تيانشان تورى   ›   جاڭالىقتار   ›   شينجياڭ حابارلارى

باستان - اياق پارتيا مەن حالىق سەنىم ارتاتىن قاھارمان اسكەري ءبولىم بولامىز

− ءتوراعا شي جينپيڭنىڭ ازاتتىق ارميا مەن قارۋلى ساقشى اسكەري ءبولىم ۋاكىلدەر ۇيىرمەسىنىڭ جالپى جيىنىنا قاتىناسقانداعى ماڭىزدى ءسوزى شينجياڭ اسكەري رايونى مەن قارۋلى ساقشى اسكەري بولىمدەرىندەگى كوماندير - جاۋىنگەرلەر اراسىندا قىزۋ اڭىس قوزعادى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  ”بۇكىل ارميا سانالى تۇردە يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، سەنىمدى بەكەمدەپ، قيىندىقتاردى ەڭسەرە ورگە ۇمتىلىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەري ءبولىم قىزمەتتەرىن تىڭعىلىقتى ىلگەرىلەتىپ، مەملەكەت قورعانىسى مەن ارميا قۇرىلىسىنىڭ 2020 - جىلعى نىسانالارى مەن مىندەتتەرىن باتىل جۇزەگە اسىرىپ، پارتيا مەن حالىق جۇكتەگەن مىندەتتەردى باتىل ورىنداۋ كەرەك“.

      جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى ازاتتىق ارميا مەن قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا سويلەگەن ماڭىزدى ءسوزى شينجياڭ اسكەري رايونى مەن قارۋلى ساقشى اسكەري بولىمدەرىندەگى كوماندير - جاۋىنگەرلەر اراسىندا قىزۋ اڭىس قوزعادى. كوپشىلىك مىنالاردى ءبىلدىردى: شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءتوراعا شي جينپيڭنىڭ تاپسىرماسىن ەستە بەرىك ساقتاپ، بورىشتى ادالدىقپەن وتەپ، شينجياڭنىڭ قوعام ورنىقتىلىعى مەن باياندى تىنىشتىعىن ءىس جۇزىندىك اركەتىمىزبەن قورعاۋىمىز كەرەك.

پارتيانىڭ قولباسشىلىعىنا قۇلاق اسىپ، بۇيرىقتى الىسىمەن اتتانىسقا كەلەمىز

  حالىق اسكەري ءبولىمى پارتيانىڭ قولباسشىلىعىنا قۇلاق اسىپ، بۇيرىقتى الىسىمەن اتتانىسقا كەلىپ، ىندەتتەن ساقتانۋ - تىزگىندەۋ كۇرەسىندە ماڭىزدى رولىن ساۋلەلەندىرىپ، كورنەكتى ۇلەس قوستى. اماليات حالىق اسكەري ءبولىمى باستان - اياق پارتيا مەن حالىقتىڭ بۇكىلدەي سەنىم ارتاتىن قاھارمان اسكەري ءبولىم ەكەندىگىن تاعى ءبىر رەت دالەلدەدى.

  مەملەكەتتىك حالىق قۇرىلتايىنىڭ ۋاكىلى، شينجياڭ اسكەري رايونى بەلگىلى ەرەكشە سوعىس لۇيى قوسىنى باسقارۋ ءبولىمىنىڭ باستىعى ۋاڭ تيانمۋ ءتوراعا شي جينپيڭنىڭ ماڭىزدى ءسوزىن ناق مايداندا تىڭدادى. ۋاڭ تيانمۋ تەبىرەنە بىلاي دەدى: ”ءبىز اسكەري ءبولىمنىڭ سوعىسقا دايىندالۋ، سوعىس جۇرگىزۋ قابىلەتىن شىن مانىندە جوعارىلاتىپ، نەگىزگى سوعىس قارسىلاسىن قاداعالاپ، ناقتى سوعىس سيپاتتى اسكەري جاتتىعۋدى بارىنشا يگەرىپ، كەز كەلگەن ۋاقىتتا شىعا الۋعا، سوعىسقاندا جەڭە الۋعا شىنايى كەپىلدىك ەتۋىمىز كەرەك“.

  مەملەكەتتىك حالىق قۇرىلتايىنىڭ ۋاكىلى، قارۋلى ساقشى شينجياڭ باس اترەتى بەلگىلى ەرەكشە سوعىس تارماق اترەتىنىڭ باستىعى ۋاڭ گاڭ ءتوراعا شي جينپيڭنىڭ ءسوزىن ناق مايداندا ەستىپ، قاتتى تولقىعانىن اسەرلەنە ايتتى. ول بىلاي دەدى: ”مەن، ءسوز جوق، جاقسى ۇيرەنىپ، جاقسى ءتۇسىنىپ، قىزمەت ورنىنا قايتىپ بارا سالا كوماندير - جاۋىنگەرلەردى ءتوراعا شي جينپيڭنىڭ ماڭىزدى ءسوزىنىڭ رۋحىن ۇيرەنۋگە ۇيىمداستىرامىن. پارتيانىڭ قولباسشىلىعىنا باتىل قۇلاق اسىپ، يدەيا مەن ارەكەتتى پارتيا ورتالىق كوميتەتىنىڭ، ءتوراعا شي جينپيڭنىڭ شەشىمدەرىمەن، ورنالاستىرۋلارىمەن سانالى تۇردە بىرلىككە كەلتىرەمىن“.

  شينجياڭ ىلە بولىمشە اسكەري رايونى قاشىڭ شەكارا قورعانىس ليانىنىڭ كوماندير - جاۋىنگەرلەرى ءتوراعا شي جينپيڭنىڭ ماڭىزدى ءسوزىن ەكراننان كورىپ تىڭداعان سوڭ، دەرەۋ ۇيرەنۋ - تالقى ورىستەتتى. وسى لياننىڭ جىداۋيۋانى چىن فىڭگاڭ مىنانى ءبىلدىردى: ۋاقىت كۇتىپ تۇرمايدى دەگەن بورىشتىلىق سەزىممەن، كوكەي تەستىلىك سەزىممەن ناقتى سوعىس، ناقتى جاتتىعۋ جاساۋعا، باعدارلاما بويىنشا جاتتىعۋ جاساۋعا، جاتتىعۋدى قاتاڭ مەڭگەرۋگە تاباندى بولىپ، جاتتىعۋدىڭ ناقتى سوعىستىق دەڭگەيىن ۇزدىكسىز جوعارىلاتامىز.

اسكەر جاتتىقتىرىپ، سوعىسقا دايىندالىپ، بورىشتى وتەيمىز

  ءتوراعا شي جينپيڭ بىلاي دەپ باسا دارىپتەدى: تومەنگى شەكتە ويلاۋعا تاباندى بولىپ، اسكەر جاتتىقتىرىپ، سوعىسقا دايىندالۋ قىزمەتىن جاپپاي كۇشەيتىپ، ءتۇرلى كۇردەلى جاعدايلاردى دەر كەزىندە، ءونىمدى ءبىر جاقتى ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ، مەملەكەتتىڭ ستراتەگيالىق جالپى جاعدايىنىڭ ورنىقتىلىعىن قورعاۋ كەرەك.

  سوڭعى جىلدارى شينجياڭ اسكەري رايونىنىڭ بەلگىلى تۋانى حالىقارالىق اسكەري ىستەر جارىستارىندا دۇركىن - دۇركىن التىن، كۇمىس مەدالدارعا قول جەتكىزىپ، مەملەكەتكە داڭق اپەردى. تۋانجاڭ ديڭ رىلەي بىلاي دەدى: ”ءتوراعا شي جينپيڭنىڭ ماڭىزدى ءسوزىنىڭ رۋحىن ۇيرەنۋدە، دايەكتىلەندىرۋدە، باستىسى، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەر جاتتىقتىرىپ، سوعىسقا دايىندالۋ دەڭگەيىن جوعارىلاتۋ كەرەك“.

  5 - ايدىڭ 26 - كۇنى تۇستەن كەيىن شينجياڭ اسكەري رايونى بەلگىلى تۋانىنىڭ جالپىلىق جاتتىعۋ الاڭىندا ناقتى سوعىس سيپاتتى جاتتىعۋ قىزۋ ءجۇرىلىپ جاتتى. وسى تۋاننىڭ ”10 قىزىل جۇلدىز زەڭبىرەك بانى“ تۇرعان ليان - دۇيدىڭ جىداۋيۋانى، ”ءبىرىنشى دارەجەلى ەگەي ەر“ ديڭ ۋيچاڭ: ”ءبىز بارلىق وي - سانامىزدى سوعىسقا شوعىرلاندىرىپ، ءار كەز ’تاس - ءتۇيىن تۇرۋداي‘ سوعىستىق كۇيدى ساقتاپ، بورىشتى ءونىمدى اتقارۋعا شىنايى كەپىلدىك ەتۋىمىز كەرەك“، - دەدى.

  راكەتا اسكەرلەرى بەلگىلى لۇيىنىڭ سانمۋجاڭى جاڭ ۋىنبين بىلاي دەدى: اسكەر جاتتىقتىرىپ، سوعىسقا دايىندالۋدى جەدەلدەتىپ، شىنايى قابىلەتتى شىڭداپ، مەملەكەتتىڭ حاۋىپسىزدىگىن باتىل قورعاۋىمىز كەرەك.

  قازىر قۇمدى شولدە تۇرىپ جاتتىعۋ مىندەتىن اتقارىپ جاتقان شينجياڭ اسكەري رايونى بەلگىلى شىنىڭ كوماندير - جاۋىنگەرلەرى ءتوراعا شي جينپيڭنىڭ ماڭىزدى ءسوزىن مۇقيات ۇيرەنىپ، ەرەكشە شاتتانىپ، جىگەرلەرى تاسقىندادى. ”ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا اسكەر جاتتىقتىرىپ، سوعىسقا دايىندالۋدىڭ تاسىلىندە، ءادىس - امالىندا ىزدەنىس جاساپ، ناقتى سوعىس سيپاتتى اسكەري جاتتىعۋدى يكەمدى ورىستەتىپ، اسكەري مىندەتتى اتقارۋ قابىلەتىن جالپى بەتتىك جوعارىلاتامىز“، - دەدى قولباسشىلىق ليانىنىڭ جىداۋيۋانى ۋاڭ جىنجۇن.

ارميا مەن ۇكىمەت، ارميا مەن حالىق ىنتىماعىن كۇشەيتتى

  ءتوراعا شي جينپيڭ بىلاي دەپ باسا دارىپتەدى: ارميا مەن ۇكىمەت، ارميا مەن حالىق ىنتىماعى پارتيامىز بەن مەملەكەتىمىزدىڭ كورنەكتى ساياسي ابزالدىلىعى.

  ”شينجياڭ ۇزاق ۋاقىت قوس قورعاۋ، بىرگە قۇرۋ قيمىلىن ىشكەرىلەي ورىستەتىپ، ارميا مەن ۇكىمەت، ارميا مەن حالىق ىنتىماعىن بەكەمدەپ، دامىتىپ، ارميا مەن ۇكىمەت، ارميا مەن حالىق ىنتىماعىنىڭ تاماشا جاعدايىن قالىپتاستىردى. كەدەيلىكتەن ارىلتۋدان قامال الۋ شايقاسىنا ات سالىسۋ پەرزەنت اسكەرلەردىڭ باس تارتۋعا بولمايتىن بورىشى ءارى بۇدان ەشقاشان قالعان ەمەس. ءبىز ’ارميا حالىقتى سۇيەتىن، حالىق ارميانى قولدايتىن‘ تاماشا ءداستۇردى ۇزدىكسىز ساۋلەلەندىرىپ، ’دالمە - ءدال شارا اتقارۋ، دالمە - ءدال تياناقتاندىرۋ‘ جاعىندا يگى ءادىس - امالدار شىعارىپ، ناقتى ونىمدىلىك كورسەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ سىندى وسى قاتاڭ شايقاسقا كۇش ۇستەيمىز“، - دەدى شينجياڭ اسكەري رايونى بەلگىلى تۋانى پارتكومىنىڭ شۋجيى ياڭ شياۋگاڭ.

  2018 - جىلدان باستاپ قۇمىل بولىمشە اسكەري رايونى قۇمىل قالاسى يجوۋ رايونى ۋباۋجىن قالاشىعىنداعى 19 كەدەي وتباسىنا كومەكتەسىپ، سۇيەمەلدەپ، جيىنى 190 مىڭ يۋانعا جۋىق قارجى جۇمساپ، كەدەي وتباسىلارىنا ساۋلىق قوي الىپ بەردى. كوماندير - جاۋىنگەرلەر مىنالاردى ءبىلدىردى: بۇدان كەيىن ”قوس قولداۋ“ قىزمەتىن ۇزدىكسىز ورىستەتىپ، ارميا مەن ۇكىمەت، ارميا مەن حالىق ىنتىماعىن بەكەمدەپ جانە كۇشەيتىپ، مەملەكەتتى قۇدىرەتتەندىرىپ، ارميانى گۇلدەندىرۋدىڭ جويقىن كۇشىن ۇيىستىرامىز.

  (تىلشىلەر جاۋ جىيۇن، رىن جياڭ، ءرايدا، جاڭ جىلي، جازۋعا قاتىناسقان ەرىكتى تىلشىلەر ۋاڭ گويىن، حۋاڭ زۇڭشيڭ، لي جياپىڭ، چىن ميڭ، ليۋ جىڭي، حۋ جيارۇڭ، ۋاڭ شۋساي، لۋ ۋىنشان، زوۋ جۇنيۇي، مي يۋە، تاي حاۋ، ليۋ يۇنلاي، داڭ كى، سۇڭ جو، حۋ جيارۇڭ، ۋاڭ حۇڭلي)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.