لي كىچياڭ زۇڭلي تىلشىلەر ماجىلىسىنە قاتىناسادى
شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى 5 - ايدىڭ 28 - كۇنى تۇستەن بۇرىن ۋاكىلدەر گرۋپپا جيىنىن اشىپ، ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 6 قاۋلى جوبانى، ازاماتتىق زاڭناما جوباسىنىڭ داۋىسقا سالۋعا ۇسىنىلاتىن نۇسقاسىن، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرىن جانە ونى اتقارۋ مەحانيزمىن ورناتۋ، اقاۋسىزداندىرۋ جونىندەگى قارار جوباسىنىڭ ۇسىنىستىق داۋىسقا سالۋ نۇسقاسىن، مەملەكەتتىك حالىق قۇرىلتايى تۇراقتى كوميتەتىنىڭ فىڭ جۇڭحۋانىڭ 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەسى سياقتى قىزمەت مىندەتتەرىنەن بوساۋ ءوتىنىشىن قابىلداۋ قارارىن قارايدى، ءتوراعالار القاسىنىڭ ءتورتىنشى رەتكى ءماجىلىسىن اشادى.
5 - ايدىڭ 28 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى حالىق سارايىندا جابىلۋ جيىنىن وتكىزەدى.
جابىلۋ جيىنىنان كەيىن، مەملەكەتتىك كەڭەستىڭ زۇڭليى لي كىچياڭ حالىق سارايىنىڭ 3 - قاباتىنداعى جينسى زالىندا تىلشىلەر ماجىلىسىنە قاتىناسادى ءارى جۇڭگولىق، شەتەلدىك تىلشىلەردىڭ سۇراۋىنا جاۋاپ بەرەدى.