− مەملەكەتتىك ساياسي كەڭەس 13 - كەزەكتى كوميتەتى 3 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
ءبىر نيەت، ءبىر تىلەكپەن جاقسى شارا قاراستىرىپ، كوپ بولىپ اقىل قوسىپ، كۇش سالىپ دامۋدى جەبەدى. 5 - ايدىڭ 27 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 3 - ءماجىلىسى ءتۇرلى كەڭەستىك تارتىپتەرىن تولىق ورىنداپ، بەيجيڭدە جەڭىسپەن جابىلدى. ءبىز ءماجىلىستىڭ تابىستى بولعاندىعىن قىزۋ قۇتتىقتايمىز!
جاڭا تيپتى ايدارشا ۆيرۋس وكپە قابىنۋى ىندەتىنەن ساقتانۋ - تىزگىندەۋدى ۇدايىلاندىرۋ جاعدايىندا اشىلعان وسى رەتكى ءماجىلىس دەموكراتيالى، ىنتىماقتى، شىندىققا تالپىنعان، ەكپىندەي العا ىلگەرىلەگەن ءماجىلىس، سەنىمدى ارتتىرعان، جاۋىنگەرلىك جىگەردى تاسقىنداتقان ءماجىلىس بولدى. ءماجىلىس كەزىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى مۇشەلەر گرۋپپاسىنا ىشكەرىلەي باردى ءارى بىرىككەن گرۋپپا جيىنىنا قاتىناسىپ، پىكىر جانە ۇسىنىستاردى تىڭداپ، مۇشەلەرمەن مەملەكەت ءىسىن بىرگە اقىلداسىپ، بىرگە جاقسى شارا قاراستىردى. قالىڭ ساياسي كەڭەس مۇشەلەرى اۋەلگى ماقساتتى، بورىشتى ەستە بەرىك ساقتاپ، مىندەتتەرىن تىڭعىلىقتى وتەپ، جاۋاپكەرشىلىكتەرىن ادا ەتىپ، ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن، ۇسىنىس جوبا قىزمەتىنىڭ احۋالى تۋرالى باياندامانى تىڭدادى جانە قارادى، 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداپ جانە تالقىلاپ، ازاماتتىق زاڭناما جوباسىن، ت. ب ىشكەرىلەي تالقىلاپ، قۇپتايتىندىقتارىن ءبىلدىردى ءارى پىكىر - ۇسىنىستارىن العا قويدى، كوپشىلىك مەملەكەت دەڭگەيىندە شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - ءتۇزىمى مەن اتقارۋ مەحانيزمىن ورناتۋعا جانە كەمەلدەندىرۋگە ءبىر اۋىزدان قوسىلدى جانە قولدادى. ءماجىلىستىڭ سالتى دۇرىس، ستيلى پاك، تابىسى قوماقتى بولدى، مۇشەلەر قىزۋ تالقى جۇرگىزىپ، شىندىققا جۇگىنىپ، ناقتىلى ىستەر جايلى كەڭەسىپ، حالىق ساياسي كەڭەسىنىڭ ساياسي ۇيىم جانە دەموكراتيالىق فورما رەتىندەگى رولىن تولىق ساۋلەلەندىرىپ، سوتسياليستىك كەڭەستىك دەموكراتيانىڭ جالىندى كۇشى مەن ابزالدىلىعىن تولىق ايگىلەدى. ءماجىلىستىڭ جەڭىسپەن اشىلۋى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ نىسانا - مىندەتتەرىنىڭ ورىندالۋىنا، جاپپاي دوڭگەلەك داۋلەتتى قوعامنىڭ ورناۋىنا شىنايى كەپىلدىك ەتۋدى ىلگەرىلەتۋ ءۇشىن سەنىمدى كۇشەيتىپ، ورتاق تانىمدى ۇيىستىرىپ، كۇش - قايراتتى تاسقىنداتتى.
قيىن - قىستاۋ وتكەرىپ جاقسى كۇنگە جەتەسىڭ، ارمانعا قانات قاققاندا سان قيىندىق كەشەسىڭ. ۇزاق ۋاقىتتىق جاپالى ىزدەنىستىڭ جانە تالىقپاي قۇلشىنىستىڭ ارقاسىندا، ءبىز جاپپاي دوڭگەلەك داۋلەتتى قوعام ورناتۋدىڭ ۇلى جەڭىسىنە قول جەتكىزۋگە تايادىق. بۇل قايىسپاس قايسارلىقتىڭ، ۇزاق ۋاقىت ەرلىكپەن كۇرەس جاساۋدىڭ جەمىسى، ونان دا ماڭىزدىسى، جاڭا جورىققا جول الۋدىڭ، جەلكەن جايىپ تاعى دا اتتانۋدىڭ اتتانىسقا كەلتىرۋى بولىپ تابىلادى. العا باسقان ساپارىمىزدىڭ ءساتتى بولا بەرمەيتىندىگىن، نىساناعا تاياعان سايىن حاۋىپ - قاتەرگە، سىن - سايىستارعا تولى ەكەندىگىن ءبىز ابدەن بىلەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭگونىڭ قىسقا ۋاقىت ىشىندە ىندەت جاعدايىن پارمەندى تىزگىندەگەن ۇلى كۇرەس امالياتى جۇڭگو كوممۋنيستىك پارتياسى باسشىلىعىنىڭ جانە ەلىمىزدىڭ سوتسياليستىك ءتۇزىمىنىڭ، ەلىمىزدىڭ مەملەكەتتى جونگە سالۋ جۇيەسىنىڭ قۇدىرەتتى ومىرشەڭدىك كۇشكە جانە كورنەكتى ابزالدىلىققا يە ەكەندىگىن، ۇلى جۇڭگو حالقىنىڭ العا باسۋ جولىنداعى ءارقانداي جاپا - ماشاقاتتاردى جەڭە الاتىندىعىن ءارى ادامزات وركەنيەتىنىڭ العا باسۋىنا ەلەۋلى ۇلەس قوسا الاتىندىعىن تاعى ءبىر رەت دالەلدەدى. ءبىز بۇكىل ەلدەگى ءار ۇلت حالقىنىڭ جۇڭگو كوممۋنيستىك پارتياسىنىڭ توڭىرەگىنە تىعىز ىنتىماقتاسىپ، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليستىك ءتۇزىمنىڭ ابزالدىلىعىن ساۋلەلەندىرىپ، سەنىمدى بەكەمدەپ، ۇدەرە العا تارتىپ، باتىلدىقپەن كۇرەسكەندە، شەبەرلىكپەن كۇرەسكەندە عانا، ءسوز جوق، ءبىرىنشى 100 جىلدىق كۇرەس نىساناسىن جۇزەگە اسىرىپ، وسى ەكپىنمەن العا ۇمتىلىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي شەرۋ تارتاتىندىعىنا كامىل سەنەمىز.
كوپ بولىپ كۇش سالسا ورىندالمايتىن ءىس جوق، جالپى جۇرت جۇمىلسا جەڭىسكە جەتپەيتىن ءىس جوق. ۇلى ىنتىماققا، ۇلى بىرلىككە تاباندى بولىپ، ەڭ جوعارى شەكتە بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق اداممەن ىنتىماقتاسىپ، ۇلى ءىستى بىرگە ىسكە اسىراتىن قۋاتتى كۇشتى ۇيىستىرۋ − حالىق ساياسي كەڭەسىنىڭ قاسيەتتى بورىشى. حالىق ساياسي كەڭەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ، سونداي - اق ورتالىقتىڭ ساياسي كەڭەس قىزمەتى ءماجىلىسىنىڭ رۋحىن جاپپاي تياناقتاندىرىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ارناۋلى كەڭەس قۇرىلىمى ءتۇزىمىن كەمەلدەندىرىپ، ”قوس 100 جىلدىق“ كۇرەس نىساناسىن جۇزەگە اسىرۋعا قىزمەت ەتۋدى قىزمەتتىڭ نەگىزگى جەلىسى ەتىپ، حالىق ساياسي كەڭەسى ءتۇزىم ابزالدىلىعىن مەملەكەتتى جونگە سالۋ ونىمدىلىگىنە اينالدىرىپ، بەلسەندىلىكپەن ۇكىمەت ىسىنە اقىل - كەڭەس بەرىپ، كەڭىنەن ورتاق تانىم ۇيىستىرۋى كەرەك. دۇرىس ساياسي بەتالىستى مىقتاپ يگەرىپ، ءارقايسى پارتيا - توپتاردىڭ، ۇيىمداردىڭ جانە ءار ۇلت، ءار سالا قايراتكەرلەرىنىڭ جۇڭگو كوممۋنيستىك پارتياسىن جانە جۇڭگوشا سوتسياليزمدى ساياسي جاقتان شىنايى مويىنداۋىن، يدەيالىق جاقتان شىنايى مويىنداۋىن، نازاريالىق جاقتان شىنايى مويىنداۋىن، سانا - سەزىمدىك جاقتان شىنايى مويىنداۋىن كۇش سالا نىعايتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرەتىن پارمەندى شارالار مەن سانالى ارەكەتتە تياناقتاندىرۋ كەرەك. پارتيا مەن مەملەكەتتىڭ وزەكتى مىندەتىن ارقاۋ ەتىپ، مۇقياتتىلىقپەن مىندەت وتەپ، جاۋاپكەرشىلىكتى ادا ەتىپ، جالپى جاعدايدى كوزدە ۇستاپ، جالپى جاعدايدى تياناق ەتىپ، جالپى جاعدايعا قىزمەت ەتىپ، قىزمەت ستيلىن جاقسارتىپ، ىشكەرىلەي تەكسەرىپ - زەرتتەپ، شارا - ۇسىنىستاردىڭ كورەگەندىگىن، باعىتتامالىلىعىن، قولدانىلىمدىلىعىن كۇشەيتىپ، ءار سالاداعى بۇقارانى قازىرگى ەكونوميكالىق، قوعامدىق دامۋ ءدوپ كەلگەن قايشىلىقتارعا، حاۋىپ - قاتەرلەرگە جانە قيىنشىلىقتارعا، سىن - سايىستارعا ۇستامدىلىقپەن قاراۋعا، سەنىمدى جانە بەكىمدى بەكەمدەۋگە باستاۋ كەرەك. شەشىم جاساۋدان ىلگەرى جانە شەشىمدى اتقارۋ بارىسىندا كەڭەسۋدى تياناقتاندىرۋ مەحانيزمىن كەمەلدەندىرىپ، دارەجەسى ايقىن، سەپتەلۋى كەمەلدى، اينالىمى ىركىلىسسىز ساياسي كەڭەس ءماسليحات ءتۇزىمى ولشەمىن قالىپتاستىرۋ كەرەك. ساياسي كەڭەس مۇشەلەرىنىڭ جاۋاپكەرشىلىگىن كۇشەيتىپ، مۇشەلەردى بورىش تانىمىن كۇشەيتۋگە، ساياسي جاۋاپكەرشىلىك ارقالاۋعا تاربيەلەپ، جەتەكتەپ، ساياسي كەڭەس مۇشەلەرىنىڭ پارتياعا جانە حالىق ىستەرىنە قىزمەت ەتۋدە اقىل - پاراسات جانە كۇش - قۋات جاعىنان اناعۇرلىم ويداعىداي ۇلەس قوسۋىن ىلگەرىلەتۋ كەرەك.
نۇرلى بولاشاققا ايانباي كۇرەسكەندە جەتەسىڭ. ءبىر نيەتپەن جۇڭگو ارمانىن بىرگە قۇرىپ، جاڭا ءداۋىردىڭ جاڭا ۇزاق جورىعىندا قول ۇستاسا ەكپىندەي ىلگەرىلەۋدە حالىق ساياسي كەڭەسىنىڭ جاۋاپكەرشىلىگى اۋىر، بورىشى داڭقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن ۇيىسىپ، جۇدىرىقتاي جۇمىلىپ، ءسوزسىز، جەڭەتىن سەنىممەن، اسقاق كۇرەس جىگەرىمەن، تىڭعىلىقتى قۇلشىنىسپەن جاپپاي دوڭگەلەك داۋلەتتىڭ شەشۋشى جەڭىسىنە قول جەتكىزىپ، گۇلدەنۋ ۇلى ءىسىن بىرگە ىسكە اسىرايىق!
(شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى)
