ قاجەت. جاڭا داۋىردەگى ”فىڭچياۋ تاجىريبەسىنە“ باستان - اياق تاباندى بولىپ، قالا ءوڭىرىنىڭ قوعامىن جونگە سالۋعا بەلسەنە ات سالىسۋ؛ الەۋمەتتىك ارىز - شاعىم پروكۋرورلىق قىزمەتىن ارناعا ءتۇسىرىپ، ءوندىرىس حاۋىپسىزدىگى، الەۋمەتتىك دەنساۋلىق ساقتاۋ، ايەلدەر مەن بالالاردىڭ ۇقىق - مۇددەسىن قورعاۋ، ينتەرنەتتىك زيانكەستىك، كەدەيلەردى سۇيەمەلدەۋ سياقتى سالالارداعى الەۋمەتتىك مۇددەگە زيان جەتكىزۋ دەلولارىن بەلسەندى، ورنىقتى تۇردە ءبىتىرۋ كەرەك.

  قاراۋ بارىسىندا ۋاكىلدەر ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ جونىندەگى ءۇش قاۋلى جوبانى قۇپتايتىندىقتارىن ءبىلدىردى.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي، جۋ حايلۇن، ابدۇرىقىپ ءتومۇرنياز قاتارلىلار جيىنعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.