− 13 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
حالىق گازەتى باسماقالاسى
كوپتىڭ كۇشى بىرىكسە، الىنبايتىن قامال بولماق ەمەس، جۇرت تىلەگى توعىسسا، تايشان تاۋىن دا كوشىرۋگە بولادى. 5 - ايدىڭ 28 - كۇنى 13 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ءتۇرلى كەڭەستىك تارتىپتەرىن تولىق ورىنداپ، بەيجيڭدە جەڭىسپەن جابىلدى. ماجىلىسكە قاتىناسقان ۋاكىلدەر مىندەتىن اتقارىپ، جاۋاپكەرشىلىگىن وتەپ، زەيىن - زەردەنى، كۇش - قۋاتتى ۇيىستىرىپ، دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءداۋىر كۇيىن شىعانداتتى. ءبىز ءماجىلىستىڭ تابىستى بولعاندىعىن قىزۋ قۇتتىقتايمىز!
بۇل رەتكى ءماجىلىس بۇكىل ەلدىڭ ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق جەتىستىككە قول جەتكىزگەن كەزەڭدە اشىلعان ءبىر رەتكى ماڭىزدى ءماجىلىس بولدى. ءماجىلىس بىلتىردان بەرگى ەكونوميكالىق، قوعامدىق دامۋدا جانە بيىلعى ىندەتتەن ساقتانۋ - تىزگىندەۋدە قول جەتكىزگەن ناتيجەلەردى ايرىقشا باعالادى، ۋاكىلدەر ءبىر اۋىزدان بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەسۋىنىڭ ناتيجەسى دەپ قارادى. ءماجىلىس ۇكىمەت قىزمەتىنەن باياندامانى جانە باسقا دا ءتۇرلى ماڭىزدى باياندامالاردى قارادى ءارى بەكىتتى، ۋاكىلدەر ءبىر اۋىزدان ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسى باستان - اياق سىڭىرىلگەن، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ سياقتى ءبىر قىدىرۋ كەلەلى شەشىمدەرى، ورنالاستىرۋلارى ناقتىلاندىرىلعان، تۋى ايقىن، باستى تاقىرىبى كورنەكتى، تۇجىرىمدى دا ناقتى جاقسى بايانداما بولدى دەپ قارادى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن تىڭداپ، قاراپ، مەملەكەتتىك حالىق قۇرىلتايى تۇراقتى كوميتەتىنىڭ مىندەتىن زاڭ بويىنشا اتقارىپ ءتۇرلى قىزمەتتەردە قول جەتكىزگەن تىڭ جەتىستىكتەرىن، تىڭ ونىمدىلىكتەرىن تولىق تۇراقتاندىردى. ءماجىلىستىڭ ءساتتى بولۋى كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتۋگە، جاپپاي دوڭگەلەك داۋلەتتى قوعام ورناتۋعا، پارتيا مەن مەملەكەت ىستەرىنىڭ دامۋىن ىلگەرىلەتۋگە سەنىمدى نىعايتىپ، قوزعاۋشى كۇش ۇستەدى.
مەملەكەتتى جونگە سالۋدا زاڭ - جارعىعا، ەلدى تىنىشتاندىرۋدا ولشەمگە سۇيەنۋ كەرەك. ازاماتتىق زاڭنامانى قۇراستىرۋ − پارتيا 18 - كەزەكتى ورتالىق كوميتەتى ءتورتىنشى جالپى ءماجىلىسى بەلگىلەگەن كەلەلى زاڭ شىعارۋ مىندەتى، شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى زاڭمەن جونگە سالۋ قۇرىلىسى جونىندەگى ورنالاستىرۋ. وسى رەتكى ءماجىلىستىڭ ماڭىزدى ناتيجەسى − ازاماتتىق زاڭنامانى قاراپ ماقۇلداۋ. ۋاكىلدەر ءبىر اۋىزدان بىلاي دەپ قارادى: جۇڭگوشا ەرەكشەلىككە يە، ءداۋىر ەرەكشەلىگىن ايگىلەگەن، حالىقتىڭ تىلەگىن بەينەلەگەن وسى ازاماتتىق زاڭنامانىڭ ەلىمىزدىڭ جاڭا داۋىردەگى رەفورما جاساۋىنا، ەسىك اشۋىنا جانە سوتسياليستىك وسىزامانداندىرۋ قۇرىلىسىنا اناعۇرلىم كەمەلدى ازاماتتىق زاڭمەن جونگە سالۋ كەپىلىن ازىرلەيتىندىگى داۋسىز. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى ەرەكشە اكىمشىلىك رايوننىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتىپ جانە كەمەلدەندىرىپ، ”ءبىر ەل، ەكى ءتۇزىمنىڭ“ تومەنگى شەگىنە سايىس جاريالايتىن ءارقانداي ارەكەتتەرگە استە جول بەرمەۋدى، مەملەكەتتى بولشەكتەيتىن ءارقانداي ارەكەتتەرگە استە جول بەرمەۋدى ايقىن العا قويدى. وسى رەتكى ءماجىلىس «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ - تۇزىمدەرى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قارارىن» قاراپ ماقۇلدادى. ۋاكىلدەر ءبىر اۋىزدان بىلاي دەپ قارادى: بۇل تۇزىمدىك ورنالاستىرۋ نەگىزگى زاڭ مەن شياڭگاڭنىڭ ءتۇبىرلى زاڭىنا ۇيلەسەدى، شياڭگاڭداعى باۋىرلاستاردى قامتىعان بۇكىل جۇڭگو حالقىنىڭ ءتۇبىرلى مۇددەسىنە ۇيلەسەدى، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن ءونىمدى قورعاپ، ”ءبىر ەل، ەكى ءتۇزىمنىڭ“ زاڭمەن جونگە سالۋ نەگىزىن، ساياسي نەگىزىن جانە قوعامدىق نەگىزىن پارمەندى بەكەمدەيدى جانە كەڭەيتەدى.
2020 - جىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن جىل، ”13 - بەسجىلدىق“ جوبا اياقتالاتىن جىل، كەدەيلىكتەن ارىلتۋدان قامال الۋ شەشۋشى شايقاسىن جۇرگىزەتىن جىل. جاپالى دا اۋىر مىندەت الدىندا، بۇرىن بولىپ كورمەگەن سايىس الدىندا، جەر - جەر، تاراۋلاردا، ءارقايسى جاقتاردا مەملەكەتتىڭ ءىرى ءىسى جونىندە ىشتەي ەسەپ بولۋى، جاۋاپكەرشىلىك ارقالاۋدى كۇشەيتۋ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ساياساتتىق شارالارىن تياناقتاندىرۋدى قاز - قالپىندا ويداعىداي يگەرىپ، جاپپاي دوڭگەلەك داۋلەتتى قوعام ورناتۋ نىسانالارىمەن، مىندەتتەرىمەن تىعىز بايلانىستىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنان جازباي، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، رەفورما جاساۋدى، ەسىك اشۋدى قوزعاۋشى كۇش ەتىپ، جوعارى ساپالى دامۋدى ىلگەرىلەتۋدەن جازباي، ءۇش ءىرى قامال الۋ شايقاسىن باتىلدىقپەن جاقسى جۇرگىزىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ىشكى سۇرانىستى ارتتىرۋ ستراتەگياسىن باتىلدىقپەن اتقارىپ، ەكونوميكالىق دامۋ جانە قوعام ورنىقتىلىعى كەلەلى جاعدايىن قورعاپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتىپ، تاريح پەن حالىققا تولىمدى جاۋاپ قايتارۋ كەرەك.
پارتيانىڭ نەگىزى حالىقتا، تامىرى حالىقتا، كۇشى دە حالىقتا. پارتيانىڭ حالىقتى ىنتىماقتاستىرا باستاپ توڭكەرىس جۇرگىزۋىنىڭ، قۇرىلىس جۇرگىزۋىنىڭ، رەفورما جاساۋىنىڭ ءتۇبىرلى ماقساتى − حالىقتىڭ جاقسى تۇرمىس كەشىرۋىنە مۇمكىندىك جاساۋ، مەيلى قانشا ۇلكەن سايىستار مەن قىسىمدارعا ءدوپ كەلسە دە، مەيلى قانشا زور قۇرباندىق پەن بوداۋ بەرسە دە بۇدان ەشقاشان اينىمايدى، استە اۋىتقىمايدى. وسى رەتكى ىندەتتەن ساقتانۋ - تىزگىندەۋ كۇرەسىنىڭ امالياتى مىنانى تاعى ءبىر رەت دالەلدەدى: ”حالىق − ناعىز قاھارمان. تەك حالىققا تىعىز ارقا سۇيەگەندە عانا، بارلىق قيىن توسقاۋىلدى، ءسوز جوق، جەڭىپ، جۇڭحۋا ۇلتىنىڭ ۇلى گۇلدەنۋىن ىسكە اسىرا الامىز“. بولاشاقتى بەتكە الىپ، ءبىز حالىقتى وزەك ەتكەن دامۋ يدەياسىنا تاباندى بولىپ، حالىقتى بارىنەن جوعارى قويۋعا تاباندى بولىپ، حالىققا تىعىز ارقا سۇيەپ، حالىقتى ۇزدىكسىز باقىتقا كەنەلتىپ، حالىققا بەرىك تامىر تارتىپ، ءبىر ميلليارد 400 ميلليون حالىقتىڭ اقىل - پاراساتى مەن كۇش - قۋاتىن شوعىرلاندىرىپ، پارتيا مەن حالىق ىستەرىن العا ىلگەرىلەتۋىمىز كەرەك. پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولىپ، حالىق قۇرىلتايى ءتۇزىمى سىندى وسى ءبىر ءتۇبىرلى ساياسي تۇزىمگە تاباندى بولىپ جانە ونى كەمەلدەندىرىپ، حالىق قۇرىلتايى ءتۇزىمىنىڭ امالياتتىق ەرەكشەلىگىن، ءداۋىر ەرەكشەلىگىن بايىتىپ، ەلىمىزدىڭ ءتۇزىم ابزالدىلىعىن مەملەكەتتى جونگە سالۋ ونىمدىلىگىنە اناعۇرلىم جاقسى اينالدىرىپ، پارتيا مەن مەملەكەتتىڭ ومىرشەڭدىگىن ۇزبەي كۇشەيتىپ، حالىقتىڭ بەلسەندىلىگىن جۇمىلدىرىپ، 100 ميلليونداعان حالىقتىڭ ۇلى ارمانىن تاماشا شىندىققا اينالدىرۋىمىز كەرەك.
جاپپاي دوڭگەلەك داۋلەتتى قوعام ورناتۋدىڭ جەڭىسىنە تاياپ قالدىق، ۇلتتىڭ گۇلدەنۋ نۇرلى بولاشاعى ادامدى جەلپىندىرەدى. ۋاقىت كۇتىپ تۇرمايدى، تاريح كۇتىپ تۇرمايدى! ۋاقىت كۇرەسكەرلەرگە ءتان، تاريح كۇرەسكەرلەرگە ءتان! شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، داۋىل - تولقىنداردان جاسقانباي، سايىستارمەن بەتپە - بەت كەلىپ، بار كۇشپەن كىرىسىپ، قاجىرلىلىقپەن ىستەپ، ناقتى ىستەپ، ”قوس 100 جىلدىق“ كۇرەس نىساناسىن ىسكە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ ءۇشىن تالىقپاي كۇرەسەيىك!
(شينحۋا اگەنتتىگىنىڭ 5 - ايدىڭ 28 - كۇنى بەيجيڭنەن بەرگەن حابارى)
