چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، لي ياڭ 5 - ايدىڭ 28 - كۇنى بەيجيڭنەن حابارلايدى. 5 - ايدىڭ 28 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايىنىڭ 3 - ماجىلىسىندەگى شينجياڭ ۋاكىلدەر ۇيىرمەسى گرۋپپا جيىنىن اشىپ، ءماجىلىستىڭ ءتۇرلى قاۋلى جوبالارىن، داۋىسقا سالۋ نۇسقالارىن، قارارلارىن قارادى.
شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى.
ۋاكىلدەر ۇكىمەت قىزمەتىنەن بايانداما، جىلدىق جوسپار، جىلدىق مەجە ەسەپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى، ەڭ جوعارى حالىق سوتى مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى 6 قاۋلى جوبانى، ازاماتتىق زاڭناما جوباسىنىڭ داۋىسقا سالۋعا ۇسىنىلاتىن نۇسقاسى، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە ونى كەمەلدەندىرۋ جونىندەگى قارار جوبانىڭ داۋىسقا سالۋعا ۇسىنىلاتىن نۇسقاسى سياقتىلاردى ءبىر اۋىزدان قۇپتادى.
مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي، جۋ حايلۇن، ابدۇرىقىپ ءتومۇرنياز قاتارلىلار جيىنعا قاتىناستى.
